പോപ്പുലർ ഫ്രണ്ട് ഇസ്ലാമിക ചരിത്രത്തിൽ കൈ വയ്ക്കുമ്പോൾ !

 *സുഡാപ്പികൾ ഇസ്ലാമിക ചരിത്രത്തിലും സംഘികൾ ഇന്ത്യൻ ചരിത്രത്തിലും കൈ വയ്ക്കുമ്പോൾ...😢*

👇👇👇👁️👁️👁️

✍️സുഡാപ്പി... പോപ്പുലർ ഫ്രണ്ട്... തുടങ്ങി എന്തൊക്കെ... ഒന്നുറപ്പ്... അതിൽ ചേരുന്നവർ പേടിച്ചിട്ട് തന്നെയാണ്... വല്ലാതെ ഭയക്കുന്നുണ്ടവർ... അവർക്കതിന് അവകാശമുണ്ട്. ഭയക്കട്ടെ... പക്ഷേ ആ ഭയത്തിൽ തല്ലിപ്പിടക്കാനായി മുത്തു നബിയുടെ ഹദീസുകൾ വളച്ചൊടിക്കുന്നത് എത്രമാത്രം ലജ്ജാകരമാണ്. നിങ്ങൾ വേണ്ടുവോളം പേടിച്ചോളൂ... പക്ഷേ, ആ പേടിക്കുഴിയിലേക്ക് മുസ്ലിംകളെ വലിച്ചിഴക്കരുത്. ''കാരുണ്യത്തിൻ്റെ പ്രവാചകനെ'', അല്ലാഹു രക്ഷപ്പെടുത്തുമെന്ന അവിടുത്തെ തവക്കുൽ വെട്ടിമുറിച്ച് ,ആ തവക്കുലിൻ്റെ മാസ്മരികതയിൽ ശത്രുവിൻ്റെ മനസ് മാറിയ സന്ദർഭത്തെ മറച്ചു വച്ച്.... എല്ലാത്തിനുമൊടുവിൽ -''പക വീട്ടുന്ന പ്രവാചകനായി'' ചിത്രീകരിച്ചിട്ട് നിങ്ങൾക്കെന്ത് കിട്ടി എന്ന് ചോദിക്കുന്നില്ല. ഇന്ത്യ ഇന്ത്യയായി നില നിൽക്കുന്നത് ഭൂരിപക്ഷങ്ങൾ സംഘപരിവാറിനൊപ്പമണി നിരക്കാത്തതു കൊണ്ടാണ്. അതിനിടയിലേക്ക് മുസ്ലിം വർഗീയത ഇളക്കി വിട്ടും മത ചിലവിൽ ഭയം വിതറിയും  സംഘ പരിവാരത്തിൻ്റെ വഴി എളുപ്പമാക്കുന്നവർ... ഭയമില്ലാത്ത ഉമ്മത്തിൻ്റെ ബലത്തിലാണിവർ  ഭയം വിതറുന്നത് എന്നതാണ് രസകരം...എന്തെങ്കിലും സംഭവിച്ചാൽ ആ ഉമ്മത്തിൻ്റെ തണലിലേക്കിവർ ഭയമില്ലാതിരിക്കാൻ ഓടിക്കയറും എന്നത് അതിലും രസകരം...

                ആര് ഭരിച്ചാലും പടച്ചവൻ കണക്കാക്കിയ സമയത്തേ മരിക്കൂ എന്ന വിശ്വാസത്താൽ തൻ്റേടത്തോടെ, മറ്റു മതക്കാരുമായി സൗഹൃദത്തോടെ  ജീവിക്കുന്നവരാണ് മുസ്ലിംകൾ.ആ സൗഹൃദത്തിൽ കാന്താരിമുളക് തേക്കാനുള്ള ശ്രമങ്ങൾ... അത് സമുദായം കരുതിയിരുന്നേ മതിയാകൂ... 

               ചിലരുടെ ഭാഷയിൽ കോഴിക്കോട് കടപ്പുറവും ആലപ്പുഴ തീരവുമെല്ലാം നിറഞ്ഞ് കവിഞ്ഞിട്ടും  തേജസ് പത്രം പൂട്ടേണ്ടി വന്നത് എന്തുകൊണ്ടാണെന്ന് ചോദിക്കുന്നില്ല. അതിൻ്റെ മറുപടിയിൽ എല്ലാമുണ്ട്. ആ പത്രത്തിൻ്റെ ഗതിയിലേക്കാണിവർ സമുദായത്തെ തള്ളിവിടാൻ ശ്രമിക്കുന്നത് .എന്ത് ചെയ്യാൻ...ചിന്തിക്കുന്നവർക്കു മാത്രമേ ദൃഷ്ടാന്തങ്ങളുള്ളൂ...!

                  സംഘ പരിവാർ ഇന്ത്യാ ചരിത്രത്തിൽ കൈ വയ്ക്കുമ്പോൾ പോപ്പുലർ ഫ്രണ്ട് കൈ വയ്ക്കുന്നത് ഇസ്ലാമിക ചരിത്രത്തിലാണ്.ഒരു നാണയത്തിൻ്റെ ഇരു വശങ്ങൾ...ഇരു കൂട്ടരും പരസ്പരം നേട്ടം കൊയ്യാനുള്ള തിരക്കിലാണ്...സംഘ പരിവാറിനെ മുന്നിൽ നിർത്തി സുഡാപ്പികൾ ആളെക്കൂട്ടുമ്പോൾ സുഡാപ്പികളെ മുന്നിൽ നിർത്തി സംഘ പരിവാർ ആളെക്കൂട്ടുന്നു...!

                               പോപ്പുലർ ഫ്രണ്ടിൻ്റെ ആശയമല്ല മുത്തു നബിക്കെന്ന് ,സ്വന്തക്കാരെ വിളിച്ചു കൂട്ടി ,ഹദീസ് വളച്ചൊടിച്ച് വ്യക്തമാക്കിയ അതിൻ്റെ നേതാക്കളോട്  നന്ദിയും കടപ്പാടും അറിയിക്കുന്നു...നിങ്ങൾ ഒരിക്കലും തളരരുത്. അവസാന ഹിന്ദുവിനെയും സംഘിയാക്കിയിട്ടേ നിങ്ങൾ വിശ്രമിക്കാവൂ... ഭാവുകങ്ങൾ നേരുന്നു.സ്നേഹപൂർവ്വം...

*ഖുദ്സി*

20-09-2022