ശൈഖ് ശാദുലി(റ) യെയും അദ്ധേഹത്തിൻ്റെ ത്വരീഖത്തിനെയും കുറിച്ച് കേൾക്കാത്ത മുസ്ലിംകൾ ഉണ്ടാവില്ല.
ഇമാം അബുല്‍ ഹസന്‍ അലി ശാദുലിയാണ് ശാദുലിയ്യ ത്വരീഖത്തിന്റെ സ്ഥാപകന്‍.
അതിന്റെ ശാഖയായ ഫാസ്സിയ്യത്തു ശാദുലിയ്യ ഇന്ത്യയില്‍ പ്രചാരത്തിലുണ്ടായ ത്വരീഖത്താണ്.
കായല്‍ പട്ടണത്ത് ശൈഖ് അബൂബക്കര്‍ മിസ്‌കീനും ശൈഖ് മീര്‍ അഹ്മദ് ഇബ്രാഹീമും ഇതിന്റെ വക്താക്കളായിരുന്നു. കേരളത്തിലും ശാദുലിയ്യ ത്വരീഖത്തിന് വേരുകളുണ്ടായിരുന്നു. തിരൂരിലെ മച്ചിങ്ങപാറയിലെ ശൈഖ് മുഹമ്മദ് ബാപ്പു ഖാലിദ് ശാദുലിയും, കോഴിക്കോട് വടകരയിലെ ശൈഖ് മുഹമ്മദ് ഹാജി തങ്ങള്‍ ശാദുലിയും അതിന്റെ വക്താക്കളായിരുന്നു.
ഇമാം ശാദുലിയെ കുറിച്ച് ഇബ്നു ബത്തുത്ത തന്റെ സഞ്ചാര ഡയറിയിൽ കുറിക്കുന്നു;
"ഞാൻ യാഖൂത്തുൽ അർഷിയെ കണ്ടു അദ്ധേഹം പറഞ്ഞു: എന്റ ശൈഖ് എന്നോട് പറഞ്ഞു: ശൈഖ് ശാദുലി എല്ലാ വർഷവും ഹജ്ജിന് പോയിരുന്നു. ഒരു ഹജ്ജ്ത്രക്കൊരുങ്ങവേ മഹാൻ പറഞ്ഞു: നിങ്ങൾ ഒരു കൊടാലി വാഹനത്തിൽ വെക്കുക. സംശയം പ്രകടിപ്പിച്ച ശിഷ്യന്മാരോട് അത് ഇന്ന സ്ഥലത്തെത്തിയാൽ തിരിയുമെന്ന് മറുപടി പറഞ്ഞ് യാത്ര തുടങ്ങി വഴിമധ്യേ മഹാൻ പറഞ്ഞ സ്ഥലത്ത് എത്തിയപ്പോൾ ഇറങ്ങി കുളിച്ച് രണ്ട് റക്അത്ത് നിസ്കരിച്ചു അവസാന സുജൂദിൽ ഈ ലോകത്തോട് വിടചൊല്ലി".
ഇമാം ശാദുലി (റ) നിരവധി ഔറാദുകൾ (പതിവായി ചൊല്ലേണ്ട ദിക് റുകൾ) തന്റെ മുരീദുമാർക്ക് സമർപ്പിച്ചിരുന്നു, ഹിസ്ബുൽ ബഹ്റും, ഹിസ്ബുൽ നസ്വ്രും ശാദുലീ റാത്തീബും അതിൽ ചിലത് മാത്രമാണ്. ഇത് മുസ്ലിം ലോകത്ത് ഇന്നേ വരേ സർവ്വാംഗീകൃതമായി നിലനിന്ന് പോരുന്ന ആചാരമാണ്. ഖേദകരം എന്ന് പറയട്ടെ..
ഇന്നതിനെ പരിഹസിക്കാൻ ചിലർ രംഗത്ത് വന്നിരിക്കുന്നു.
ബിദഈകൾ പടച്ച് വിടുന്ന കള്ളവാദങ്ങളാണിവ.
*ഒരു കാര്യം പറയട്ടെ.. ശാദുലി ഹളറ 800 വർഷത്തോളമായി ലോകത്തിന്റെ വിവിധ ഭാഗങ്ങളിൽ സൂഫിവര്യന്മാരുടെ നേതൃത്വത്തിൽ നടന്നു വരുന്നു.. വളപട്ടണത്ത് ആഴ്ചയിൽ നടന്നു വരുന്ന ഈ റാത്തീബ് 200 വർഷത്തോളമായി സ്ഥാപിച്ചിട്ട്.. ശാദുലി ത്വരീഖത്തിലെ ഈ മഹാന്മാരൊക്കെ ഖുർആനും ഹദീസും തിരിയാത്തവരാണോ..?*
*ദിക് റിന്റെ ശൈലിയും ആട്ടവും കിതാബുകളിൽ പറഞ്ഞതു പോലെയാണ് തുടരുന്നതും. ഒരു ഹദീസ് പോലും റിപ്പോർട്ടർമാരുടെ പേര് സഹിതം ഓതാനും അർത്ഥം വെക്കാനും അറിയാത്തവരൊക്കെ ദീൻ പറയാൻ തുടങ്ങിയ കാലമാണിത്*
യാഥാർത്ഥ്യം നാം തിരിച്ചറിയുക.
അല്ലാഹുവിൽ അനുരക്തരായി ദിഖ്റ് ചൊല്ലുമ്പോൾ ആടുന്നത് സ്വഹാബികൾ മുതൽ ഇന്നോളമുള്ള പണ്ഡിതർ ചെയ്തതും അംഗീകാരം നൽകിയതുമായ കാര്യമാണ്. ഹദീസിലും ഗ്രന്ഥങ്ങളിലും അതിന് നിരവധി തെളിവുകൾ കാണാം.
നബി ( സ) പറഞ്ഞു; നിങ്ങൾ ദിക്ർ ചൊല്ലുക നിങ്ങൾ ബ്രാന്തനെന്ന് വിളിക്കപ്പെടുന്നത് വരെ.
അലി (റ) പറഞ്ഞു; സ്വഹാബത്ത് ദിക്ർ ചൊല്ലിയാൽ ശക്തമായ കാറ്റുള്ള ദിവസം മരങ്ങൾ ആടുന്നത് പോലെ വലത്തോട്ടും ഇടത്തോട്ടും ആടുമായിരുന്നു. അവരുടെ കണ്ണുനീരുകൾ വസ്ത്രത്തിലൂടെ ഒഴുകാറുണ്ടായിരുന്നു.
അബൂ അറാകഃ(റ) പറയുന്നു. കാറ്റുള്ള ദിവസം മരങ്ങൾ ആടുന്നത് പോലെ സ്വഹാബികൾ ദിക്റ് ചൊല്ലുമ്പോൾ ആടിയിരുന്നു.
ഇമാം സുയൂത്തി (റ) തന്റെ ഹവിയിൽ പറയുന്നു;
ജഅ്ഫർ(റ) നബി തങ്ങൾക്ക് മുന്നിൽ ശരീരമിളക്കി ആടിയതിൽ സൂഫികൾ ദിഖ്ർ ചൊല്ലുമ്പോൾ ആടുന്നതിന് തെളിവുണ്ട്.
ദിഖ്റിന്റെ മജ്ലിസിൽ ആടുന്നതും നിൽക്കുന്നതുമൊക്കെ പൂർവ്വിക പണ്ഡിതരിൽ നിന്ന് സ്വഹീഹായി വന്ന കാര്യമാണ്. ശൈഖുൽ ഇസ്ലാം ഇസ്സുദ്ധീനുബ്നു അബ്ദിസ്സലാം അവരിൽപെടുന്നു.
ഇതിന് പുറമെ നിരവധി ഗ്രന്ധങ്ങളിൽ ഇത് സമ്പന്ധമായ പരാമർശങ്ങൾ കാണാം ഇമാം നവവി(റ)യുടെ അദ്കാർ സുയുത്തി(റ)യുടെ അൽ ഖസാഇസ് സുഹ്റവർദ്ധി(റ)യുടെ അവാരിഫുൽ മആരിഫ് എന്നിവ ഉദാഹരണം.
ശാഫിഈ മദാഹബിലെ ആധികാരിക ഗ്രന്ഥം തുഹ്ഫ റഖ്സിനെ കുറിച്ച് പറയുന്നത് കാണുക
( لا الرقص ) فلا يحرم ولا يكره ؛ لأنه مجرد حركات على استقامة أو اعوجاج ؛ ولأنه صلى الله عليه وسلم أقرالحبشة عليه في مسجده يوم عيد رواه الشيخان
റഖ്സ് (ആട്ടം) ഹറാമോ കറാഹത്തോ ഇല്ല. കാരണം നബി തങ്ങൾ അതിന് മൗനാനുവാദം നൽകിട്ടുണ്ട്.
ചുരുക്കത്തിൽ
ശാദുലീ റാത്തീബ് നിരവധി കാലമായി മുസ്ലിം ലോകം ചെയ്തുവരുന്ന നല്ല കർമ്മമാണ്. ഔലിയാക്കളിൽ പ്രമുഖനായിരുന്ന ശൈഖ് അബുൽ ഹസൻ ശാദുലി(റ)യുടെ ഇജാസത്ത് പ്രകാരം അവരുടെ മുരീദുമാർ ഇന്നും അത് നിർവഹിച്ച് പോരുന്നു. വിമർശിക്കാനും പരിഹസിക്കാനും അതിൽ ഒന്നുമില്ല. അതിൽ പങ്കെടുക്കുന്നവരും കണ്ടു നിൽക്കുന്നവരും ആടുന്നതും ഇളകുന്നതും ഇസ്ലാമിൽ അടിസ്ഥാനമുള്ള കാര്യമാണ്. അതിനെ പരിരസിക്കുന്നത് പിശാചിന്റെ ധർമം നിർവഹിക്കുന്ന ബിദഇകളും. റാത്തീബിനെ കുറിച്ച് വിവരമില്ലാത്തവരുമാണ്.
വിശ്വാസികൾ വഞ്ചിതരാവരുത്.
പ്രവാചകചര്യയിൽ ഇതിനുള്ള സ്ഥാനം എന്താണെന്ന് പറഞ്ഞു തരിക പ്രവചക (സ) നമുക്ക് ബാക്കിയാക്കിയത് ഖുർആനും സുന്നത്തുമായിരിക്കെ പ്രവചകൻ ചെയതു കാണിച്ചിട്ടുണ്ടോ?
പ്രവാചകൻ(സ) പറഞ്ഞതും മൗനാനുവാദം നൽകിയതുമായ കാര്യങ്ങളാണ് മുകളിൽ പറഞ്ഞത്.
ചെയ്തു കാണിക്കണമെന്ന നിയമം ഇസ്ലാമിലില്ല.
ഇബ്നു അസാഖിറിന്റെ താരീഖ് ദിമിശ്ഖ് പോലുള്ള ചരിത്ര ഗ്രന്ഥങ്ങളല്ല പ്രമാണം ഖുർആനും സ്വഹീഹായ ഹദീസുകളുമാണ്
( لا الرقص ) فلا يحرم ولا يكره ؛ لأنه مجرد حركات على استقامة أو اعوجاج ؛ ولأنه صلى الله عليه وسلم أقرالحبشة عليه في مسجده يوم عيد رواه الشيخان
ഇത് ശാഫഈ മദ്ഹബിലെ ആധികാരിക ഗ്രന്ഥമായ തുഹ്ഫയുടെ ഇബാറത്താണ്.
റഖ്സ് ഹറാമോ കറാഹത്തോ അല്ല.
പിന്നെ ...
ശാദുലീ റാത്തീബിന്റെ പേരിൽ ഇല്ലാത്ത മാപ്പിളപ്പാട്ടും ഹിന്ദിപ്പാട്ടുമൊക്കെ ചേർത്ത് തുള്ളുന്നതിനെ ന്യായീകരിക്കുന്നില്ല.
ശാദുലീ റാത്തീബിന് ചില നിയമങ്ങളുണ്ട്. അത് പാലിക്കപ്പെടേണ്ടതാണ്.
ശാദുലി റാത്തീബിന്റെ ഒപ്പം വെസ്‌റ്റേൺ മ്യൂസിക്കും സിനിമാപ്പാട്ടും എഡിറ്റ് ചെയ്ത് പ്രചരിപ്പിക്കുന്നവർ -വിശ്വാസികളെ തെറ്റിദ്ധരിപ്പിക്കുക വഴി എന്ത് നേടുന്നു എന്നത് സ്വയം ചിന്തിക്കട്ടെ....!!!
*ഖുർആൻ ഓരോ ആയത്തുകളും അവതരണ പശ്ചാത്തലം അടക്കം പഠിക്കുകയും ലക്ഷക്കണക്കിന് ഹദീസുകൾ സനദ് അടക്കം ഗ്രഹിക്കുകയും ദീൻ പഠിക്കാനും കിതാബുകൾ രചിക്കാനും സമയം ചെലവഴിച്ച മഹാന്മാരുടെ വഴിയാണോ അതോ അറബി മലയാളം നിഘണ്ടു വെച്ച് ഖുർആനും ഹദീസും വാക്യാർഥം നോക്കി സ്വന്തമായി ദീൻ പറയുന്നവരെയാണോ നാം പിന്തുടരേണ്ടത്..??*