ജിന്ന് ഇരിക്കുന്നത് തലയോട്ടിയിലാണെന്ന് മുജാഹിദുകൾ

*ജിന്ന് ഇരിക്കുന്നത്*
*തലയോട്ടിയിൽ*
▪▪▪▪▪▪▪▪
വഹാബിനവോത്ഥാനം
തിരിഞ്ഞോടുന്നു.🏃‍♂

ചില പോക്കിരി ജിന്നുകൾ ഉണ്ട്.അവരങ്ങിനെ ഒറ്റടിക്കങ്ങിറങ്ങുകയില്ല, ഇറങ്ങിയാൽ തന്നെ ചിലപ്പോൾ വീണ്ടും തിരിച്ചുവരും. അവരെ എന്തു ചെയ്യണം? നമ്മുടെ നാട്ടിലെ മൗലവിമാരുടെ ചൂട് പിടിച്ച ചർച്ചയാണ്.

ഈ ചർച്ച പഴയ കാല മുസ്ല്യാക്കൾ നടത്തിയപ്പോൾ അത് ആത്മീയ ചൂഷണം/ തട്ടിപ്പ് /കീശ നിറക്കാൻ / തനി ഖുറാഫാത്ത്/അന്ധവിശ്വാസം ... ഹൊ, എന്തൊക്കയാ മൗലവിമാർ പറഞ്ഞിരുന്നത് !!

ഇപ്പോൾ, തിരിഞ്ഞോടുകയാണ് ഈ അന്ധവിശ്വാസങ്ങൾ വാരിപ്പുണരാൻ.

ഒരു മൗലവി എഴുതുന്നു:
"ധിക്കാരിയായ ഒരു ജിന്നിനെ പ്രയാസപ്പെടുത്തുന്നതിന്നായി ഖുസ്തുൽ ഹിന്ദ് (കൊട്ടം എന്ന പേരിൽ അറിയപ്പെടുന്ന ആയൂർവേദ ഔഷധം)ഉപയോഗിക്കാവുന്നതാണ്.
രോഗിയുടെ മൂക്കിൽ ഇത് ഒഴിക്കണം.മൂക്കിൽകൂടി ഇത് തലയോട്ടിയിൽ ജിന്ന് ഇരിക്കുന്നിടത്ത് എത്തുകയും അതിന് താങ്ങാൻ കഴിയാത്ത രീതിയിൽ പ്രയാസമുണ്ടാക്കുകയും ചെയ്യും. അവിടെ നിന്നും അത് പുറത്ത് ചാടുകയോ ചികിത്സകനോട് സംസാരിക്കാൻ നിർബന്ധിതനാവുകയും പോകാമെന്നും തിരിച്ച് വരില്ലെന്നും വാഗ്ദാനം ചെയ്യുകയും ചെയ്യും."

ജിന്ന് വീണ്ടും വന്നാലോ ?
മൗലവി തുടരുന്നു:
"സാധാരണ ജിന്ന് ഈ രീതിയിലാണ് പുറത്ത് പോകുന്നത്. എന്നാൽ പുറത്ത് വന്ന ജിന്ന് വീണ്ടും എന്തെങ്കിലും കാരണം മൂലം ഉള്ളിലേക്ക് തന്നെ പോയാൽ - ജിന്നിനെ അതിന് നിർബന്ധിക്കുന്ന ശക്തമായ എന്തെങ്കിലും കാരണങ്ങൾ ഉണ്ടാകാം.- താഴെ കൊടുക്കുന്ന സൂറതുകൾ രോഗി ശ്രവിക്കണം.
സൂറ: ഫാത്തിഹ,ബഖറ, ആലു ഇംറാൻ, തൗബ, യാസീൻ, സ്വാഫാത്ത്, ദുഖാൻ, ഖാഫ് ,റഹ് മാൻ, മുൽക്, ജിന്ന്, കാഫിറൂൻ, ഇഖ്ലാസ്, ഫലഖ്, നാസ്. "

ജിന്നുകളുണ്ടാക്കുന്ന
രോഗങ്ങളും പ്രതിവിധിയും
പേജ്: 131,134

✍ Aboohabeeb Payyoli
🔹🔹🔘🔘⏺⏺🔹🔹