നബിദിനം-വഹാബീ സംശയങ്ങളും മറുപടികളും

 🔵⚪️🔵⚪️🔵⚪️🔵⚪️🔵

*നബിദിനാഘോഷം :*

*വഹാബികളുടെ*

*16 കാരണങ്ങളും മറുപടിയും.*

🌹🌹🌹🌹🌹🌹🌹🌹🌹

മുത്ത് നബി(സ)യോടുള്ള സ്നേഹം പ്രകടിപ്പിക്കലാണ് നബിദിനാഘോഷത്തിന്റെ അടിസ്ഥാനം. സ്വഹാബികളും താബിഉകളും ഇമാമുകളും വ്യത്യസ്ഥ ശൈലിയിലും രൂപത്തിലുമായിരുന്നു നബി(സ)യോടുള്ള സ്നേഹം പ്രകടിപിച്ചിരുന്നത്. നബി(സ)യോടുള്ള സ്നേഹം കൊണ്ട് മദീനയിൽ നിന്നവരും മദീന വിട്ട് മറ്റു സ്ഥലത്തേക്ക് മാറി താമസിച്ചവരുമുണ്ട്. സ്നേഹം കാരണം മദീനയിൽ ചെരിപ്പ് ധരിക്കാത്തവരുണ്ട്, വാഹനത്തിൽ സഞ്ചരിക്കാത്തവരുണ്ട്. മുഖത്ത് തന്നെ നോക്കി ഇരുന്നവരും മുഖത്ത് നോക്കാതെ തല താഴ്ത്തി ഇരുന്നവരുമുണ്ട്. ഇങ്ങനെ സ്വഹാബികളുടെയും താബിഉകളുടെയും ചരിത്രത്തിൽ ധാരാളം ഉദാഹരണങ്ങൾ കാണാം.

എല്ലാ സ്വഹാബികളും ളുഹർ നിസ്കരിച്ചത് ഒരേ രൂപത്തിലും ശൈലിയിലുമാണ്. അതിനാൽ നിസ്കാരത്തിന്റെ രൂപമോ ശൈലിയോ സമയമോ ഒന്നും നമുക്ക് മാറ്റാൻ പറ്റില്ല. എന്നാൽ നബി (സ)യോടുള്ള സ്നേഹം പ്രകടിപ്പിച്ചതും അറിവ് പഠിപ്പിച്ചതും ദഅവത് നടത്തിയതുമൊക്കെ വ്യത്യസ്ഥ ശൈലിയിലും രൂപത്തിലും സമയത്തിലുമാണ്.

അതിനാൽ നിശ്ചിത സമയം, രൂപം,ശൈലി ഇവകളൊന്നുമില്ലാത്ത ഇബാദത്തുകൾക്ക് സ്വഹാബികളും ഇമാമുകളും ചെയ്ത പോലെ വ്യത്യസ്ഥ ശൈലിയും രൂപവും നമുക്കും സ്വീകരിക്കാം.

ആകയാൽ സ്വഹാബികളും ഇമാമുകളും വ്യത്യസ്ഥ ശൈലിയിൽ നബി(സ)യോടുള്ള സ്നേഹം പ്രകടിപ്പിച്ചു. ഇന്നും സ്വഹാബികൾ ചെയ്ത പോലെ നമ്മളും വ്യത്യസ്ഥ ശൈലിയിൽ  നബി(സ)യോടുള്ള സ്നേഹം പ്രകടിപ്പിക്കുന്നു.

ഇത് അടിസ്ഥാനമായി മനസ്സിലാക്കിയാൽ വഹാബികളുടെ 16 കാരണങ്ങൾ മഹാ പോയത്തമാണെന്ന് മനസ്സിലാക്കാം.

-------------------------------------------

*വഹാബികളുടെ 16 കാരണങ്ങളും പ്രതികരണവും*

- - - - - - - - - - - - - - - - - - - - - -

*1. വിശുദ്ധ ഖുർആനിൽ നാലു പവിത്ര മാസങ്ങളെ കുറിച്ച് പറഞ്ഞു അതിൽ റബീഉൽ അവ്വൽ മാസത്തെ കുറിച്ച് പരാമർശമില്ല*

A. ദുൽഖഅദ, ദുൽഹിജ്ജ, മുഹർറം, റജബ് ഇതാണ് ആ നാല് മാസം. ഇതിൽ റമളാനും ഇല്ലല്ലോ?

മഹത്ത്വമുളള എല്ലാ മാസവും ആ സൂക്തത്തിൽ പരാമർശിച്ചിട്ടില്ല എന്ന് മനസിലായല്ലോ? 

*2.വിശുദ്ധ ഖുർആൻ പരാമർശിച്ച പ്രവാചകന്മാരുടെ ചരിത്രം പരിശോധിച്ചാൽ അവരുടെ ജന്മ ദിനമോ ചരമ ദിനത്തെയോ കുറിച്ച് ഒന്നും പരാമർശിച്ചിട്ടില്ല*

A.ബാലിശമായ കാരണമാണിത്. നബി(സ) ജനിച്ചോ ഇല്ലേ എന്നൊരു തർക്കം ഇല്ലല്ലോ. ജനിച്ചു എന്നത് ഉറപ്പാണ് തർക്കമില്ല.ആ ജന്മത്തിലാണ് സന്തോഷം. ഏതായാലും പ്രവാചകന്മാരുടെ ചരിത്രം പറഞ്ഞിടത്ത് ജന്മത്തെ കുറിച്ച് ഒന്നും പരാമർശിച്ചില്ല എന്നതും ശരിയല്ല. സൂറത്ത് മർയമിൽ പരാമർശമുണ്ട്.

*3.*സഹീഹായ ഹദീസുകൾ മുഴുവൻ പരിശോധിച്ചാലും നബിദിനത്തെ കുറിച്ച് ഒരു സൂചന പോലും പരാമർശിച്ചിട്ടില്ല.*

A. പരാമർശിച്ചിട്ടുണ്ട്.

വഹാബികളുടെ മുഖപത്രമായ അൽ മനാറിൽ നിന്ന് ഹദീസ് ഉദ്ദരിക്കാം.

"നബി(സ) പറഞ്ഞു: തിങ്കളാഴ്ച ഞാൻ ജനിക്കുകയും എനിക്ക് ദിവ്യ സന്ദേശമിറങ്ങാൻ തുടങ്ങുകയും ചെയ്ത ദിവസമാണ്. അത് കൊണ്ടാണ് ഞാൻ നോമ്പനുഷ്ടിക്കുന്നത്. (മുസ്‌ലിം) "

(അൽ മനാർ 2015

ഡിസം : പേജ് : 4 )

മറ്റൊരു ഹദീസ് കൂടി അൽ മനാറിൽ നിന്ന് തന്നെ വായിക്കാം.

"സൂര്യൻ ഉദിക്കുന്ന ദിവസങ്ങളിൽ ഉത്തമമായ ദിവസമാകുന്നു വെളളിയാഴ്ച. ആ ദിവസത്തിലാണ് ആദം നബി(അ) സൃഷ്ടിക്കപ്പെട്ടതും. (മുസ്‌ലിം, അബൂദാവൂദ്)

അൽ മനാർ 2018 നവം: പേ: 46)

*4.ഇസ്ലാമിൽ രണ്ടു ആഘോഷങ്ങളുണ്ട്. ചെറിയ പെരുന്നാളും, വലിയ പെരുന്നാളും അതിന്റെ സുന്നത്തുകളും ആദാപുകളും പഠിപ്പിച്ചു. എന്നാൽ നബിദിനത്തിന്റെ സുന്നതുകളോ ആദാപുകളോ ലോകത്തുള്ള ഒരൊറ്റ ഹദീസിന്റെ കിതാബുകളിലും കാണാൻ സാധ്യമല്ല.*

A. ഇസ്‌ലാമിൽ ആഘോഷങ്ങൾ രണ്ട് മാത്രമേ ഉള്ളൂ എന്നത് വഹാബികൾക്ക് പോലും സ്വീകാര്യമാവാൻ തരമില്ല.കാരണം രണ്ടിൽ കൂടുതൽ ആഘോഷങ്ങൾ അവരും പഠിപ്പിച്ചിട്ടുണ്ട്.റമളാൻ ആഘോഷമാസമാണ്.(അൽ മനാർ 2012 ജൂലൈ പേ:5)

റബീഉൽ അവ്വൽ ആഘോഷമാസമാണ്

(അൽമുർശിദ് മാസിക 1939 ഏപ്രിൽ)

റമളാൻ ആഘോഷത്തിന്റെ ഭാഗമായി ഒരു മാസത്തെ കാമ്പയിൽ മുജാഹിദും പ്രഖ്യാപിക്കാറുണ്ടല്ലോ. ഇതിന്റെ സുന്നത്തുകളും ആദാബുകളും എന്തൊക്കെയാണ്.? 

സുന്നത്ത് , ഫർള് , ശർത്ത് ഇങ്ങനെ പറയുന്ന ശൈലി നബി(സ) യുടെ കാലത്തുണ്ടോ? അത് തെളിയിച്ചാൽ നബിദിനത്തിന്റെ സുന്നത്തുകൾ പറയാം.

*5.നബി صلى الله عليه وسلم. നുബുവ്വത്തിന് ശേഷം 23 വർഷക്കാലം ജീവിച്ചു. ഒരിക്കൽ പോലും ജന്മ ദിനം ആഘോഷിക്കുകയോ ആഘോഷിക്കാൻ ആഹ്വാനം നൽകുകയോ ചെയ്തിട്ടില്ല*

A.ജന്മദിനമാണ് തിങ്കളാഴ്ച നബി(സ) അത് ആഘോഷിച്ചിട്ടുണ്ട്. അന്ന് പ്രത്യേക ഇബാദത്തും ചെയ്തിട്ടുണ്ട്. വഹാബി മാസികയിൽ നിന്നുള്ള അതിന്റെ തെളിവ് മുകളിൽ ഉദ്ദരിച്ചു.

(മൂന്നിന്റെ ഉത്തരം നോക്കുക)

*6.നബി صلى الله عليه وسلم. ക്ക് മുൻപ് കഴിഞ്ഞു പോയ ഒരറ്റ പ്രവാചകന്റെ ജന്മദിനമോ ചരമ ദിനമോ നബി صلى الله عليه وسلم. ആഘോഷിക്കുകയോ ആചരിക്കുകയോ ചെയ്തിട്ടില്ല*

A. ഉണ്ട്. വെള്ളിയാഴ്ച ആദം നബി(അ)ന്റെ ജന്മദിനമാണ്. (ഹദീസ് 3 ന്റെ ഉത്തരത്തിൽ വായിക്കാം.)

*7.നബിصلى الله عليه وسلم. ക്ക് ശേഷം ഖലീഫമാർ 30വർഷം ഇസ്ലാമിക ഭരണം നിർവഹിച്ചു.അബൂബക്കർ, ഉമർ, ഉസ്മാൻ. അലി رضي الله عنه.ഇവരെല്ലാം ഭരണം നടത്തി. ഒരിക്കൽ പോലും ഇവർ നബിദിനം ആഘോഷിച്ചിട്ടില്ല*

A. ഈ നാല് ഖലീഫമാരും ഒരേ ശൈലിയിലല്ലോ നബി (സ)യോടുളള സ്നേഹം പ്രകടിപ്പിച്ചത്. അബൂബകർ സിദ്ദീഖ്(റ) സ്നേഹം പ്രകടിപ്പിച്ച എല്ലാ ശൈലികളും ഉമർ (റ) സ്വീകരിച്ചിരുന്നോ? എല്ലാ സ്വഹാബികളും ഒരേ ശൈലിയിലാണോ നബി (സ) യോടുള്ള സ്നേഹം പ്രകടിപ്പിച്ചത് ? അല്ലല്ലോ? എങ്കിൽ പിന്നെ ഈ കാരണത്തിന് എന്താണ് പ്രസക്തി ?

*8.നബി صلى الله عليه وسلم.യുടെ വഫാത്തിനു ശേഷം 9 ഭാര്യമാർ ജീവിച്ചിരുപ്പുണ്ടയായിരുന്നു ഒരൊറ്റ പത്നിമാർ പോലും നബി ദിനം ആഘോഷിച്ചിട്ടില്ല.*

A. എല്ലാ പത്നിമാരും സ്വഹാബികളും ഒരേ ശൈലിയിലാണ് നബി(സ) യോടുളള സ്നേഹം പ്രകടിപ്പിച്ചിരുന്നത് എന്ന് തെളിഞ്ഞാലേ ഈ കാരണം പ്രസക്തമാകുന്നുളളൂ.

*9.ഏറ്റവും നല്ല തല മുറക്കാർ ആദ്യത്തെ മൂന്ന് തലമുറക്കാർ ആണെന്നാണ് നബി صلى الله عليه وسلم.പഠിപ്പിച്ചത് അവർ നബി ദിനം ആഘോഷിച്ചിട്ടില്ല.*

A. ഇതും ബാലിശമായ കാരണമാണ്. മൂന്ന് തലമുറക്കാർ എല്ലാവരും ഒരേ ശൈലിയിലാണോ നബി(സ) യോടുളള സ്നേഹം പ്രകടിപ്പിച്ചത് ?

അല്ലല്ലോ. ബിലാൽ(റ) പ്രകടിപ്പിച്ച ശൈലിയിലാണോ അബൂഹുറൈറ (റ) പ്രകടിപ്പിച്ചത്. ബിലാൽ(റ) മദീന വിട്ടു പോയത് സ്നേഹപ്രകടനത്തിന്റെ ഭാഗമായിരുന്നില്ലേ ? എല്ലാവരും അങ്ങിനെ ചെയ്തോ?

*10.മുസ്ലിം ലോകം ആദരിക്കുന്ന 4 മദ്ഹബിന്റെ പണ്ഡിതന്മാർ ഇമാം ഷാഫി ഈ, ഇമാം മാലിക്,ഇമാം അബൂ ഹനീഫ, ഇമാം അഹ്‌മദ്‌ ഇബ്നു ഹമ്പൽ رحمه الله.ഇവർ ആരും തന്നെ നബി ദിനം ആഘോഷിച്ചില്ല എന്ന് മാത്രമല്ല ആഘോഷിക്കാൻ ഫത്‌വയും നൽകിയുമില്ല*

A. ഇമാം മാലിക്(റ)വും ശാഫിഈ ഇമാമും (റ) സ്നേഹപ്രകടനത്തിന് ഒരേ ശൈലി സ്വീകരിച്ചിരുന്നോ? ഇല്ലല്ലോ? മാലിക് ഇമാം (റ) മദീനയിൽ ചെരുപ്പ് ഇടാതിരുന്നതും , വാഹനത്തിൽ സഞ്ചരിക്കാതിരുന്നതും മദീന വിട്ട് മറ്റു സ്ഥലങ്ങളിലേക്ക് യാത്ര പോകാതിരുന്നതും നബിസ്നേഹത്തിന്റെ പ്രകടനമാണ്. എന്നാൽ ഈ ശൈലി മററു ഇമാമുകൾ സ്വീകരിച്ചിരുന്നോ? 

ഇല്ലെങ്കിൽ ഈ കാരണത്തിന് എന്ത് പ്രസക്തി ?

*11. ഹദീസ് പണ്ഡിതന്മാരായ ഇമാം ബുഖാരി, ഇമാം മുസ്ലിം, ഇമാം അബൂ ദാവൂദ്, ഇമാം തീർമിദി, رحمه الله. ഇവർ ആരും നബി ദിനം ആഘോഷിച്ചിട്ടില്ല.*

A. ഈ ഇമാമുകൾ എല്ലാം ഒരേ ശൈലിയിലാണ് നബി(സ)യോടുള്ള സ്നേഹം പ്രകടിപ്പിച്ചത് എന്ന് തെളിയിച്ചാലേ ഈ കാരണത്തിന് പ്രസക്തിയുള്ളു.

*12.മൗലിദ് കഴിക്കൽ മുൻപ് പതിവില്ലാത്തതാ അത് ഹിജ്റ 300നു ശേഷമാണു  വന്നതെന്ന് പാട്ടു ഉണ്ടാക്കിയത് തഴവ കുഞ്ഞു മുഹമ്മദ്‌ മുസ്ലിയാരാണ് അദ്ദേഹം സലഫി ആയിരുന്നില്ല സമസ്തക്കാരൻ ആയിരുന്നു.*

A. നബി(സ) യോടുള്ള സ്നേഹപ്രകടനത്തിന് ഹിജ്റ 300 ന് ശേഷം രാജകീയ പ്രൗഡിയിൽ വന്ന പുതിയൊരു  ശൈലിയെ കുറിച്ചാണ് തഴവ ഉസ്താദ്  പറഞ്ഞത്. അതിന് മുമ്പും ശേഷവും ഇപ്പോഴും പുതിയ ശൈലികൾ ഉണ്ടായി കൊണ്ടേയിരിക്കുന്നു. ഇതെല്ലാം പുണ്യകർമ്മത്തിന്റെ പരിധിയിൽ വരുമെന്നും തഴവ ഉസ്താദ് അതിൽ പറഞ്ഞിട്ടില്ലെ.? മൂടിവെച്ചത് എന്തിനാണ്.?

*13.സ്വർഗത്തിലേക്ക് അടുപ്പിക്കുന്നതും നരകത്തിൽ നിന്ന് അകറ്റുന്നതും ആയ മുഴുവൻ കാര്യങ്ങളും ഞാൻ പഠിപ്പിച്ചു എന്ന് പറഞ്ഞത് നബി صلى الله عليه وسلم. ആയിരുന്നു അതിൽ നബിദിനം ഇല്ല*

A. ഉണ്ട്. (ഉത്തരം 3 ആവർത്തിക്കുക)

*14.മതത്തിൽ പുതുതായി ഉണ്ടാക്കപ്പെടുന്നത് തള്ളപ്പെടേണ്ടതാണെന്നാണ് നബി പഠിപ്പിച്ചത് അത് കൊണ്ട് നബി ദിന ആഘോഷം തള്ളപ്പെടേണ്ടതാണ്.*

A. നബി(സ) യോടുള്ള സ്നേഹപ്രകടനം മതത്തിലുള്ളതാണ്. അതിന് പുതിയ ശൈലികൾ സ്വീകരിക്കലും മതത്തിൽ ഉള്ളതാണ്.

മത പ്രമാണങ്ങളിലുളളതിന് എതിരാകുമ്പോഴാണ് തള്ളിക്കളയേണ്ടത്.

*15.ഒരു റബി ഉൽ അവ്വൽ മാസം 12നാണു നബി صلى الله عليه وسلم. വഫാത്താകുന്നത്.ആ വഫാത്തായ ദിവസം മുസ്ലിമീങ്ങൾക്ക് ആഘോഷിക്കാൻ സാധിക്കുമോ*

A. മുസ്വീബത് ഓർക്കണമെന്നല്ല, അനുഗ്രഹങ്ങൾ അവതരിച്ച ദിനങ്ങൾ ഓർക്കണമെന്നാണ് ഖുർആനിന്റെ നിർദ്ദേശം.

*16.ജന്മ ദിനം ആഘോഷിക്കലോ ചരമ ദിനം ആചരിക്കലോ മുസ്ലിമിന്റെ സംസ്കാരമല്ല.*

*ഹിജ്‌റ 7ആം നൂറ്റാണ്ടിൽ മുളഫർ രാജാവ് തുടങ്ങി വെച്ചതാണെന്നും അതിനു മുൻപ് ശിയാക്കളിലെ ഫാത്തിമിയാക്കൾ തുടങ്ങി വെച്ചതാണെന്നും ചരിത്രം പറയുന്നു.*

A. നബി (സ) യുടെ ജന്മദിനം നബി (സ) തന്നെ ആഘോഷിച്ച് കാണിച്ചതാണ്. (ഉത്തരം 3 ആവർത്തിക്കുക)

ഇമാം മഹ്ദി (റ)ന്റെ വരവ് ശിയാക്കളുടെ വാദമാണെന്ന് അൽമനാറിൽ മൗലവിമാർ പഠിപ്പിച്ചിരുന്നു. ഇപ്പോൾ അത് തിരുത്തി അഹ്ലുസുന്നയുടെ വാദമാണെന്ന് അൽ മനാറിൽ തന്നെ തിരുത്ത് വന്നിട്ടുണ്ട്. അത് പോലെ ഇതിനും പ്രതീക്ഷിക്കാവുന്നതാണ്.

*വഹാബികളോട് ഒറ്റ ചോദ്യം*

നബി (സ) ചെയ്യാത്തതെല്ലാം ബിദ്അത്തും അനാചാരവുമാണെന്നും അത് തള്ളിക്കളയണമെന്നുമാണല്ലൊ വഹാബികളുടെ വാദം. 

എന്നാൽ വെള്ളിയാഴ്ച രണ്ട് ഖുത്ബയിലും സ്വലാത്ത് ചൊല്ലൽ നിർബന്ധമാണെന്ന് വഹാബി മദ്റസ പാഠ പുസ്തകത്തിലും അൽ മനാറിലും ശബാബിലും പഠിപ്പിക്കുന്നുണ്ട്. മൗലവിമാർ ഇത് ചെയ്തു കൊണ്ടിരിക്കുകയും ചെയ്യുന്നു. ചോദ്യം ഇതാണ്: നബി(സ) രണ്ട് ഖുത്ബകളിലും സ്വലാത്ത് ചൊല്ലിയിരുന്നു. എന്നതിന് ഒരു ഹദീസ് തെളിയിക്കാമോ? ഖുതുബയിൽ സ്വലാത്ത് ചൊല്ലൽ നിർബന്ധമാണെന്ന് ഖുർആനിലുണ്ടോ?

🌹🌹🌹🌹🌹🌹🌹🌹🌹

Aboohabeeb payyoli

Mob: 9048 171 939