നബിദിനവും തിങ്കളാഴ്ച നോമ്പും സന്തോഷങ്ങളും

 മുത്ത് നബി ﷺ ജനിച്ച ദിവസത്തിന് വലിയ മഹത്വമുണ്ട് 💚

════════════════════

തിങ്കളാഴ്ച ദിവസത്തെ നോമ്പിനെ കുറിച്ച് നബി ﷺ യോട് ചോദിക്കപ്പെട്ടു അവിടുന്ന് പറഞ്ഞു അത് ഞാൻ ജനിച്ചതും, പ്രവാചകനായി നിയോഗിക്കപ്പെട്ടതും, ഖുർആൻ അവതരിക്കപ്പെട്ടതും അന്നാണ്.

[സ്വഹീഹ് മുസ്‌ലിം:1142]

തിങ്കളാഴ്ചയുടെ മൂന്ന് പ്രതേകതയിൽ ആദ്യം നബി ﷺ പറഞ്ഞത് അന്ന് 

എന്റെ ജന്മദിനമാണെന്നാണ്.

ഇസ്‌ലാമിൽ നബി ﷺ യുടെ ജന്മദിനത്തിന് മഹത്വം ഉണ്ടെനും അന്ന് നന്ദി സൂചകമായി പ്രത്യേകം ആരാധന കർമ്മമായ വ്രതമനുഷ്ഠിക്കണമെന്നും 

നമുക്ക് വ്യക്തമായി.

പ്രസ്തുത ഹദീസ് വ്യാഖ്യാനിച്ച് 

ഇമാം ഇബ്നുൽ ഹാജ് [റ] പറഞ്ഞു.

"തിങ്കളാഴ്ച ദിവസത്തെ ശ്രേഷ്ഠത വരുത്തൽ അതുൾക്കൊള്ളുന്ന  മാസവും ഉൾപ്പെടും അതിനാൽ വർദ്ധിത പുണ്യകർമ്മങ്ങൾ കൊണ്ട് 

അർഹിക്കുന്ന വിധം ഈ മാസത്തെ ബഹുമാനിക്കൽ നമുക്ക് അനിവാര്യമാണ് "

[ അൽ മദ്ഖൽ 2:3,4 ]

നബി ﷺ ജനിച്ച ഒരു തിങ്കളാഴ്ച നിമിത്തം   എല്ലാ തിങ്കളാഴ്ച കൾക്കും അതുൾക്കൊള്ളുന്ന റബീഉൽ അവ്വൽ മാസത്തിനും ശ്രേഷ്ഠത ലഭിക്കുന്നു.

വർഷത്തിലൊരിക്കൽ മത്രമുള്ള റബീഉൽ അവ്വൽ മാസത്തിൽ ഒതുക്കാതെ വർഷത്തിൽ ഉടനീളമുള്ള എല്ലാ തിങ്കളാഴ്ചകളിലും നബിദിന

സ്മരണാർത്ഥം നന്ദി സൂചകമായി നടത്തുന്ന ആരാധനകളിൽ വ്യാപൃതരാവേണ്ടതുണ്ട്.

ഹദീസ് പ്രതിപാദിക്കുന്നത് നോമ്പ് അനുഷ്ടിക്കണം എന്നല്ലേ പിന്നെങ്ങനെ 

നബി ﷺ ജനിച്ച ദിവസം ഭക്ഷണ വിതരണവും മറ്റും നടത്തുക എന്ന ചോദ്യത്തിന് വിശ്വവിഖ്യാത പണ്ഡിതൻ ഇമാം ഇബ്നു ഹജറുൽ അസ്ഖലാനി [റ] മറുപടി പറയുന്നുണ്ട്.

"നന്ദി പ്രകടനം നോമ്പല്ലാത്ത പ്രകീർത്തനം,ഭക്ഷണം നൽകൽ, തുടങ്ങിയ സൽകർമ്മങ്ങൾ കൊണ്ടും കരസ്ഥമാക്കും".

  [അൽ ഹാവി 1:193]

ചുരുക്കത്തിൽ നബി ﷺ ജനിച്ച ദിവസത്തിനും അതുൾക്കൊള്ളുന്ന മാസത്തിനും ഇസ്‌ലാം പവിത്രതയും മഹത്വവും നൽകുന്നുണ്ടെന്നും

അന്ന് പ്രത്യേകം ആരാധനകൾ ഉണ്ടെന്നും പണ്ഡിത മഹത്തുക്കളുടെ പ്രാമാണിക വിശദീകരണത്തിൽ നിന്ന് നമുക്ക് ബോധ്യമായി. തിരുനബിയെ ജീവനക്കാളേറെ സ്നേഹിക്കാൻ അല്ലാഹു നമുക്കെല്ലാം തൗഫീഖ് നൽകി അനുഗ്രഹിക്കട്ടെ ...ആമീൻ...🤲🤲🤲