*മൗലിദിൽ ശിർക്ക്*
*തിരയുന്ന മൗലവിയോട്*
മൗലിദിൽ ശിർക്കുണ്ടെന്ന് ആരോപിച്ച് ഒരു മൗലവി എഴുതിവിട്ട കുറിപ്പും
അതിന്റെ മറുപടിയും
➖➖➖➖➖➖➖➖➖➖➖
മൗലവി എഴുതുന്നു:
സൂറ: റഅദിലെ 14 ആം വചനം നാം വായിച്ചില്ല.
"യഥാർത്ഥമായ വിളി അല്ലാഹു വിന് മാത്രമുള്ളാണ്.
അവന് പുറമെ അവർ വിളിച്ചു പ്രാർത്തിക്കുന്നവർ ഉത്തരം ചെയ്യുകയേയില്ല.'' (ഖു: 13:14)
നാം ചൊല്ലി വരുന്ന എല്ലാ മൗലൂദുകളിലും അല്ലാഹു അല്ലാത്തവരോടുള്ള പ്രാർത്ഥന തന്നെയാണുള്ളത്.
ചില ഉദാഹരണങ്ങൾ:
1️⃣.ياسيدالسادات جءتك قاصدا
ارجوا حماك فلاتخيب مقصدي
قدحل فينا قدعلمت من االاذي
والظلم الشديد فاصعد
സംഗ്രഹം: നബിയെ, അങ്ങയുടെ കാവലിനായി പ്രാർത്ഥിക്കുന്നു.
എല്ലാ പ്രയാസങ്ങളിലും അങ്ങ് ഞങ്ങളെ സഹായിക്കണമെ
(മൻ ഖൂസ് )
*മറുപടി* 👉
"അർജൂ" എന്നതിന് പ്രാർത്ഥന എന്ന അർത്ഥം കൊടുത്തത് തെറ്റാണ്. മുത്ത് നബി(സ)യിൽ നിന്ന് കാവൽ പ്രതീക്ഷ പ്രാർത്ഥന (ഇബാദത്) യാണെങ്കിൽ നിങ്ങൾ പറയുന്ന പ്രാർത്ഥന നബി(സ)ക്ക് മനസ്സിലായിട്ടില്ലെന്നു പറയേണ്ടിവരും. കാരണം, നബി(സ)യോട് പ്രതിസന്ധിഘട്ടത്തിൽ കാവൽ തേടിയപ്പോൾ നബി(സ)കാവൽ നൽകിയിട്ടുണ്ട്. അൽമനാർ ഉദ്ധരിക്കുന്നു:
".... സുറാഖത്ത് പറഞ്ഞു : മുഹമ്മദ് എന്റെ കുതിരയെ ഒന്ന് രക്ഷപ്പെടുത്തി തരൂ. അതിന്റെ കാലുകൾ ഭൂമിയിൽ താണു പോയിരിക്കുന്നു. എനിക്ക് അപേക്ഷിക്കാനുള്ള ഒരു കാര്യം അതാണ്. തിരുമേനി ശരി അക്കാര്യം അല്ലാഹു സാധിപ്പിച്ചിരിക്കുന്നു. സുറാഖത്ത് തന്റെ കുതിരയെ നോക്കി. എന്തൊരു അത്ഭുതം, കുതിര ഒന്നും സംഭവിക്കാത്ത പോലെ പഴയ ആ പ്രൗഡിയിൽ അതാ തന്റെ നേരെ നടന്നുവരുന്നു."
(അൽമനാർ 1954 സെപ്റ്റംബർ പേജ്: 47 )
അത് പോലെ കെ എം മൗലവി എം സി സി മൗലവിയെ ദൈവമാക്കി എന്നും പറയേണ്ടി വരും.
പ്രതിസന്ധി ഘട്ടത്തിൽ കെ എം മൗലവിയെ രക്ഷിച്ചത് എം സി സി മൗലവിയായിരുന്നത്രെ.
"എന്റെ ജീവൻ രക്ഷിച്ച മനുഷ്യ സ്നേഹിയാണ് എംസിസി അബ്ദുറഹ്മാൻ മൗലവി."
( കെഎം മൗലവി - എം സി സി അബ്ദുറഹ്മാൻ മൗലവി സ്മാരകഗ്രന്ഥം പേ : 12)
2️⃣ انت منجينا من الحرق
من لهيب النار والاجج
സംഗ്രഹം: നബിയാണ് നാളെ നരകത്തിൽ നിന്ന് ഞങ്ങളെ രക്ഷിക്കുന്നത്
(മൻഖൂസ് )
വേദനേറിയ
ശിക്ഷയിൽ നിന്ന് രക്ഷിക്കാൻ ആരുണ്ട് (ഖുർആൻ)
*മറുപടി*👉
മുത്ത് നബി(സ)യുടെ ശഫാഅത്ത് കാരണം വിശ്വാസികളെ അല്ലാഹു നരകത്തിൽ നിന്ന് രക്ഷിക്കും. നബി(സ)യുടെ ശഫാഅത്ത് കാരണമായതുകൊണ്ട് നബി രക്ഷിക്കും എന്ന് പറയുന്നതിന് വിരോധമില്ല.
മരുന്ന് മുഖേനെ അല്ലാഹുവാണ് രോഗം സുഖപ്പെടുത്തിയതെങ്കിലും മരുന്ന് രോഗം സുഖപ്പെടുത്തി എന്നു പറയുന്നത് പോലെ.
കെ എൻ എം മുഖപത്രത്തിൽ എഴുതുന്നു :
" അല്ലാഹുവാണ് രോഗം മാറ്റുന്നത് എന്നാണ് മുസ്‌ലിംകൾ വിശ്വസിക്കേണ്ടത്. ആ വിശ്വാസത്തോടെ ഒരാൾ ഒരു ഡോക്ടറുടെ ചികിത്സ തേടുകയും സുഖപ്പെട്ടപ്പോൾ ഇന്ന് ഡോക്ടർ ചികിത്സിച്ചപ്പോൾ രോഗം ഭേദമായി എന്ന് പറയുകയും ചെയ്താൽ ശിർക്കാവില്ല. കാരണം രോഗം ഭേദമായ രീതി വിവരിച്ചു എന്നല്ലാതെ അല്ലാഹുവല്ല രോഗം മാറ്റിയത് എന്ന വിശ്വാസം അത് പറയുമ്പോൾ നമുക്കില്ലല്ലോ"
(വിചിന്തനം വാരിക
2008 ജൂലൈ 1, പേജ്: 9)
3️⃣വിഗ്രഹങ്ങളോടുള്ള പ്രാർത്ഥനയും
മൻഖൂസിൽ കാണാം.
ايا صنم العيد الذي صف حوله
صناديد من وفد بعيدومن قرب
സംഗ്രഹം:
പ്രമുഖരെല്ലാം സംഗമിക്കുന്ന ഞങ്ങളുടെ പ്രധാന ബിംബമെ ....
*മറുപടി* 👉
നബി(സ)യുടെ ജന്മ സമയത്തുണ്ടായിരുന്ന അത്ഭുത സംഭവമാണിത്. ബിംബങ്ങൾ തലകുത്തി വീണു. ഈ സംഭവം നടക്കുമ്പോൾ ബിംബരാധകർ പാടിയ പാട്ടാണിത്. ചരിത്രം ഉദ്ധരിക്കുമ്പോൾ അവർ പാടിയ പാട്ടു കൂടി ഇതിൽ ചേർത്തതാണ്. വഹാബികൾക്ക്‌ സ്വീകാര്യനായ ഇബ്നു തൈമിയ്യയുടെ ശിഷ്യൻ ഇബ്നു കസീർ 'അൽ ബിദായ'യിൽ ഈ സംഭവം ഉദ്ധരിച്ചിട്ടുണ്ട്. ഇത് വെച്ച് 'അൽ ബിദായ'യിൽ വിഗ്രഹങ്ങളോടുള്ള പ്രാർത്ഥനയുണ്ടെന്ന് മൗലവി പറയുമോ?
4️⃣ അല്ലാഹുവിൻ്റെ അടിമ എന്നത് ഒഴിവാക്കി നബി(സ)യുടെ അടിമ എന്ന ഭാഗവും കാണാം.
5. عبد ك المسكين يرجوا فصلك الجم الغفير الغفير
സംഗ്രഹം:
നബിയെ ,അങ്ങയുടെ
മിസ്കീനായ അടിമയാണ് ഞാൻ
ഇനിയും ധാരാളമുണ്ട്.
ആളുകൾക്ക് ഇതിൻ്റെയൊക്കെ അർത്ഥം ഒന്ന് പറഞ്ഞുകൊടുത്തിരുന്നെങ്കിൽ,,,,,,,,,,,
*മറുപടി* 👉
'അടിമ' എന്ന പ്രയോഗിച്ചതിനാൽ മൗലിദ് ശിർക്കാണെങ്കിൽ കെ ഉമർ മൗലവി മുശിരിക്കാവേണ്ടിവരും.
കെ ഉമർ മൗലവി എഴുതുന്നു :
" മനുഷ്യൻ മനുഷ്യന്റെ അടിമയാകുന്നത് വിരോധമില്ലെന്നാണ് പ്രവാചകൻ പഠിപ്പിച്ചത്. മൗദൂദി പറയുന്നത് മനുഷ്യൻ മനുഷ്യന്റെ അടിമയായാൽ കാഫിറായെന്നാണ്. മൗദൂദി പറഞ്ഞത് ളലാലത്താണ്. "
(സൽസബീൽ 1998
ഫെബ്രുവരി പേജ് 26 )
5️⃣.ارتكبت على الخطا غيرحصر وعدد لك اشكوا
സംഗ്രഹം: പാപങ്ങൾ പൊറുക്കാൻ അങ്ങയോട് പറയുന്നു
" അല്ലാഹുവല്ലാതെ പാപങ്ങൾ പൊറുക്കാൻ ആരുണ്ട് (ഖുർആൻ)
*മറുപടി* 👉
തെറ്റുകൾ ഒരുപാട് ഞാൻ ചെയ്തു പോയിട്ടുണ്ട്. പൊറുക്കാൻ ആവശ്യമായ കാര്യങ്ങൾ അങ്ങ് ചെയ്യണേ നബിയേ.. എന്നാണ് ഇതിന്റെ ശരിയായ സംഗ്രഹം.
"നബിയേ, മുഅ്മിനീങ്ങൾക്ക് വേണ്ടി ദോഷം പൊറുക്കാൻ അങ്ങ് ആവശ്യപ്പെടണം" (ഖുർആൻ)
✍️Aslam saquafi payyoli
🌹
