പോപ്പുലർ ഫ്രണ്ട് കൊന്നു തള്ളിയ മുസ്ലിംകൾ !

 *പോപ്പുലർ ഫ്രണ്ടിൻ്റെ ശത്രു സംഘ് പരിവാർ മാത്രമോ?*

▶️▶️▶️▶️▶️▶️▶️▶️

പോപ്പുലർ ഫ്രണ്ടുകാരുടെ ശത്രുക്കൾ ഫാഷിസ്റ്റുകൾ മാത്രമാണ്, മുസ്ലീംകളുടെ പ്രതിരോധത്തിനു വേണ്ടിയാണ് ഞങ്ങൾ പ്രവർത്തിക്കുന്നത് എന്നാണ് പോപുലർ ഫ്രണ്ടുകാർ സാധാരണ പറയാറുള്ളത്. തികച്ചും കളവായ ഒരു പ്രസ്താവനയാണിത്.

PF നെഎതിർക്കുന്നവർ എല്ലാവരും അവരുടെ ശത്രുവാണ്. അവർ മുസ്ലിമാണെങ്കിലും ശരി.

PF നെ എതിർക്കുന്നവർ മുസ്ലിം ആണെങ്കിൽ അവനെയും കൊല്ലും.വെട്ടും, അടിക്കും, എല്ലാം ചെയ്യും. ഇതാണ് ഇവരുടെ രീതി!

കേരളത്തിൽ തന്നെ ഇവരുടെ കരങ്ങളാൽ കൊല്ലപ്പെട്ട മുസ്ലീംകൾ ഉണ്ട്.

ചാവക്കാടിലെ നൗഷാദ് എന്ന് പേരുള്ള മുസ്ലിം ചെറുപ്പക്കാരനെ

വെട്ടിക്കൊന്നത്

എസ് ഡി പി ഐ കാരാണ്.

കോൺഗ്രസുകാരനായഈ മുസ്ലിം യുവാവിനെ കൊന്ന് തള്ളിയ കേസിൽ അറസ്റ്റിലായവർ

പോപുലര്‍ ഫ്രണ്ട് തൃശൂര്‍ ജില്ലാ കമ്മിറ്റി അംഗം ചെറുതുരുത്തി  പോപുലര്‍ ഫ്രണ്ട് ചാവക്കാട് ഡിവിഷന്‍ മുന്‍ പ്രസിഡന്റ് പാലയൂര്‍ കരിപ്പയില്‍ ഫാമിസ് അബൂബക്കര്‍ , എസ്.ഡി.പി.ഐ പ്രവര്‍ത്തകരായ എടക്കഴിയൂര്‍ നാലാംകല്ല് തൈപ്പറമ്പില്‍ മുബിന്‍, പുന്നയൂര്‍ അവിയൂര്‍ വാലിപറമ്പില്‍ ഫെബീര്‍ വെട്ടിക്കാട്ടിരി ഇരക്കാട്ടില്‍ മുഹമ്മദ് മുസ്തഫ  എന്നിവരാണ്.

ഒരു മുസ്ലിമിനെ കൊന്ന് തള്ളിയ ഇവർ എന്ത് മതമാണ് പറയുന്നത്.?

മതപരമായി ഇതിനുള്ള ന്യായം എന്താണ്?

ഈ മുസ്ലിമിൻ്റ രക്തം ചിന്തിയ പാപക്കറ ഈ നേതാക്കളിൽ നിന്ന് എങ്ങനെ നീങ്ങും?

മുസ്ലീം ചെറുപ്പക്കാരുടെ നെഞ്ചിൽ കത്തിയിറക്കിയാണോ നിങ്ങൾ  സംഘപരിവാരത്തെ പ്രതിരോധിക്കുന്നത്?

 തങ്ങളെ എതിർക്കുന്നവരെ കൊന്ന് തള്ളുന്ന ഈ നെറികേടിൻ്റെ പേരാണോ പ്രതിരോധം ?

കൊല്ലാൻ കഴിയാത്തവരെ തച്ച് പരുവത്തിലാക്കാനും ഇവർക്ക് മടിയില്ല. തങ്ങളുടെ പാർട്ടി വിട്ട് ഒരാൾ പുറത്ത് പോയാൽ അയാളെ പിന്നെ ഇവർ വിടില്ല. ശരിയാക്കും. ഇതെന്ത് പ്രതിരോധമാണ്?

ഇതല്ലേ ശരിക്കും ഫാഷിസം !

എസ് ഡി പി ഐ യിൽ നിന്ന് രാജിവെച്ച അഴീക്കൽ സ്വദേശി ചൊക്കൻ്റ പുരക്കൽ കുഞ്ഞിമോനേയും സഹോദരൻ പറവണ്ണ പുത്തങ്ങാടി മുഹമ്മദ് റാഫിയേയും ഇവർ വധിക്കാൻ ശ്രമിച്ചത് എന്തിനായിരുന്നു?

ഇവർ ചെയ്ത തെറ്റ് ഇവർ SDPlയിൽ നിന്ന് രാജിവെച്ചു എന്നതാണ്.ഈ രണ്ട് മുസ്ലീംകളെ വധിക്കാൻ ശ്രമിച്ച കേസിൽ അറസ്റ്റിലായത് തലേക്കര തുഫൈൽ എന്ന പോപുലർ ഫ്രണ്ടുകാരനാണ്.

രണ്ട് മുസ്ലീംകൾക്കു നേരെ കൊലക്കത്തി ഉയർത്തിക്കൊണ്ടാണോ നിങ്ങൾ RSS നെ പ്രതിരോധിക്കുന്നത്.!

എന്ത് കുറ്റം ചെയ്താലും ഒരു മുസ്ലിമിനു നേരെ കഠാരയോങ്ങാൻ എന്ത് പ്രമാണമാണ് നിങ്ങളുടെ കൈവശമുള്ളത്?

തേഞ്ഞിപ്പലം സ്വദേശിയായ മുജീബ് റഹ്മാൻ എന്ന വ്യക്തിയെ തട്ടിക്കൊണ്ടുപോയി ക്രൂരമായി ആക്രമിച്ച് വധിക്കാൻ ശ്രമിച്ചത്

എന്തിനായിരുന്നു?

അദ്ദേഹം മുൻ എസ് ഡി പി ഐ പ്രവർത്തകനായിരുന്നു, ഇപ്പോൾ പാർട്ടി വിട്ടു എന്നതാണ് പ്രശ്നം.

അദ്ദേഹത്തെ വധിക്കാൻ ശ്രമിച്ച കേസിൽ പിടിയിലായവർ  നൗഷാദ്,

മുസ്തഫ, സഹീർ എന്നീ എസ് ഡി പി ഐ പ്രവർത്തകരായിരുന്നു.

തങ്ങളുടെ പാർട്ടിയിൽ നിന്ന് പുറത്ത് പോയവെ കൈകാര്യം ചെയ്തുകൊണ്ട് എന്ത് പ്രതിരോധമാണ് 

നിങ്ങൾ തീർക്കുന്നത്.

നിങ്ങളെ എതിർത്തുന്ന മുസ്ലീംകൾക്കു പോലും നിങ്ങളുടെ കഠാരകളിൽ നിന്ന് രക്ഷയില്ല എന്നതാണ് സത്യം!

അഥവാ നിങ്ങളുടെ ശത്രു

നിങ്ങള എതിർക്കുന്നവർ മുഴുവനാണ്.

അതിനെ സംഘപരിവാത്തിനെതിരെയുള്ള പ്രതിരോധമായി ദയവു ചെയ്തു പറയരുത്.

നിങ്ങളുടെ പാർട്ടിക്കുള്ള പ്രതിരോധം എന്ന് പറഞ്ഞോളു !

അതിന് ദയവു ചെയ്ത് ജിഹാദിൻ്റെ കണക്കിൽ എഴുതണ്ട!

ഇതൊക്കെ ചിന്തിക്കാൻ മാത്രം നിങ്ങളുടെ തലച്ചോർ പ്രവർത്തിച്ചിരുന്നു എങ്കിൽ നിങ്ങൾ എന്നോ ഈ വിവേകം തീണ്ടാത്ത സംഘത്തിൽ നിന്ന് ഒഴിഞ്ഞു പോന്നേനേ.

അപ്പോൾ സംഘികൾ മത്രമല്ല നിങ്ങളുടെ ശത്രു.

നിങ്ങളുടെ പാർട്ടിയിലില്ലാത്തവരെല്ലാം നിങ്ങളുടെ ശത്രുവാണ്.

അവരെ നിങ്ങൾ കൊല്ലും, കുത്തും അടിക്കും. അത് മുസ്ലിം ആണെങ്കിലും .

അതിനാൽ ഞങ്ങൾ മുസ്ലീംകൾക്ക് സംരക്ഷണമൊരുക്കി സംഘപരിവാരത്തെ പ്രതിരോധിക്കുകയാണെന്ന് ദയവു ചെയ്ത് പറയരുത്.

കേരളത്തിലെ ഒരു മുസ്ലിം സംഘടനക്കും നിങ്ങളുടെ "പ്രതിരോധം " ആവശ്യമില്ല. അതാവശ്യമുള്ളവർ നിങ്ങൾ മാത്രമാണ്. അതെ നിങ്ങൾ പ്രതിരോധം തീർക്കുന്നത് നിങ്ങളുടെ പാർട്ടിക്കു മാത്രമാണ്.

നിങ്ങളുടെ പാർട്ടീ പ്രതിരോധത്തിന് നിങ്ങൾ മതത്തെ കൂട്ട് പിടിക്കരുത്.

തിരു നബി(സ)യെ അതിലേക്ക് വലിച്ചിഴക്കരുത്.

അവിടുത്തെ കാരുണ്യത്തിൻ്റെ സന്ദേശങ്ങളെ നിന്ദിക്കരുത്.

അപ്പോൾ സംഘപരിവാരത്തെ പ്രതിരോധിക്കണ്ടേ എന്ന് നിങ്ങളുടെ മനസ്സ് ചോദിക്കുന്നുണ്ടാവും. 

100 പ്രാവശ്യം അതെ എന്നാണ് ഉത്തരം. അത് എങ്ങനെ എന്നതാണ് വിഷയം.

സംഘികൾ മുസ്ലിമിൻ്റ മാത്രം ശത്രുവല്ല.അവർ മതേതര ഇന്ത്യയുടെ ശത്രുവാണ്. മതേതര ചേരി ഒന്നിച്ച് നിന്ന് പ്രതിരോധം തീർത്താലേ ശത്രുവിനെ തളർത്താനാവൂ എന്നതാണ് ആധുനീക ഇന്ത്യ നൽക്കുന്ന പാഠം. 

NRC വിഷയത്തിൽ നാം അത് കണ്ടു. സംഘികൾക്ക് അട്ടം മുട്ടിയ കാലമായിരുന്നു

NRC പ്രക്ഷോഭകാലം.

അത് ഇനിയും ഉണ്ടാവണം. അതാണ് പരിഹാരം. അല്ലാതെ ഓരോരുത്തർ ഒറ്റക്ക് കൊടുവാൾ എടുത്ത് ഇറങ്ങൽ അല്ല.

നിങ്ങൾ ചെയ്യുന്ന പ്രതിരോധം  മതേതര ചേരിയിൽ നിന്ന് ചിന്തിക്കുന്നവർക്ക് കൂടി

RSS ൻ്റെ ശാഖയിലേക്ക്

വഴി കാണിക്കലായി മാറുന്നു.

മതേതര ചേരിയെ ഒരുമിപ്പിച്ച് ശക്തി കൂട്ടി സംഘ പരിവാരത്തെ തടുക്കുന്നതിനു പകരം നിങ്ങൾ ചെയ്തതോ?

മതേതര ചേരിയിൽ വീണ്ടും വിള്ളൽ വീഴ്ത്തി നിങ്ങളുടെ രാഷ്ട്രീയ താൽപര്യങ്ങൾ സംരക്ഷിക്കാനായി ഒരു രാഷ്ട്രീയ പാർട്ടി കൂടി ഉണ്ടാക്കി! എന്നിട്ട്, BJP ക്ക് എതിരെ മത്സരിക്കുന്നവർക്കു എതിരെ മത്സരിക്കുക!

ഉഗ്രൻ പ്രതിരോധം തന്നെ!