നബിദിനത്തിൽ വിതരണം ചെയ്യപ്പെടുന്ന ഭക്ഷണം കഴിക്കുന്നതിൽ നിന്ന് വിട്ടുനിൽക്കണമെന്ന് ദേവ്ബന്ദിൻ്റെ ഫത്വ ഒരാൾ പ്രചരിപ്പിക്കുന്നത് കണ്ടു അതിൽ അത്ഭുതപ്പെടാനില്ല അവരുടെ നേതാക്കൾ അത് പണ്ടുമുതലേ പറയുന്ന കാര്യമാണ്.
ഇമാം ഇബ്നു ഹജർ
ഇമാം സുയൂഥി
ഇമാം ഖസ്ത്വല്ലാനി
ഇമാം മുഹമ്മദ് ശാമി
ഇമാം ഹാഫിള് ഇറാഖി
ഇമാം ഇബ്നുൽ ജൗസി
ഇമാം സുർഖാനി തുടങ്ങിയ മഹാന്മാർ മുഴുവനും നബിദിനത്തിലേ ഭക്ഷണ വിതരണത്തെ പ്രോത്സാഹിപ്പിച്ചവരാണ്.
ഞങ്ങളുടേത് ശാഹ് വലിയുല്ലാഹ് ദഹ്‌ലവി(റ, ശാഹ് അബ്ദുൽ അസീസ് ദഹ്‌ലവി(റ)യുടെ വഴിയാണെന്ന് ദൈവ്ബന്ദികൾ ജനങ്ങളെ കബളിപ്പിക്കാൻ വേണ്ടി പറയും യഥാർത്ഥത്തിൽ അങ്ങനെയല്ല.
അത് അൻവർ ശാഹ് കശ്മീരിയുടെ മകൻ അൻളർ ശാഹ് കശ്മീരി ഒരു സ്ഥലത്ത് വ്യക്തമായി തന്നെ പറഞ്ഞിട്ടുണ്ട് "ദൈവ്ബന്ദ് മസ്ലക് ശാഹ് വലിയുല്ലാഹ് ദഹ്‌ലവിയുടെ വഴിയല്ല അത് ഗംഗോഹിയുടെയുടെയും നാനൂതവിയുടെയും വഴിയാണ് "
(മാഹ്നാമ അൽ ബലാഗ് )
ഈ വിഷയത്തിൽ ശാഹ് വലിയുല്ലാഹ് ദഹ്‌ലവി(റ, ശാഹ് അബ്ദുൽ അസീസ് ദഹ്‌ലവി(റ)യുടെ നിലപാട് എന്താണെന്ന് മനസ്സിലാക്കാം
ശാഹ് വലിയുല്ലാഹ് ദഹ്‌ലവി(റ, പറയുന്നു
اخبرني سيدي الوالد قال كنت اصنع في ايام المولد طعاما صلة بالنبي صلى الله عليه وسلم فلم يفتح لي في سنة من السنين شيئا اصنع به طعاما
فلم اجد الا حمصا مقليا فقسمته بين الناس فرأيته صلى الله عليه وسلم ويبن يديه هذا الحمص، مبتهجا بشاشا انتهى.
(الدر الثمين في مبشرات النبي الامين)
എന്റെ പിതാവ് എന്നോട് പറഞ്ഞു : "ഞാൻ എല്ലാ വർഷവും
തിരുനബി(സ)യുടെ മൗലിദ് ശരീഫിൻ്റെ നാളുകളിൽ മുത്ത് നബിയുടെ പേരിൽ ഭക്ഷണം പാകം ചെയ്യാറുണ്ടായിരുന്നു. ഒരു വർഷം വറുത്ത കടല അല്ലാതെ മറ്റൊന്നും എന്റെ പക്കൽ ഉണ്ടായിരുന്നില്ല. അതുകൊണ്ട് ഞാൻ അതേ വറുത്ത കടല ജനങ്ങൾക്കിടയിൽ വിതരണം ചെയ്തു. രാത്രിയിൽ, മുത്ത് നബി(സ)യെ വളരെ സന്തോഷിക്കുന്നവരായ സ്ഥിതിയിൽ സ്വപ്നത്തിൽ സന്ദർശിക്കാൻ എനിക്ക് ഭാഗ്യമുണ്ടായി. അവിടുത്തെ മുന്നിൽ എൻ്റെ കടലയുമുണ്ട്.
(الدر الثمين في مبشرات النبي الامين)
മറ്റൊരു സ്ഥലത്ത് ശാഹ് വലിയുല്ലാഹ് ദഹ്‌ലവി(റ) പറയുന്നു
حضرت ایشاں فرموند کہ دوازدہم ربیع الاول‘‘ بہ حسب دستور قدیم ’’قرآن واندم و چیزے نیاز آں حضرتﷺ قسمت کردم وزیارت موئے شریف نمودم،
(القول الجلی في ذكر اثار الولي)
പണ്ടുമുതലേ നടത്തിവരാറുള്ളത് പോലെ നബി (സ) യുടെ ജന്മദിനമായ റബീഅൽ അവ്വൽ പന്ത്രണ്ടിന് ഞാൻ വിശുദ്ധ ഖുർആൻ പാരായണം ചെയ്യുകയും ഭക്ഷണവും മറ്റും വിതരണം ചെയ്യുകയും ചെയ്തു. തിരുനബി(സ)യുടെ അനുഗ്രഹീതമായ മുടി സന്ദർശിക്കുകയും ചെയ്തു.
(القول الجلی في ذكر اثار الولي)
ശാഹ് അബ്ദുൽ അസീസ് ദഹ്‌ലവി(റ)യുടെ ഒരു ഫത്വാ അബ്ദുൽ ഹഖ് ഇലാഹബാദി(റ) അദ്ദുർറുൽ മുനള്ളം എന്ന ഗ്രന്ഥത്തിൽ ഉദ്ധരിക്കുന്നുണ്ട് അതിന്റെ അവസാനത്തിൽ പറയുന്നത് കാണാം
اولا بعضے از احادیث فضائل آن حضرت صلى الله عليه وآله وسلم مذکوره میشود و بعد ازاں ذکر ولادت با سعادت و نبذی از حال رضاع و حلیه شریف و بعضے از آثار که درین آوان بظهور آمد بمعرض بیان می آید پستر برما حضر از طعام یا شیرینی فاتحه خوانده تقسیم آن بحاضرین مجلس میشود علاوه بران زیارت موئے مبارک
آنحضرت صلی الله علیه و آله و سلم نیز معمول قدیم است. انتهی۔
(الدر المنظم)
റബീഉൽ അവ്വൽ മാസത്തിൽ മുത്ത് നബിയുടെ ജനനവുമായി ബന്ധപ്പെട്ട ഹദീസുകൾ പാരായണം ചെയ്യൽ ഭക്ഷണ വിതരണം നടത്തൽ മുത്ത് നബിയുടെ അനുഗ്രഹീതമായ മുടി സന്ദർശനം നടത്തൽ ഞങ്ങളുടെ പണ്ടുമുതലേയുള്ള പതിവാണ്
(الدر المنظم)
അബ്ദുൽ ഹഖ് ഇലാഹബാദി(റ) ഹാജി ഇംദുള്ളാഹ് മുഹാജിർ മക്കിയുടെ നിർദ്ദേശപ്രകാരം രചിച്ച ഗ്രന്ഥമാണ് അദ്ദുർറുൽ മുനള്ളം
ഹാജി ഇംദുള്ളാഹ് മുഹാജിർ മക്കി (റ)
റഹ്മത്തുള്ളാഹിൽ കീറാനവി (റ)
അബ്ദു സ്സമീഅ് റാംപൂരി (റ) തുടങ്ങിയ പ്രഗൽഭരായ പണ്ഡിതന്മാർ ഗ്രന്ഥത്തിന് തഖ്രീള് എഴുതിയിട്ടുണ്ട്
ഹാജി ഇംദുള്ളാഹ് മുഹാജിർ മക്കിയുടെ തഖ്രീള്
مولف علامہ جامع الشریعہ والطریقہ نے جو کچھ رسالہ الدر المنظم فی بیان حکم مولد النبی الاعظم میں تحریر کیا، وہ عین صواب ہے، فقیر کا بھی یہی اعتقاد ہے اور اکثر مشائخ عظام کو اسی طریقہ پر پایا، خداوند تعالیٰ مولف کے علم و عمل میں برکت زیادہ عطا فرماوے‘‘ (الدرالمنظم -146)
ജാമിഉ ശ്ശരീഅതി വ ത്ത്വരീഖ അബ്ദുൽ ഹഖ് ഇലാഹബാദി നബി തങ്ങളുടെ മൗലിദുമായി ബന്ധപ്പെട്ട് രചിച്ച അദ്ദുർറുൽ മുനള്ളം എന്ന ഈ ഗ്രന്ഥം പൂർണ്ണമായും ശരിയാണ് (عین الصواب ആണ് ) എൻ്റെ വിശ്വാസവും ഇതുതന്നെയാണ് ധാരാളം മഷായിഖ്മാരുടെ വഴിയും ഇത് തന്നെയാണ് രചയിതാവിന്റെ ഇൽമിലും അമലിലും ബറക്കത്ത് നൽകട്ടെ.
(الدرالمنظم -146)
ദേവ്ബന്ദികൾക്ക് മൗലിദിന്റെ ഭക്ഷണത്തോട് വെറുപ്പാണ് എന്നാൽ അവർക്ക് ഇഷ്ടമുള്ള ഭക്ഷണം ഏതാണെന്ന് അവരുടെ തന്നെ നേതാവ്
റഷീദ് അഹ്മദ് ഗംഗോഹി ഖാസിം നാനൂതവിയിൽ നിന്നുതന്നെ ഉദ്ധരിച്ചു പറയാം
ഗംഗോഹിയുടെ ഫത്വ കാണുക
(سوال) ہندو تہوار ہولی یادیوالی میں اپنے استاذ یا حاکم یا نوکر کو کھیلیں یا پوری یا اور کچھ کھانا بطور تحفہ بھیجتے ہیں ان چیزوں کا لینا اور کھانا استاد و حاکم و نوکر مسلمان کو درست ہے یا نہیں۔
( جواب ) درست ہے۔
(فتاوی رشیدیہ 574)
(ചോദ്യം)ഹിന്ദുക്കൾ ഹോലി, ദിവാലിയുടെ ആഘോഷ വേളകളിൽ പൂരി പായസം അധ്യാപകർക്കും ഭരണാധികാരികൾക്കും നൽകുന്നു മുസ്ലിം അധ്യാപകർ മുസ്ലിം ജീവനക്കാർ അത് കഴിക്കൽ അനുവദനീയമാണോ അല്ലേ?
(ഉത്തരം) അനുവദനീയമാണ്
(ഫതാവ റഷീദിയ്യ 574 )
നാനൂതവിയുടെ ഇഷ്ട്ടഭക്ഷണം എന്താണെന്ന് നോക്കാം
ഖാറി ത്വയ്യിബിന്റെ നിർദ്ദേശ പ്രകാരം മുനാസിർ അഹ്സൻ ദേവ്ബന്ദി എഴുതിയ ചരിത്രത്തിൽ കാണാം
آپ نے اس اضافہ کو بھی مان لیا اور حسب وعد ماتم کی مجلس میں حاضر بھی ہوئے، حلوا جو دیا گیا اسے بھی لے لیا
(سوانح قاسمی 22-2)
ഖാസിം നാനൂതവി ശിയാക്കളുടെ ദുഃഖാചരണത്തിൽ പങ്കെടുക്കുകയും അവർ നൽകിയ മധുര പലഹാരം സ്വീകരിക്കുകയും ചെയ്തു.
(സവാനിഹേ ഖാസിമി 2-22)
ഇബ്രാഹീം ഖലീൽ സഖാഫി,
പെരിയടുക്ക
9633671890
