ജാറങ്ങൾ അനുഗ്രഹ കേന്ദ്രങ്ങൾ

ജാറങ്ങൾ അനുഗ്രഹങ്ങളുടെ കേന്ദ്രങ്ങൾ
__________________________________
...
അല്ലാഹുവിൻ റ്റെ ഇഷ്ടദാസന്മാരായ
അമ്പിയാ, ഔലിയാ, ഷുഹദാ,
സ്വാലിഹുകളുടെ അന്ത്യവിശ്രമകേന്ദ്രങ്ങൾ
അല്ലാഹു തൃപ്തിപ്പെട്ട സ്വർഗീയ
പൂന്തോപ്പുകൾ ആണ്. അല്ലാഹു ദുആക്ക്
ഉത്തരം നൽകുന്ന തിരഞ്ഞെടുക്കപ്പെട്ട
പുണ്യസ്ഥാനങ്ങളിൽ പെട്ടവയാണ്.
മഹാന്മാരുടെ അന്ത്യവിശ്രമ
സങ്കേതങ്ങളിൽ സിയാറത്ത്
സജീവമാക്കുവാനും ആ ഖബ്റ് ശരീഫുകൾ
സാധാരണക്കാരുടെ ഖബ്.റുകളിൽ നിന്നും
വ്യത്യസ്തമായി സംരക്ഷിക്കപ്പെടുവാനും
വേണ്ടി സജ്ജീകരിക്കപ്പെടുന്ന
സൗകര്യങ്ങൾക്ക് പൊതുവേ ജാറങ്ങൾ,
മഖാമുകൾ, മസാറുകൾ എന്നെല്ലാം
പറയപ്പെടുന്നു. അതിനു ഒരു നിയതമായ
രൂപമോ ഘടനയോ ഉണ്ടായികൊള്ളണമെ
ന്നുമില്ല.

മഹാന്മാരുടെ ഖബ്റിടങ്ങൾക്ക് ഇസ്.ലാമിൽ
പ്രത്യേക പ്രാധാന്യം ഉണ്ട്.
പരീക്ഷണങ്ങൾ നേരിട്ട ഗുഹാവാസികളായ
വിശ്വാസികളുടെ അന്ത്യവിശ്രമ
സങ്കേതമായ ആ പ്രസിദ്ധമായ ഗുഹയെ പറ്റി
വിശുദ്ധ ഖുർആനിൽ പറയുന്നത് നോക്കൂ.
മുന്നൂറോളം വർഷങ്ങൾ അവർ ഉറങ്ങിയ ആ
ഗുഹയിൽ തന്നെ അവർ ഒന്നിച്ച്
മരണമടഞ്ഞപ്പോൾ അവിടെ
സന്നിഹിതരായ അന്നത്തെ മുസ്.ലിം
രാജാവായ ദഖ്.യാനൂസും വിശ്വാസി
സമൂഹവും പറയുന്നതായി വിശുദ്ധ ഖുർആൻ
ഉദ്ധരിക്കുന്നു.

ﻗَﺎﻝَ ﭐﻟَّﺬِﻳﻦَ ﻏَﻠَﺒُﻮﺍْ ﻋَﻠَﻰٰ ﺃَﻣْﺮِﻫِﻢْ ﻟَﻨَﺘَّﺨِﺬَﻥَّ ﻋَﻠَﻴْﻬِﻢْ ﻣَّﺴْﺠِﺪﺍً

“അവരുടെ കാര്യത്തില് പ്രാബല്യം
നേടിയവര് പറഞ്ഞു: നമുക്ക് അവർക്ക് സമീപം
ഒരു പള്ളി നിര്മിക്കുക തന്നെ ചെയ്യാം.”
ഈ ആയത്ത് വിശദീകരിച്ചു കൊണ്ട് ഇമാം
റാസി(റ) രേഖപ്പെടുത്തുന്നു:

ﻧﻌﺒﺪ ﺍﻟﻠﻪ ﻓﻴﻪ ﻭﻧﺴﺘﺒﻘﻲ ﺁﺛﺎﺭ ﺃﺻﺤﺎﺏ ﺍﻟﻜﻬﻒ ﺑﺴﺒﺐ ﺫﻟﻚ ﺍﻟﻤﺴﺠﺪ ،

“ആ മസ്ജിദിൽ വെച്ച് ഞങ്ങൾ
അല്ലാഹുവിനെ ആരാധിക്കുകയും ആ
മസ്ജിദ് മുഖേന അസ്ഹാബുൽ കഹ്ഫിൻ റ്റെ
സ്മരണ നിലനിർത്താൻ ഞങ്ങൾ
ആഗ്രഹിക്കുകയും ചെയ്യുന്നു എന്നു ആ
വിശ്വാസികൾ പറഞ്ഞു”.
ഇമാം നസഫി(റ) തൻ റ്റ്വ് തഫ്സീറിൽ
രേഖപ്പെടുത്തുന്നു:

ﻳﺼﻠﻲ ﻓﻴﻪ ﺍﻟﻤﺴﻠﻤﻮﻥ ﻭﻳﺘﺒﺮﻛﻮﻥ ﺑﻤﻜﺎﻧﻬﻢ .

“ആ പള്ളിയിൽ മുസ്.ലിംകൾ
നിസ്കരിക്കുകയും അസ്ഹാബുൽ കഹ്ഫിന്റെ
സ്ഥാനം മുഖേന അവർ ബറകത്ത് എടുക്കുകയും
ചെയ്യും”.

അവിടെ ഒരുമിച്ചു കൂടിയ അവിശ്വാസികൾ
തങ്ങൾ ആ ഗുഹാവാസികളുടെ സ്മാരകമായി
തങ്ങളുടെ കനീസയും ആരാധനാലയവും
പണിയുകയും തങ്ങളുടെ ആരാധനകൾ
നടത്തുകയും ചെയ്യും എന്നു
പറഞ്ഞപ്പോഴാണ് വിശ്വാസികൾ അതിനെ
പ്രതിരോധിച്ചു കൊണ്ട് അല്ലാഹുവിനെ
ആരാധിക്കുവാനും ആ മഹാന്മാരുടെ
ബറകത്ത് എടുക്കുവാനും വേണ്ടി അവിടെ
പള്ളി പണിയുമെന്ന് പറഞ്ഞതെന്ന കാര്യം
ഇവിടെ പ്രത്യേകം പ്രസ്താവ്യമാണ്.

മഹാന്മാരുടെ മഖാമുകളുമായി ബന്ധപ്പെട്ട്
ബറകത്ത് എടുക്കുക എന്ന ഉദ്ദേശത്തോടെ
മുസ്.ലിം ലോകം നടത്തി വരുന്ന
അനുഷ്ടാനങ്ങളും കർമ്മങ്ങളും
യഥാർത്ഥത്തിൽ അല്ലാഹുവിനുള്ള
ആരാധനയുടെ ഭാഗമാണെന്നും
അവിശ്വാസികളുടെ ആരാധനാകർമ്മങ്ങളുമായി യാതൊരു ബന്ധവും ഉള്ളതല്ലെന്നും
ഈ സംഭവം നിസ്സംശയം തെളിയിക്കുന്നു.

( ﻣﺎ ﺑﻴﻦ ﺑﻴﺘﻲ ﻭﻣﻨﺒﺮﻱ ﺭﻭﺿﺔ ﻣﻦ ﺭﻳﺎﺽ ﺍﻟﺠﻨﺔ (

"എൻ റ്റെ വീടിനും മിമ്പറിന്നും ഇടയിലുള്ള
സ്ഥലം സ്വർഗീയ പൂങ്കാവനങ്ങളിൽ നിന്നുള്ള
ഒരു പൂന്തോപ്പാണെ”ന്ന അല്ലാഹുവിന്റെ
റസൂലിൻ റ്റെ പ്രശസ്തമായ ഹദീസ്
ഉദ്ധരിക്കുന്ന അധ്യായത്തിനു ഇമാം
ബുഖാരി(റ) കൊടുത്ത തലവാചകം നോക്കൂ

( ﺑﺎﺏ ﻓﻀﻞ ﺑﻴﻦ ﺍﻟﻘﺒﺮ ﻭﺍﻟﻤﻨﺒﺮ (

‘ഖബ്റിൻ റ്റെയും  മിമ്പറിൻ റ്റെയും
ഇടയിലുള്ള സ്ഥലത്തിന്റെ ശ്രേഷ്ടത പറയുന്ന
അധ്യായം’ എന്നാണ് ഇമാം ബുഖാരി(റ)
നൽകിയ പേർ. അതേ വാചകത്തിൽ തന്നെ
ഈ ഹദീസ് ഉദ്ധരിക്കപ്പെട്ടിട്ടുണ്ട് എന്നു
കൂടി ഓർക്കുക.
അപ്പോൾ മഹാന്മാരുടെ അന്ത്യവിശ്രമ
സങ്കേതങ്ങളും പരിസരവും പുണ്യസ്ഥലങ്ങളാണെന്നും അല്ലാഹുവിനു ആരാധിക്കുവാനും
ദുആ ചെയ്യാനും ഉത്തരം ലഭിക്കാനും
ഏറ്റവും അനുയോജ്യമായ സ്ഥലങ്ങൾ
ആണെന്നും വിശുദ്ധ ഖുർആനും
തിരുവചനങ്ങളും സലഫുസ്സ്വാലിഹുകളായ
ഇമാമുമാരും ഒന്നടങ്കം പഠിപ്പിക്കുന്നു.
അതു കൊണ്ട് തന്നെയാണ് അല്ലാഹുവിൻ റ്റെ
പ്രീതിയും അവനിൽ നിന്നുള്ള വിജയവും
മാത്രം കാംക്ഷിച്ച് ജീവിക്കുന്ന
മുസ്.ലിം ഉമ്മത്ത് അത്തരം സ്ഥലങ്ങളിൽ
ചെന്ന് തങ്ങളുടെ ആവശ്യങ്ങളും
പ്രയാസങ്ങളും പരിഹാരത്തിനായി
സമർപ്പിക്കുന്നത്. ഇതെല്ലാം
അനിസ്.ലാമികവും അന്ധവിശ്വാസവും
ചൂഷണവും ആയി വിലയിരുത്തുന്നവർ ഈ
ദീനിനെ കുറിച്ച് ഒരു വസ്തുവും അറിയാത്ത
അല്പജ്ഞാനികൾ മാത്രം.

പുത്തൻവാദികളുടെ ആശയസ്രോതസ്സുകളായി
എണ്ണപ്പെടുന്നവർ വരെ ഈ വസ്തുതകൾ
അംഗീകരിക്കുകയും അവരുടെ ഗ്രന്ഥങ്ങളിൽ
രേഖപ്പെടുത്തുകയും ചെയ്തിട്ടുണ്ട്.

അമ്പിയാഇൻ റ്റെയും  സ്വാലിഹുകളുടെയും
ഖബ്.റുകൾക്ക് സമീപം ദുആക്ക് ഉത്തരം
ലഭിക്കുന്ന സ്ഥലങ്ങളിൽ പെട്ടതാണെന്ന്
നവീനവാദികളാൽ ശൈഖുൽ ഇസ്.ലാമായി
വാഴ്ത്തപ്പെടുന്ന ഇബ്നു തീമിയ്യയും തന്റെ
ശിഷ്യനും പ്രശസ്ത ഹദീസ് നിരൂപകനുമായ
ഹാഫിള് ദഹബിയും രേഖപ്പെടുത്തുന്നുണ്ട്.

ﻭﻛﺬﻟﻚ ﻣﺎ ﻳﺬﻛﺮ ﻣﻦ ﺍﻟﻜﺮﺍﻣﺎﺕ ﻭﺧﻮﺍﺭﻕ ﺍﻟﻌﺎﺩﺍﺕ ﺍﻟﺘﻲ ﺗﻮﺟﺪ ﻋﻨﺪ ﻗﺒﻮﺭ
ﺍﻷﻧﺒﻴﺎﺀ ﻭﺍﻟﺼﺎﻟﺤﻴﻦ ، ﻣﺜﻞ ﻧﺰﻭﻝ ﺍﻷﻧﻮﺍﺭ ﻭﺍﻟﻤﻼﺋﻜﺔ ﻋﻨﺪﻫﺎ ، ﻭﺗﻮﻗﻲ
ﺍﻟﺸﻴﺎﻃﻴﻦ ﻭﺍﻟﺒﻬﺎﺋﻢ ﻟﻬﺎ ، ﻭﺍﻧﺪﻓﺎﻉ ﺍﻟﻨﺎﺭ ﻋﻨﻬﺎ ﻭﻋﻤﻦ ﺟﺎﻭﺭﻫﺎ ، ﻭﺷﻔﺎﻋﺔ
ﺑﻌﻀﻬﻢ ﻓﻲ ﺟﻴﺮﺍﻧﻪ ﻣﻦ ﺍﻟﻤﻮﺗﻰ ، ﻭﺍﺳﺘﺤﺒﺎﺏ ﺍﻹﻧﺪﻓﺎﻥ ﻋﻨﺪ ﺑﻌﻀﻬﻢ ،
ﻭﺣﺼﻮﻝ ﺍﻷﻧﺲ ﻭﺍﻟﺴﻜﻴﻨﺔ ﻋﻨﺪﻫﺎ ﻭﻧﺰﻭﻝ ﺍﻟﻌﺬﺍﺏ ﺑﻤﻦ ﺍﺳﺘﻬﺎﻥ ﺑﻬﺎ ، ﻓﺠﻨﺲ
ﻫﺬﺍ ﺣﻖ ﻗﺎﻝ ﻭﻣﺎ ﻓﻲ ﻗﺒﻮﺭ ﺍﻷﻧﺒﻴﺎﺀ ﻭﺍﻟﺼﺎﻟﺤﻴﻦ ﻣﻦ ﻛﺮﺍﻣﺔ ﺍﻟﻠﻪ ﻭﺭﺣﻤﺘﻪ ،
ﻭﻣﺎ ﻟﻬﺎ ﻋﻨﺪ ﺍﻟﻠﻪ ﻣﻦ ﺍﻟﺤﺮﻣﺔ ﻭﺍﻟﻜﺮﺍﻣﺔ ﻓﻮﻕ ﻣﺎ ﻳﺘﻮﻫﻤﻪ ﺍﻛﺜﺮ ﺍﻟﺨﻠﻖ ﺍ .ﻫـ.
ﺑﺤﺮﻭﻓﻪ ‏(ﺍﺑﻦ ﺗﻴﻤﻴﺔ ﻓﻲ ﻛﺘﺎﺑﻪ ﺍﻗﺘﻀﺎﺀ ﺍﻟﺼﺮﺍﻁ ﺍﻟﻤﺴﺘﻘﻴﻢ ﺹ 374 )

"അമ്പിയാ-സ്വാലിഹുകളുടെ മഖ്ബറകൾക്ക്
സമീപം അനുഭവപ്പെടുന്ന അസാധാരണ
സംഭവങ്ങളെയും കറാമത്തുകളെയും
സംബന്ധിച്ച് പറയപ്പെടുന്ന കാര്യങ്ങൾ -
അഥവാ, മഹാന്മാരുടെ മഖ്ബറകളുടെ
സമീപത്ത് പ്രകാശവും മലക്കുകളും ഇറങ്ങൽ,
അവിടേക്ക് ശൈത്വാനിനും മൃഗങ്ങൾക്കും
പ്രവേശനം തടഞ്ഞു കൊണ്ട് സംരക്ഷിക്കൽ,
തീപിടുത്തത്തില്‍ നിന്ന് മഹാന്മാരുടെ
മഖ്ബറകളെയും ചുറ്റുഭാഗങ്ങളെയും തടയൽ,
മഖ്ബറയില് ഉള്ള മഹാന്മാര് അവരുടെ
തൊട്ടടുത്തുള്ള ഖബ്.റുകളിൽ ഉള്ളവര്ക്ക്
വേണ്ടി ശുപാര്ശ ചെയ്യൽ, അതുപോലെ
മഹാന്മാരുടെ മഖ്ബറയുടെ അടുക്കൽ മറവു
ചെയ്യൽ സുന്നത്താണെന്ന് ചില
പണ്ഡിതന്മാര് പറഞ്ഞത്, മഖ്ബറയിൽ
ചെന്നാൽ മനശാന്തിയും സമാധാനവും
ലഭിക്കൽ, ഖബ്.റിനെ നിസ്സാരപ്പെടുത്
തിയവർക്ക് ശിക്ഷ ഇറങ്ങൽ - ഇവയെല്ലാം
സത്യം തന്നെയാണ്. അമ്പിയാഇന്റെയും
ഔലിയാഇന്റെയും മഖ്ബറകളിൽ നിന്നുള്ള
റഹ്.മത്തും കറാമത്തും, അല്ലാഹിന്റെ
അടുക്കൽ അവക്കുള്ള പവിത്രതയും ആദവരും
സൃഷ്ടികളിൽ അധികം പേരും
ഊഹിക്കുന്നതിലും അപ്പുറമാണ്”.

(ഇബ്നു
തീമിയ്യ – ഇഖ്.തിളാഉ സ്വിറാഥിൽ
മുസ്ഥഖീം; പേജ്: 374)

ജാറങ്ങൾ അനുഗ്രഹങ്ങളുടെ കേന്ദ്രങ്ങൾ
ആയതു കൊണ്ട് തന്നെയാണ്
അല്ലാഹുവിൻ റ്റെ റസൂലിന്റെ(സ)
ഇഷ്ടതോഴന്മാരായ അബൂബക്കർ സിദ്ദീഖും
ഉമറുൽ ഫാറൂഖും(റ) വഫാത്തോടു കൂടി
അവിടുത്തെ സവിധത്തിലേക്ക് അണഞ്ഞതും.

മുസ്.ലിം സമുദായത്തെ ഖബ്റ് പൂജകരായി
ചിത്രീകരിക്കുക വഴി ശത്രുക്കളെ
പ്രീതിപ്പെടുത്താൻ വേണ്ടി
വഹാബിസത്തിന്റെ പിഴച്ച മാറാപ്പും
പേറി വരുന്ന മൗലവിമാർ മഹാന്മാരുടെ
ജാറങ്ങൾക്കെതിരെ അടിസ്ഥാനരഹിതങ്ങ
ളായ കുപ്രചരണങ്ങൾ നടത്തുന്നതായി
കാണാം. ഇസ്തിഘാസയെ മഹാന്മാര്ക്കുള്ള
ഇബാദത്താക്കി മാറ്റുവാൻ വേണ്ടി,
മുശ്.രിക്കുകളെ സംബന്ധിച്ച് ഇറങ്ങിയ
ആയത്തുകൾ മുസ്.ലിംകളുടെ മേൽ
ആരോപിക്കുന്ന അതേ അടവു തന്നെയാണ്
ഇവർ ഈ വിഷയത്തിലും പയറ്റാറുള്ളത്.
പ്രവാചകന്മാരുടെ ഖബ്റുകൾക്ക് സുജൂദ്
ചെയ്യുകയും ആ ഖബ്റുകളെ ഖിബ്.ലയാക്കി
നമസ്കരിക്കുകയും അവിടെ കനീസകൾ
പണിതു കൊണ്ട് അല്ലാഹു അല്ലാത്ത
ഇലാഹുകൾക്ക് ആരാധന അർപ്പിക്കുകയും
ചെയ്തു വന്ന ജൂത-നസാറാക്കളുടെ ചെയ്തികളെ വിമർശിച്ചു കൊണ്ട് വന്ന
തിരുഹദീസുകളെ ദുർവ്യാഖ്യാനം
ചെയ്യുകയും, മഹാന്മാരുടെ മഖ്ബറകളെ
സിയാറത്തിനും ബറകത്തിനും വേണ്ടി
സമീപിക്കുന്ന മുസ്.ലിം ജനസമൂഹത്തെ
ബഹുദൈവ വിശ്വാസികളായി മുദ്ര
കുത്തുകയുമാണ് ഈ പിഴച്ച വർഗം ചെയ്തു
വരുന്നത്.

വാസ്തവത്തിൽ ആ ഹദീസുകൾ ആരെ
കുറിച്ചാണ്? ആ ഹദീസുകളിലൂടെ ഒന്നു
കണ്ണോടിക്കുക.

" ﺍﺷﺘﺪّ ﻏﻀﺐ ﺍﻟﻠﻪ ﻋﻠﻰ ﻗﻮﻡ ﺍﺗﺨﺬﻭﺍ ﻗﺒﻮﺭ ﺃﻧﺒﻴﺎﺋﻬﻢ ﻭﺻﺎﻟﺤﻴﻬﻢ ﻣﺴﺎﺟﺪ ".
"തങ്ങളുടെ പ്രവാചകന്മാരുടെയും
സദ്.വൃത്തരുടെയും ഖബ്റിടങ്ങളെ
ആരാധനാലയങ്ങൾ (സുജൂദ് ചെയ്യുന്ന
സ്ഥലങ്ങൾ) ആക്കിയ ജനതയുടെ മേൽ
അല്ലാഹുവിന്റെ കോപം
ശക്തമായിരിക്കുന്നു".

ഏതാണ് ആ ജനത?

ഇമാം ബുഖാരിയും മുസ്.ലിമും(റ) ആഇഷ(റ)
യെ തൊട്ടും അബ്ദുല്ലാഹി ബ്നി
അബ്ബാസി(റ)നെ തൊട്ടും ഉദ്ധരിക്കുന്ന
ഹദീസിൽ നബി(സ) പറയുന്നതായി
കാണാം.

" ﻟﻌﻨﺔ ﺍﻟﻠﻪ ﻋﻠﻰ ﺍﻟﻴﻬﻮﺩ ﻭﺍﻟﻨﺼﺎﺭﻯ ﺍﺗﺨﺬﻭﺍ ﻗﺒﻮﺭ ﺃﻧﺒﻴﺎﺋﻬﻢ ﻣﺴﺎﺟﺪ "
"യഹൂദരുടെയും നസാറാക്കളുടെയും മേൽ
അല്ലാഹുവിൻ റ്റെ ശാപം ഉണ്ടാകട്ടെ. അവർ
അവരുടെ പ്രവാചകരുടെ ഖബ്റിടങ്ങൾ
മസ്ജിദുകൾ ആക്കിയിരിക്കുന്നു"

അതെ, അവർ യഹൂദികളും നസാറാക്കളും
ആകുന്നു. എന്താണ് അവർ യഥാർത്ഥത്തിൽ
ചെയ്തിരുന്നത്?
ഈ ഹദീസ് കൂടി കാണുക.
ഇമാം മുസ്.ലിം ആഇഷ(റ)യെ തൊട്ട്
ഉദ്ധരിക്കുന്നു.

" ﺃﻥ ﺃﻡ ﺣﺒﻴﺒﺔ ﻭﺃﻡّ ﺳﻠﻤﺔ ﺫﻛﺮﺗﺎ ﻛﻨﻴﺴﺔ ﺭﺃﻳﻨﻬﺎ ﺑﺎﻟﺤﺒﺸﺔ ﻓﻴﻬﺎ ﺗﺼﺎﻭﻳﺮ
ﻟﺮﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ، ﻓﻘﺎﻝ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ
ﻭﺳﻠﻢ : ﺇﻥّ ﺃﻭﻟﺌﻚ ﺇﺫﺍ ﻛﺎﻥ ﻓﻴﻬﻢ ﺍﻟﺮﺟﻞ ﺍﻟﺼﺎﻟﺢ ﻓﻤﺎﺕ ﺑﻨﻮﺍ ﻋﻠﻰ ﻗﺒﺮﻩ
ﻣﺴﺠﺪﺍً ﻭﺻﻮّﺭﻭﺍ ﻓﻴﻪ ﺗﻠﻚ ﺍﻟﺼﻮﺭ ﺃﻭﻟﺌﻚ ﺷﺮﺍﺭُ ﺍﻟﺨﻠﻖ ﻋﻨﺪ ﺍﻟﻠﻪ ﺗﻌﺎﻟﻰ ﻳﻮﻡ
ﺍﻟﻘﻴﺎﻣﺔ "
"ഹബ്ഷയിൽ (എത്യോപ്യ) തങ്ങൾ കണ്ട
ശില്പങ്ങൾ ഉള്ള കനീസകളെ കുറിച്ചു
ഉമ്മുഹബീബയും ഉമ്മുസലമയും(റ) നബി(സ)
തങ്ങളോട് പറഞ്ഞു. അപ്പോൾ പ്രവാചകർ
(സ) അവരോട് പറഞ്ഞു: അവർ അവരുടെ
കൂട്ടത്തിൽ നിന്ന് ഒരു സദ്.വൃത്തൻ
മരണപ്പെട്ടാൽ അദ്ദേഹത്തിൻ റ്റെ ഖബ്.റിനു
മേൽ ഒരു ആരാധനാലയം പണിയുകയും
അതിൽ ഇത്തരം ശില്പങ്ങൾ
കൊത്തിവെക്കുകയും ചെയ്യുന്നവരായിര
ുന്നു. അന്ത്യനാളിൽ അല്ലാഹുവിന്റെ
അടുക്കൽ ഏറ്റവും മോശമായ സൃഷ്ടികളാണ്
ആ കൂട്ടർ"
ശേഷം ആ ജനത ആ ഖബ്.റുകൾക്ക് സുജൂദ്
ചെയ്യുകയും ആ ഖബ്.റുകളെ ഖിബ്.ലയാക്കി
നിസ്കരിക്കുകയും ചെയ്യുമായിരുന്നു എന്ന്
ഈ ഹദീസുകളുടെ വിശദീകരണങ്ങളിൽ
കാണാം. അത് കൊണ്ടാണ് മസ്ജിദ് എന്ന
പദം (സുജൂദ് ചെയ്യുന്ന സ്ഥലം,
ആരാധനാലയം) ഹദീസുകളിൽ വന്നത്.
അല്ലാതെ മുസ്.ലിംകളുടെ പള്ളി എന്ന
ഉദ്ദേശത്തിൽ അല്ല.

ഇമാം ബയ്ളാവി(റ)യെ ഉദ്ധരിച്ച് ഇബ്നു
ഹജറുല് അസ്ഖലാനി(റ) എഴുതുന്നു.

ن لقبور الأنبياء تعظيما لشأنهم ويجعلونها قبلة يتوجهون في الصلاة نحوها واتخذوها أوثانا لعنهم ومنع المسلمين عن مثل ذلك ، فأما من اتخذ مسجدا في جوار صالح وقصد التبرك بالقرب منه لا التعظيم له ولا التوجه نحوه فلا يدخل في ذلك الوعيد(
فتح الباري ٢/٢٧٥

ജൂത-നസ്വറാക്കൾ അവരുടെ അന്ബിയാക്കളെ പരിധിവിട്ട് ആദരിച്ച്  അവരുടെ ഖബുറുകൽക്കു സുജൂദു ചെയ്യുകയും  നിസ്കാരത്തിൽ അതിനെ ഖിബ്ലയാക്കി അതിലേക്കു തിരിഞ്ഞു നിസ്കരിക്കുകയും അതിനെ ബിംബമാക്കുകയും  ചെയ്തപ്പോൾ അള്ളാഹു അവരെ ശപിക്കുകയും അത്തരം പ്രവർത്തനങ്ങൾ ചെയ്യുന്നതിൽ നിന്ന് മുസ്ലിംകളെ  വിലക്കുകയും   ചെയ്തു. അതിനാല ഒരു മഹാന്റെ സാമീപ്യം കൊണ്ട് ബറക്കത്തെടുക്കൾ മാത്രം ലക്ഷ്യമാക്കി അദ്ദേഹത്തിന്റെ ചാരത് ഒരു പള്ളി നിർമ്മിച്ചാൽ പ്രസ്തുത ഹദീസിൽ പരാമർശിച്ച മുന്നറിയിപ്പ് പെടുന്നതല്ല.(ഫത് ഹുൽബാരി: 2/275)
____________________________________