സംസം വെള്ളവും മുജാഹിദ് പ്രസ്ഥാനവും

🔹🔹🔹
സംസം കൊണ്ടുവരലും
ബിദ്അത്തോ?!
▪▪▪▪➖▪▪▪▪▪▪
അല്ലാഹു തആല ആദരവ് നൽകിയ വസ്തുക്കളെയും
വ്യക്തികളെയും ഇകഴ്ത്തുകയെന്നത് വഹാബിസത്തിന്റെ അടിസ്ഥാന ആദർശം തന്നെയാണ്.

സംസം വെള്ളത്തിന്റെ മഹത്വം ലോക മുസ്ലിംകൾ അംഗീകരിച്ച കാര്യമാണല്ലോ, അക്കാര്യം നബി(സ) വ്യക്തമാക്കിയ ഹദീസുകൾ ധാരാളമുണ്ട്താനും. വിശ്വാസികൾ ഹജ്ജ്, ഉംറ നിർവഹിച്ച് സംസം വെള്ളം നാടുകളിലേക്ക് ശ്രദ്ധാപൂർവ്വം കൊണ്ടുവരാറുമുണ്ട്. പക്ഷേ, മുജാഹിദുകൾക്ക് സംസം അങ്ങനെയൊന്നുമല്ല.
ഒരു സാധാ വെള്ളം...!

കെ.എൻ.എം പ്രസിദ്ധീകരിച്ച മുസ്ലിംകളിലെ അനാചാരങ്ങൾ ഒരു സമഗ്ര വിശകലനം എന്ന പുസ്തകത്തിൽ സംസമിനെ പറ്റി രേഖപ്പെടുത്തിയത് നോക്കൂ:
" ഹാജറ ബീവിക്കും ഇസ്മാഈൽ നബി(അ)ക്കും കുടിക്കുവാനും കുളിക്കുവാനും മലമൂത്ര വിസർജനവും മറ്റും ചെയ്താൽ ശുദ്ധിയാക്കാനും വേണ്ടി അല്ലാഹു അത്ഭുതകരമായി സൃഷ്ടിച്ചു കൊടുത്ത കിണറാണ് സംസം." (പേജ്: 298)
നാടൻ ഭാഷയിൽ പറഞ്ഞാൽ ഹാജറ ബീവിക്കും
മകനും കുടിക്കാനും കുളിക്കാനും
മൂത്രമൊഴിച്ചാൽ കഴുകാനുമുള്ള വെള്ളം...!
ലോകത്തെല്ലാ വെള്ളവും ഇതിനൊക്കെ തന്നെയല്ലെ...!

അപ്പോൾ പിന്നെയൊരു ചോദ്യം;ഹാജിമാർ വെള്ളം കൊണ്ടുവരുന്നതെന്തിനാണ്? ഇതിന്റെ മറുപടിയായി മൗലവി തുടർന്നെഴുതുന്നു :

"സ്വഹീഹായ ഒരു ഹദീസിൽ പോലും സംസം വെള്ളം കുടിക്കുവാൻ നബി(സ) ആരോടെങ്കിലും ഉപദേശിച്ചത് കാണാൻ സാധ്യമല്ല. സ്വഹാബിവര്യന്മാരിൽ ആരെങ്കിലും രോഗശമനത്തിന് വെള്ളം കുടിച്ചതോ കുടിക്കുവാൻ ഉപദേശിച്ചതോ കാണാൻ സാധ്യമല്ല. ഹജ്ജിന് ശേഷം വെള്ളം കെട്ടി കൊണ്ടു പോകുവാൻ നബി(സ) നിർദ്ദേശിച്ച ഒരു ഹദീസും സ്വഹീഹായിട്ടില്ല. സ്വഹാബിവര്യന്മാരിൽ ആരെങ്കിലും അപ്രകാരം ചെയ്തത് ഉദ്ദരിക്കുന്നില്ല."(പേജ്: 298)

നോക്കൂ... മുജാഹിദ് ആദർശ പ്രകാരം സംസം വെള്ളം കെട്ടി കൊണ്ടുവരൽ ഒന്നാം നമ്പർ ബിദ്അത്താണ്. കാരണം, നബി (സ) യോ സ്വഹാബികളൊ അങ്ങനെ ചെയ്തിട്ടില്ല, കൽപ്പിച്ചിട്ടില്ല. മുജാഹിദിന് ബിദ്അത്ത് എന്നാൽ- നബി(സ) ചെയ്യാത്തത് , കൽപിക്കാത്ത് എന്നാണല്ലോ.

✍🏻 Aboohabeeb payyoli
▪▪▪◻◻◻◻▪▪▪▪