മുജാഹിദ് ഭിന്നിപ്പ്-ഗൾഫിൽ നാല് കുഞ്ഞുങ്ങൾ !

ഒറ്റ പ്രസവത്തിൽ നാലു കുട്ടികൾ... ഗൾഫിലാണ് സംഭവം. ഉമ്മയും കുഞ്ഞുങ്ങളും സുഖമായിരിക്കുന്നു... ജിന്നും ഇൻസും സിഹ്റും മറ്റ് നൂറുകൂട്ടം കാര്യങ്ങളുമായി അല്ലറ ചില്ലറ ശിർക്ക് തൗഹീദ് ജലദോശാദി അസുഖങ്ങളുണ്ടെന്നല്ലാതെ മറ്റു അനാരോഗ്യങ്ങളൊന്നുമില്ലെന്നാണറിവ്....ജിന്നുണ്ടോ മലക്കുണ്ടോ എന്നിത്യാതി വിവരങ്ങളൊന്നും ലഭ്യമല്ല...ഗൈനക്കോളജിസ്റ്റിനെ കാണിക്കലും രണ്ടാമത് ഡോക്ടറെ കാണിക്കലും  ശിർക്കാണെന്ന് പറഞ്ഞ് ചില കാരണവൻമാർക്കിടയിൽ ചില്ലറ അസ്വാരസ്യങ്ങളുണ്ടായത്രെ...മരുഭൂമിയിലൊറ്റപ്പെടുമ്പോളുള്ള 'യാ ഇബാദല്ല'യാണത്രെ ഒരു കുട്ടിയുടെ ഇഷ്ട ഭക്ഷണം... ചിലർക്കതിഷ്ടമല്ലത്രെ... സിഹ്ർ ഫലിക്കുമെന്നും, ഇല്ല- അഭൗതികമായതിനാൽ ശിർക്കാണെന്ന് വാശി പിടിക്കുന്ന കുട്ടികളും കൂട്ടത്തിലുണ്ടത്രെ... ഒറ്റ പ്രസവത്തിൽ 8 ഉം 11 ഉം കുട്ടികളുള്ളവർ കേരളത്തിൽ നിന്ന് പ്രസവ ശുശ്രൂശക്കും പേരിടൽ കർമത്തിനും പോകുന്നെന്ന് കേൾക്കുന്നു... ശെരിയാണോന്നറിയില്ല... ഏതായാലും കൂട്ടുകുടുംബ തൗഹീദിൽ നിന്ന് അണുകുടുംബ തൗഹീദിലേക്കുള്ള അമുൽ ബേബികളുടെ പ്രയാണം പുതിയ ഒരുപാട്  നവോത്ഥാനങ്ങൾക്ക് തിരി കൊളുത്തുമെന്നാണ് കുടുംബക്കാരുടെ പ്രതീക്ഷ... പല്ല് വന്നിട്ട് പോരേ എന്ന് ആശങ്കപ്പെടുന്നവരും കൂട്ടത്തിലുണ്ടത്രെ...!...എന്തിന് ,മോണ തന്നെ ധാരാളമെന്ന് മറ്റ് ചിലർ... ഏതായാലും, കുഞ്ഞുങ്ങളുടെ- പല തരത്തിലുള്ള തൗഹീദ് കാട്ടിയുള്ള ചിരി കാണാൻ ബഹു രസമായിരിക്കുമെന്ന് അസൂയക്കാർ തറപ്പിച്ച് പറയുന്നു... കുട്ടികൾക്ക് കണ്ണേറ് തട്ടാതിരിക്കാനുള്ള കർമങ്ങളൊക്കെ കുടുംബക്കാർ സ്വയം പഠിച്ചതുകൊണ്ട് അത്തരം ടെൻഷനുകളുടെ ആവശ്യമില്ല... എങ്കിലും ചില കുട്ടികൾക്കതിപ്പോഴും ശിർക്കിന്റെ ചെറിയ അലർജിയുണ്ടത്രെ... ഏതായാലും കുട്ടികൾ വളർന്നു വരുമ്പോൾ കേരളത്തിലേതു പോലെ തികഞ്ഞ അച്ചടക്കത്തിലും ഐക്യത്തിലുമായിരിക്കുമെന്നുറപ്പാണ്... അത്രക്ക് അച്ചടക്കത്തിലും ചിട്ടയിലുമാണവരെ വളർത്താൻ കുടുംബക്കാർ തീരുമാനിച്ചിരിക്കുന്നത്...'യാ ഇബാദല്ല' വിളിച്ച് പരീക്ഷിച്ച് കളിക്കാനും എക്സർസൈസിനുമായി, കുട്ടികൾക്ക് വിശാലമായ മരുഭൂമിയുള്ളതു കൊണ്ട് ആരോഗ്യ പരമായ വിഷയങ്ങളിൽ ആശങ്ക വേണ്ടെന്നാണറിവ്... ജിന്ന് ഗവേഷണത്തിന് മരുഭൂമി ഉത്തമമായതുകൊണ്ട് വിദ്യാർത്ഥി ജീവിതവും കേമമാകുമത്രെ...!... അടുക്കളയാകുമ്പോൾ ചട്ടിയും കലവും തട്ടിയെന്നും മുട്ടിയെന്നുമിരിക്കും... ചിലപ്പോൾ പൊട്ടിയെന്നും വരാം... കുട്ടികളുടെ ബേബിഫുഡ് കലക്കാനൊരു പാത്രവുമടുക്കളയിലില്ലാത്ത വിധമുള്ള പൊട്ടൽ...!... സാരമില്ല... ചട്ടിയും കലവുമിനിയും വാങ്ങാമല്ലോ...കുട്ടികൾക്കും കുടുംബത്തിനും  എല്ലാ വിധ ഭാവുകങ്ങളും നേരുന്നു... കുട്ടിയുടുപ്പും ബേബി പൗഡറും കൺമഷിയും വാങ്ങി, കാത്തിരിക്കുന്ന- ഈ പ്രസ്ഥാനത്തിൽ പെട്ടു പോയ സാധാരണക്കാർക്ക് ചിന്തിക്കാറേറെയുണ്ട്... ചിന്തിക്കുന്നവർക്കാകട്ടെ ദൃഷ്ടാന്തങ്ങളുമുണ്ട്... അറിയുക-ഈമാൻ,വഹാബീ ലാബിൽ പരീക്ഷിക്കാനുള്ള പരീക്ഷണ വസ്തുവല്ല.....!

✍️ ഖുദ്സി