കമ്യൂണിസ്റ്റുകളോടൊപ്പം 67ൽ CH ൻ്റെ ലീഗ് സമ്മേളനം !

  

ലീഗിന് കമ്മ്യൂണിസം ഹറാമായത് എന്നു മുതലാണ്....❓ലീഗ് ആദ്യമായി അധികാരമെന്ന ചക്കരക്കുടത്തിൽ കയ്യിട്ട് നക്കിയത് കമ്മ്യൂണിസ്റ്റ് മന്ത്രിസഭയിൽനിന്നല്ലേ....❓

1965ൽ ജനുവരി 1ന് കോർക്കോട് ജില്ലയിലെ കൊയിലാണ്ടിയിൽ നടന്ന സമ്മേളനത്തിന്റെ നോട്ടീസാണിത് ഇതിൽ ആരൊക്കെയാണ് പങ്കെടുത്തത് എന്ന് നോക്കുക .... 

അന്ന് ലീഗ് സമ്മേളനത്തിൽ പങ്കെടുത്ത സാക്ഷാൽ കമ്മ്യൂസം അംഗീകരിക്കുന്ന #EMS. #ശങ്കരൻ #നമ്പൂതിരിയും , #സി #അച്ചുത #മേനോനും , #അരങ്ങിൽ #ശ്രീധരനും താല്‍ക്കാലിക മൂസ്ലിമായിരുന്നോ...❓അന്ന് ബാഫഖി തങ്ങളും,സി.എച്ചും കമ്മ്യൂണിസത്തെ ലീഗിനൊപ്പം ചേർത്തിയത് ഇസ്ലാമിനെ നശിപ്പിക്കാനോ അതോ ഇസ്ലാമിനെ സംരക്ഷിക്കാനോ....❓അന്നത്തെ ഒത്തുചേരലിൽ ബാഫഖി തങ്ങളും സി എച്ചും നക്കാപ്പിച്ചക്കുവേണ്ടി ഇസ്ലാമിനെ കമ്മ്യൂണിസത്തിന്റെ ആലയിൽകെട്ടി എന്നാണോ നിങ്ങളുടെ വാദം...❓ആ ഐക്യപ്പെടൽകൊണ്ട് സമുദായത്തിന് സംഭവിച്ചത് നേട്ടമോ കോട്ടമോ....❓അന്ന് ബിഫഖി തങ്ങളും സി.എച്ചും മുസ്ലിം സമുദായത്തെ വഞ്ചിച്ഛൂ എന്നാണോ നിങ്ങൾ ഇപ്പോൾ പറയുന്നത്.....❓

വഹാബികൾ പൊളിച്ച മഖ്ബറകൾ

 

വഹാബികൾ സ്വഹാബിയുടെ

ജാറം പൊളിച്ച ചരിത്രം....

ലീഗില്ലായിരുന്നെങ്കിൽ ?

 *ലീഗില്ലായിയിരുന്നെങ്കിൽ*

ലീഗില്ലായിയിരുന്നെങ്കിൽ 

കേരളത്തിൽ വഹാബികൾക്ക് ഇന്നുള്ളതിൻ്റെ പത്തിലൊരംശം പോലും വളർച്ച കൈവരില്ലായിരുന്നു. കേരളത്തിൽ വഹാബിസം എന്നേ ശ്വാസം മുട്ടി ചാവുമായിരുന്നു.

ലീഗില്ലായിരുന്നെങ്കിൽ കേരളീയ മുസ്ലിം സമൂഹത്തിൻ്റെ വൈജ്ഞാനിക നവോത്ഥാന മുന്നേറ്റങ്ങൾക്ക് ഇപ്പോഴുള്ളതിനേക്കാൾ വേഗത കൈവരുമായിരുന്നു.

ലീഗില്ലായിരുന്നെങ്കിൽ കേരളത്തിലെ സുന്നി സമൂഹത്തിനിടയിൽ 

ഒരു പിളർപ്പുമുണ്ടാകില്ലായിരുന്നു.

 ലീഗില്ലായിരുന്നെങ്കിൽ പണ്ഡിതന്മാരെയും 

സയ്യിദന്മാരെയും തെറി പറയുകയും കോലം കത്തിക്കുകയും ചെയ്യുന്ന ഒരു മുസ്ലിം തലമുറ ഉണ്ടാവില്ലായിരുന്നു.

ലീഗില്ലായിരുന്നെങ്കിൽ കേരളത്തിൽ സുന്നികളുടെ  പള്ളികളും വഖ്ഫ് സ്വത്തുക്കളും ഒരു തരി മണ്ണ് പോലും വഹാബികൾ പിടിച്ചടക്കില്ലായിരുന്നു.

ലീഗില്ലായിരുന്നെങ്കിൽ കേരളത്തിലെ മുഴുവൻ സയ്യിദന്മാർക്കും 

ആലിമീങ്ങൾക്കും അർഹിച്ച ആദരവ് ലഭിക്കുമായിരുന്നു.

ലീഗില്ലായിരുന്നെങ്കിൽ 

കേരളത്തിലെ ഒരൊറ്റ മുസ്ലിം പള്ളികളും പൂട്ടേണ്ടി വരില്ലായിരുന്നു.

ലീഗില്ലായിരുന്നെങ്കിൽ 

ഒരു ഡസനോളം സുന്നികൾ ക്രൂരമായി കൊല ചെയ്യപ്പെടില്ലായിരുന്നു.

ലീഗില്ലായിരുന്നെങ്കിൽ 

ശംസുൽ ഉലമയെ 

പട്ടിക്കാട് ജാമിഅ നൂരിയ്യയിൽ നിന്ന് 

പുറത്താക്കപ്പെടുകയോ ആ മഹാമനീഷിയുടെ 

കോലം തെരുവിൽ കത്തിക്കപ്പെടുകയോ ചെയ്യില്ലായിരുന്നു.

ലീഗില്ലായിരുന്നെങ്കിൽ 

ഉമർ ബാഫഖി തങ്ങൾ പന്നിയിറച്ചി കഴിക്കുന്ന കാർട്ടൂൺ ചിത്രീകരിക്കപ്പെടില്ലായിരുന്നു.

ലീഗില്ലായിരുന്നെങ്കിൽ, ലീഗിന് ദാസ്യപ്പണി ചെയ്യുന്നവർ സമസ്തയിൽ കയറിപ്പറ്റിയിട്ടില്ലായിരുന്നെങ്കിൽ കേരളത്തിൽ സുന്നികൾ എന്നോ ഐക്യപ്പെടുമായിരുന്നു.

ഒറ്റവാക്കിൽ പറഞ്ഞാൽ ലീഗില്ലായിരുന്നെങ്കിൽ കേരളീയ മുസ്ലിം പൈതൃകവും ഇസ്ലാമിക സംസ്കൃതിയും നവോത്ഥാന മുന്നേറ്റങ്ങളും അതുവഴി വിശ്വാസി സമൂഹവും പതിന്മടങ്ങ് ഇസ്സത്തിലാകുമായിരുന്നു.

✒️ pkh ahsani

♾️♾️♾️♾️♾️♾️♾️♾️♾️

നബി തങ്ങൾ മന്ത്രിച്ചൂതിയത് വഹാബികൾ പഠിപ്പിക്കുന്നു

 

ഹലാല്‍ വിവാദം -മതപക്ഷത്ത് നിന്ന് പറയുമ്പോള്‍

*ഹലാല്‍ വിവാദം: മതപക്ഷത്ത് നിന്ന് പറയുമ്പോള്‍*

ഏതൊരു വിഷയത്തിലും ഇസ്ലാമില്‍ ഹലാലും ഹറാമുമുണ്ട്. ഹലാല്‍ എന്നാല്‍ അനുവദിക്കപ്പെട്ടത് എന്നും ഹറാം എന്നാല്‍ നിഷിദ്ധമായത് എന്നുമാണര്‍ഥം. തൊഴില്‍, വസ്ത്രം, ആഭരണം, വിവാഹം, ഭക്ഷണം, പാനീയം തുടങ്ങിയവയിലെല്ലാം ഹലാലും ഹറാമും കാണാം. ഇസ്ലാമില്‍ നിഷിദ്ധമാക്കപ്പെട്ട ഏതൊരു കാര്യവും ഏതെങ്കിലും തരത്തില്‍ നമുക്ക് അപകടമുണ്ടാക്കുന്നതാണെന്ന് കണ്ടെത്താന്‍ കഴിയും. അതേസമയം, അനുവദിക്കപ്പെട്ടതെല്ലാം നമുക്ക് ഗുണകരമായതും ആയിരിക്കും.

*റഹ്മത്തുല്ലാഹ് സഖാഫി എളമരം*

(SIRAJ DAILY - 25/11/2021)

ഒരര്‍ഥത്തില്‍ പുതിയ ഹലാല്‍ വിവാദം ഇസ്ലാമിന് വലിയ നേട്ടമുണ്ടാക്കുന്ന കാര്യമാണ്. ഇസ്ലാമിന്റെ നിയമസംഹിതയെ കുറിച്ച് ആഴത്തില്‍ പഠിക്കാന്‍ ബുദ്ധിജീവികളെ ഇത് പ്രേരിപ്പിക്കും. അതിന്റെ സമഗ്രതയും മനുഷ്യ ജീവിതത്തെ അത് എത്രത്തോളം സ്പര്‍ശിക്കുന്നു എന്ന തിരിച്ചറിവും ആളുകളെ ഇസ്ലാമിലേക്ക് എത്തിക്കും. ഇസ്ലാമിനെതിരെ 'ഭീകരത' ആരോപിച്ചതിന് ശേഷം യൂറോപ്പിലും അമേരിക്കയിലും വന്‍ തോതിലാണ് ചിന്താശേഷിയുള്ളവര്‍ ഇസ്ലാമിലേക്ക് ഒഴുകിയെത്തുന്നത്. ഈ ആരോപണം ഇസ്ലാമിനെ കുറിച്ച് പഠിക്കാന്‍ കാരണമായിത്തീരുകയായിരുന്നു.

*എന്താണ് ഹലാല്‍?*

ഏതൊരു വിഷയത്തിലും ഇസ്ലാമില്‍ ഹലാലും ഹറാമുമുണ്ട്. ഹലാല്‍ എന്നാല്‍ അനുവദിക്കപ്പെട്ടത് എന്നും ഹറാം എന്നാല്‍ നിഷിദ്ധമായത് എന്നുമാണര്‍ഥം. തൊഴില്‍, വസ്ത്രം, ആഭരണം, വിവാഹം, ഭക്ഷണം, പാനീയം തുടങ്ങിയവയിലെല്ലാം ഹലാലും ഹറാമും കാണാം.

ഉദാഹരണത്തിന് സ്വന്തം മകള്‍, പെങ്ങള്‍, സഹോദരി പുത്രി, മാതൃ പിതൃ സഹോദരിമാര്‍ തുടങ്ങിയവരെ വിവാഹം ചെയ്യല്‍ ഹറാമാണ്. എന്നാല്‍ അകന്ന ബന്ധുക്കളിലെ സ്ത്രീകളെയും മറ്റും കുടുംബങ്ങളിലുള്ളവരെയും വിവാഹം ചെയ്യല്‍ അനുവദനീയമാണ്. ഇസ്ലാമില്‍ നിഷിദ്ധമാക്കപ്പെട്ട ഏതൊരു കാര്യവും ഏതെങ്കിലും തരത്തില്‍ നമുക്ക് അപകടമുണ്ടാക്കുന്നതാണെന്ന് കണ്ടെത്താന്‍ കഴിയും. അതേസമയം, അനുവദിക്കപ്പെട്ടതെല്ലാം നമുക്ക് ഗുണകരമായതും ആയിരിക്കും. ദൈവിക നിയമമായത് കൊണ്ടാണിതെന്ന് സ്പഷ്ടമാകും.

*ഹലാല്‍ ഭക്ഷണം*

അല്ലാഹു നിങ്ങള്‍ക്ക് നല്‍കിയ അനുവദനീയവും നല്ലതുമായ ആഹാരത്തില്‍ നിന്ന് നിങ്ങള്‍ ഭക്ഷിക്കുക (മാഇദ-88). പ്രവാചകര്‍ അവര്‍ക്ക് നല്ലതിനെ അനുവദിക്കുകയും മോശപ്പെട്ടവയെ അവരുടെ മേല്‍ നിഷിദ്ധമാക്കുകയും ചെയ്തു (അല്‍അഅ്റാഫ് 157). മനുഷ്യര്‍ക്ക് ഗുണകരമായവയെ മാത്രമാണ് അല്ലാഹു ഹലാലാക്കി തന്നതെന്നും അപകടകരമായവയെയാണ് നിഷിദ്ധമാക്കിയതെന്നും വ്യക്തമായി.

വേട്ടയാടി ഇരകളെ പിടിക്കുന്ന ഹിംസ്ര ജീവികളായ സിംഹം, പുലി, കടുവ, കരടി, കുറുക്കന്‍, പൂച്ച തുടങ്ങിയവയും അപകടകാരികളായ അണുക്കളുള്ള പന്നി, പട്ടി തുടങ്ങിയവയും ഹറാമായതില്‍ പെടുന്നു. പക്ഷികളില്‍ കാല് കൊണ്ടും മറ്റും ഇരപിടിക്കുന്ന കഴുകന്‍, പ്രാപിടിയന്‍, കാക്ക, പരുന്ത് തുടങ്ങിയവ നിഷിദ്ധമാണ്. കരിവണ്ട്, ഓന്ത്, പല്ലി, തവള, പാമ്പ്, മുതല, ആമ തുടങ്ങി മനുഷ്യര്‍ അറപ്പോടെ കാണുന്ന മ്ലേഛ ജീവികളും നിഷിദ്ധമാക്കപ്പെട്ടതില്‍ പെടുന്നു.

ആട്, മാട്, ഒട്ടകം, കുതിര, മുയല്‍, മാന്‍ തുടങ്ങിയ മൃഗങ്ങളും കോഴി, കാട, താറാവ്, ഒട്ടകപ്പക്ഷി, പ്രാവ് തുടങ്ങിയ പക്ഷികളും ഹലാലായ ഭക്ഷണത്തില്‍ പെടുന്നു. എന്നാല്‍ ഇവ ഭക്ഷ്യ യോഗ്യമാകണമെങ്കില്‍ നിയമപ്രകാരം അറുത്തതായിരിക്കണം. എല്ല്, പല്ല്, നഖം ഒഴികെയുള്ള മൂര്‍ച്ചയുള്ള ആയുധം കൊണ്ടായിരിക്കണം ഒരു മുസ്ലിം അറവ് നടത്തേണ്ടത്. ശ്വാസനാളവും അന്നനാളവും പൂര്‍ണമായി മുറിയുന്ന വിധത്തില്‍ അറുക്കുകയും വേണം. ശ്വാസം മുട്ടി ചത്തത്, അടിച്ചു കൊന്നത്, ഉയരത്തില്‍ നിന്ന് താഴേക്ക് പതിച്ച് ജീവന്‍ നഷ്ടപ്പെട്ടത്, പരസ്പരം കുത്തുകൂടി ചത്തുവീണത്, രോഗം വന്ന് ചത്തത്, ഹിംസ്ര ജീവികള്‍ കൊന്നിട്ടത് ഇവയെല്ലാം നിഷിദ്ധമാണ്.

ഇസ്ലാമിക നിയമപ്രകാരം അറുക്കുന്നതാണ് ഏറ്റവും ഉത്തമമെന്ന് എല്ലാവരാലും അംഗീകരിക്കപ്പെട്ടതാണ്. മൃഗങ്ങള്‍ക്കും പക്ഷികള്‍ക്കും സെക്കന്‍ഡുകള്‍ മാത്രമേ പ്രയാസമനുഭവിക്കേണ്ടതുള്ളൂ. മൂര്‍ച്ചയേറിയ കത്തികൊണ്ട് കഴുത്തറുക്കുന്നതോടെ വേദന ബോധ്യപ്പെടുത്തുന്ന തലച്ചോറിന്റെ ഭാഗവുമായുള്ള ബന്ധം വിച്ഛേദിക്കപ്പെടുന്നു. ഇത് അവയോട് കാണിക്കുന്ന ദയയാണ്. തലക്കടിച്ചും ശ്വാസം മുട്ടിച്ചും കൊല്ലുമ്പോള്‍ ഒരുപാട് സമയം അവ പ്രയാസപ്പെടേണ്ടി വരുന്നു.

അറവ് നടത്തുമ്പോള്‍ ശരീരത്തില്‍ നിന്ന് രക്തം നന്നായി വാര്‍ന്നു പോകുന്നതിനാല്‍ മാംസം ശുദ്ധമാകുകയും പെട്ടെന്ന് കേട് വരാതിരിക്കുകയും കൂടുതല്‍ പോഷക മൂല്യമുള്ളതാകുകയും ചെയ്യുന്നു. മറ്റു വിധത്തില്‍ കൊല്ലുമ്പോള്‍ രക്തം മാംസത്തില്‍ കട്ടപിടിച്ച് നില്‍ക്കുന്നത് കാരണം മനുഷ്യര്‍ക്ക് നിരവധി രോഗങ്ങളുണ്ടാകാനും മാംസം പെട്ടെന്ന് കേട് വരാനും കാരണമാകുന്നു.

മൈസൂരിലെ സെന്‍ട്രല്‍ ഫുഡ് ടെക്നോളജി ഇന്‍സ്റ്റിറ്റ്യൂട്ടിന്റെ മേധാവി ഡോ. വി കെ മോദിയുടെ നേതൃത്വത്തില്‍ നടന്ന പഠനം 2012ല്‍ ടൈംസ് ഓഫ് ഇന്ത്യ പ്രസിദ്ധീകരിച്ചിരുന്നു. ഹലാല്‍ അറവാണ് ഏറ്റവും ആരോഗ്യകരമെന്ന് അതില്‍ സലക്ഷ്യം സ്ഥാപിച്ചിട്ടുണ്ട്.

*ഹലാല്‍ മുദ്ര*

പണ്ടൊക്കെ കശാപ്പ് ശാലകളില്‍ ചെന്ന് മാംസം നേരിട്ട് വാങ്ങുന്നതായിരുന്നു പതിവ്. അല്ലെങ്കില്‍ കോഴി പോലുള്ളവയെ ജീവനോടെ വാങ്ങി സ്വയം അറുത്ത് ഭക്ഷിക്കും. കേട് കൂടാതെ ദിവസങ്ങളോളം സൂക്ഷിച്ച് വെക്കാന്‍ പറ്റിയ ടെക്നോളജി കണ്ടെത്തിയതോടെ മാംസം കയറ്റുമതി തുടങ്ങി. സ്വാഭാവികമായും ഇത് ഏത് ജീവിയുടെ മാംസമാണ്, ഏത് വിധം തയ്യാറാക്കപ്പെട്ടതാണ് എന്നൊക്കെ ഉപഭോക്താക്കള്‍ അന്വേഷിക്കും. മുസ്ലിംകള്‍ ഇസ്ലാമിക നിയമപ്രകാരമുള്ളത് മാത്രമേ ഭക്ഷിക്കൂ എന്നതിനാല്‍ വ്യവസായികള്‍ കയറ്റുമതി ചെയ്യുന്ന പാക്കറ്റുകളുടെ മേല്‍ ഹലാല്‍ എന്ന് മുദ്രണം ചെയ്യാന്‍ തുടങ്ങി.

മുസ്ലിം നാടുകളില്‍ വിപണി പിടിക്കുക എന്നതല്ലാതെ ഇതിന്റെ പിന്നില്‍ ഇസ്ലാമികവത്കരണമോ തീവ്രവാദ പ്രചാരണമോ ഇല്ലെന്ന് ആഹാരം കഴിക്കുന്ന എല്ലാ മനുഷ്യര്‍ക്കും അറിയാം. അതുകൊണ്ടാണ് ഇന്ത്യയില്‍ നിന്ന് ഏറ്റവുമധികം ബീഫ് കയറ്റി അയക്കുന്ന ഹൈന്ദവ വിഭാഗത്തില്‍ പെട്ടവര്‍ അവരുടെ ഉത്പന്നത്തിന്റെ പാക്കറ്റുകളില്‍ അല്‍ഹലാല്‍ എന്ന് മുദ്രണം ചെയ്യുന്നത്.

യാത്രാ സൗകര്യങ്ങള്‍ വര്‍ധിച്ചതോടെ ടൂറിസം വ്യാപകമായി. കേരളം ഉള്‍പ്പെടെയുള്ള നാടുകളിലേക്ക് മുസ്ലിം നാടുകളില്‍ നിന്നടക്കം നിരവധി പേര്‍ വിവിധ ലക്ഷ്യങ്ങളോടെ ടൂറിസ്റ്റുകളായി വരാന്‍ തുടങ്ങി. അവരുടെ കച്ചവടം പിടിക്കുന്നതിനായി ഹോട്ടലുടമകള്‍ 'ഹലാല്‍' മുദ്രകള്‍ ബോര്‍ഡില്‍ പ്രദര്‍ശിപ്പിക്കാനും തുടങ്ങി. ഇതിലെല്ലാം വര്‍ഗീയത കാണുന്നവരുടെ മനസ്സിനാണ് ആദ്യം ചികിത്സ നടത്തേണ്ടത്. എറണാകുളത്ത് ലുലു ജംഗ്ഷനില്‍ ചെന്നാല്‍ പല കടകളുടെയും പേര് അറബിയിലാണ് കാണുന്നത്. അറബികള്‍ ധാരാളം വന്ന് താമസിക്കുന്ന ഏരിയ ആയതിനാല്‍ അവരുടെ കച്ചവടം പിടിക്കുകയാണ് ഇതിന്റെ പിന്നിലെ ലക്ഷ്യം. ഇതും 'ജിഹാദി'കളുടെ ഇസ്ലാമികവത്കരണമാണെന്ന് പറയാന്‍ വര്‍ഗീയത എന്ന മാനസിക രോഗം ബാധിച്ചവര്‍ മുതിരാതിരിക്കില്ല.

*തുപ്പല്‍ വിവാദം*

കാസര്‍കോട് ജില്ലയില്‍ ഒരു സയ്യിദ് തന്റെ പിതാവിന്റെ ആണ്ടനുസ്മരണ പരിപാടിയുടെ ഭാഗമായി അവിടെ എത്തിച്ചേര്‍ന്ന തന്റെ സ്നേഹ ജനങ്ങള്‍ ആവശ്യപ്പെട്ടതനുസരിച്ച് അവര്‍ക്ക് വിളമ്പുന്ന ഭക്ഷണത്തില്‍ മന്ത്രിച്ചൂതി കൊടുക്കുന്ന ഒരു വീഡിയോ ക്ലിപ്പ് പുറത്തുവന്നിരുന്നു. വല്ലഭന് പുല്ലും ആയുധം എന്ന് പറഞ്ഞത് പോലെ ബി ജെ പി സംസ്ഥാന പ്രസിഡന്റ് കെ സുരേന്ദ്രന്‍ ഇതെടുത്ത് പോസ്റ്റ് ചെയ്തു- ഇതാണ് ഹലാല്‍ ഭക്ഷണം! ഹോട്ടലുകളില്‍ നാം കാണുന്ന ഹലാല്‍ ഭക്ഷണം ഇവര്‍ തുപ്പിത്തരുന്ന ഭക്ഷണമാണ്! കോഴിക്കോട് മുസ്ലിംകള്‍ക്കിടയില്‍ ജീവിച്ചുവളര്‍ന്ന, അവരുടെ സംസ്‌കാരത്തെ അനുഭവിച്ചറിഞ്ഞ സുരേന്ദ്രനെ പോലുള്ള ഒരാള്‍ ഈ വിധത്തില്‍ ദുര്‍വ്യാഖ്യാനിക്കുന്നത് ഖേദകരമെന്നേ പറയാനുള്ളൂ.  കേരളീയര്‍ എല്ലാവരും വര്‍ഗീയാന്ധത ബാധിച്ചവരല്ല എന്നതില്‍ സമാധാനിക്കുകയും ചെയ്യുന്നു.

ചികിത്സയുടെ ഭാഗമായി ആവശ്യപ്പെടുന്നവര്‍ക്ക് വെള്ളം, ഭക്ഷണം, പഴം, നൂല്‍ തുടങ്ങിയ വസ്തുക്കളില്‍ മന്ത്രിച്ചൂതി കൊടുക്കുന്നത് മറ്റു മതങ്ങളില്‍ ഉള്ളത് പോലെ ഇസ്ലാമിലുമുണ്ട്. വിശുദ്ധ വചനങ്ങള്‍ ഉരുവിട്ട ശ്വാസ സ്പര്‍ശനം രോഗശമനത്തിന് കാരണമാകുമെന്ന വിശ്വാസത്തിന്റെ ഭാഗമാണിത്. അമുസ്ലിംകളടക്കം മുസ്ലിം പണ്ഡിതന്മാരെ സമീപിച്ച് വെള്ളം ജപിച്ച് വാങ്ങുന്ന കാഴ്ച ഇന്നും നമുക്ക് കാണാം.

ഇതിനെ തുപ്പലായി ചിത്രീകരിക്കുകയും മുസ്ലിംകള്‍ വൃത്തിയില്ലാത്തവരാണെന്ന് പ്രചരിപ്പിക്കുകയും ചെയ്ത് അവരെ സാമൂഹികമായും സാമ്പത്തികമായും ഒറ്റപ്പെടുത്തുക എന്നതായിരിക്കും വ്യാജ പ്രചാരകരുടെ ലക്ഷ്യം. നേരും നെറിയും വേര്‍തിരിച്ചു മനസ്സിലാക്കാന്‍ കെല്‍പ്പുള്ള കേരളീയരുടെ മുമ്പില്‍ അത് വിലപ്പോകില്ല.

വൃത്തിയും ശുദ്ധിയും ലോകത്തെ പഠിപ്പിച്ചത് ഇസ്ലാം മതമാണ്. ഒരു സമ്പൂര്‍ണ മുസ്ലിം ഒരു ദിവസം ഏഴ് തവണയെങ്കിലും പല്ല് തേക്കുന്നു. അഞ്ച് തവണ നിസ്‌കാരത്തിന് വേണ്ടി അംഗസ്നാനം (വുളൂഅ്) ചെയ്യുമ്പോഴും ഉറങ്ങാന്‍ പോകുമ്പോഴും ഉറക്കില്‍ നിന്ന് എഴുന്നേല്‍ക്കുമ്പോഴും പല്ല് തേക്കുന്നു. അഞ്ച് നേരത്തെ വുളൂഇന്റെ ഭാഗമായി മാത്രം 30 തവണ മുന്‍കൈ കഴുകുന്നു. ഉറങ്ങിയെഴുന്നേറ്റാല്‍ മൂന്ന് തവണ കൈകള്‍ കഴുകുകയെന്നതാണ് ഒരു മുസ്ലിമിന്റെ ആദ്യ പ്രവൃത്തി.

വിസര്‍ജനാനന്തരം ശൗച്യം ചെയ്യല്‍ മുസ്ലിംകള്‍ക്ക് നിര്‍ബന്ധമാണ്. മൂത്രമൊഴിച്ച് കുടഞ്ഞെഴുന്നേറ്റ് പോകാന്‍ മതം അനുവദിക്കുന്നില്ല. അതുകൊണ്ട് തന്നെ റോഡ് സൈഡിലും ബസ്സ്റ്റാന്‍ഡുകളിലും ഊടുവഴികളിലും നിന്ന് മുസ്ലിംകള്‍ മൂത്രമൊഴിക്കാറില്ല. പള്ളികളോട് ചേര്‍ന്ന് ശാസ്ത്രീയമായി ഒരുക്കിയ ശൗചാലയങ്ങളില്‍ മാത്രമാണ് അവര്‍ വിസര്‍ജനം നടത്തുന്നത്. ഒരിറ്റ് മൂത്രം തന്റെ വസ്ത്രത്തിലുണ്ടായാല്‍ നിസ്‌കാരം പോലും സ്വീകാര്യമല്ല.

ഭക്ഷണ പാനീയങ്ങളില്‍ അനാവശ്യമായി ഊതുന്നത് പ്രവാചകന്‍ നിരോധിച്ച കാര്യമാണ്. വെള്ളം കുടിക്കുമ്പോള്‍ അതേ പാത്രത്തിലേക്ക് ശ്വാസം വിടാതെ, തവണകളായി, ശ്വാസം പുറത്തേക്ക് വിട്ടുകൊണ്ടാണ് പ്രവാചകര്‍ വെള്ളം കുടിക്കാന്‍ നിര്‍ദേശിച്ചത്. എന്നാല്‍ ചികിത്സാവശ്യാര്‍ഥമാകുമ്പോള്‍ ചില ശ്വാസങ്ങള്‍ അമൃതാണ്. ഹാര്‍ട്ട് അറ്റാക്ക് വന്നവന് കൃത്രിമ ശ്വാസം കൊടുക്കലുണ്ട്. രോഗിയുടെ ചുണ്ടില്‍ ചുണ്ടമര്‍ത്തിയാണ് ഇത് നല്‍കുന്നത്. ചികിത്സയുടെ ഭാഗമായി ഇത് ലോകം അംഗീകരിച്ചതുമാണ്. തനിക്ക് ഇഷ്ടപ്പെട്ട ഒരു ആത്മീയ നേതാവില്‍ നിന്ന് ഒരാള്‍ മന്ത്രിച്ചൂതിയത് വാങ്ങിക്കുടിക്കുന്നതിനെ വിമര്‍ശിക്കേണ്ടതില്ല. ഇഷ്ടമില്ലാത്തവര്‍ക്ക് ചെയ്യാതിരിക്കാം. താന്‍ ഇഷ്ടപ്പെടുന്ന ഇണയുടെ ശ്വാസവും ഉമിനീരുമെല്ലാം തന്റെ വായിലാക്കുന്ന കാര്യമെങ്കിലും ഓര്‍ക്കുക.

നാടിന്റെ ഐക്യവും അഖണ്ഡതയും കാത്തുസൂക്ഷിക്കേണ്ട രാഷ്ട്രീയ നേതാക്കള്‍ വിദ്വേഷ പ്രചാരകരും വിഭാഗീയത സൃഷ്ടിക്കുന്നവരും ആയി മാറരുത്. വര്‍ഗീയത ഒരു അഗ്‌നിപര്‍വതമാണ്. ചെറിയൊരു തീപ്പൊരി മതി അത് ആളിക്കത്തും. കത്തിച്ചവര്‍ക്ക് പോലും കെടുത്താന്‍ കഴിയില്ല. ആരൊക്കെ ബാക്കിയാകും എന്നും പറയാന്‍ സാധിക്കില്ല. കുപ്രചാരണങ്ങള്‍ക്കെതിരെ അതേ രീതിയില്‍ പ്രതികരിക്കുന്ന മുസ്ലിം സുഹൃത്തുക്കളോടും പറയാനുള്ളത് അത് തന്നെയാണ്. ''തിന്മയെ നന്മ കൊണ്ട് പ്രതിരോധിക്കുക. നിങ്ങളുടെ എതിരാളികള്‍ ആത്മ മിത്രങ്ങളായി മാറുന്നതായിരിക്കും''  എന്ന വിശുദ്ധ ഖുര്‍ആന്‍ വചനമാകണം നമ്മുടെ വഴികാട്ടി.

 

മരണപ്പെട്ടാൽ ചെയ്യേണ്ടത്

 🔵 *മരിച്ച് കഴിഞ്ഞാല്‍ ചെയ്യേണ്ട 7 കാര്യങ്ങള്‍* 🔵

1. കണ്ണ് അടച്ചു കൊടുക്കുക.

2. താടിയും തലയും കെട്ടുക

3. അവയവങ്ങള്‍ മടക്കി നിവര്‍ത്തുക.

4. ഉടുത്തിരുന്ന വസ്ത്രം മാറ്റി വേറെ ധരിപ്പിക്കുക.

5. നേരിയ തുണികൊണ്ട് ആകെ മൂടുക.

6. വയറിന്മേല്‍ എന്തെങ്കിലും വെക്കുക.

7. ഖിബ്‌ലക്ക് അഭിമുഖമായി കിടത്തുക.

കുളിപ്പിക്കുമ്പോള്‍ ആദ്യമായി ചെയ്യേണ്ട 7 കാര്യങ്ങള്‍

1. എഴുന്നേല്‍പ്പിച്ച് ഇരുത്തി വയര്‍തടവുക.

2. ഇടത് കൈകൊണ്ട് ഗുഹ്യാവയവം വൃത്തിയാക്കുക.

3. പല്ല് വൃത്തിയാക്കുക.

4. മൂക്ക് വൃത്തിയാക്കുക.

5. പൂര്‍ണമായി വുളൂഅ് എടുത്ത് കൊടുക്കു.

6. താടിയും തലയും സോപ്പോ താളിയോ ഉപയോഗിച്ച് കഴുകിവൃത്തിയാക്കുക.

7. മുടിചീകുക (സ്ത്രീകളാണെങ്കില്‍ മുടി 3 ആക്കി മെടഞ്ഞിടുക)

കുളിപ്പിക്കല്‍

1. വലത് ഭാഗം കഴുത്ത്മുതല്‍ കാലറ്റം വരെ 3 പ്രാവശ്യം വെള്ളം ഒഴുക്കുക.

2. ഇടതു ഭാഗം കഴുത്ത്മുതല്‍ കാലറ്റം വരെ 3 പ്രാവശ്യം വെള്ളം ഒഴുക്കുക.

3. വലത് ഭാഗം ചരിച്ച് കിടത്തി വശവും പുറംഭാഗവും 3 പ്രാവശ്യം വെള്ളം ഒഴുക്കുക.

4. ഇടതു ഭാഗം ചരിച്ച് കിടത്തി വശവും പുറംഭാഗവും 3 പ്രാവശ്യം വെള്ളം ഒഴുക്കുക.

5. ശരീരത്തിന്റെ വലത്തും ഇടത്തും പുറവും കഴുത്ത് മുതല്‍ കാലറ്റംവരെ മുഴുവന്‍ ഭാഗങ്ങളിലും സോപ്പോ താളിയോ ഉപയോഗിക്കുക.

6. ആദ്യം വലത് ഭാഗം വൃത്തിയാക്കുക. (3 പ്രാവശ്യം വെള്ളം ഒഴിക്കുക)

7. പിന്നെ ഇടത് ഭാഗം വൃത്തിയാക്കുക. (3 പ്രാവശ്യം വെള്ളം ഒഴിക്കുക)

8. പിന്നെ വലത് വശവും പുറവും വൃത്തിയാക്കുക. (3 പ്രാവശ്യം വെള്ളം ഒഴിക്കുക)

9. പിന്നെ ഇടത് വശവും പുറവും വൃത്തിയാക്കുക. (3 പ്രാവശ്യം വെള്ളം ഒഴിക്കുക)

10. സുഗന്ധമോ കര്‍പ്പൂരമോ കലര്‍ത്തിയ വെള്ളം ആദ്യം വലത് ഭാഗത്ത് ഒഴിക്കുക. ( 3 പ്രാവശ്യം)

11. പിന്നെ 3 പ്രാവശ്യം ഇടത് ഭാഗത്ത് ഒഴിക്കുക.

12. വലത് ഭാഗം ചെരിച്ച് കിടത്തി 3 പ്രാവശ്യം വലതു വശത്തും പുറം ഭാഗത്തും ഒഴുക്കുക.

13. പിന്നെ ഇടത് ഭാഗം ചെരിച്ച് കിടത്തി 3 പ്രാവശ്യം വശവും പുറം ഭാഗവും വെള്ളം ഒഴുക്കുക.

14. തോര്‍ത്തോ തുണിയോ ഉപയോഗിച്ച് എല്ലാഭാഗത്തെയും വെള്ളം തുടച്ച് കളഞ്ഞ് മുണ്ട് ഉടുപ്പിക്കുക.

കഫന്‍ ചെയ്യല്‍

1. കണ്ണ്, മൂക്ക്, സുജൂദിന്റെ സ്ഥാനങ്ങള്‍ എന്നിവടങ്ങളില്‍ സുഗന്ധം പുരട്ടിയ പഞ്ഞിവെക്കാം (സുന്നത്തോ ഫര്‍ദോ ഇല്ല).

2. കഫന്‍ ചെയ്യാന്‍ ഒരു വസ്ത്രം മതി. (ഫര്‍ദ്)

3. പുരുഷന് സുന്നത്ത് 3 വസ്ത്രം.

4. സ്ത്രീക്ക് സുന്നത്ത് 5 വസ്ത്രം.

5. പുരുഷന് - ഷര്‍ട്ട്, മുണ്ട്, തുണി

6. സ്ത്രീക്ക് - മുണ്ട്, കുപ്പായം, മുഖമക്കന, 2തുണി എന്ന രീതി സ്വീകരിക്കാം.

7. തുണികള്‍ മാത്രമാണെങ്കില്‍ ആദ്യം ഇടത് ഭാഗത്ത് നിന്ന് മടക്കി നമസ്‌കാരത്തില്‍ കൈകെട്ടുന്നത് പോലെ വലത് മുകളില്‍ വരുന്ന രീതിയില്‍ മടക്കണം.

8. തുണികള്‍ അഴിയാതിരിക്കാന്‍ 3 കെട്ടുകള്‍ കെട്ടണം. അത് ഖബറില്‍ വെക്കുമ്പോള്‍ അഴിക്കണം.

അവലംബം :

1. മുഗ്‌നി

2. മിന്‍ഹാജുത്ത്വാലിബീന്‍

3. തുഹ്ഫ

4. മഹല്ലി

5. സ്വഹീഹ് ബുഖാരി

6. സ്വഹീഹ് മുസ്‌ലിം

7. ഫതുഹുല്‍ ബാരി

8. സുനന്‍ അഹ്മദ്

9. സുനന്‍ അബൂദാവൂദ്

10. സുനന്‍ ഇബ്‌നുമാജ

11. ശറഹുല്‍ മുഹദ്ദബ്

*☆☆☆☆☆☆☆☆☆☆☆☆☆☆☆☆☆☆☆☆☆☆*

*صلى الله على محمد صلى الله عليه وسلم*

അല്ലാഹുവേ  ഞങ്ങളുടെ  ഖബര്‍  ജീവിതം  സന്തോഷത്തിലാക്കണേ  റബ്ബേ ... ആമീൻ 

ഈമാനോട്  കൂടി  മരിപ്പിക്കണേ  അല്ലാഹ്... ആമീൻ

സിയാറത്ത് ഫീസും വഹാബികളുടെ ഇമാമത്ത് ഫീസും

 🔵

*സിയാറത്ത് ഫീസും*

*ഇമാമത് ഫീസും*

➖➖➖➖➖➖➖➖➖

സിയാറത്ത് ചെയ്യാൻ വരുന്നവർക്ക് ദുആ ചെയ്ത് കൊടുക്കാൻ ആളെ നിശ്ചയിക്കുന്നതും ഫീസ് കൊടുക്കുന്നതും തെറ്റാണെങ്കിൽ 

മുജാഹിദ് പള്ളികളിൽ നിസ്‌ക്കരിക്കുന്ന (ഇമാം)

മൗലവിമാർക്ക്  ശമ്പളം കൊടുക്കലും

അവർ അത്‌ സ്വീകരിക്കലും തെറ്റാവുകയില്ലേ..?

കാരണം നബി (സ)യോ സഹാബികളോ

പള്ളിയിൽ ജോലി ചെയ്ത് ശമ്പളം

വാങ്ങിയിട്ടില്ല.

നബി(സ)തങ്ങളും സ്വാഹാബികളും

ബാങ്ക് വിളിച്ചും ഇമാമത് നിന്നും

ശമ്പളം വാങ്ങിയിട്ടില്ല, അത്‌ പിൽക്കാലത്ത്

ഉടലെടുത്ത ഒരു 'പുത്തൻ'ആചാരമാണെന്ന് 

മുജാഹിദുകൾ തന്നെ സമ്മതിക്കുന്നു.👇👇

"പ്രവാചകന്റെ കാലഘട്ടത്തിൽ ബാങ്ക് കൊടുക്കൽ ഒരു തൊഴിലായിരുന്നില്ല. മറിച് മഹത്തായ ഒരു സ്ഥാനമായിരുന്നു. ബാങ്കിനോ ഇമാമത്തിനോ

ഇന്നത്തെ പോലെ ശമ്പളവും ഉണ്ടായിരുന്നില്ല.

ബാങ്ക് കൊടുക്കലും ഇമാമത്ത് നിൽക്കലുമൊക്കെ ഒരു തൊഴിലായി പരിണമിക്കുന്നത് പ്രവാചകന്റെ വിയോഗത്തിന് ശേഷം ഒരുപാട് കാലം കഴിഞ്ഞാണ്. അത്‌ വരെ പ്രവാചകനും ശേഷം ഖലീഫമാരും ഗവർണ്ണരുമൊക്കെ അടങ്ങുന്ന ഭരണനേതൃത്വം തന്നെയാണ് നമസ്കാരത്തിന് ഇമാമത് നിർവഹിച്ചിരുന്നത്. അതിനു അവർക്ക് പ്രത്യേകിച്ച് ശമ്പളമൊന്നും ഉണ്ടായിരുന്നില്ല."

(വിചിന്തനം വാരിക.

*2021 ഏപ്രിൽ 9 പേജ് :34*

കെ. എൻ എം മുഖപത്രം)

*അസ്‌ലം സഖാഫി പയ്യോളി*

🌹🌹🌹🌹🌹🌹🌹🌹🌹

ജിന്നിനെ അടിച്ചിറക്കിയ ഇബ്നുതൈമിയ്യയും അടിച്ചിറക്കി കൈമടക്ക് വാങ്ങുന്ന വഹാബികളും

 

മന്ത്രം-നബി പഠിപ്പിക്കാത്തതും പറ്റുമെന്ന് വഹാബികൾ !

 

ഭക്ഷിക്കാൻ പറ്റുന്ന ജീവികളും പറ്റാത്ത ജീവികളും

 ഞണ്ടിനെ ഭക്ഷിക്കൽ ഹലാലാണോ ?

മറുപടി:  വെള്ളത്തിൽ മാത്രം ജീവിക്കുന്നവ ഹലാലും വെള്ളത്തിലും കരയിലും ജീവിക്കുന്നവ ഹറാമുമാണ് (തുഹ്ഫ 9/377-378)

ഉടുമ്പിനെ ഭക്ഷിക്കൽ ഹലാലാണോ ?

മറുപടി:  ഹലാലാണ് (തുഹ്ഫ 9/379)

.മലയണ്ണാനെ ഭക്ഷിക്കാമോ ?

മറുപടി:  ഭക്ഷിക്കാം (തുഹ്ഫ 9/380)

മാനിറച്ചി ഹലാലാണോ ?

മറുപടി:  ഹലാലാണ് (തുഹ്ഫ 9/380)

കാട്ടു പൂച്ചയോ ?

മറുപടി:  ഹറാമാണ് (തുഹ്ഫ 9/380)

കോവർ കഴുത (കഴുതയും കുതിരയും ഇണചേർന്നുണ്ടാകുന്ന സന്താനം )ഭക്ഷ്യയോഗ്യമാണോ ?

മറുപടി : അല്ല ഹറാമാണ് (തുഹ്ഫ 9/380)

കുതിരയിറച്ചി ഹലാലാണോ ?

മറുപടി:  അതെ (തുഹ്ഫ 9/380)

. കഴുതയിറച്ചി തിന്നാമോ ?

മറുപടി:  കാട്ടു കഴുതയാണെങ്കിൽ തിന്നാം നബി(സ) തിന്നിട്ടുമുണ്ട് (ബുഖാരി, മുസ്ലിം, തുഹ്ഫ 9/379)

 നാട്ടു കഴുതയോ ?

മറുപടി:  ഹറാമാണ് (തുഹ്ഫ 9/380)

കാട്ടുപോത്ത് ഹലാലല്ലേ ?

മറുപടി: അതെ (തുഹ്ഫ 9/379)

 കുരങ്ങിനെ തിന്നാമോ ?

മറുപടി:  ഇല്ല (തുഹ്ഫ 9/380)

. കരടിയെ തിന്നാമോ ?

മറുപടി:  ഇല്ല (തുഹ്ഫ 9/380)ആന,സിംഹം,പുലി തുടങ്ങിയ പിടിമൃഗങ്ങളൊന്നും ഭക്ഷ്യയോഗ്യമല്ല

. കാക്കയെ തിന്നാമോ ?

മറുപടി:  ഇല്ല (തുഹ്ഫ 9/380)

 കൊല്ലൽ സുന്നത്തായ ജീവികൾ ഏതെല്ലാമാണ് ?

മറുപടി:  പാമ്പ് ,തേൾ,പരുന്ത്,വെളുപ്പും കറുപ്പും നിറമുള്ള കാക്ക ,എലി ,ആക്രമിക്കുന്ന മുഴുവൻ പിടിമൃഗങ്ങൾ തുഹ്ഫ 9/381)

 പേനിനെ കൊല്ലുന്നതിന്റെ വിധിയെന്താണ് ?

മറുപടി:  സുന്നത്ത് (ശർവാനി 9/381)

 കൊതുകിനെ കൊല്ലുന്നതിൽ പുണ്യമാണോ ?

മറുപടി:  ഉണ്ട് സുന്നത്താണ് (ശർവാനി 9/381)

 മൂട്ട, കടന്നൽ തുടങ്ങിയ ശല്യകരെ കൊല്ലാമോ ?

മറുപടി:  കൊല്ലൽ സുന്നത്താണ് (ശർവാനി 9/381)

കരിവണ്ടിനെ കൊല്ലാമോ ?

മറുപടി:  കറാഹത്താണ് (ശർവാനി 9/381)

തത്തയെ തിന്നാമോ ?

മറുപടി:  ഇല്ല ഹറാമാണ് (തുഹ്ഫ 9/381)

 മയിലിന്റെ മാംസം തിന്നാമോ ?

മറുപടി: ഇല്ല ഹറാമാണ് (തുഹ്ഫ 9/381)

. ഒട്ടകപക്ഷിയുടെ വിധിയെന്താണ് ?

മറുപടി:  അതിന്റെ മാംസവും മുട്ടയും ഹലാലാണ് (തുഹ്ഫ 9/381)

 കൊക്കിന്റെ കാര്യമോ ?

മറുപടി:  അതും ഹലാലാണ് (തുഹ്ഫ 9/381)

. പ്രാവിനെ തിന്നാമോ ?

മറുപടി:  അതെ ഹലാലാണ് (തുഹ്ഫ 9/382)

 വവ്വാലിനെ തിന്നാമോ ?

മറുപടി:  ഇല്ല (തുഹ്ഫ 9/382)

ഒറ്റയടിക്ക് പല്ലിയെ കൊന്നവന് പ്രത്യേകം കൂലിയുണ്ട് എന്ന് കേൾക്കുന്നു ശരിയാണോ ?

മറുപടി:  ശരിയാണ് ഒറ്റയടിക്ക് തന്നെ പല്ലിയെ കൊന്നവന് നൂറ് കൂലി കിട്ടും രണ്ടാമത്തെ അടിക്കാണ് കൊന്നതെങ്കിൽ അതിലും കുറഞ്ഞ കൂലിയും മൂന്നാമത്തെ അടിക്കാണ് കൊല്ലുന്നതെങ്കിൽ അതിലും കുറഞ്ഞ കൂലിയാണ് ലഭിക്കുക എന്ന് നബി  (സ) പറഞ്ഞിട്ടുണ്ട്  (തുഹ്ഫ 9/383,മുസ്ലിം)

പല്ലിയെ കൊന്നാലിത്രയും കൂലി ലഭിക്കുന്നതിലുള്ള രഹസ്യമെന്താണ് ?

മറുപടി:  ഇബ്രാഹിം നബി  (അ)യെ ശത്രുക്കൾ തീയിലിട്ടപ്പോൾ  തീ ആളിക്കത്താൻ വേണ്ടി പല്ലി ഊതിയിരുന്നു അങ്ങനെ പല്ലി വർഗം നിന്ദിക്കപ്പെട്ടതിനാലും ഇബ്രാഹിം നബിയെ ബഹുമാനിക്കാനുമാണ് പല്ലിയെ കൊല്ലാൻ ഇസ്ലാം കൽപിച്ചത് (ശർവാനി 9/383) പല്ലി ഊതിയാൽ തീ കൂടുതൽ ആളുകയൊന്നുമില്ല പക്ഷെ ഒരു മഹാനോട് അനാദരവ് കാണിച്ചു എന്ന കാരണത്താൽ  ലോകാവസാനം വരെയുള്ള പല്ലികൾ ശപിക്കപ്പെട്ടവരായി മഹാന്മാരെ ബഹുമാനിക്കൽ ചെറിയ കാര്യമല്ല എന്ന് ഇതിൽ നിന്നും നമുക്ക് മനസിലാക്കാം

 സ്രാവ് ഹലാലാണോ ?

മറുപടി:  ഹലാലാണ് (തുഹ്ഫ 9/378)

. തവളയെ കൊല്ലാമോ ?

മറുപടി:  ഇല്ല (തുഹ്ഫ 9/378)

 തവളയെ തിന്നാമോ ?

മറുപടി:  ഇല്ല ഹറാമാണ് (തഹ്ഫ 9/378)

. ആട് പ്രസവിച്ചു പക്ഷെ കുട്ടി പട്ടിക്കുട്ടിയുടെ രൂപമാണ് എങ്കിലത് എന്ത് ചെയ്യും?

മറുപടി:  ഏതെങ്കിലും നായ ആ ആടുമായി ഇണചെർന്നിട്ടുണ്ടെന്ന് ഉറപ്പാണെങ്കിൽ അത് ഹറാമും ഉറപ്പില്ലെങ്കിൽ ഹലാലുമാണ് കാരണം സൃഷ്ടിപ്പ് ചിലപ്പോൾ പതിവിന് വിപരീതമായ രൂപത്തിലും ഉണ്ടാവാറുണ്ട് എങ്കിലും അത് ഉപേക്ഷിക്കലാണ് സൂക്ഷ്മത  (തുഹ്ഫ 9/383)

 ചാണകം പോലുള്ള നജസായ വളമിട്ട് വളർത്തിയ മരത്തിലെ പഴം ,കായ,തേങ്ങ എന്നിവ ഭക്ഷിക്കാമോ ?

മറുപടി:  ഭക്ഷിക്കാം (തുഹ്ഫ 9/386)

. രാപ്പാടി പക്ഷിയെ ഭക്ഷിക്കാമോ ?

മറുപടി:  ഭക്ഷിക്കാം (തുഹ്ഫ 9/382)

  കിണറ്റിലെ വെള്ളത്തിൽ കിടന്ന് മത്സ്യം ചാവുകയും തുടർന്ന് വെള്ളത്തിന്ന് ദുർഗന്ധമനുഭവപ്പെടുകയും ചെയ്താൽ ആ വെള്ളം കൊണ്ട് വുളൂഹ് എടുക്കാമോ  ?

മറുപടി:  എടുക്കാം കാരണം മത്സ്യത്തിന്റെ ശവം ശുദ്ധിയുള്ളതാണ് ശുദ്ധിയുള്ള വസ്തു കലർന്ന് വെള്ളം പകർച്ചയായാലും അശുദ്ധമാവില്ല എന്നാൽ മീൻ ജീർണിച്ച് അതിന്റെ ഭാഗങ്ങൾ വെള്ളത്തിൽ കലർന്നിട്ടുണ്ടെങ്കിൽ വുളൂഹ് എടുക്കാൻ പറ്റുകയില്ല എങ്കിലും വെള്ളം മുത നജ്ജിസല്ല (ശർവാനി 9/377)

. കാഷ്ഠം പോലുള്ള നജസ് ഭക്ഷിക്കുന്ന കോഴിയെയും മറ്റും തിന്നാമോ ?

മറുപടി:  ഇറച്ചിയുടെ മണമോ രുചിയോ നിറമോ വ്യത്യാസപ്പെട്ടിട്ടുണ്ടെങ്കിൽ കറാഹത്താണ് ഇല്ലെങ്കിൽ കറാഹത്തില്ല (തുഹ്ഫ 9/379,385,386)

 അവയുടെ മുട്ടയോ ?

മറുപടി:  അതും അപ്രകാരം തന്നെ  (തുഹ്ഫ 9/386)

മത്സ്യത്തെ അറുക്കേണ്ടതുണ്ടോ?

ഉ: കൂടുതൽ സമയം കരയിൽ ജീവനോടെയിരിക്കുന്ന വലിയ മത്സ്യത്തെ അറുക്കൽ സുന്നത്താണ്. ചെറിയവയെ അറുക്കൽ കറാഹത്തുമാണ്. (തുഹ്ഫ 9/317)

പാചകം ചെയ്യുമ്പോൾ പാത്രത്തിൽ ഉണ്ടായിരുന്ന ഉറുമ്പ് ഭക്ഷണത്തിൽ വെന്തുകലർന്നുപോയി. എങ്കിൽ ആ ഭക്ഷണം കഴിക്കാമോ?

ഉ: ആരോഗ്യത്തിന് ഹാനികരമല്ല എന്ന് തോന്നുന്നെങ്കിൽ ഭക്ഷിക്കാം. (തുഹ്ഫ 9/318)

മാങ്ങ, ആപ്പിൾ എന്നിവയിൽ പുഴു ഉണ്ടെങ്കിൽ കഴിക്കാൻ പറ്റുമോ?

ഉ: അതിൽ നിന്നു തന്നെ ജനിച്ചുണ്ടായ പുഴുവാണെങ്കിൽ അവ ഭക്ഷിക്കാം. (തുഹ്ഫ 9/318)

ലാത്തയും ഉസ്സയും പിന്നെ വഹാബികളും !

 മുശ്രിക്കുകളുടെ ദേവസഭയില്‍ ഒരു വലിയ്യുല്ലാഹിയെ അംഗമാക്കാനുള്ള തത്രപ്പാടില്‍ ബിദഇകള്‍ പിന്നെ പിടികൂടിയിട്ടുള്ളത് ലാതയെയാണ്. ലാതയെ അല്ലാഹു പരിചയപ്പെടുത്തിയിട്ടുണ്ട്. സൂറതുന്നജ്മ് 19 മുതല്‍ 27 വരെ സൂക്തങ്ങള്‍ ലാത, ഉസ്സാ, മനാത തുടങ്ങിയ വിഗ്രഹങ്ങളെക്കുറിച്ചുള്ള കൃത്യമായ വിവരണമാണ്. ഇവ മൂന്നിനെയും എടുത്തുപറഞ്ഞ ശേഷം അല്ലാഹു ചോദിച്ചു: നിങ്ങള്‍ക്ക് ആണ്‍മക്കളും ദൈവത്തിന് പെണ്‍മക്കളും അല്ലേ?

തുടര്‍ന്ന് പുത്രിവാദത്തിന്‍റെയും ശഫാഅത്തിനുള്ള സ്വതന്ത്രാധികാരത്തിന്‍റെയും കണ്ഠനാളിയറുക്കുന്ന പ്രസ്താവനകളാണു കാണുക. മക്കാ മുശ്രികുകള്‍ സങ്കല്‍പിച്ചാരാധിച്ചിരുന്ന മൂന്നു വിഗ്രഹങ്ങളാണ് ലാത്, ഉസ്സാ, മനാത്. അവരുടെ ഭാഷയില്‍ ഇവ മലക്കുകളുടെ നാമങ്ങളാണ്, അവര്‍ അല്ലാഹുവിന്‍റെ പെണ്‍മക്കളാണത്രെ! അവയുടെ രൂപമാണത്രെ ആ വിഗ്രഹങ്ങള്‍ക്ക്!?

വിശുദ്ധ ഖുര്‍ആന്‍റെ സ്പഷ്ടമായ പദഘടന പറയുന്ന പ്രകാരം ഇവ മൂന്നും മക്കാ മുശ്രികുകളുടെ മലക്കുദേവികളായാണു പരാമര്‍ശിക്കപ്പെട്ടിട്ടുള്ളത്. എന്നിട്ടും ലാത ദേവിയെപ്പിടിച്ചു വലിയ്യാക്കാനാണ് ചിലരുടെ ശ്രമം. മക്കാ മുശ്രികുകളുടെ വിശ്വാസത്തില്‍ മഹോന്നത തരുണീമണികളാണവര്‍ മൂവരും. ജമാഅത്തു നേതാവ് അമീന്‍ അഹ്സന്‍ ഇസ്വ്ലാഹിയുടെ സമര്‍ത്ഥനം വായിക്കാം: മേല്‍ സൂക്തങ്ങളില്‍ (നജ്മ്1923) പ്രസ്താവിച്ച ലാതയും ഉസ്സയും മനാതയും മലക്കുകളുടെ പ്രതിമകളാണ്. മൂവരുടെയും നാമധേങ്ങള്‍ സ്ത്രീകള്‍ക്ക് വിളിക്കപ്പെടുന്ന നാമങ്ങളാകുന്നു. അവരുടെ ശിപാര്‍ശയില്‍ മുശ്രികുകള്‍ക്ക് ശക്തിയായ പ്രതീക്ഷയും വിശ്വാസവുമുണ്ടായിരുന്നു. അറബികളവര്‍ക്കു ചുറ്റും പ്രദക്ഷിണം വെച്ചുകൊണ്ടു ആവര്‍ത്തിച്ചു ഉരുവിട്ടിരുന്നതിങ്ങനെയാണ്: മഹോന്നത തരുണീമണികളാണിവര്‍. ഇവരുടെ ശിപാര്‍ശ സുപ്രതീക്ഷിതമത്രെ (തില്‍കല്‍ ഗറാനീഖുല്‍ ഉലാ, വഇന്ന ശഫാഅതഹുന്ന ലതുര്‍ജാശിര്‍ക്, പേ 21).

മൂവരില്‍ ഉസ്സ പുണ്യവൃക്ഷമായിരുന്നു എന്ന ഒറ്റപ്പെട്ട അഭിപ്രായവുമുണ്ട്. അവയിലാണ് അമാനി, ചെറിയമുണ്ടം മൗലവി സംഘം പിടികൂടിയത്. അമാനി മൗലവി എഴുതുന്നു: ഉസ്സ ഒരു പ്രത്യേക ആരാധ്യവൃക്ഷമായിരുന്നു. അതിന്മേല്‍ (ഏതിന്മേല്‍?) ഒരു ക്ഷേത്രവും നിര്‍മിക്കപ്പെട്ടിരുന്നു (വിവരണം 31414). സൂറതുന്നജ്മിലെ സുവ്യക്തമായ പരാമര്‍ശത്തെ അവഗണിച്ചാണ് മക്കാ മുശ്രികുകളുടെ ദേവിയുടെ വിലാസം മൗലവി മാറ്റിയെഴുതുന്നത്. ഉസ്സ എന്ന പദം ഇസ്സത്തിന്‍റെ തത്ഭവവും അസീസിന്‍റെ സ്ത്രീലിംഗ രൂപവുമാണെന്ന് പ്രസിദ്ധമായ വിശദീകരണമുണ്ട്. മൗദൂദി പറയുന്നു: ഇത് ഖുറൈശികളുടെ സവിശേഷ ദേവതയായിരുന്നു. മക്കക്കും ത്വാഇഫിനുമിടയില്‍ വാദി നഖ്ലയിലെ ഹുറാജ് എന്ന സ്ഥലത്താണതിന്‍റെ സന്നിധാനം. ഹാശിം ഗോത്രത്തിന്‍റെ സഖ്യഗോത്രമായ ശൈബാന്‍ വംശം ഇതിന്‍റെ പരിസരത്താണ് വസിച്ചിരുന്നത്. ഖുറൈശികളും മറ്റു ഗോത്രങ്ങളും ഈ സന്നിധാനം സന്ദര്‍ശിക്കുകയും നേര്‍ച്ച വഴിപാടുകളും ബലികളും അര്‍പിക്കുകയും ചെയ്തിരുന്നു. കഅ്ബയിലേക്കെന്ന പോലെ ഉസ്സാ സന്നിധിയിലേക്കും ബലിമൃഗങ്ങളെ കൊണ്ടുവരാറുണ്ടായിരുന്നു. ആളുകള്‍ മറ്റു വിഗ്രഹങ്ങളേക്കാളേറെ ഉസ്സയെ ആദരിച്ചിരുന്നു (തഫ്ഹീം 1905).

കൂടുതല്‍ വിശദീകരണങ്ങളുമായി ജമാഅത്ത് വിജ്ഞാന കോശം രംഗത്തുണ്ട്: അറേബ്യക്ക് പുറത്തും ഉസ്സാ ആരാധിക്കപ്പെട്ടിരുന്നു. പ്രത്യേകിച്ചും ഹീറയിലെ ലഖ്മികള്‍. മുന്‍ദിര്‍ നാലാമന്‍ ഉസ്സയുടെ പേരില്‍ പ്രതിജ്ഞ ചെയ്യാറുണ്ടായിരുന്നു. അദ്ദേഹം 400 കന്യകമാരെ അവര്‍ക്ക് കുരുതി കൊടുത്തതായി പറയപ്പെടുന്നു. ഗ്വത്ഫാന്‍ ഗോത്രക്കാര്‍ ആരാധിച്ചിരുന്ന ഒരു മുള്‍ച്ചെടിയായിരുന്നു അതെന്നും അഭിപ്രായമുണ്ട്. ഇത് ഖുറൈശികളുടെ സവിശേഷ ദേവതയായിരുന്നു എന്നാണ് പ്രബല അഭിപ്രായം. ജാഹിലീ കാലഘട്ടത്തില്‍ ഉസ്സായെ ദൈവമാക്കി സ്വീകരിക്കുകയും പിന്നീട് ഉപേക്ഷിക്കുകയും ചെയ്ത സൈദ്ബ്നു അംറുബ്നു നുഫൈല്‍ പാടുന്നു: ഞാന്‍ ലാതിനെയും ഉസ്സായെയും ഉപേക്ഷിച്ചിരിക്കുന്നു… ഉസ്സായേയോ അവളുടെ രണ്ടു പെണ്‍മക്കളെയോ ഞാന്‍ അനുസരിക്കുകയില്ല (1197).

മൂവരില്‍ മനാതയുടെ വിലാസം മാറ്റിയെഴുതാന്‍ ഒരു വഴിയും കാണുന്നില്ലെന്നു കണ്ടപ്പോള്‍, ലാതിനെയും ഉസ്സയെയും തട്ടിയെടുത്ത അമാനി മൗലവി സംഘം ഇങ്ങനെ എഴുതാന്‍ നിര്‍ബന്ധിതരായി: മക്കയുടെയും മദീനയുടെയും ഇടയില്‍ മുശല്ലല്‍ എന്ന സ്ഥലത്തായിരുന്നു മനാത്. ഫുദൈല്‍, ഖുസാഅ, ഔസ്, ഖസ്റജ് മുതലായ ഗോത്രക്കാരുടെ വിഗ്രഹമായിരുന്നു അത്. ഇങ്ങനെയുള്ള പല വിഗ്രഹങ്ങളും ചില മലക്കുകളുടെ പ്രതിഷ്ഠകളാണെന്നും മലക്കുകള്‍ അല്ലാഹുവിന്‍റെ പെണ്‍മക്കളാണെന്നുമായിരുന്നു മുശ്രികുകളുടെ സങ്കല്‍പം. അതുകൊണ്ട് അല്ലാഹു ചോദിക്കുന്നു: നിങ്ങള്‍ക്ക് ആണും അവന് പെണ്ണുമോ? (വിവരണം 31414).

ഈ ചോദ്യം മനാതയെക്കുറിച്ചു മാത്രമായിരുന്നെന്ന് പറയാന്‍ എന്പാടും തൊലിയുറപ്പുവേണ്ടി വരുമെന്നവര്‍ക്കറിയാം. എന്നാല്‍ ചെറിയമുണ്ടത്തിന് ഇതൊന്നും അശേഷം പ്രശ്നമല്ല. അദ്ദേഹത്തിന്‍റെ കുറിപ്പ് ഇങ്ങനെ: “ഹുദൈല്‍ ഗോത്രക്കാര്‍ പൂജിച്ചിരുന്ന ഒരു പാറക്കല്ലാണ് മനാത്.’ പ്രതിഷ്ഠയല്ല, മലക്കുകളുടേതല്ല, മഹാദേവന്‍റെ പെണ്‍കുട്ടികളുടേതല്ല. എങ്കില്‍ ലാതയോ? അമാനി സംഘത്തിന്‍റെ പ്രചാരണം ഇങ്ങനെ: ലാത്ത, സഖീഫ് ഗോത്രക്കാരുടെ വക ത്വാഇഫിലെ ഒരു വിഗ്രഹമാണ്. മുന്‍കാലത്ത് ഹജ്ജിനു പോകുന്നവര്‍ക്ക് ഗോതമ്പത്തരികൊണ്ട് ഭക്ഷണമുണ്ടാക്കിക്കൊടുത്തിരുന്ന ഒരു നല്ല മനുഷ്യന്‍റെ സ്മാരകമായി സ്ഥാപിക്കപ്പെട്ടതായിരുന്നു അത് (വിവരണം 43141).

ചരിത്രത്തോടും വിശുദ്ധ ഖുര്‍ആന്‍റെ പ്രബലവും പ്രകടവുമായ പദഘടനയോടും ചെയ്യുന്ന ഒരനീതിയാണ് ലാതയെ “നല്ല മനുഷ്യനാ’ക്കാനുള്ള ശ്രമം. ഇസ്ലാമിലെ ഇസ്തിഗാസയെ തള്ളിപ്പറയാന്‍ രംഗസൗകര്യം വരുത്തുകയാണ് മൗലവിമാരിതിലൂടെ. ഈ ദുഷ്പ്രചാരണത്തിന്‍റെ പശ്ചാതലം ഇനി പറയാം: ഇബ്നു അബ്ബാസ്(റ)ല്‍ നിന്നും ലാതിനെ കുറിച്ചുള്ള ഒറ്റപ്പെട്ട അഭിപ്രായം റിപ്പോര്‍ട്ട് ചെയ്തിട്ടുണ്ട്. ഹാജിമാര്‍ക്ക് പായസം വിളമ്പിയിരുന്ന ഒരു നല്ല മനുഷ്യന്‍റെ പേരാണ് ലാത. അയാള്‍ മരിച്ച ശേഷം അവിടെ ഖബ്ര്‍ ഉണ്ടാക്കി ആരാധിക്കപ്പെട്ടതായിരുന്നു. ഇതാണ് ആ റിപ്പോര്‍ട്ടിലുള്ളത്.

ലാത്ത എന്ന പദം ലത്തയലിത്തു എന്ന ക്രിയാപദത്തിന്‍റെ ഇസ്മുല്‍ ഫാഇല്‍ (ൗെയഷലരശേ്ല ളീൃാ) ആണെന്നും അതുപ്രകാരം ലാത്തയിലെ താഇന് ശദ്ദ് (ദ്വിത്വം) നല്‍കിയുള്ള പാരായണം ഉണ്ടെന്നും അവര്‍ (ഇബ്നു അബ്ബാസ്, മുജാഹിദ്, റബീഅ്) പറഞ്ഞു. പക്ഷേ, ഈ പാഠഭേദം ശാദ്ദ് (ഒറ്റപ്പെട്ട വീക്ഷണം) മാത്രമാണ്. ഇബ്നുജരീര്‍ ലാത എന്ന പദത്തെക്കുറിച്ച് എത്തിച്ചേര്‍ന്ന അഭിപ്രായ പ്രകാരം അല്ലാഹു എന്ന പദത്തിന്‍റെ ഒടുവില്‍ സ്ത്രീലിംഗ പ്രതീകമായ പുള്ളിയുള്ള “ഹാ’ ചേര്‍ത്ത് “അല്ലാഹത്’ എന്നാണതിന്‍റെ മൂലരൂപം. അതില്‍ നിന്നാണ് “അല്ലാത്’ ഉണ്ടായത്. ഇതാണു പ്രബലവീക്ഷണം. അതുകൊണ്ടുതന്നെ, വെളുത്ത പാറയില്‍ കൊത്തിയെടുത്ത പ്രതിഷ്ഠയാണ് അല്ലാത് എന്നും അതിനുമേല്‍ വലിയ കെട്ടിടമുണ്ടായിരുന്നെന്നും കഅ്ബാലയത്തെപോലെ അതിനെ ആദരിച്ചു പരിചരിച്ചിരുന്നുവെന്നും പറഞ്ഞുറപ്പിച്ച ശേഷമാണ്, വഹുകിയ എന്ന ആമുഖത്തോടെ ഇബ്നു അബ്ബാസ്, മുജാഹിദ്, റബീഉമാരില്‍ നിന്നും റിപ്പോര്‍ട്ട് ചെയ്യപ്പെട്ട ഒറ്റപ്പെട്ട വീക്ഷണത്തെ കുറിച്ച് ഇബ്നു കസീര്‍ പരാമര്‍ശിക്കുന്നത്.

“അല്ലാഹുവിനു പുറമെ അവര്‍ ചില പെണ്ണുങ്ങളെയല്ലാതെ പ്രാര്‍ത്ഥിക്കുന്നില്ല’ (4117) എന്ന സൂക്തത്തിന്‍റെ വിശദീകരണമായി ഇബ്നു കസീര്‍ എഴുതുന്നു: “ളഹ്ഹാകിനെ ഉദ്ധരിച്ച് ജുവൈബിര്‍ പറഞ്ഞു: അല്ലാഹുവിന്‍റെ മേല്‍വചനത്തിന്‍റെ താല്‍പര്യമിതാണ്; മലക്കുകള്‍ അല്ലാഹുവിന്‍റെ പെണ്‍മക്കളാണെന്നും നിശ്ചയം, അവയെ പൂജിക്കുന്നത് അല്ലാഹുവിങ്കലേക്ക് പ്രത്യേകം അവര്‍ തങ്ങളെ അടുപ്പിക്കാന്‍ മാത്രമാണെന്നും മക്കാ മുശ്രികുകള്‍ പറയാറുണ്ട്. അവര്‍ ആ മലക്കുകളെ റബ്ബുകളായി സ്വീകരിച്ചു. അവരെ പെണ്‍കുട്ടികളുടെ രൂപത്തില്‍ പ്രതിഷ്ഠിച്ചു. എന്നിട്ടവര്‍ പറഞ്ഞു: ഞങ്ങളീ പൂജിക്കുന്ന പ്രതിഷ്ഠകളുടെ രൂപമാണ് അല്ലാഹുവിന്‍റെ പെണ്‍മക്കളുടേത്. ഈ വിശദീകരണം നജ്മ്1923, സുഖ്റുഫ്19, സ്വാഫാത്158,159 ലെ പരാമര്‍ശങ്ങളോടു സാദൃശ്യമുള്ള തഫ്സീറാകുന്നു (2413). നജ്മിലെ മൂവരും മക്കാ മുശ്രികുകളുടെ ദേവികളായിരുന്നു എന്നു തന്നെയാണ് ഇബ്നു കസീറിന്‍റെ സമര്‍ത്ഥനം.

“അല്ലാഹുവിന്‍റെ സുന്ദര നാമങ്ങളില്‍ കൃത്രിമം കാണിക്കുന്നവരെ ഒഴിവാക്കൂ’ എന്ന സൂക്തത്തിന്‍റെ (7180) വ്യാഖ്യാനമായി ഇബ്നു അബ്ബാസില്‍ നിന്നു ഔഫ് ഉദ്ധരിക്കുന്നു: അല്ലാഹു എന്ന നാമത്തില്‍ അപരാധം ചെയ്തു ഭേദഗതി വരുത്തി അതിനു സ്ത്രീലിംഗ രൂപമുണ്ടാക്കി അല്ലാത് എന്നു വിളിച്ച നിഷേധികളെ കുറിച്ചാണിവിടെ സൂക്തത്തില്‍ പരാമര്‍ശിച്ചിരിക്കുന്നത്. ഇപ്പോള്‍ വ്യക്തമാകുന്നത് ഇബ്നു അബ്ബാസ് ആ വീക്ഷണത്തിലായിരുന്നില്ല എന്നാണ്. മുജാഹിദിന്‍റെ പക്ഷവും മറ്റൊന്നല്ല. ഇബ്നു കസീര്‍ തുടരുന്നു: ഇബ്നു ജുറൈജ് മുജാഹിദിനെ ഉദ്ധരിച്ചു പറയുന്നു: അല്ലാഹുവില്‍ നിന്നും അല്ലാത് എന്ന പദമുണ്ടാക്കി അവര്‍, അല്‍ അസീസില്‍ നിന്നും ഉസ്സാ എന്ന പദവും. ലത്തയലിത്തുവില്‍ നിന്നും ലാത്തയുണ്ടായി എന്ന നേരത്തെ പരാമര്‍ശിച്ച അഭിപ്രായം ഒറ്റപ്പെട്ടതു തന്നെയാണെന്നു വീണ്ടും തെളിയുകയാണ്. അതിനാല്‍ താഇന് ഇരട്ടിപ്പു നല്‍കിയുള്ള പാരായണഭേദം സ്ഥിരപ്പെട്ടില്ല.

മൗദൂദിയുടെ വിശദീകരണം കൂടിയാകാം: ലാത്ത എന്ന തകാരത്തിന് ദ്വിത്വം കൊടുത്താണ് ഇബ്നു അബ്ബാസിന്‍റെ പാഠം. അദ്ദേഹത്തിന്‍റെ വീക്ഷണത്തില്‍ ലത്തയലിത്തു എന്ന ക്രിയാപദത്തില്‍ നിന്നാണ് ഇതുണ്ടായത്. ഇത് ത്വാഇഫിനടുത്ത ഒരു പാറക്കെട്ടില്‍ താമസിച്ചിരുന്ന ഒരാളായിരുന്നുവെന്നാണ് അദ്ദേഹവും മുജാഹിദും പറയുന്നത്. അയാള്‍ ഹജ്ജ് തീര്‍ത്ഥാടകര്‍ക്ക് അന്ന പാനീയങ്ങളൊരുക്കി കൊടുത്തിരുന്നു. അയാള്‍ മരിച്ചപ്പോള്‍ ആളുകള്‍ ആ പാറയില്‍ അയാളുടെ പ്രതിമ പ്രതിഷ്ഠിച്ച് ആരാധിച്ചു തുടങ്ങി. ഇബ്നു അബ്ബാസ്, മുജാഹിദ് തുടങ്ങിയ മഹാന്മാരില്‍ നിന്നുദ്ധരിക്കപ്പെട്ടതാണെങ്കിലും ലാതയുടെ ഈ വ്യാഖ്യാനം രണ്ടു കാരണങ്ങളാല്‍ സ്വീകാര്യയോഗ്യമല്ല. ഒന്ന്: ഖുര്‍ആന്‍ ഇതിനെ ലാത എന്നേ പറയുന്നുള്ളൂ. ലാത്ത എന്നു പറയുന്നില്ല. രണ്ട്: ഖുര്‍ആന്‍ ഇവ മൂന്നിനെയും ദേവികളായാണ് വിവരിക്കുന്നത്. ഈ വ്യാഖ്യാന പ്രകാരമാകട്ടെ ലാത്ത പുരുഷനാണ്, സ്ത്രീയല്ല…. (തഫ്ഹീം 5189).

ഖുര്‍ആനിലെ ലാത സ്ത്രീലിംഗമാണെന്നു അമാനി സംഘവും ഒടുവില്‍ സമ്മതിക്കാന്‍ നിര്‍ബന്ധിതരായി: “അറബികള്‍ അവരുടെ ദേവതകളെക്കുറിച്ച് മലക്കുകള്‍ എന്നു പറഞ്ഞുവന്നിരുന്നു. അഥവാ മലക്കുകളുടെ പ്രതിഷ്ഠകളാണു തങ്ങളുടെ വിഗ്രഹങ്ങളെന്നായിരുന്നു അവരുടെ സങ്കല്‍പം. മലക്കുകളെക്കുറിച്ചാവട്ടെ, അവര്‍ അല്ലാഹുവിന്‍റെ പെണ്‍മക്കളാണെന്നും അവര്‍ വാദിച്ചിരുന്നു. ലാത്ത, ഉസ്സ, മനാത മുതലായ വിഗ്രഹനാമങ്ങള്‍ പോലും സ്ത്രീനാമങ്ങളായിട്ടാണ് അവര്‍ ഉപയോഗിച്ചുവന്നിരുന്നത്’ (വിവരണം 1738).

ഒരു ഘട്ടത്തില്‍, മക്കാ മുശ്രികുകളോട് ദ്യേത്തോടെ പ്രതികരിക്കേണ്ടിവന്ന അബൂബക്ര്‍(റ) പ്രയോഗിച്ച ഇംസ്വസ് ബി ബള്രില്ലാത് മാത്രം പോരേ, അറേബ്യര്‍ക്ക് “അല്ലാത്’ ആണായിരുന്നോ പെണ്ണായിരുന്നോ എന്നറിയാന്‍?

ഇമാം ബുഖാരി 2732ാം നമ്പര്‍ ഹദീസായി ഉദ്ധരിച്ച സംഭവത്തിന്‍റെ വ്യാഖ്യാനത്തില്‍ ഹാഫിളുദ്ദുന്‍യാ അസ്ഖലാനി എഴുതുന്നു: “ഇബ്നുല്‍ മുനീര്‍ പറഞ്ഞു: അബൂബക്ര്‍(റ)ന്‍റെ പഴിവാക്കുകളില്‍, ശത്രുവിനെ നിസ്സാരപ്പെടുത്തലുണ്ട്. അവരുടെ വാദം കള്ളമാണെന്നു വരുത്തലുണ്ട്. “അല്ലാത്’ അല്ലാഹുവിന്‍റെ മകളാണെന്ന വാദപ്രകാരം അനിവാര്യമായുണ്ടാകേണ്ട അവയവത്തെക്കുറിച്ച് വെളിപ്പെടുത്തലുണ്ട്; കാരണം പെണ്‍കുട്ടിയാകുമ്പോള്‍ പെണ്ണിനുള്ളതെല്ലാം അവള്‍ക്കും ഉണ്ടാകണമല്ലോ’ (ഫത്ഹുല്‍ബാരി).

എങ്കില്‍ ദേവസഭയിലെ പുണ്യാത്മാക്കള്‍ പിന്നെയാരാണ്? മരണപ്പെട്ട ഒരു പുണ്യപുരുഷനോടു ഇസ്തിഗാസ ചെയ്ത കാരണത്താലല്ല അവര്‍ മുശ്രികുകളായത്; പുത്രപുത്രിമാരുള്ള ഒരു സര്‍വേശ്വരനാണ് അല്ലാഹു; ആ പുത്രപുത്രിമാര്‍ക്ക് സ്വതന്ത്രാധികാരങ്ങളുണ്ട്. പുത്രപുത്രിമാരെന്ന നിലക്ക് അവര്‍ക്ക് ആരാധനക്കര്‍ഹതയുണ്ട് എന്നിങ്ങനെയുള്ള വിശ്വാസമാണ് അവരെ മുശ്രിക്കുകളാക്കിയത്. മറ്റു പ്രചാരണങ്ങള്‍ ദുരുപദിഷ്ഠിതമാണ്; അപ്രമാണികമാണ്.

അല്ലാഹുവിൻ്റെ സ്വിഫത്ത് സൃഷ്ടിക്ക് സമർപ്പിച്ച് വഹാബികൾ മുശ്രിക്കായി !

*പടച്ചോനെ കുത്തിയിരുത്തിയപ്പോൾ സർവ്വ വഹാബികളും മുശ്രിക്കായി...*

👇👇👇👁️👁️👁️

✍️ഒരു തമാശക്കാണ് വഹാബികൾ പടച്ചോന് കയ്യും കാലും ചന്തിയുമൊക്കെ ഫിറ്റ് ചെയ്തത്. അവസാനം കുത്തിയിരിക്കാൻ കസേരയും കൊടുത്തു... ആ കസേരയുടെ കാലപ്പഴക്കം നിർണയിക്കാൻ മൗലവിമാർക്കൊരു പൂതി .വഹാബീ ആപ്പീസീന്ന് കൊടുത്തതല്ലേ... അതു കൊണ്ടു തന്നെ ഒരു ഗമയൊക്കെ വേണ്ടേ... വേഗം മുറി മൗലവിമാരുടെ സുന്നഹദോസ് കൂടി ആ കസേരയെ പടച്ചോനെപ്പോലെ/പടച്ചോനോടൊപ്പം ''ഖദീമാക്കി''... [തൗഹീദും നാമ വിശേഷണങ്ങളും- KNM - പേജ് 42]... അല്ലാഹുവിൻ്റെ വിശേഷണം/സ്വിഫത്ത് സൃഷ്ടിക്ക് ചാർത്തിക്കൊടുത്തു...ലാ ഹൗല... ദേ കിടക്കണു സകല വഹാബികളും മുശ്രിക്കായി കൂട്ടത്തോടെ നരകത്തിലേക്ക്... വീണിതല്ലോ കിടക്കുന്നൂ... വഹാബികളുടെ ഇമ്മാതിരി ശിർക്കൻ വിശ്വാസങ്ങൾ മറച്ചു പിടിക്കാനാണ്  മേൽ ശിർക്കാരോപണം നടത്തി ശ്രദ്ധ തിരിക്കാൻ ശ്രമിക്കുന്നത്... പക്ഷേ ,ഈ പറ്റിക്കൽ എത്ര നാൾ... പെട്ടു പോയ അണികൾക്കും കാര്യങ്ങൾ തിരിഞ്ഞു തുടങ്ങി... അഭിനന്ദനങ്ങൾ...

*ഖുദ്സി*

10-11-2021

താജുൽ ഉലമ ഉള്ളാൾ തങ്ങളുടെ കുടുംബ പരമ്പര

 താജുൽ ഉലമ ഉള്ളാൾ തങ്ങൾ

 നബി(സ)യുടെ 39 - മത്തെ 

               പേരമകൻ

[1] സയ്യിദുനാ മുഹമ്മദ് റസൂലുല്ലാഹി

[സ്വ] 

[2] ഫാത്വിമ ബീവി (റ]

[3] ഹുസൈൻ [റ]

[4] അലീ സൈനുൽ ആബിദീൻ [റ]

[5] മുഹമ്മദുൽ ബാബിർ [റ]

[6] സയ്യിദ് ജഅഫർ സ്വാദിഖ് [റ]

[7] സയ്യിദ് മൂസൽ ഖാളിം [റ]

[8] സയ്യിദ് അലിയ്യുരിളാ [റ]

[9] സയ്യിദ് മുഹമ്മദുൽ ജമാദ്             [10] സയ്യിദ് അലിയ്യുൽ ഹാദി        അത്തഖിയ്യ്

[11] സയ്യിദ് ജഅഫറുൽ അസ്ഗർ

[12] സയ്യിദ് അലിയ്യുൽ അശ്ഖർ

[13] സയ്യിദ് അബ്ദുല്ല

[14] സയ്യിദ് അഹ് മദ്

[15] സയ്യിദ് മഹ്മൂദ്

[16] സയ്യിദ് മുഹമ്മദ്

[17] സയ്യിദ് ജഅഫർ

[18] സയ്യിദ് അബുൽമുഅയ്യദ് അലിയ്യ്

[19] സയ്യിദ് അബൂൽ അറക്കാത്ത് ജലാലുദ്ദീൻ ഹുസൈൻ

[20] സയ്യിദ് അഹ് മദുൽ കബീർ

[21] സയ്യിദ് ഹുസൈൻ ജലാലുദ്ദീൻ ഹു സൈൻ

22] സയ്യിദ് ഇസ്മാഈൽ നാസിറുദ്ദീൻ

23] സയ്യിദ് താജുദ്ദീൻ യൂനുസുൽ ഹഖാൻ

[24] സയ്യിദ് മഹ് മൂദ് ബുഖാരി

[25] സയ്യിദ് ജലാലുദ്ദീൻ ബുഖാരി

[26] സയ്യിദ് സാലിം ബുഖാരി

[27] സയ്യിദ് ഹുസൈൻ ബുഖാരി

28] സയ്യിദ് മഹ് മൂദ് ബുഖാരി

[29] സയ്യിദ് ഇസ്മാഈൽ ബുഖാരി

[30] സയ്യിദ് അഹ് മദ് ജലാലുദ്ദീൻ ബുഖാരി [വളപട്ടണം]

[31] സയ്യിദ് ഇസ്മാഈൽ ബുഖാരി

[32] സയ്യിദ് മുഹമ്മദ് ബുഖാരി [ പറ

വണ്ണ ]

[33] സയ്യിദ് ഇസ്മാഈൽ ബുഖാരി

34] സയ്യിദ് അബ്ദുറഹിമാൻ ബുഖാരി

[35] സയ്യിദ് ബാഫഖ്റുദ്ദീൻ ബുഖാരി

[36] സയ്യിദ് മുഹമ്മദ് ബുഖാരി

[37] സയ്യിദ് ഹാമിദ് ബുഖാരി

[38] സയ്യിദ് അബൂബക്കർ ബുഖാരി

[39] സയ്യിദ് അബ്ദുറഹിമാൻ ബുഖാരി [ഉള്ളാൾ ]

നിസ്കാര മസ്അലകൾ

*മസ്അലഃ 1️⃣*

ഫർള് നിസ്കാരത്തിന്റെ നിയ്യത്തിൽ എന്തെല്ലാം ശ്രദ്ധിക്കണം?

✅✅✅✅✅✅

മൂന്നു കാര്യങ്ങൾ നിയ്യത്തിൽ ഉണ്ടായിരിക്കൽ നിർബന്ധമാണ് ഒന്ന്, ഞാൻ നിസ്കരിക്കുന്നുവെന്നു കരുതൽ രണ്ട്, ഏതു നിസ്കാരമാണെന്നു വ്യക്തമാക്കൽ മൂന്ന്, ഫർളാണെന്നു കരുതൽ ഉദാ: ഉസ്വല്ലി ഫർളള്ളുഹ്രി (ളുഹ്ർ എന്ന ഫർള് ഞാൻ നിസ്കരിക്കുന്നു) ("عمدة السالك.66") 

 "ينوي بقلبه، فإن كان فريضة وجب نية فعل الصلاة، وكونها فرضاً، وتعيينها: ظهراً، أو عصراً، أو جمعة

അബ്ദുൽ മുത്തലിബിൻ്റെ ഖുർആനും വഹാബികളുടെ വിവരക്കേടും !

 💜_______________💜

*തിരുനബി നാമം ഖുർ ആനിലെന്ന് അബ്ദുൽ മുത്വലിബ് : നിഷേധവുമായി മുജാഹിദുകൾ*✍️

*(ഷർറഫൽ അനാം മൗലിദ് / മറുപടി)*

പിഞ്ചു കുട്ടിയായ മുത്ത് നബി(സ)യേയും എടുത്ത് ഉപ്പാപ്പ അബ്ദുൽ മുത്വലിബ് കഅ്ബയിൽ ചെന്ന് അല്ലാഹുവിന് ശുക്റ് ചെയ്യുകയും , സ്തുതി പറയുകയും ചെയ്ത് നബി(സ)യെ പുകഴ്ത്തിക്കൊണ്ട് അബ്ദുൽ മുത്വലിബ്

 *أَنْت الذى سميت فِي الْقُرْآن*

"ഖുർആനിൽ പേര് പറഞ്ഞ നബിയാണെന്ന്"  പറഞ്ഞ് സന്തോഷിച്ചിരുന്നു, ഈ പദ്യം സുന്നികൾ ചൊല്ലുന്ന *ഷർറഫൽ അനാം മൗലിദിൽ കാണാം* ... എന്നാൽ ഇത് നിഷേധിക്കാൻ വേണ്ടി വന്ന സലഫി മുജാഹിദ് മൗലവിയുടെ വാദം ഇങ്ങനെ 👇🏻

"അബ്ദുൽ മുത്വലിബിന്റെ  കാലത്ത് ഖുർആൻ ഉണ്ടായിരുന്നോ? അത് കൊണ്ട് മൗലിദ് കിതാബിൽ ഉള്ളത് പച്ച നുണയാണ് പോൽ !!!!!

നഊദുബില്ലാഹ്  ! ഈ മൗലവിയുടെ വിവരക്കേട് കേട്ട് എത്രയാളുകൾ തെറ്റിദ്ധരിച്ച് പോയിട്ടുണ്ടാകും ...

*എന്താണ് യാഥാർത്ഥ്യം നമുക്ക് നോക്കാം ✅👇🏻*

ഖുർആൻ എന്ന പ്രയോഗം പൂർവ വേദങ്ങൾക്കും പ്രയോഗിച്ചിട്ടുണ്ട്.

 ഉദാഹരണം 

الَّذِينَ جَعَلُوا الْقُرْآنَ عِضِينَ

(ഖു: 15: 91)

"ഖുര്‍ആനിനെ വ്യത്യസ്ത തട്ടുകളാക്കി മാറ്റിയവരാണവര്‍." 

ഇവിടെ 👆 പൂർവ്വ സമുദായത്തിന്റെ വേദ ഗ്രന്ഥത്തെ  "ഖുർആൻ" എന്നാണ് അല്ലാഹു വിശേഷിപ്പിച്ചത്.

ഇപ്രകാരം ഹദീസിലും കാണാം. 

خفف على داود القرآن

"ദാവൂദ് നബിക്ക് ഖുർആനിനെ ലഘൂകരിക്കപ്പെട്ടു"...

👆ഇവിടെ തിരുനബി(സ) സബൂറിനെയാണ് ഖുർആൻ എന്ന്  പ്രയോഗിച്ചത്. 

അപ്പോൾ കാര്യം വ്യക്തം  അബ്ദുൾ മുത്വലിബ് പറഞ്ഞത് ഈയൊരർത്ഥത്തിലാണ്. പൂർവ വേദങ്ങളിൽ പറയപ്പെട്ട നബിയാണ് മുഹമ്മദ് മുസ്ത്വഫാ (സ്വ). ഇത് അവിതർക്കിതമാണീ കാര്യം !  പക്ഷെ വിവരമില്ലാത്ത മൗലവിമാരുടെ വിവരക്കേടിനാൽ മൗലിദ് കിതാബ് എന്ത് പിഴച്ചു ! 

ഇനി മാത്രവുമല്ല ഈ സംഭവം മൗലിദ് കിതാബിൽ സമസ്ത സുന്നി ആലിമീങ്ങൾ സ്വന്തം എഴുതി ച്ചേർത്തതാണോ ? ഒരിക്കലുമല്ല. പ്രഗൽഭരായ ഇമാമീങ്ങൾ അവരുടെ ഗ്രന്ഥങ്ങളിൽ ഉദ്ധരിച്ചതാണ് മൗലിദ് കിതാബിൽ കൊടുത്തിട്ടുള്ളത് ,

ഇനി നോക്കാം👇🏻 ഈ സംഭവം ആരൊക്കെ ഉദ്ധരിച്ചു .

فَأَخَذَهُ عَبْدُ الْمُطَّلِبِ فَأَدْخَلَهُ عَلَى هُبَلَ فِي جَوْفِ الْكَعْبَةِ، فَقَامَ عَبْدُ الْمُطَّلِبِ يَدْعُو وَيَشْكُرُ الله عزوجل وَيَقُولُ: الْحَمْدُ لِلَّهِ الَّذِي أَعْطَانِي * هَذَا الْغُلَامَ الطَّيِّبَ الْأَرْدَانِ قَدْ سَادَ فِي الْمَهْدِ عَلَى الغلمان * أُعِيذهُ بِالْبَيْتِ ذِي الْأَرْكَانِ حَتَّى يَكُونَ بِلُغَةِ الْفِتْيَانِ * حَتَّى أَرَاهُ بَالِغَ الْبُنْيَانِ أُعِيذُهُ مِنْ كُلِّ ذِي شَنَآنِ * مِنْ حَاسِدٍ مُضْطَرِبِ الْعِنَانِ ذِي هِمَّةٍ لَيْسَ لَهُ عَيْنَانِ * حَتَّى أَرَاهُ رَافِعَ اللِّسَانِ *أَنْت الذى سميت فِي الْقُرْآن* فِي كتب ثَابِتَة المثانى * أَحْمد مَكْتُوب عَلَى اللِّسَانِ * 

(ഹാഫിള് ഇബ്നു കസീർ 

അൽബിദായ / 1 / 208 )

(ഇബ്നു അസാകിർ താരീഖ് ദിമശ് ഖ് 3/83 )

(റൗളുൽ ഉനുഫ് ഇമാം സുഹൈലി 2/157 )

സത്യം മനസ്സിലാക്കി ഇഖ് ലാസുള്ള സുന്നിയായി ജീവിക്കാൻ അല്ലാഹു നമുക്കേവർക്കും തൗഫീഖ് നൽകട്ടെ ആമീൻ

*✍️സിദ്ധീഖുൽ മിസ്ബാഹ്*

8891 786 787

25/10/2021

___________________💐

സുന്നീ വിദ്യാഭ്യാസ ബോർഡ് 1951 ലെ തീരുമാനം

#തിരുത്ത്.

സമസ്തയുടെ പത്തൊമ്പതാം വാർഷിക മഹാസമ്മേളനം 1951 മാർച്ചിൽ വടകരയിലാണു നടന്നത്. വിദ്യാഭ്യാസ ബോർഡ് രൂപീകരിക്കാനുള്ള ചരിത്രപ്രധാനമായ തീരുമാനം കൈകൊണ്ടതും ഈ സമ്മേളനമാണ്. ഇതു സംബന്ധിച്ച് സമസ്ത:യുടെ അന്നത്തെ മുഖപത്രം 'അൽബയാൻ' ഏപ്രിൽ ലക്കത്തിൽ വന്ന വാർത്ത.1989 ചരിത്രത്തിലെ വലിയ തിരുത്തായിരുന്നു. 'സുന്നി വിദ്യാഭ്യാസ 

ബോർഡ്' മനോഹരമായ മറ്റൊരു തിരുത്ത്!

     -ഒ എം തരുവണ fb പോസ്റ്റ്. 23/10/21.

 

നബിദിനം- അടിസ്ഥാനം മൗലവിമാർ സമ്മതിക്കുന്നു !

 🌹

*നബിദിനാഘോഷം:*

*അടിസ്ഥാനം മൗലവിമാരും*

*സമ്മതിക്കുന്നു.*

➖➖➖➖➖➖➖➖➖

സ്വഹാബികളുടെ 

നബിസ്നേഹപ്രകടനത്തെ

കുറിച്ച് മൗലവിമാർ പറയുന്നത് നോക്കൂ.

നബി(സ)യുടെ വിയർപ്പ്, കേശം, ജുബ്ബ കഴുകിയ വെള്ളം... തുടങ്ങിയവ സ്നേഹപ്രകടനത്തിന് സ്വഹാബികൾ ഉപയോഗപ്പെടുത്തിയതിനെ കുറിച്ചാണ് ചോദ്യം.

മൗലവിമാരുടെ മറുപടി ഇങ്ങനെ :

"എന്തായാലും ഈ പറഞ്ഞ വിധത്തിലൊന്നും സ്നേഹ പ്രകടനം നടത്താൻ അല്ലാഹുവോ റസൂലോ(സ)കല്പിച്ചിട്ടില്ല എന്ന കാര്യം അവിതർക്കിതമാണ്.അതായത് എന്റെ കഫം നിങ്ങൾ മുഖത്ത് തേക്കണമെന്നോ എന്റെ വിയർപ്പ് തുടച് കുപ്പിയിൽ എടുത്തുവെക്കണമെന്നോ എന്റെ മൂത്രം നിങ്ങൾ കുടിക്കണമെന്നോ, മയ്യിത്ത് ഖബറടക്കുമ്പോൾ എന്റെ മുടി മുഖത്ത് വിതറണമെന്നോ, എന്റെ ജുബ്ബ കഴുകിയ വെള്ളം നിങ്ങൾ കുടിക്കണമെന്നോ നബി(സ)ആരോടും കല്പിച്ചിട്ടില്ല. പ്രവാചക വ്യക്തിത്വത്തോടുള്ള സ്നേഹ പ്രകടനം എന്ന നിലയിൽ ചില സ്വാഹാബികൾ ചെയ്ത കാര്യങ്ങളെ അവിടുന്ന് എതിർത്തിട്ടില്ല എന്ന് മാത്രമാണ് ഈ ഹദീസുകളിൽ നിന്ന് തെളിയുന്നത്."

(ശബാബ് വാരിക

2009 മെയ്‌ 1പേജ് : 27)

നബി(സ)യോടുള്ള സ്നേഹപ്രകടനം നബി(സ)പറയുകയോ കൽപ്പിക്കുകയോ ചെയ്യാത്ത ശൈലിയിൽ സ്വാഹാബികൾ പ്രകടിപ്പിച്ചുവെന്ന് മുജാഹിദുകളും സമ്മതിക്കുകയാണിവിടെ.

അപ്പോൾ, പിന്നെ നബി(സ)യോടുള്ള സ്നേഹ പ്രകടനമായി നബിദിനാഘോഷം നടത്താൻ നബി(സ)കല്പിച്ചിട്ടുണ്ടോ എന്ന ചോദ്യത്തിന് എന്ത് പ്രസക്തിയാണുണ്ടാവുക.

*അസ്‌ലംസഖാഫി പയ്യോളി*

🔵🔵🔵🔵🔵🔵🔵🔵🔵

കെ എം മൗലവിയെ ഔലിയ ആക്കിയ വഹാബികൾ മുശ്രിക്കായി മാറുന്നു !

 

നബിദിനാഘോഷവും പുത്തൻ വഹ്ഹാബികളും

 

🚥🚥🚥🚥🚥🚥🚥🚥🚥🚥🚥🚥🚥🚥🚥🚥

🔷 ഒരാളുടെ ജനനമെന്ന അനുഗ്രഹത്തിന്റെ ശുക്റാണ് അഖീഖത്ത് എന്നറിയാമല്ലോ. നബി(സ) യുടെ അഖീഖത്ത് പിതാമഹൻ അബ്ദുൽ മുത്വലിബ്‌ നടത്തിയതാണ്. എന്നിട്ടും നുബുവ്വത്തിന് ശേഷം നബി(സ) അവിടത്തെ അഖീഖത്ത് നിർവ്വഹിച്ചു. ഇത് നബി(സ)യുടെ ജന്മത്തിൽ ആവർത്തിച്ചു ശുക്ർ ചെയ്യപ്പെടേണ്ടതാണെന്ന് പഠിപ്പിക്കുന്നുവെന്ന് ഹാഫിള് സുയൂത്വി(റ) ഹുസ്‌നുൽ മഖ്സ്വിദിൽ രേഖപ്പെടുത്തുന്നു. ഈ ഹദീസ് അബ്ദുള്ളാഹിബ്നുൽ മുസന്നായിലൂടെയും അബ്ദുല്ലാഹിബ്നു മുഹർററിലൂടെയും റിപ്പോർട്ട് ചെയ്യപ്പെട്ടിട്ടുണ്ട്. അബ്ദുള്ളാഹിബ്നുൽ മുസന്നായിലൂടെയുള്ള റിപ്പോർട്ട്, വഹ്ഹാബികളുടെ അവലംബമായ ശൈഖ് നാസിറുദ്ദീൻ അൽബാനി പോലും പ്രബലമാണെന്ന് സമ്മതിച്ചിട്ടുണ്ട്.

🔷 എങ്കിൽ ഇതു പ്രകാരം സ്വഹാബികളാരെങ്കിലും പ്രവർത്തിച്ചോ എന്ന് ചോട്ടാ വഹ്ഹാബികൾ ചോദിക്കുന്നതിന് അർത്ഥമില്ല. കാരണം, 1- സ്വാഹാബികൾ ദീനിൽ പ്രമാണമല്ല എന്നതാണ് വഹ്ഹാബികളുടെ ഇതപര്യന്തമുള്ള നിലപാട്. നബിദിനാഘോഷത്തിൽ മാത്രം സ്വഹാബികൾ ദീനിൽ വഹ്ഹാബികൾക്ക് തെളിവാകുന്നതെങ്ങനെ? 2- നബിയിൽ നിന്ന് ഒരു തെളിവ് ഉദ്ധരിച്ചു കഴിഞ്ഞാൽ അത് സ്വഹാബത്ത് പ്രവർത്തിച്ചതായി കൂടി കണ്ടെങ്കിലേ അംഗീകരിക്കൂ എന്ന വാദം ഹദീസു നിഷേധമാണ്. ഉദാഹരണത്തിന് بينَ كلِّ أذانينِ صلاةٌ (എല്ലാ ബാങ്കു ഇഖാമത്തിന്റെ ഇടയിലും സുന്നത്തു നിസ്കാരമുണ്ട്) എന്ന് ഹദീസിൽ കാണാം. അതുപ്രകാരം ജുമുഅയുടെ മുമ്പും റവാത്തിബ് നിസ്കാരം സുന്നത്താണല്ലോ. എന്നാൽ സ്വഹാബികൾ ജുമുഅയുടെ മുമ്പ് റവാത്തിബ് നിസ്കരിച്ചതായി സഹീഹായ റിപ്പോർട്ട്‌ കാണിച്ചുതന്നെങ്കിലേ നബിയുടെ ഹദീസ് ഞങ്ങൾ സ്വീകരിക്കുകയുള്ളൂ എന്ന വാശി ഹദീസ് നിഷേധമാണ്.

🔷 "മൗലിദ് നടത്തൽ മുമ്പ് പതിവില്ലാത്തതാ... അത് ഹിജ്‌റ മുന്നൂറിന്നു ശേഷം വന്നതാ" എന്ന, തഴവ മുഹമ്മദ്‌ കുഞ്ഞി മുസ്‌ലിയാരുടെ ഒരു വരി ഉദ്ധരിക്കുന്ന വഹ്ഹാബീ മൗലവിയാക്കൾ പക്ഷേ അദ്ദേഹത്തിന്റെ വരികൾ മുഴുവൻ ഉദ്ധരിക്കാതെ അണികളെ പറ്റിക്കുന്നത് കാണുന്നു. അണികൾ അന്ധമായ അനുകരണത്താൽ ആ ഒരു വരി മാത്രം ഏറ്റുചൊല്ലുകയും ചെയ്യുന്നു!

🔷 സത്യത്തിൽ, ഹിജ്‌റ മൂന്നൂറല്ല, ആയിരത്തി മുന്നൂറിനു ശേഷമാണ് "മൗലിദ്" നടന്നന്നതെന്ന് വന്നാലും ഇസ്‌ലാമിക നിയമത്തിൽ അതിലെന്താണ് വിരോധം? എല്ലാ വർഷവും ജൂൺ ഒന്നിന് സ്കൂൾ വിദ്യാർത്ഥികൾക്ക് പാഠപുസ്തകവും യൂണിഫോമും നൽകുന്ന സമ്പ്രദായം ഹിജ്‌റ 1400 ൽ തുടങ്ങിയെന്നിരിക്കട്ടെ. ഭാഷാപരമായി അത് 'ബിദ്അത്താ'ണല്ലോ.  അതായത് 'പുതിയ ആചാര'മാണല്ലോ. എന്നാൽ മതപരമായി അത് 'ബിദ്അത്താ'ണോ? അതായത്, 'അനാചാര'മാണോ? അല്ല. എന്നാൽ നബിയും സ്വഹാബികളും അങ്ങനെ നടത്തിയിട്ടുണ്ടോ? ഇല്ല. എന്നിട്ടും അത് അനാചാരമായില്ല. എന്തുകൊണ്ട്? മതത്തിൽ അടിസ്ഥാനമുള്ള; മതവിരുദ്ധമല്ലാത്ത ഏതു ആചാരവും അനാചാരമല്ല എന്നാണ് ഇസ്‌ലാമിന്റെ നിയമം. എത്രത്തോളമെന്നാൽ, അത് ചിലപ്പോൾ വാജിബും ചിലപ്പോൾ സുന്നത്തും ചിലപ്പോൾ മുബാഹുമാകുന്നതാണ്.

🔷 "അമലുൽ മൗലിദ്" അഥവാ നബിദിനാഘോഷം മതത്തിൽ അടിസ്ഥാനമുള്ളതാണ് എന്ന് നബി(സ) നമ്മെ പഠിപ്പിച്ചത് നാം കണ്ടു. എങ്കിൽ "മൗലിദ്" എന്ന നാമത്തിലും നടപടിക്രമത്തിലും അത് ഹിജ്‌റ മുന്നൂറിനു ശേഷമാണെന്നേ തഴവയുടെ വരിയിൽ വിവക്ഷിക്കുന്നുള്ളൂവെന്ന് ഒരൽപ്പം മതബോധമുള്ള ആർക്കും ബോധ്യമാകും. "മദ്രസ നടത്തൽ മുമ്പ് പതിവില്ലാത്തതാ... അത് ഹിജ്‌റ ആയിരത്തി മുന്നൂറിനു ശേഷം വന്നതാ" എന്ന് ആരെങ്കിലും പാടിയാൽ അതിനർത്ഥം നമ്മുടെ മദ്രസ്സകൾ ദുരാചാര കേന്ദ്രങ്ങളാണെന്നും അവ പൊളിച്ചുമാറ്റണമെന്നും 'പിൽകാല വഹ്ഹാബി' പറഞ്ഞാലെന്തു ചെയ്യും?!

🔷 അല്ലാഹുവിനെ സ്നേഹിക്കുന്നവർ നബിയെ പിൻപറ്റുകയാണ് വേണ്ടതെന്ന് ഖുർആൻ ആലു ഇംറാൻ 31 ൽ വ്യക്തമാക്കിയതിനാൽ മൗലിദാഘോഷം പാടില്ലത്രെ! നല്ല കണ്ടുപിടുത്തം!! "നിങ്ങൾ അല്ലാഹുവിനെ സ്നേഹിക്കുന്നുവെങ്കിൽ നബിയെ പിൻപറ്റുവിൻ" എന്നാണ് ഖുർആൻ 3:31 ലുള്ളത്. അതിനർത്ഥം അല്ലാഹുവിനോടുള്ള മഹബ്ബത്തും നബിയോടുള്ള ഇത്തിബാഉം ഒന്നാണെന്നല്ല. നബിയോടുള്ള മഹബ്ബത്തും നബിയോടുള്ള ഇത്തിബാഉം ഒന്നാണെന്നുമല്ല. നബിയെ പിൻപറ്റണമെന്നാൽ നബിയുടെ ജന്മമെന്ന അനുഗ്രഹത്തിൽ സന്തോഷിക്കരുതെന്നാണോ?! നബിചര്യയിൽ ഒന്നാമത്തേത് 'ലാഇലാഹ ഇല്ലല്ലാഹ് മുഹമ്മദുർറസൂലുല്ലാഹ്' എന്ന ശഹാദയുടെ ഇരുവാക്യങ്ങളാണ്. അവ രണ്ടിലും, പിഴച്ച വിശ്വാസം പുലർത്തുന്ന വഹ്ഹാബികളാണോ നമ്മെ നബിചര്യ പഠിപ്പിക്കുന്നത്? നബിചര്യയിൽ പെട്ടതാണ്, നബിയുടെ ജന്മത്തിന്റെ സന്തോഷവും ശുക്‌റും നബിയുടെ മദ്ഹുമെന്ന് നാം മനസ്സിലാക്കിക്കഴിഞ്ഞു. അതുതന്നെയാണ് നബിദിനാഘോഷമെന്നതും. 'പ്രവാചക സ്നേഹ'മെന്നാൽ നബിചര്യ പിൻപറ്റൽ എന്നല്ല. പ്രവാചകനെ മനസ്സിലാക്കലും പ്രവാചകനെ ബഹുമാനിക്കലും പ്രവാചകൻ എന്ന അനുഗ്രഹത്തിന് ശുക്ർ ചെയ്യലും പ്രവാചകന്റെ പ്രാഥമ്യതയും യാഥാർത്ഥ്യവും, പ്രവാചക ജന്മത്തിന്റെ പരിശുദ്ധിയും പ്രാധാന്യവുമെല്ലാം ഉൾകൊള്ളലും പ്രവാചകനെ വാഴ്ത്തലും അതെതുടർന്ന് നബിചര്യ അനുധാവനം ചെയ്യലുമാണെന്നാണ് ദീനിന്റെ ഇമാമുകൾ പഠിപ്പിച്ചിട്ടുള്ളത്. (ശുഅബുൽ ഈമാൻ 2-508)

🔷 സ്വർഗത്തിലേക്ക് നമ്മെ അടുപ്പിക്കുന്നതും നരകത്തിൽ നിന്ന് നമ്മെ അകറ്റുന്നതുമെല്ലാം നബി(സ) പഠിപ്പിച്ചതിൽ നബിദിനാഘോഷം പെടില്ലെന്ന് പിൽക്കാല വഹ്ഹാബികൾ അണികളെ പറഞ്ഞു പറ്റിക്കുന്നു. യഥാർത്ഥത്തിൽ എന്താണ് അപ്പറഞ്ഞതിനർത്ഥം? എല്ലാ പുണ്യ കർമ്മങ്ങളും നബി(സ) ലൈവായി പഠിപ്പിച്ചതായി സ്ഥിരപ്പെട്ടുവെന്നല്ല അതിനർത്ഥം. എല്ലാ തിന്മകളും നബി(സ) ഓതിത്തന്നുവെന്നുമല്ല. ഉദാഹരണം ജുമുഅ ഖുത്ബയിൽ നബിയുടെ മേൽ സ്വലാത്ത് ചൊല്ലൽ ഫർള്വാണല്ലോ. എന്നാൽ അത് ഹദീസ് കൊണ്ട് നേരിട്ട് സ്ഥിരപ്പെടുത്താൻ വഹ്ഹാബിക്ക് കഴിയുമോ? പുകവലി ഹറാമോ കറാഹത്തോ ആണല്ലോ. അക്കാര്യം നബി(സ) നേരിട്ട് പറഞ്ഞ ഹദീസ് കാണിക്കാനാകുമോ? ഇത്തരത്തിലുള്ള ആയിരക്കണക്കിന് മസ്അലകൾ ഇസ്‌ലാമിക കർമ്മശാസ്ത്രം കൈകാര്യം ചെയ്തിട്ടുണ്ട്. ഈയടുത്ത കാലത്തായി, നിൽക്കാൻ കഴിവുണ്ടായിരിക്കെ നിലത്തിരിക്കാൻ കഴിയാത്ത ആളുകൾ അധികരിച്ചിട്ടുണ്ടല്ലോ. അവർ എങ്ങനെ നിസ്കരിക്കും? സുജൂദ് ചെയ്യും? അത്തഹിയ്യാത്തിനിരിക്കും? നബി(സ)യുടെ ഹദീസ് നേരിട്ടുദ്ധരിച്ചുകൊണ്ട് വഹ്ഹാബിക്ക് വല്ലതും പറയാൻ കഴിയുമോ? എങ്കിൽ എല്ലാം നബി(സ) പഠിപ്പിച്ചുവെന്നതിന്റെ താല്പര്യമെന്താണ്? ഇമാം റാസി(റ) പറയുന്നു:-

المُرادَ بِإكْمالِ الدِّينِ أنَّهُ تَعالى بَيَّنَ حُكْمَ جَمِيعِ الوَقائِعِ بَعْضَها بِالنَّصِّ وبَعْضَها بِأنْ بَيَّنَ طَرِيقَ مَعْرِفَةِ الحُكْمِ فِيها عَلى سَبِيلِ القِياسِ

(ദീൻ പൂർത്തിയാക്കിയെന്നാൽ കാര്യങ്ങളിൽ ചിലത് നേരിട്ടും ചിലത് ഖിയാസിലൂടെ പിൽകാലത്ത് കണ്ടെത്തുന്ന വിധത്തിലും വിവരിച്ചു എന്നാണ് ഉദ്ദേശ്യം.)

🔷 ബിദ്അത്തെന്നാൽ നബി(സ) പഠിപ്പിക്കാത്തത്, ചെയ്യാത്തത് എന്നല്ല. പ്രത്യുത, 'മത വിരുദ്ധമായ പുതിയ വിശ്വാസമോ ആചാരമോ എന്നാണ് ബിദ്അത്തിന്റെ അർത്ഥം. ഇതു നബി(സ) തന്നെയാണ് പഠിപ്പിച്ചത്.

مَن أَحْدَثَ في أَمْرِنا هذا ما ليسَ فِيهِ، فَهو رَدٌّ (صحيح البخاري ٢٦٩٧)

(ആരെങ്കിലും നമ്മുടെ ഇക്കാര്യത്തിൽ മതവിരുദ്ധമായത് പുതുതായി ഉണ്ടാക്കിയാൽ അതു തള്ളപ്പെടേണ്ടതാണ്- ബുഖാരി 2697).

രണ്ടു നിബന്ധനകളാണ് ഇതിലുള്ളത്.

1- പുതിയതാകുക 2- മതവിരുദ്ധമാകുക. എങ്കിൽ മതവിരുദ്ധമല്ലാത്ത പുതിയ കാര്യങ്ങൾ ബിദ്അത്തല്ല എന്ന് റസൂൽ(സ)യാണ് പഠിപ്പിച്ചത്. ഇക്കാര്യം ഇമാം ശാഫിഈ, ഇമാം നവവി, ഇമാം തഫ്താസാനി, ഇമാം അസ്ഖലാനി, ഇമാം സുയൂത്വി(റ) തുടങ്ങിയ ഇമാമുമാർ ഉദാഹരണ സഹിതം വിശദീകരിച്ചിട്ടുണ്ട്. എങ്കിൽ നബിദിനാഘോഷത്തെ ബിദ്അത്താക്കുന്നതെന്തിനാണ്?

🔷 നബി(സ) ജനിച്ച ദിവസത്തിലാണ് നബി(സ) വഫാത്തായത്. അതിനാൽ അന്ന് സന്തോഷിക്കരുത്, അന്ന് ദുഖിക്കേണ്ടതാണ് എന്നാണ് വിവരംകെട്ട വഹ്ഹാബികൾ പറയുന്നത്! എന്തിനും, സ്വഹീഹായ ഹദീസ് ഉണ്ടോ എന്ന് ചോദിക്കുന്ന വഹ്ഹാബികളേ നിങ്ങൾ നിങ്ങളുടെ മൗലവിയാക്കളോട് നബി(സ)യുടെ വഫാത്ത് റബീഉൽ അവ്വൽ 12 നായിരുന്നുവെന്നതിന് വല്ല ഹദീസും അന്വേഷിച്ചുവോ? ഇല്ലല്ലേ. മൗലവി പറഞ്ഞു, നിങ്ങളത് കേട്ടങ്ങ് വിഴുങ്ങി എന്നതിനപ്പുറം നിങ്ങൾക്ക് നിങ്ങൾ അംഗീകരിക്കേണ്ട വല്ല രേഖയുമുണ്ടോ?

🔷 നബി(സ) വഫാത്തായത് 12 നാണെന്നാണ് പ്രസിദ്ധമായ അഭിപ്രായം.  എന്നാൽ വേറെയും അഭിപ്രായങ്ങളുണ്ട്. പ്രബലമായത് റബീഉൽ അവ്വൽ 02 നാണെന്നാണ്. (ഫത്ഹുൽ ബാരി) ഒരാളുടെയും വഫാത്തിൽ വർഷാവർഷം ദുഃഖമാചരിക്കാൻ പാടില്ല. വന്ന ദുഃഖം ഒതുക്കിവയ്ക്കുകയാണ് വേണ്ടത്. സ്ത്രീകൾക്ക്, ഭർത്താവ് മരിച്ചാൽ നാലു മാസവും പത്തു ദിവസവും നിർബന്ധമായും, അല്ലാത്തയാൾ മരിച്ചാൽ കേവലം മൂന്നു ദിവസം അനുവദനീയമായും ദുഃഖമാചരിക്കാം എന്നല്ലാതെ ഇസ്‌ലാമിൽ ദുഃഖാചരണം പാടില്ല. പക്ഷേ നബി(സ) യുടെ വഫാത്തിൽ യാതൊരു ദുഃഖവും മനസ്സിലില്ലാത്ത വഹ്ഹാബികൾക്ക് എവിടെ നിന്ന് കിട്ടി ഈ ദുഖാചരണം?

🔷 മുളഫ്ഫർ രാജാവ് നീതിമാനായ രാജാവും മഹാപണ്ഡിതനും ഇസ്‌ലാമിന്റെ സംരക്ഷകനും കറകളഞ്ഞ സുന്നിയുമായിരുന്നു. പൊതുവെ രാജാക്കന്മാരിൽ കാണുന്ന സുഖലോലുപത ഉള്ളവരായിരുന്നില്ല. അദ്ദേഹം രാജകീയമായും ഭരണപരമായും മൗലിദിനെ ജനകീയവത്കരിച്ചെങ്കിൽ ഖിയാമത്തു നാൾ വരേക്കുമുള്ള മൗലിദാഘോഷത്തിന്റെ പ്രതിഫലം അദ്ദേഹത്തിന് ലഭിക്കുമെന്നത് തീർച്ച. കാരണം ഇമാമുകൾ അദ്ദേഹത്തിന്റെ നടപടിയെ പ്രശംസിക്കുകയാണ് ചെയ്തത്. യഥാർത്ഥ മുൻകാല വഹ്ഹാബികളും.

🔷 മുഹമ്മദ്‌ നബിയുടെ ജന്മ ദിനത്തിൽ സന്തോഷിക്കൽ ജൂത ക്രൈസ്തവരുടെ മാർഗമല്ല. ആണെന്ന് വഹ്ഹാബികൾ കള്ളം പറയുന്നത് ജൂത ക്രൈസ്തവർ പോലും അംഗീകരിക്കില്ല. നബിയുടെ ജന്മം ഏറ്റവും വലിയ അനുഗ്രഹമാണ്. ഇത് അംഗീകരിക്കാത്ത ഇന്നത്തെ വഹ്ഹാബികളാണ് നബി ജന്മദിനാഘോഷത്തെ ജൂതക്രൈസ്തവരുടെ ജയന്തികളോട് ഉപമിക്കുന്നത്! നഊദു ബില്ലാഹ്!! അല്ലാഹു വഹ്ഹാബികളുടെ ശർറിൽ നിന്ന് ഈ ഉമ്മത്തിനെ കാക്കട്ടെ.

നബിദിനാഘോഷവും മൗലിക വിമർശനങ്ങളും

 

********************************************

ലോകത്തെല്ലായിടത്തും റബീഉൽ അവ്വലിൽ പുണ്യനബിയുടെ മീലാദ് നടക്കുന്നു. ഈയടുത്തായി ചെറിയൊരു പക്ഷം മീലാദിനോട് വിമുഖത കാണിക്കുന്നുണ്ട്. വിമർശനങ്ങളിലൂടെയാണ് അവർ മീലാദിനെ വരവേൽക്കുന്നത്. അടിസ്ഥാനപരമായി മൂന്നു പോയിന്റിലാണ് അവരുടെ തർക്കം ഉടലെടുത്തിട്ടുള്ളത്. നബിജന്മം സവിശേഷ അനുഗ്രഹമാണോ, അനുഗ്രഹമാണെങ്കിൽ അതിനുള്ള ശുക്ർ ആവർത്തിക്കപ്പെടണോ, ആവർത്തിക്കപ്പെടണമെങ്കിൽ വർഷാവർഷം റബീഉൽ അവ്വലിൽ വിശിഷ്യാ പന്ത്രണ്ടിൽ തന്നെ ആഘോഷിക്കപ്പെടാമോ എന്നിവയാണവ. നബിജന്മത്തിന് സാധാരണയിൽ നിന്ന് ഭിന്നമായി പ്രത്യേകതയൊന്നുമില്ലെന്നും രിസാലത്തിന്റെയും നുബുവ്വത്തിന്റെയും ഔദ്യോഗിക വാഹകത്വത്തിന്റെ ഇരുപത്തിമൂന്ന് കൊല്ലത്തെ പരിമിതമായ കാലയളവിൽ മാത്രമാണ് നബി(സ) ലോകത്തിന് റഹ്മത്താകുന്നതെന്നുമാണ് എതിർപ്പിന്റെ കാതൽ. എന്നാൽ ഖുർആനും ഹദീസും നബി ചരിത്രവും ഈ വാദത്തിന്റെ മുനയൊടിച്ചിരിക്കുന്നു. ഖുർആൻ 9:128 ൽ തിരുദൂതരുടെ ആഗമനത്തെ മഹാ സംഭവമായിട്ടാണ് അവതരിപ്പിക്കുന്നത്. അതിലെ രണ്ട് പാരായണ ഭേദമനുസരിച്ച്, റസൂലിന്റെ രണ്ട് ആഗമനങ്ങൾ പ്രതിപാദിച്ചിരിക്കുന്ന സൂക്തമാണത്. ഒന്ന്, 'ഇഖ്‌റഇ'ന്റെ സന്ദേശവുമായി ഹിറാ ഗുഹയിൽ നിന്ന് ഖദീജ ബീവിയിലേക്കും തുടർന്ന് പൊതു സമൂഹത്തിലേക്കുമുള്ള ആഗമനം. രണ്ട്, പവിത്രമായ സൃഷ്ടിപ്പിലൂടെയും, ശ്രേഷ്ഠരായ മാതാപിതാക്കളിൽ നിന്ന് ജനിച്ചുകൊണ്ടുമുള്ള ശാരീരികമായ ആഗമനം. പ്രവാചക നിയോഗം പോലെ അനുഗ്രഹമാണ് പ്രവാചക ജന്മവുമെന്ന് സാരം. തിങ്കളാഴ്ച നോമ്പ് സുന്നത്താണ്. അതായത് പ്രത്യേകം സുന്നത്താണ്. എന്നുവെച്ചാൽ അത് മുന്തിച്ചു ചെയ്താൽ നിഷിദ്ധവും പിന്തിച്ചാൽ ഖള്വാഉമാണ്. അതേപ്പറ്റി ഒരിക്കൽ നബി(സ) ചോദിക്കപ്പെട്ടു. "അന്ന് ഞാൻ ജനിച്ചു, ഞാൻ പ്രവാചകനായി, എനിക്കു ഖുർആൻ ഇറങ്ങി" എന്നീ മൂന്നു കാരണങ്ങളാണ് നബി(സ) ഉത്തരം നൽകിയത്. (മുസ്‌ലിം 1162) മൂന്നും നബിയുമായി ബന്ധപ്പെട്ടവ. അതിൽ പ്രഥമവും പ്രധാനവുമാണ് നബിജന്മമെന്നത്. നബിജന്മത്തിന്റെ പവിത്ര ദിനത്തിൽ എത്രയോ മഹാത്ഭുതങ്ങൾ അരങ്ങേറിയത് പ്രാമാണിക ഗ്രന്ഥങ്ങൾ വിവരിച്ചിട്ടുമുണ്ട്. വാനലോകവും സ്വർഗീയരും അന്ന് സന്തോഷിച്ചു. പിശാചു മാത്രമേ അന്ന് ദുഃഖിച്ചുള്ളൂ. 

ഒരാളുടെ ജനനമെന്ന അനുഗ്രഹത്തിന്റെ ശുക്റും സന്തോഷവുമാണ് അഖീഖത്ത്. നബി(സ) യുടെ അഖീഖത്ത് പിതാമഹൻ അബ്ദുൽ മുത്ത്വലിബ്‌ ജനനത്തിന്റെ ഏഴാം നാളിൽ നടത്തിയതാണ്. രണ്ടാമതു ആവർത്തിക്കപ്പെടുന്ന കർമ്മമല്ല അഖീഖത്ത്. എന്നിട്ടും നുബുവ്വത്തിന് ശേഷം നബി(സ) സ്വന്തമായി അഖീഖത്ത് നിർവ്വഹിച്ചു. ഇത് നബി(സ)യുടെ ജന്മത്തിൽ ആവർത്തിച്ചു ശുക്ർ ചെയ്യപ്പെടേണ്ടതാണെന്നും സന്തോഷം പ്രകടിപ്പിക്കേണ്ടതാണെന്നും പഠിപ്പിക്കുന്നുവെന്ന് ഹാഫിള് സുയൂത്വി(റ) 'ഹുസ്‌നുൽ മഖ്സ്വിദി'ൽ രേഖപ്പെടുത്തുന്നു. (അൽ ഹാവി 1-188) ഈ ഹദീസ് അബ്ദുള്ളാഹിബ്നുൽ മുസന്നായിലൂടെയും അബ്ദുല്ലാഹിബ്നു മുഹർററിലൂടെയും റിപ്പോർട്ട് ചെയ്യപ്പെട്ടിട്ടുണ്ട്. അബ്ദുള്ളാഹിബ്നുൽ മുസന്നായിലൂടെയുള്ള റിപ്പോർട്ട്, വിമർശകരുടെ അവലംബമായ ശൈഖ് നാസിറുദ്ദീൻ അൽബാനി പോലും പ്രബലമാണെന്ന് സമ്മതിച്ചിട്ടുണ്ട്. (സിൽസിലത്തുസ്സഹീഹ: 2726) എങ്കിൽ ഇതു പ്രകാരം സ്വഹാബികളാരെങ്കിലും പ്രവർത്തിച്ചോ എന്ന് ചോദിക്കുന്നതിന് അർത്ഥമില്ല. കാരണം, സ്വഹാബികൾ ദീനിൽ പ്രമാണമല്ല എന്നതാണ് ആരോപകരുടെ ഇതപര്യന്തമുള്ള നിലപാട്. നബിദിനാഘോഷത്തിൽ മാത്രം സ്വഹാബികൾ ദീനിൽ ഇക്കൂട്ടർക്ക് തെളിവാകുന്നതെങ്ങനെ? നബിയിൽ നിന്ന് ഒരു തെളിവ് ഉദ്ധരിച്ചു കഴിഞ്ഞാൽ അത് സ്വഹാബത്ത് പ്രവർത്തിച്ചതായി കണ്ടെങ്കിലേ അംഗീകരിക്കൂ എന്ന വാദം ഹദീസു നിഷേധമാണ്. ഉദാഹരണത്തിന്, "എല്ലാ ബാങ്കു ഇഖാമത്തിന്റെ ഇടയിലും സുന്നത്തു നിസ്കാരമുണ്ട്" എന്ന് ഹദീസിൽ കാണാം. അതുപ്രകാരം ജുമുഅയുടെ മുമ്പും റവാതിബ് നിസ്കാരം സുന്നത്താണല്ലോ. എന്നാൽ സ്വഹാബികൾ ജുമുഅയുടെ മുമ്പ് റവാതിബ് നിസ്കരിച്ചതായി സഹീഹായ റിപ്പോർട്ട്‌ കാണിച്ചുതന്നെങ്കിലേ നബിയുടെ ഹദീസ് സ്വീകരിക്കുകയുള്ളൂ എന്ന വാശി ഹദീസ് നിഷേധമാണ്.

നബി(സ) മദീനയിൽ ചെന്നപ്പോൾ ജൂതർ ആശൂറാഅ് ദിനത്തിൽ നോമ്പ് അനുഷ്ഠിക്കുന്നത് കണ്ടു. അതേകുറിച്ച് ആരാഞ്ഞപ്പോൾ അവരുടെ മറുപടി ഇപ്രകാരമായിരുന്നു: ഇത് മഹത്തായ ദിവസമാണ്. അല്ലാഹു മൂസാ നബിയെയും ജനതയെയും രക്ഷിക്കുകയും ഫിർഔനിനെയും കൂട്ടരെയും മുക്കി നശിപ്പിക്കുകയും ചെയ്ത ദിവസമാണിത്. മൂസാ നബി നന്ദിസൂചകമായി ഇന്ന് നോമ്പെടുത്തു. അതിനാലാണ് ഇന്ന് ഞങ്ങൾ വൃതമനുഷ്ഠിക്കുന്നത്. നബി(സ) പറഞ്ഞു: 'നിങ്ങളേക്കാൾ മൂസാ നബിയോട് കടപ്പെട്ടവർ ഞങ്ങളാണ്'. അങ്ങനെ നബി(സ) അന്ന് നോമ്പനുഷ്ഠിക്കുകയും അനുചരരോട് നോമ്പ് കൽപ്പിക്കുകയും ചെയ്തു. (മുസ്‌ലിം-1130) പ്രവാചക ജന്മമെന്ന നിഅ്മത്തിന്റെ ശുക്ർ വർഷാവർഷം റബീഉൽ അവ്വലിലെ നബിജൻമ ദിനത്തിൽ ആവർത്തിക്കപ്പെടാൻ ഇതു മതിയായ തെളിവാണെന്ന് ഹാഫിള് ഇബ്നു ഹജർ(റ) രേഖപ്പെടുത്തുന്നു. (അൽ ഹാവി 1-186) ആശൂറാഇന്റെ പ്രത്യേക നോമ്പ് റബീഉൽ അവ്വലിൽ നിർവ്വഹിക്കണമെന്നല്ല ഈ താരതമ്യത്തിലുള്ളത്. കാരണം ശുക്റിലും അമലിലും മാത്രമേ 'ഖിയാസ്' നടത്തുകയുള്ളൂ. അതേസമയം പ്രത്യേകതയിലും ശ്രേഷ്ഠതയിലും ഖിയാസ് ചെയ്യുകയില്ല. (ഫത്ഹുൽ ബാരി 6-10) അതുകൊണ്ടാണ് റബീഉൽ അവ്വൽ പന്ത്രണ്ടിന് 'പ്രത്യേക നോമ്പി'ല്ലാത്തത്.

 "മൗലിദ് നടത്തൽ മുമ്പ് പതിവില്ലാത്തതാ... അത് ഹിജ്‌റ മുന്നൂറിന്നു ശേഷം വന്നതാ" എന്ന ഒരു വരി, എതിർപ്പുകാർ സന്ദർഭത്തിൽ നിന്ന് അടർത്തിമാറ്റി ഉന്നയിക്കാറുണ്ട്.

സത്യത്തിൽ, ഹിജ്‌റ മൂന്നൂറല്ല, ആയിരത്തി മുന്നൂറിനു ശേഷമാണ് "മൗലിദ്" നടന്നതെന്ന് വന്നാലും ഇസ്‌ലാമിക നിയമപ്രകാരം അതിലെന്താണ് വിരോധം? എല്ലാ വർഷവും ശവ്വാലിൽ മദ്രസാ വിദ്യാർത്ഥികൾക്ക് പാഠപുസ്തകവും യൂണിഫോമും നൽകുന്ന സമ്പ്രദായം ഹിജ്‌റ 1400 ൽ തുടങ്ങിയെന്നിരിക്കട്ടെ. ഭാഷാപരമായി അത് 'ബിദ്അത്താ'ണല്ലോ.  അതായത് 'പുതിയ ആചാര'മാണല്ലോ. എന്നാൽ മതപരമായി അത് 'ബിദ്അത്ത്-അനാചാര'മല്ല. പ്രത്യുത അത് മഹത്തായ പുണ്യപ്രവൃത്തിയാണ്. മതത്തിൽ അടിസ്ഥാനമുള്ള, മതവിരുദ്ധമല്ലാത്ത ഏതു ആചാരവും അനാചാരമല്ല എന്നാണ് ഇസ്‌ലാമിന്റെ നിയമം. അത് ചിലപ്പോൾ വാജിബും ചിലപ്പോൾ സുന്നത്തും ചിലപ്പോൾ മുബാഹുമാകുന്നതാണ്. "മൗലിദ്" എന്ന നാമത്തിലും നടപടിക്രമത്തിലും ഹിജ്‌റ മുന്നൂറിനു ശേഷമാണെന്നേ, ഉന്നയിക്കുന്ന വരിയിൽ വിവക്ഷിക്കുന്നുള്ളൂവെന്ന് ഒരൽപ്പം മതബോധമുള്ള ആർക്കും ബോധ്യമാകും. തുടർന്നുള്ള വരികൾ അതിലേക്കാണ് വിരൽ ചൂണ്ടുന്നത്. "മദ്രസ നടത്തൽ മുമ്പ് പതിവില്ലാത്തതാ... അത് ഹിജ്‌റ ആയിരത്തിന്നു ശേഷം വന്നതാ" എന്ന് ആരെങ്കിലും പാടിയാൽ അതിനർത്ഥം മദ്രസ്സകൾ ദുരാചാര കേന്ദ്രങ്ങളാണെന്നല്ലല്ലോ.

അല്ലാഹുവിനെ സ്നേഹിക്കുന്നവർ നബിയെ പിൻപറ്റുകയാണ് വേണ്ടതെന്ന് ഖുർആൻ ആലു ഇംറാൻ 31 ൽ വ്യക്തമാക്കിയതിനാൽ മൗലിദാഘോഷം പാടില്ലത്രെ! നല്ല കണ്ടുപിടുത്തം!! "നിങ്ങൾ അല്ലാഹുവിനെ സ്നേഹിക്കുന്നുവെങ്കിൽ നബിയെ പിൻപറ്റുവിൻ" എന്നാണ് ഖുർആൻ 3:31 ലുള്ളത്. അതിനർത്ഥം അല്ലാഹുവിനോടുള്ള മഹബ്ബത്തും നബിയോടുള്ള ഇത്തിബാഉം ഒന്നാണെന്നല്ല. നബിയോടുള്ള മഹബ്ബത്തും ഇത്തിബാഉം ഒന്നാണെന്നുമല്ല. മഹബ്ബത്തിൽ നിന്നാണ് ഇത്തിബാഅ് ഉണ്ടാകുകയെന്ന് മാത്രം. നബിയെ പിൻപറ്റണമെന്നാൽ നബിയുടെ ജന്മമെന്ന അനുഗ്രഹത്തിൽ സന്തോഷിക്കരുതെന്നാണോ?! നബിചര്യയിൽ ഒന്നാമത്തേത് 'ലാഇലാഹ ഇല്ലല്ലാഹ് മുഹമ്മദുർറസൂലുല്ലാഹ്' എന്ന ശഹാദത്തിന്റെ ഇരുവാക്യങ്ങളാണ്. അവയിൽ തന്നെ പിഴച്ച വിശ്വാസം പുലർത്തുന്ന വിമർശകരാണോ നമ്മെ നബിചര്യ പഠിപ്പിക്കുന്നത്? നബിചര്യയിൽ പെട്ടതാണ്, നബിയുടെ ജന്മത്തിന്റെ സന്തോഷവും ശുക്‌റും നബിയുടെ മദ്ഹുമെന്നും നാം മനസ്സിലാക്കിക്കഴിഞ്ഞു. അതുതന്നെയാണ് നബിദിനാഘോഷമെന്നതും. 'പ്രവാചക സ്നേഹ'മെന്നാൽ നബിചര്യ പിൻപറ്റൽ എന്നല്ല. പ്രവാചകനെ ഉള്ളറിഞ്ഞ് മനസ്സിലാക്കലും പ്രവാചകനെ ബഹുമാനിക്കലും പ്രവാചകനെന്ന അനുഗ്രഹത്തിന് ശുക്ർ ചെയ്യലും മുഹമ്മദീയ യാഥാർത്ഥ്യവും പ്രാഥമ്യവും തിരുജന്മത്തിന്റെ പരിശുദ്ധിയും പ്രാധാന്യവുമെല്ലാം ഉൾകൊള്ളലും പ്രവാചകനെ വാഴ്ത്തലും, അതേതുടർന്ന് നബിചര്യ അനുധാവനം ചെയ്യലുമാണെന്നാണ് ദീനിന്റെ ഇമാമുകൾ പഠിപ്പിച്ചിട്ടുള്ളത്. (ശുഅബുൽ ഈമാൻ 2-508) നബിയുടെ മുമ്പാകെ, കള്ളു കുടിച്ചിരുന്ന ഒരു സ്വഹാബിയെ ശിക്ഷിക്കുമ്പോൾ ആരോ അദ്ദേഹത്തെ ശപിച്ചു. അദ്ദേഹമാണെങ്കിലോ അങ്ങേയറ്റത്തെ പ്രവാചകസ്നേഹിയും നബിയെ സന്തോഷിപ്പിക്കുന്നയാളുമായിരുന്നു. നബി(സ) പറഞ്ഞു: അദ്ദേഹത്തെ ശപിക്കരുത്. തീർച്ചയായും അദ്ദേഹം അല്ലാഹുവിനെയും റസൂലിനെയും സ്നേഹിക്കുന്നയാളാണ്. (ബുഖാരി) വൻദോഷം ആവർത്തിച്ചാൽ പോലും നബിസ്നേഹം മനസ്സിൽ നിന്ന് നഷ്ടപ്പെടണമെന്നില്ല എന്ന് ഈ ഹദീസിൽ വ്യക്തമാണ്. (ഫത്ഹുൽ ബാരി 12-78)

സ്വർഗത്തിലേക്ക് നമ്മെ അടുപ്പിക്കുന്നതും നരകത്തിൽ നിന്ന് നമ്മെ അകറ്റുന്നതുമെല്ലാം നബി(സ) പഠിപ്പിച്ചു. അതിൽ നബിദിനാഘോഷം പെടില്ലെന്നാണ് ഉന്നയിക്കപ്പെടുന്ന മറ്റൊരാക്ഷേപം. യഥാർത്ഥത്തിൽ എന്താണ് അപ്പറഞ്ഞതിനർത്ഥം? എല്ലാ പുണ്യ കർമ്മങ്ങളും നബി(സ) ലൈവായി പഠിപ്പിച്ചതായി സ്ഥിരപ്പെട്ടുവെന്നല്ല അതിനർത്ഥം. എല്ലാ തിന്മകളും നബി(സ) നേരിൽ ഓതിത്തന്നുവെന്നുമല്ല. ഉദാഹരണം ജുമുഅ ഖുത്ബയിൽ നബിയുടെ മേൽ സ്വലാത്ത് ചൊല്ലൽ ഫർള്വാണല്ലോ. എന്നാൽ അത് ഹദീസ് കൊണ്ട് നേരിട്ട് സ്ഥിരപ്പെടുത്താൻ ആക്ഷേപകർക്ക് കഴിയുമോ? പിൽകാലത്തു വന്ന പുകവലി, കറാഹത്തോ ഹറാമോ ആണെന്ന വിധി കർമ്മശാസ്ത്രത്തിൽ കാണാം. (ശർവാനി 4-238) പക്ഷേ അക്കാര്യം നബി(സ) നേരിട്ട് പറഞ്ഞ ഹദീസ് കാണിക്കാനാകില്ല. ഇത്തരത്തിലുള്ള ആയിരക്കണക്കിന് മസ്അലകൾ ഇസ്‌ലാമിക കർമ്മശാസ്ത്രം കൈകാര്യം ചെയ്തിട്ടുണ്ട്. നിൽക്കാൻ കഴിവുണ്ടായിരിക്കെ നിലത്തിരിക്കാൻ കഴിയാത്ത ആളുകൾ എങ്ങനെ നിസ്കരിക്കും? സുജൂദ് ചെയ്യും? അത്തഹിയ്യാത്തിനിരിക്കും? നബി(സ)യുടെ ഹദീസ് നേരിട്ടുദ്ധരിച്ചുകൊണ്ട് വിധി പറയാൻ കഴിയുമോ? എങ്കിൽ എല്ലാം നബി(സ) പഠിപ്പിച്ചുവെന്നതിന്റെ താല്പര്യമെന്താണ്? ഇമാം റാസി(റ) പറയുന്നു: "ദീൻ പൂർത്തിയാക്കിയെന്നാൽ, കാര്യങ്ങളിൽ ചിലത് നേരിട്ടു വ്യക്തമാക്കിയും ചിലത് ഖിയാസിലൂടെ പിൽകാലത്ത് കണ്ടെത്തുന്ന വിധത്തിലും വിവരിച്ചു എന്നാണ് ഉദ്ദേശ്യം" (തഫ്സീറുൽ കബീർ 11- 141) ഇതു സംബന്ധിച്ച ഇമാം മാലിക്(റ) വിന്റ പ്രസ്താവനയിലും ഇതേ ആശയമാണ് പ്രകാശിക്കുന്നത്.

ബിദ്അത്തെന്നാൽ നബി(സ) പഠിപ്പിക്കാത്തത്, ചെയ്യാത്തത് എന്നല്ല. പ്രത്യുത, 'മത വിരുദ്ധമായ പുതിയ വിശ്വാസവും ആചാരവുമാണ് ബിദ്അത്ത്. ഇതു നബി(സ) തന്നെയാണ് പഠിപ്പിച്ചത്.

"ആരെങ്കിലും നമ്മുടെ ഇക്കാര്യത്തിൽ മതവിരുദ്ധമായത് പുതുതായി ഉണ്ടാക്കിയാൽ അതു തള്ളപ്പെടേണ്ടതാണ്" (ബുഖാരി 2697)

ബിദ്അത്തിന് രണ്ടു നിബന്ധനകളാണ് ഇതിലുള്ളത്.

1- പുതിയതാകുക 2- മതവിരുദ്ധമാകുക. എങ്കിൽ മതവിരുദ്ധമല്ലാത്ത പുതിയ കാര്യങ്ങൾ ബിദ്അത്തല്ല എന്ന് റസൂൽ(സ) തന്നെ പഠിപ്പിച്ചു. ഇക്കാര്യം ഇമാം ശാഫിഈ, ബൈഹഖി, നവവി, തഫ്താസാനി, അസ്ഖലാനി, സുയൂത്വി(റ) തുടങ്ങിയ അനേകം ഇമാമുകൾ ഉദാഹരണ സഹിതം വിശദീകരിച്ചിട്ടുണ്ട്. എന്നിരിക്കെ മൗലിദാചാരത്തെ ബിദ്അത്താക്കുന്നതെന്തിനാണ്?

നബി(സ) ജനിച്ച ദിവസത്തിലാണ് നബി(സ) വഫാത്തായത്, അതിനാൽ അന്ന് സന്തോഷിക്കരുത്, അന്ന് ദുഖിക്കേണ്ടതാണ് എന്ന വിവരക്കേടും ചിലർ പറയുന്നു. എന്തിനും, സ്വഹീഹായ ഹദീസ് ഉണ്ടോ എന്ന് ചോദിക്കുന്നവർ നബി(സ)യുടെ വഫാത്ത് റബീഉൽ അവ്വൽ 12 നായിരുന്നുവെന്നതിന് വല്ല ഹദീസും അന്വേഷിച്ചുവോ? നബി(സ) വഫാത്തായത് 12 നാണെന്നാണ് പ്രസിദ്ധമായ അഭിപ്രായം. എന്നാൽ വേറെയും അഭിപ്രായങ്ങളുണ്ട്. പ്രബലമായത് റബീഉൽ അവ്വൽ 02 നാണെന്നാണ്. (ഫത്ഹുൽ ബാരി 7-735). ആരുടെയും വഫാത്തിൽ വർഷാവർഷം ദുഃഖമാചരിക്കാൻ പാടില്ല. അനിയന്ത്രിതമായി വന്ന ദുഃഖം കഴിയുംവിധം ഒതുക്കിവയ്ക്കുകയാണ് വേണ്ടത്. പക്ഷേ നബി(സ) യുടെ വഫാത്തിൽ യാതൊരു ദുഃഖവും നിലവിലില്ലാത്ത ആളുകൾക്ക് എവിടെ നിന്ന് കിട്ടി ഈ ദുഖാചരണം?

മുളഫ്ഫർ രാജാവ് നീതിമാനായ രാജാവും മഹാപണ്ഡിതനും ഇസ്‌ലാമിന്റെ സംരക്ഷകനും കറകളഞ്ഞ സുന്നിയുമായിരുന്നു. പൊതുവെ രാജാക്കന്മാരിൽ കാണുന്ന സുഖലോലുപത ഉള്ളവരായിരുന്നില്ല. അദ്ദേഹം രാജകീയമായും ഭരണപരമായും മൗലിദിനെ ജനകീയവൽകരിച്ചെങ്കിൽ അന്ത്യനാൾ വരേക്കുമുള്ള മൗലിദാഘോഷത്തിന്റെ പുണ്യം അദ്ദേഹത്തിന് ലഭിക്കുമെന്നത് തീർച്ച. കാരണം ഇമാമുകൾ അദ്ദേഹത്തിന്റെ നടപടിയെ പ്രശംസിക്കുകയാണ് ചെയ്തത്. വിമർശകരുടെ തന്നെ മുൻകാല നേതാക്കളും സംഘടനകളും നബിദിനം ആഘോഷിച്ചിരുന്നതും അതിനായി ആഹ്വാനം ചെയ്തിരുന്നതും അനിഷേധ്യ വസ്തുതയാണ്. (അൽ മുർഷിദ് 1935 ജൂൺ)

മുഹമ്മദ്‌ നബി(സ)യുടെ ജന്മദിനത്തിൽ സന്തോഷിക്കൽ മറ്റു മതസ്ഥരിൽ നിന്ന് പകർത്തിയതല്ല. ആണെന്ന് കള്ളം പറയുന്നത് അവർ പോലും അംഗീകരിക്കില്ല. നബിയുടെ ജന്മം ഏറ്റവും വലിയ അനുഗ്രഹമാണ്. അനുഗ്രഹത്തിലും റഹ്മത്തിലും സന്തോഷിക്കണമെന്നത് ഖുർആൻ (10:58) കല്പിച്ചതാണ്. ഇത് അംഗീകരിക്കാനാവാത്ത ഇക്കാലത്തെ പുത്തനാശയക്കാർ മാത്രമാണ് നബി ജന്മദിനാഘോഷത്തെ ഇതര മതസ്ഥരുടെ ജയന്തികളോട് ഉപമിക്കുന്നത്.

എന്താണ് ബിദ്അത്ത്? എന്താണ് ദീൻ പൂർത്തിയാക്കൽ?

 ❓️❓️❓️❓️❓️❓️❓️❓️❓️❓️❓️❓️❓️❓️❓️

ഒരു പ്രവൃത്തി അല്ലെങ്കിൽ ആശയം പുതിയതാകുക, അതോടൊപ്പം മതത്തിൽ പ്രത്യേകമായതോ പൊതുവായതോ ആയ അടിസ്ഥാനം ഇല്ലാതിരിക്കുക അഥവാ മത വിരുദ്ധമാകുക എന്നീ രണ്ട് നിബന്ധനകൾ മേളിക്കുമ്പോഴാണ് ഏതു കാര്യവും ബിദ്അത്താകുന്നത്. അതായത്, കർമ്മത്തിലാണെങ്കിൽ അനാചാരമെന്നും ആശയത്തിലാണെങ്കിൽ പുത്തൻ വാദമെന്നും വിവക്ഷിക്കുന്ന ബിദ്അത്താകുന്നത്. ബിദ്അത്തെന്നാൽ നബിയും സ്വഹാബികളും ചെയ്യാത്തത് എന്ന വഹ്ഹാബീ നിർവ്വചനം ബിദ്അത്തിലെ ബിദ്അത്താണ്. "ഭൗതിക തേട്ടങ്ങൾ പടപ്പുകളോടും അഭൗതിക തേട്ടങ്ങൾ പടച്ചവനോടും" എന്ന വഹ്ഹാബികളുടെ വാദം തൗഹീദിൽ അവരുണ്ടാക്കിയ പുത്തൻവാദമാണ്. അത് മത വിരുദ്ധമാണ്. അതിനാൽ അത് ബിദ്അത്താണ്. മനുഷ്യൻ കുരങ്ങിൽ നിന്ന് പരിണമിച്ചുണ്ടായതാണ് എന്ന വാദം മത വിരുദ്ധമാണ്. അതിനാൽ അത് ബിദ്അത്താണ്. കുഫ്റുമാണ്.

നമ്മുടെ പള്ളികളിൽ ഈയിടെ തുടങ്ങിയ ഇഫ്താർ സംഗമം എന്ന കർമ്മം, 'പുതിയത്' എന്ന അർത്ഥത്തിൽ ഭാഷാ പ്രയോഗത്തിൽ ബിദ്അത്താണല്ലോ. പക്ഷേ അത് അനാചാരം എന്ന അർത്ഥത്തിൽ ബിദ്അത്തല്ല. മറിച്ചത് സദാചാരം അഥവാ 'ബിദ്അത്തു ഹസനത്താ'ണ്.

🔸🔸🔸🔸🔸🔸🔸🔸🔸🔸🔸🔸🔸🔸🔸

"ദീൻ പൂർത്തിയാക്കി" എന്നതിന്റെ താല്പര്യം  ഇമാം റാസി(റ) പറയുന്നു:

المُرادَ بِإكْمالِ الدِّينِ أنَّهُ تَعالى بَيَّنَ حُكْمَ جَمِيعِ الوَقائِعِ بَعْضَها بِالنَّصِّ وبَعْضَها بِأنْ بَيَّنَ طَرِيقَ مَعْرِفَةِ الحُكْمِ فِيها عَلى سَبِيلِ القِياسِ

 "ദീൻ പൂർത്തിയാക്കിയെന്നാൽ, കാര്യങ്ങളിൽ ചിലത് നേരിട്ടു വ്യക്തമാക്കിയും ചിലത് ഖിയാസിലൂടെ പിൽകാലത്ത് കണ്ടെത്തുന്ന വിധത്തിലും വിവരിച്ചു എന്നാണ് ഉദ്ദേശ്യം" (തഫ്സീറുൽ കബീർ 11- 141) 

ഇനി ഇമാം ബൈള്വാവിയുടെ വിശദീകരണം കാണുക.

﴿اليَوْمَ أكْمَلْتُ لَكم دِينَكُمْ﴾ بِالنَّصْرِ والإظْهارِ عَلى الأدْيانِ كُلِّها، أوْ بِالتَّنْصِيصِ عَلى قَواعِدِ العَقائِدِ والتَّوْقِيفِ عَلى أُصُولِ الشَّرائِعِ وقَوانِينِ الِاجْتِهادِ

"ദീൻ പൂർത്തിയാക്കിയെന്നാൽ (1) സഹായം കൊണ്ടും, മറ്റു മതങ്ങളെക്കാൾ അജയ്യമാക്കൽ കൊണ്ടും പൂർത്തിയാക്കി. (2) മൗലികമായ വിശ്വാസ തത്വങ്ങൾ വ്യക്തമാക്കുകയും, അടിസ്ഥാന കർമ്മങ്ങളും ഗവേഷണ നിയമങ്ങളും പഠിപ്പിക്കുകയും ചെയ്തുകൊണ്ട് പൂർത്തിയാക്കി." അനുബന്ധങ്ങൾ പിൽകാലത്തു ഇമാമുകൾ കണ്ടെത്തുന്നു.

അല്ലാതെ, എല്ലാ പുണ്യ കർമ്മങ്ങളും നബി(സ) നേരിട്ട് കാണിച്ചുകൊടുത്തുവെന്നോ, എല്ലാ ദുഷ്‌കർമ്മങ്ങളും നബി(സ) നേരിട്ട് ഓതിക്കൊടുത്തുവെന്നോ അല്ല. അങ്ങനെയുള്ള പ്രചാരണം നടത്തുന്നവർ ദീനെന്താണെന്ന് മനസ്സിലാക്കാത്തവരാണ്.

നബിദിന സന്തോഷം സുന്നത്ത്-എങ്ങിനെ ?

*നബിദിന സന്തോഷം-തിരു നബി ﷺയെ വ്യക്തിപൂജകനാക്കി അണികളെ പച്ചക്ക് പറ്റിക്കുന്ന വഹാബീ മൗലവിമാർ...❗*

👇👇👇👁️👁️👁️

✍️ റബിഉൽ അവ്വൽ 12 ന് 'നബി ദിനമാഘോഷിക്കണമെന്ന് ഖുർആനിലെവിടെ... ?.നബി തങ്ങൾ റബിഉൽ അവ്വൽ 12 ന് ,ഇതുപോലെ  നബിദിനമാഘോഷിച്ചത് ഹദീസിലെവിടെ ...?. നബിദിനാഘോഷത്തിന് ഇബ്നുതൈമിയ്യയെ തെളിവാക്കുന്ന സമസ്തക്കാർ, അതേ  ഇബ്നുതൈമിയ്യ നബിദിനമാഘോഷിച്ചത് തെളിയിക്കാൻ ധൈര്യമുണ്ടോ ...?.വഹാബീ മൗലവി കത്തിക്കയറുകയാണ്.കുഞ്ഞാടുകളാണെങ്കിലോ- വികാരത്തള്ളിച്ചയിൽ സന്തോഷിച്ച് വീർപ്പുമുട്ടുന്നു...!

                          എനിക്കൊന്നും മനസിലായില്ല. തിരുനബിയുടെ  ജനനത്തിൽ സന്തോഷിക്കുക എന്നതാണല്ലോ നബിദിനാഘോഷം എന്നതുകൊണ്ട് ഉദ്ധേശിക്കുന്നത്. അതിന് വഹാബീ നേതാവ് ഇബ്നു തൈമിയ്യയെ തെളിവാക്കുന്നത് ഏത് മണ്ടനാണ് ?.മുസ്ലിംകൾക്ക് തെളിവ്  വഹാബികളാണെന്ന് വാചകക്കസർത്തുകൾക്കിടയിലൂടെ തട്ടിവിടുന്നു. എന്നിട്ട് അപ്പേരിൽ വെല്ലുവിളിക്കുന്നു. കഥയറിയാത്ത അണികൾ ഞെളിഞ്ഞിരുന്നത് കേൾക്കുന്നു. മൗലവിമാർ പച്ചക്ക് പറ്റിക്കുമ്പോൾ ,അത് തിരിച്ചറിയാൻ പോലും കഴിവില്ലാത്ത അണികളുണ്ടാകുക എന്നതാണ് വഹാബിസത്തിൻ്റെ എക്കാലത്തെയും വിജയം...!

നബിദിനാഘോഷം സുന്നത്താണെന്ന് പറഞ്ഞാല്‍ അതിന്റെ ഉദ്ദേശ്യം ,അത് ചതുര്‍പ്രമാണങ്ങള്‍ക്ക് വിധേയമായ പുണ്യ കര്‍മമാണ് എന്നാണ്. സന്തോഷ വേളകളില്‍ ചെലവ് ചെയ്യണമെന്നത് ഖുര്‍ആനിന്റെ നിര്‍ദേശമാണ്. മുസ്‌ലിംകള്‍ക്ക് നബി ﷺ

യുടെ ജന്മദിനത്തെക്കാള്‍ സന്തോഷമുള്ള മറ്റെന്ത് കാര്യമാണുള്ളത്...? .ഗൃഹപ്രവേശന സമയത്ത് ആളുകളെ വിളിച്ച് ആഹാരം കൊടുക്കുന്ന പതിവ് ഇന്ന് വ്യാപകമാണല്ലോ. നബി ﷺ

ഇങ്ങനെ ചെയ്ത മാതൃകയില്ല. എന്നാല്‍ മതപരിഷ്‌കരണ വാദികളൊക്കെ ഇത് ചെയ്യുന്നു.

വിശുദ്ധ റബീഅ് വീണ്ടും വിരുന്നെത്തിയതോടെ വിശ്വാസികള്‍ തിരുനബി  ﷺയുടെ അനുഗൃഹീത ജന്‍മത്തില്‍ സന്തോഷം പ്രകടിപ്പിച്ചു കൊണ്ടിരിക്കുകയാണ്. അതേസമയം മതപരിഷ്‌കരണവാദികള്‍ ഈ സത്കര്‍മത്തെ നിരാകരിക്കുകയും എതിര്‍ക്കുകയും ചെയ്തു കൊണ്ടിരിക്കുകയുമാണ്. നബിദിനാഘോഷം സുന്നത്തും [പ്രമാണങ്ങള്‍ക്ക് വിധേയമായ കാര്യം] പുണ്യകര്‍മവുമാണെന്നു പാരമ്പര്യ മുസ്‌ലിംകള്‍ വിശ്വസിക്കുമ്പോള്‍ ഇത് അനാചാരവും കുറ്റകൃത്യവുമാണെന്ന് മതപരിഷ്‌കരണവാദികള്‍ വിശ്വസിക്കുന്നു.

മതഭാഷയില്‍ പറഞ്ഞാല്‍ സുന്നികള്‍ ഇത് സുന്നത്താണെന്നും പുത്തനാശയക്കാര്‍ ബിദ്അത്താണെന്നും വാദിക്കുന്നു. ഇവിടെ സുന്നത്തും ബിദ്അത്തും എന്താണ് എന്നറിഞ്ഞാല്‍ എളുപ്പത്തില്‍ വിഷയം ബോധ്യപ്പെടും. സുന്നത്ത് എന്ന പദത്തിന്റെ ഭാഷാര്‍ഥം നടപടിക്രമം, കീഴ്‌വഴക്കം എന്നൊക്കെയാണ്. മത സാങ്കേതിക ഭാഷയില്‍ വ്യത്യസ്ത അര്‍ഥങ്ങളുണ്ട് സുന്നത്ത് എന്ന പദത്തിന്. ഉദാഹരണത്തിന് ‘ഖുര്‍ആന്‍- സുന്നത്ത്’ എന്നു പറയുമ്പോള്‍ ഉദ്ദേശിക്കുന്നത് നബി  ﷺയുടെ വാക്കുകള്‍, പ്രവര്‍ത്തനങ്ങള്‍, മൗനാനുവാദങ്ങള്‍ എന്നിവ അടങ്ങിയതാണ്. എന്നാല്‍ ‘വാജിബ്- സുന്നത്ത്’ എന്ന് പ്രയോഗിക്കുമ്പോഴുള്ള സുന്നത്തിന്റെ അര്‍ഥം പ്രവര്‍ത്തിച്ചാല്‍ പ്രതിഫലമുള്ളത് എന്നും ഒഴിവാക്കിയാല്‍ ശിക്ഷ ഇല്ലാത്തത് എന്നുമാണ്. ഇനി ‘സുന്നത്ത്- ബിദ്അത്ത്’ എന്ന് പ്രയോഗിക്കുമ്പോള്‍ ഇതുകൊണ്ട് ഉദ്ദേശിക്കുന്നത് പ്രമാണങ്ങളാക്കുന്ന ഖുര്‍ആന്‍, സുന്നത്ത്, ഇജ്മാഅ്, ഖിയാസ് എന്നിവയോട് യോജിച്ച് വരുന്നത് എന്നതുമാണ്.

അപ്പോള്‍ നബിദിനാഘോഷം സുന്നത്താണെന്ന് പറഞ്ഞാല്‍ അതിന്റെ ഉദ്ദേശ്യം അത് ചതുര്‍പ്രമാണങ്ങള്‍ക്ക് വിധേയമായ പുണ്യകര്‍മമാണ് എന്നാണ്. അതിന്റെ പ്രമാണങ്ങളിലേക്ക് കടക്കുന്നതിന് മുമ്പ് പുണ്യ കര്‍മങ്ങളെ സംബന്ധിച്ച് ഒരു ചെറിയ വിശകലനം കൂടി ശ്രദ്ധിക്കുക.

പുണ്യ കര്‍മങ്ങള്‍ രണ്ട് വിധമുണ്ട്. ഒന്ന്, പ്രത്യേക രൂപവും രീതിയും സമയവുമെല്ലാം ശറഇല്‍ നിശ്ചയിച്ചിട്ടുള്ളതാണ്. ഉദാഹരണത്തിന് നിസ്‌കാരം, നോമ്പ്, ഹജ്ജ്, സക്കാത്ത് തുടങ്ങിയവ. ഇത്തരം പുണ്യ കര്‍മങ്ങളില്‍ എന്തെങ്കിലും കൂട്ടിച്ചേര്‍ക്കുന്നതും മാറ്റി മറിക്കുന്നതും ഒരാള്‍ക്കും പാടില്ല.

നിസ്‌കാരത്തില്‍ റുകൂഅ് ചെയ്യുമ്പോള്‍ ‘സുബ്ഹാന റബ്ബിയല്‍ അള്വീം വബിഹംദിഹീ’ എന്നു ചൊല്ലാനാണ് നബി  ﷺപഠിപ്പിച്ചിട്ടുള്ളത്. യാസീന്‍ സൂറത്ത് ഈ ദിക്‌റിനേക്കാള്‍ മഹത്വമുണ്ട് എന്ന് പറഞ്ഞു കൊണ്ട് ഒരാള്‍ക്ക് റുകൂഇല്‍ യാസീന്‍ ഓതാന്‍ പാടില്ല. കാരണം അത് ശറഇല്‍ നിര്‍ദേശം വന്ന ഒന്നിനെ തിരുത്തലാണ്. ഇതു പോലെ ജുമുഅ നിസ്‌കാരം അവധി ദിനമായ ഞായറാഴ്ചയിലേക്ക് മാറ്റാനോ ഖുതുബ നിസ്‌കാര ശേഷത്തേക്ക് പിന്തിപ്പിക്കാനോ നിസ്‌കാരത്തിന്റെയും ഖുതുബയുടെയും ഭാഷ മാറ്റുവാനോ പാടില്ല.

പുണ്യ കര്‍മങ്ങളില്‍ രണ്ടാമത്തെ ഇനം, പ്രത്യേക രൂപവും രീതിയും ശറഅ് നിശ്ചയിക്കാതെ പൊതുവില്‍ പ്രോത്സാഹിപ്പിക്കപ്പെടുന്ന പുണ്യ കര്‍മമാണ്. ഉദാഹരണത്തിന് ‘ അല്ലാഹുവിന്റെ ദിക്‌റ് ചൊല്ലുക എന്നതാണ് ഏറ്റവും വലുത്’ [ആശയം-അല്‍ അന്‍കബൂത്ത് 45], ‘സത്യവിശ്വാസികളേ നിങ്ങള്‍ ധാരാളം ദിക്‌റ് ചൊല്ലുക, പ്രഭാതത്തിലും പ്രദോഷത്തിലും തസ്ബീഹും ചൊല്ലുക’ [ആശയം-അല്‍ അഹ്‌സാബ് 41, 42] ഇങ്ങനെ നിരവധി സ്ഥലത്ത് പൊതുവില്‍ ദിക്‌റിന്റെ മഹത്വം പറഞ്ഞ് കൊണ്ട് അതു ചെയ്യാന്‍ ഖുര്‍ആന്‍ പഠിപ്പിക്കുന്നുണ്ട്.

ഇത്തരം പുണ്യ കര്‍മങ്ങള്‍ക്ക് അത് ചെയ്യുന്നവന്റെ സൗകര്യവും മറ്റും പരിഗണിച്ച് മതവിരുദ്ധമല്ലാത്ത രീതിയും രൂപവും തിരഞ്ഞെടുക്കാന്‍ മതം അനുമതി തരുന്നുണ്ട്. ഇപ്രകാരം ഒരാള്‍ തീരുമാനിക്കുന്നു, ഞാന്‍ എല്ലാ ദിവസവും സുബ്ഹി നിസാകാരാനന്തരം ആയിരം തഹ്‌ലീല്‍ ചൊല്ലും. അങ്ങനെ അയാള്‍ പതിവാക്കുകയും ചെയ്താല്‍, ഇങ്ങനെ സുബ്ഹിക്ക് ശേഷം നബി  ﷺചൊല്ലിയിട്ടുണ്ടോ?, അബൂബക്കര്‍ സ്വിദ്ദീഖ് [റ] ചൊല്ലിയിട്ടുണ്ടോ? തുടങ്ങിയ ചോദ്യങ്ങള്‍ അപ്രസക്തമാണ്. കാരണം ഇത്തരം കാര്യങ്ങള്‍ ഇതേ രൂപത്തില്‍ അവര്‍ ചെയ്യണമെന്നില്ല. ചെയ്യാന്‍ ശറഇല്‍ അനുമതി ഉണ്ടായാല്‍ മാത്രം മതി. ഈ ഗണത്തില്‍ പെടുന്ന പുണ്യ കര്‍മമാണ് നബിദിനാഘോഷം. നബി ﷺ

യുടെ ജന്മദിനത്തില്‍ സന്തോഷിക്കണമെന്നതും ആ ജന്മദിനത്തെ ആദരിക്കുകയും അനുസ്മരിക്കുകയും ചെയ്യേണ്ടതാണെന്നതും മുത്ത് നബിയുടെ മദ്ഹുകള്‍ പറയുക എന്ന മൗലിദ് ഓതല്‍ ചതുര്‍ പ്രമാണങ്ങളിലും വ്യക്തമായ കാര്യമാണെന്നതും അവിതര്‍ക്കിതമാണ്. എന്നാല്‍ ഇതിന്റെ രീതി എങ്ങനെയാകണമെന്ന് ശറഇല്‍ പ്രത്യേക കല്‍പ്പന വന്നിട്ടില്ല. അതിനാല്‍ ആഘോഷിക്കുന്ന ആളുടെ കഴിവും ഒഴിവും ശേഷിയും അനുസരിച്ച് മതം നിരോധിച്ച കാര്യങ്ങള്‍ വരാത്ത വിധത്തില്‍ എങ്ങനെയും ആഘോഷിക്കാം. ഇനി ഇതിന്റെ പ്രമാണങ്ങളെ കുറിച്ച് ചിന്തിക്കാം.

നബി ﷺയുടെ ജന്മദിനത്തില്‍ സന്തോഷം പ്രകടിപ്പിക്കുക എന്നതാണല്ലോ മീലാദാഘോഷത്തിന്റെ ഏറ്റവും അടിസ്ഥാനപരമായ വിഷയം. സൂറഃ യൂനുസിലെ 58-ാം സൂക്തത്തിന് ഇബ്‌നു അബ്ബാസ് (റ) നല്‍കിയ വ്യാഖ്യാനം ഇങ്ങനെയാണ്. ‘നബിയേ, അങ്ങ് പറയുക. [അറിവാകുന്ന] അല്ലാഹുവിന്റെ ഔദാര്യം കൊണ്ടും [നബിയാകുന്ന] അനുഗ്രഹം കൊണ്ടും അവര്‍ സന്തോഷം പ്രകടിപ്പിച്ചുകൊള്ളട്ടെ. അവര്‍ ഒരുമിച്ചു കൂടുന്നതില്‍ വെച്ച് ഏറ്റവും ഉത്തമമായത് അതത്രേ.’ ഇവിടെ നബി ﷺയെ കൊണ്ട് സന്തോഷിക്കണമെന്നാണ് വിശ്വാസികള്‍ക്ക് അല്ലാഹു നല്‍കുന്ന നിര്‍ദേശം. ഇതില്‍ നബി ﷺയുടെ ജന്മദിനത്തില്‍ സന്തോഷിക്കുക എന്നത് ഉള്‍പ്പെടില്ല എന്ന് പറയുന്നവരാണ് അതിന് തെളിവ് നിരത്തേണ്ടത്.

പൂര്‍വിക പ്രവാചകന്മാരുടെ ഒരു പ്രബോധന ദൗത്യം തന്നെ അന്ത്യദൂതരായ മുത്ത് നബി  ﷺയുടെ ജനനം കൊണ്ട് സന്തോഷ വാര്‍ത്ത അറിയിക്കുക എന്നതായിരുന്നു. നബി  ﷺജനിക്കുന്നതിന് അഞ്ഞൂറിലധികം വര്‍ഷങ്ങള്‍ക്ക് മുമ്പ് ജനിച്ച ഈസാ നബി[അ] പറഞ്ഞതായി ഖുര്‍ആന്‍ പറയുന്നു: ‘മര്‍യമിന്റെ പുത്രന്‍ ഈസാ[അ] പറഞ്ഞ സന്ദര്‍ഭം നിങ്ങള്‍ അനുസ്മരിക്കുക. ഇസ്‌റാഈല്‍ സന്തതികളേ, തീര്‍ച്ചയായും ഞാന്‍ നിങ്ങളിലേക്ക് അയക്കപ്പെട്ട അല്ലാഹുവില്‍ നിന്നുള്ള ദൂതനാകുന്നു. എന്റെ മുമ്പിലുള്ള തൗറാത്തിനെ ശരിവെച്ചു കൊണ്ടും എന്റെ ശേഷം വരുന്ന അഹ്മദ് എന്ന് പേരുള്ള ഒരു ദൂതരെ സംബന്ധിച്ച് സന്തോഷ വാര്‍ത്ത അറിയിച്ചുകൊണ്ടുമാണ് -ഞാന്‍ നിയുക്തനായത്’ [ആശയം-ഖുര്‍ആന്‍ 61-5]. തിരുജന്മത്തില്‍ സന്തോഷിക്കണമെന്ന് ഈ ആയത്തില്‍ നിന്നു പകല്‍ വെളിച്ചം പോലെ വ്യക്തമാകുന്നുണ്ട്.

ഇനി നബി  ﷺജനിച്ച ദിവസത്തിന് മഹത്വമുണ്ടെന്നും ആ ദിവസത്തെ പ്രത്യേകം അനുസ്മരിക്കുകയും ആദരിക്കുകയും ചെയ്യണമെന്ന് നബി  ﷺതന്നെ പഠിപ്പിച്ചത് കാണാം. ‘നബി  ﷺയോട് ചോദിക്കപ്പെട്ടു. എന്തുകൊണ്ടാണ് തിങ്കളാഴ്ച നോമ്പെടുക്കുന്നത്? നബി ﷺപറഞ്ഞു. ആ ദിവസത്തിലാണ് എന്നെ പ്രസവിക്കപ്പെട്ടത്. [മുസ്‌ലിം]. വര്‍ഷത്തിലൊരിക്കല്‍ മാത്രമല്ല, എല്ലാ ആഴ്ചകളിലും നബി  ﷺ സ്വന്തം ജന്മദിനത്തില്‍ സന്തോഷം പ്രകടിപ്പിക്കുകയും ആരാധനകളിലൂടെ ആഘോഷിക്കുകയും ചെയ്തിരിക്കുന്നു എന്ന് സ്പഷ്ടമായി. ഇസ്‌ലാമിലെ ഏല്ലാ ആഘോഷങ്ങളും ആരാധനാകളാണെന്നത് പ്രത്യേകം പറയേണ്ടതില്ലല്ലോ.

ഇനി ഓരോ വര്‍ഷത്തേയും റബീഉല്‍ അവ്വലില്‍ നബിയുടെ ജന്മദിനം അനുസ്മരിക്കുന്നതിന് അടിസ്ഥാനമുണ്ടോ എന്ന ചോദ്യമാണ് അവശേഷിക്കുന്നത്. ഇമാം ഹാഫിള് ഇബ്‌നു ഹജറുല്‍ അസ്ഖലാനി[റ]യുടെ മറുപടി കാണുക: മൗലിദിന് ഒരടിസ്ഥാനം ഞാന്‍ കണ്ടെത്തിയിട്ടുണ്ട്. ബുഖാരിയും മുസ്‌ലിമും ഉദ്ധരിച്ച ഒരു ഹദീസാണത്. നബി  ﷺമദീനയില്‍ എത്തിയപ്പോള്‍ ജൂതന്മാര്‍ മുഹര്‍റം പത്തിന് നോമ്പനുഷ്ഠിക്കുന്നത് അവിടുത്തെ ശ്രദ്ധയില്‍ പെട്ടു. അതേക്കുറിച്ച് അന്വേഷിച്ചപ്പോള്‍ ലഭിച്ച മറുപടി ഇതായിരുന്നു. ‘അല്ലാഹു ഫറോവയെ മുക്കിക്കൊല്ലുകയും മൂസാ നബിയെ രക്ഷപ്പെടുത്തുകയും ചെയ്ത ദിവസമാണത്. അതില്‍ നന്ദി കാണിച്ചാണ് ഞങ്ങള്‍ ഈ ദിനം വരുമ്പോള്‍ നോമ്പനുഷ്ഠിക്കുന്നത്’. എന്നാല്‍ മൂസാ നബി[അ]യുമായി ഏറ്റവും അടുത്ത ബന്ധം എനിക്കാണെന്നും ആയതിനാല്‍ അടുത്തവര്‍ഷം ഒമ്പതിനും പത്തിനും നോമ്പനുഷ്ഠിക്കുമെന്നും പ്രവാചകന്‍ പറയുകയുണ്ടായി. ഒരു നിശ്ചിത ദിവസം അല്ലാഹുവില്‍ നിന്നു ലഭിച്ച അനുഗ്രഹത്തിനു നന്ദി പ്രകടിപ്പിക്കാമെന്നും ഓരോ വര്‍ഷവും ആ ദിവസം വരുമ്പോള്‍ നന്ദി പ്രകടനം ആവര്‍ത്തിക്കാമെന്നും ഈ സന്ദര്‍ഭത്തില്‍ നിന്നും മനസ്സിലാക്കാം.' [അല്‍ഹാവീ ലില്‍ ഫതാവ.1- 196]

നബിദിനത്തിന്റെ ഉള്ളടക്കം മദ്ഹ് പറയല്‍ [മൗലിദ് ഓതല്‍], അന്നദാനം, സന്തോഷ പ്രകടനം, പ്രവാചക ജീവിതത്തെ പരിചയപ്പെടുത്തുന്ന പ്രഭാഷണങ്ങള്‍ തുടങ്ങിയവയാണ്. ഇവയെല്ലാം പ്രമാണബദ്ധമായ കാര്യങ്ങളാണ്. ഗദ്യപദ്യ രൂപങ്ങളില്‍ പ്രവാചകന്റെ അപദാനങ്ങള്‍ പാടിപ്പറയുക എന്ന മൗലിദ് നബി  ﷺയുടെ അംഗീകാരവും മാതൃകയുമുള്ള ഒരു സത്കര്‍മമാണ്. ആഇശാ ബീവി [റ] യില്‍ നിന്ന് ഇമാം ബുഖാരി ഉദ്ധരിക്കുന്നത് കാണുക. ‘നബി  ﷺഹസ്സാനുബിന് സാബിത് [റ]ന് മസ്ജിദുന്നബവിയില്‍ ഒരു സ്റ്റേജ് വെച്ചുകൊടുത്തിരുന്നു. അതില്‍ കയറി അദ്ദേഹം നബി  ﷺയുടെ മദ്ഹുകള്‍ പാടിപ്പറയുമായിരുന്നു. അത് കേട്ട് നബി ഇപ്രകാരം പ്രാര്‍ഥിക്കും. ‘നിശ്ചയം അല്ലാഹു പരിശുദ്ധാത്മാവിനെ കൊണ്ട് ഹസ്സാനിനെ ശക്തിപ്പെടുത്തട്ടെ, അദ്ദേഹം അല്ലാഹുവിന്റെ ദൂതരുടെ മഹത്വങ്ങള്‍ പറയുന്ന കാലത്തോളം' [മിശ്കാത്ത് 4805].

മുന്‍ഗാമികളായ പ്രവാചകന്മാരുടെ മദ്ഹുകള്‍ പറഞ്ഞുകൊണ്ടിരുന്ന സദസ്സിലേക്ക് നബി കടന്ന്‌വരികയും അവരെ കുറിച്ച് പറഞ്ഞതെല്ലാം അംഗീകരിച്ചുകൊണ്ട് തന്നെ തന്റെ മഹത്വങ്ങള്‍ നബി ﷺപറഞ്ഞുകൊടുക്കുന്നത് ശ്രദ്ധിക്കുക. ‘ഞാന്‍ അല്ലാഹുവിന്റെ ഹബീബാണ്. അഹങ്കാരം പറയുകയല്ല. അന്ത്യദിനത്തില്‍ ഞാനാണ് ലിവാഉല്‍ ഹംദ് എന്ന പതാക വഹിക്കുക. ആദം നബി മുതല്‍ എല്ലാവരും അതിന്റെ പിന്നിലായിരിക്കും അണി ചേരുക. ഇതും പൊങ്ങച്ചം പറയുകയല്ല. നാളെ ആദ്യം ശിപാര്‍ശ പറയുന്നവനും അത് സ്വീകരിക്കപ്പെടുന്നവനും ഞാനായിരിക്കും. ഇത് പൊങ്ങച്ചമല്ല. ആദ്യമായി സ്വര്‍ഗത്തിന്റെ വട്ടക്കണ്ണി പിടിച്ചു ചലിപ്പിക്കുന്നവന്‍ ഞാനായിരിക്കും. അങ്ങനെ അല്ലാഹു എനിക്ക് സ്വര്‍ഗം തുറന്നുതരും. ഞാന്‍ അതിലേക്ക് പ്രവേശിക്കും. വിശ്വാസികളിലെ പാവപ്പെട്ടവരാണ് അപ്പോള്‍ എന്നോടൊപ്പമുണ്ടാകുക. ഇതും അഹങ്കാരം പറയുന്നതല്ല. ഞാന്‍ മുന്‍ഗാമികളിലും പിന്‍ഗാമികളിലും വെച്ച് ഏറ്റവും ആദരണീയനാണ്. പൊങ്ങച്ചമല്ല ഈ പറയുന്നത്.[തിര്‍മുതി, ദാരിമി- മിശ്കാത്ത് 2-513]. മൗലിദ് പാരായണത്തിന് ഇത് തന്നെ മതിയായ രേഖയാണ്.

മരണാനന്തരം ഖദീജാ ബീവി [റ]യെ നബി  ﷺആദരിച്ചിരുന്ന രീതി ആഇശാ ബീവി പറയുന്നുണ്ട്. ‘നബി എപ്പോഴും ഖദീജ [റ]യുടെ മദ്ഹുകള്‍ പറഞ്ഞുകൊണ്ടിരിക്കും. പലപ്പോഴും ആടുകളെ കൊണ്ടുവന്ന് അറുത്ത് കഷണിക്കും. തുടര്‍ന്ന് അവ ഖദീജയുടെ കൂട്ടുകാരികള്‍ക്ക് എത്തിച്ചുകൊടുക്കും. ഇത് തുടര്‍ന്നപ്പോള്‍ ഞാന്‍ നബി  ﷺയോട് ചോദിച്ചു. നിങ്ങള്‍ക്ക് ഖദീജയല്ലാതെ മറ്റു ഭാര്യമാരൊന്നുമില്ലാത്തതു പോലെയുണ്ടല്ലോ? അപ്പോള്‍ നബി പറയും. ആഇശാ, ഖദീജ അവര്‍ ഒരുപാട് മഹത്വങ്ങളുള്ളവരായിരുന്നു. എനിക്ക് വേണ്ടി കഞ്ഞുങ്ങളെ പ്രസവിച്ചതും അവരാണ്. [ബുഖാരി 3607].ഇതില്‍ നിന്ന് ദീനിനു സേവനം ചെയ്ത ഒരാളെ മരണാനന്തരം ആദരിക്കേണ്ട രീതിശാസ്ത്രം സുവ്യക്തമാകുന്നുണ്ട്. അവരുടെ മദ്ഹുകള്‍ പറയുകയും അവരുടെ പേരില്‍ ആഹാരം സ്വദഖ ചെയ്യുകയും ചെയ്തുകൊണ്ടാണ് നബി ഇവിടെ മാതൃക കാണിച്ചത്.

ഇതിന് പുറമേ സന്തോഷ വേളകളില്‍ ചെലവ് ചെയ്യണമെന്നത് ഖുര്‍ആനിന്റെ നിര്‍ദേശമാണ്. മുസ്‌ലിംകള്‍ക്ക് നബി  ﷺയുടെ ജന്മദിനത്തെക്കാള്‍ സന്തോഷമുള്ള മറ്റെന്ത് കാര്യമാണുള്ളത്? .ഗൃഹപ്രവേശ സമയത്ത് ആളുകളെ വിളിച്ച് ആഹാരം കൊടുക്കുന്ന പതിവ് ഇന്ന് വ്യാപകമാണല്ലോ. നബി ﷺ

ഇങ്ങനെ ചെയ്ത മാതൃകയില്ല. എന്നാല്‍ മതപരിഷ്‌കരണ വാദികളൊക്കെ ഇത് ചെയ്യുന്നു. സ്വന്തം ജീവിതത്തില്‍ സന്തോഷമുണ്ടാകുമ്പോള്‍ അത് പ്രകടിപ്പിക്കുന്നതില്‍ അവര്‍ക്ക് പ്രശ്‌നമില്ല. നബിയുടെ ജന്മ ദിനത്തില്‍ സന്തോഷിച്ചു ചെയ്യുമ്പോള്‍ മാത്രമാണ് അവര്‍ക്ക് ശിര്‍ക്കിന്റെ ആഹാരമാകുന്നത്. സ്വന്തം വീടിന്റെ കാര്യത്തില്‍ ആകുമ്പോള്‍ തൗഹീദും. ഇത് രോഗം വേറെയാണ്.

ഇനി സന്തോഷ പ്രകടനത്തിന്റെ ഭാഗമായി എന്തെല്ലാം കാര്യങ്ങള്‍ മൗലിദാഘോഷത്തില്‍ ഉള്‍പ്പെടുത്താം എന്നതിനെ സംബന്ധിച്ച് ഇമാം സുയൂഥി [റ]പറയുന്നത് ഖുര്‍ആന്‍ പാരായണം, ഭക്ഷണ വിതരണം, മൗലിദ് പാരായണം, നബി ജീവിതത്തെ സംബന്ധിച്ചുള്ള ഉപദേശം തുടങ്ങിയവക്ക് പുറമെ ഇവയോട് ചേര്‍ക്കാവുന്ന സന്തോഷ പ്രകടനങ്ങളെക്കുറിച്ച് ഇങ്ങനെ പറയാം. ‘ആ ദിവസത്തിന്റെ സന്തോഷത്തോട് യോജിച്ച ഹലാലായ കാര്യങ്ങള്‍ ഇവയോട് ചേര്‍ക്കാം. എന്നാല്‍, ഹറാമോ കറാഹത്തോ ഖിലാഫുല്‍ ഔലയോ ആയ കാര്യങ്ങള്‍ ഉപേക്ഷിക്കേണ്ടതാണ്’ [അല്‍ഹാവി ലില്‍ ഫതാവ 1229].

                 കാര്യങ്ങളൊക്കെ ഈ നിലക്ക് വ്യക്തമായി മനസിലാക്കിയ വഹാബികൾ ,ഏതാണ്ട് അര നൂറ്റാണ്ടോളം കാലം നബിദിനാഘോഷം നടത്തിയതിനു ശേഷമാണ് മറുകണ്ടം ചാടി ,ഇസ്ലാമിനെ കൊഞ്ഞനം കുത്തിയത്.ജനന സന്തോഷ പ്രകടനം '' വ്യക്തിപൂജയും പാശ്ചാത്യരുടെ ബർത്തഡേ  ഏർപ്പാടുമാക്കി''-  മൗലവിമാർ മുദ്രയടിച്ചത്, സ്വന്തം ജനനത്തിൻ്റെ സന്തോഷ ഭാഗമായി എല്ലാ തിങ്കളാഴ്ചയും നോമ്പനുഷ്ടിക്കാൻ പഠിപ്പിച്ച ''തിരുനബി  ﷺതങ്ങളെ'' ലക്ഷ്യം വെച്ചാണെന്ന് തിരിച്ചറിയാനുള്ള അണികളുടെ അറിവില്ലായ്മയാണ് വഹാബിസത്തിൻ്റെ രക്ഷ...!പാശ്ചാത്യ-വ്യക്തിപൂജാ വാദത്തിലൂടെ വഹാബീ ഭാഷയിൽ തിരുനബി ﷺ

ആരായി മാറി എന്നെങ്കിലും ചിന്തിക്കാനുള്ള ഭാഗ്യം കുഞ്ഞാടുകൾക്കുണ്ടായിരുന്നെങ്കിൽ...!

*ഖുദ്സി*

20-10-2021

 

സ്വഹാബികളെ വഹാബികൾക്ക് സ്വീകാര്യമല്ല

സ്വാഹാബികൾ

മുജാഹിദുകൾക്ക്

സ്വീകാര്യമോ..?

മുജാഹിദ് വിശ്വാസപ്രകാരം സ്വാഹാബികൾ ശിർക്ക് ചെയ്തവരും നബി(സ) ശിർക്കിന് അംഗീകാരം കൊടുത്തവരുമാണ്.

നബി(സ)യുടെ വിയർപ്പ് പോലുള്ള ആസാർ കൊണ്ട് ബർക്കത്ത് എടുക്കൽ മുജാഹിദുകൾക്ക്  ശിർക്കാണ്.

ഇക്കാര്യം അവർ പരസ്യമായി എഴുതുകയും പഠിപ്പിക്കുകയും ചെയ്തിട്ടുണ്ട്.

ഉദാഹരണം ശബാബ് വാരികയിൽ നിന്ന് :

"അല്ലാഹുവിന് പുറമെയുള്ള സൃഷ്ടികളിൽ നിന്ന് അദൃശ്യവും അഭൗതികവുമായ നിലക്ക് നന്മ ആഗ്രഹിക്കൽ ശിർക്കും കുഫ്റുമാണ്. പ്രവാചകന്റെ മുടി കൊണ്ടോ വസ്ത്രം കൊണ്ടോ വിയർപ്പ് കൊണ്ടോ മറ്റോ അദൃശ്യവും അഭൗതികവുമായ നിലക്ക് നന്മ ആഗ്രഹിച്ചു കൊണ്ട് ബർക്കത്ത് എടുക്കൽ ഈ വകുപ്പിൽ പെടുന്നു (ശിർക്കും കുഫ്റുമാണ് )."

(ശബാബ് വാരിക 2011 ഏപ്രിൽ 1 പേജ് : 22)

എന്നാൽ സ്വാഹാബികൾ നബി(സ)യുടെ വസ്ത്രം, വിയർപ്പ്, കേശം തുടങ്ങിയ ആസാറുകൾ കൊണ്ട് ബർകത് എടുത്തിരു ന്നുവെന്നും നബി(സ) അത് അംഗീകരിച്ചിരുന്നുവെന്നതും ഹദീസ് കൊണ്ട് സ്ഥിരപ്പെട്ട കാര്യമാണ്.

ഇക്കാര്യവും മൗലവിമാരും സമ്മതിച്ചിട്ടുണ്ട്.

ശബാബ് വാരികയിൽ നിന്ന് :

"നബി(സ)യോട് ബന്ധപ്പെട്ട പല വസ്തുക്കളുടെയും ബർക്കത്ത് സ്വഹാബികൾ പ്രയോജനപ്പെടുത്തിയിട്ടുണ്ട്.

നബി(സ)ഒരിക്കൽ ഉമ്മുസുലൈമിന്റെ(റ)വീട്ടിൽ ചെന്ന് അവരുടെ വിരിപ്പിൽ ഉറങ്ങുകയുണ്ടായി. അവർ അവിടെ ഉണ്ടായിരുന്നില്ല. വന്നു കയറിയപ്പോൾ നബി(സ)നിങ്ങളുടെ വിരിപ്പിൽ ഉറങ്ങുകയാണെന്ന് ആരോ പറഞ്ഞു. നബി(സ)യെ അവർ ചെന്ന് നോക്കിയപ്പോൾ നന്നായി വിയർത്തൊലിക്കുന്നുണ്ട്. അവർ ആ വിയർപ്പെല്ലാം തുടച്ചെടുത്തു ഒരു കുപ്പിയിലാക്കി സൂക്ഷിച്ചു. പെട്ടെന്ന് പേടിച്ചുണർന്ന നബി(സ) ചോദിച്ചു : ഉമ്മുസുലൈം, എന്താണ് നീ ചെയ്യുന്നത്?

അവർ പറഞ്ഞു : അവിടുത്തെ ബർകത് ഞങ്ങളുടെ കുട്ടികൾക്ക് ലഭിക്കാൻ ഞങ്ങൾ ആഹ്രഹിക്കുന്നു. നബി(സ)പറഞ്ഞു :ശരി. (ബുഖാരി)"

(ശബാബ് വാരിക 2010

നവംബർ 12 പേജ് : 31)

ചിന്തിക്കുക,

സ്വാഹാബികൾ ചെയ്തതും നബി(സ)അംഗീകരിച്ചതുമായ ഇമാം ബുഖാരി(റ)റിപ്പോർട്ട് ചെയ്ത കാര്യം ശിർക്കും കുഫ്റുമാണ് എന്ന് പഠിപ്പിച്ചവരാണ്

ഇപ്പോൾ നബി(സ)യുടെയും സ്വാഹാബികളുടെയും സ്വന്തക്കാരായി

രംഗത്ത് വരുന്നത്.

സ്വാഹാബത്തിന്റെ പ്രവർത്തനത്തിലും

നബി(സ)യുടെ അംഗീകാരത്തിലും

ശിർക്കും കുഫ്റും ആരോപിച്ച

ഈ വഞ്ചകരെ കരുതിയിരിക്കുക.

അസ്‌ലംസഖാഫി പയ്യോളി 

🌹🌹🌹🌹🌹🌹🌹🌹🌹🌹

 

 

നബിദിനാഘോഷം-അൽമനാർ കള്ളം പറയുന്നു

 

മൗലിദിലെ അടിമ-വഹാബികൾ തമ്മിലടിക്കുന്നു

മൗലവിമാർക്കിടയിൽ ഇനിയും 

' തൗഹീദ് ' തീരുമാനമായില്ല .!!?

ഇത് വെറുതെ പറയുകയല്ല.

മൗലവിമാർക്കിടയിൽ തൗഹീദ് തർക്കം

തീർന്നിട്ടില്ല എന്നതിന് ഏറ്റവും പുതിയ

ഉദാഹരണമാണ് താഴെ പോസ്റ്റിയത്.

'അബ്ദുകൽ മിസ്കീനു...' ആണ് വിഷയം.

' നബിയേ.. അങ്ങയുടെ സാധുവായ അടിമ '

ഈ പ്രയോഗം ഉടമവകാശത്തിൽ

അല്ലാഹുവിനോട് പങ്കു ചേർക്കലാണ് എന്നാണ് മുജാഹിദ് നേതാവ്  സി പി

ഉമർ സുല്ലമി പഠിപ്പിക്കുന്നത്. അദ്ദേഹം

എഴുതുന്നു : "നബിയേ അങ്ങയുടെ സാധുവായ അടിമ അങ്ങയുടെ അനുഗ്രഹം ആഗ്രഹിച്ചു കൊണ്ട് നിലകൊള്ളുന്നു. (ഷറഫുൽ അനാം മൗലിദ് )ഇതൊക്കെ അല്ലാഹുവിന്റെ ഉടമവകാശത്തിൽ പങ്കു ചേർക്കലാണെന്നതിൽ സംശയമില്ല."

(ശബാബ് 2021 ജൂലൈ 30 പേജ് :27)

എന്നാൽ, മുജാഹിദ് നേതാവായിരുന്ന

കെ. ഉമർ മൗലവി ഇത് അംഗീകരിക്കുന്നില്ല.

ഈ ആശയം മൗദൂദിയുടെ പിഴച്ച വാദമാണെന്നും  ശരിയല്ലെന്നും

അദ്ദേഹത്തിന്റെ സൽസബീലിൽ വ്യക്തമാക്കിയതാണ്.

ഉമർ മൗലവി എഴുതുന്നു :"മനുഷ്യൻ മനുഷ്യന്റെ അടിമയാകുന്നത് വിരോധമില്ലന്നാണ് പ്രവാചകൻ പഠിപ്പിച്ചത്.

മൗദൂദി പറയുന്നത് മനുഷ്യൻ മനുഷ്യന്റെ

അടിമയായാൽ കാഫിറാണെന്നാണ്.

മൗദൂദി പറഞ്ഞത് ളലാലത്താണ്."

(സൽസബീൽ1998ഫെബ്രുവരി 20 പേജ് :26)

മുജാഹിദ് നേതാക്കളായ രണ്ട് ഉമറും

തൗഹീദിൽ ഏകാഭിപ്രായക്കാരല്ല.