ഇസ്തിഗാസ-ജിന്നിനോടാണെങ്കിൽ ശിർക്കല്ലെന്ന് വഹാബികൾ !

ജിന്നിനോട് മെഴുകുതിരി ചോദിക്കുന്നത് ശിർക്കല്ലെന്ന് വഹാബികൾ !

കമ്യൂണിസവും പച്ചച്ചെങ്കൊടിയും

#പച്ചച്ചെങ്കൊടി_സിന്ദാബാദ്!

ആദിയിൽ കമ്യൂണിസം ഹറാമായിരുന്നു; ഹറാമെന്നു വച്ചാൽ, പക്കാഹറാം.
1959ലെ വിമോചന സമര കാലത്തും
1960ലെ നിയമസഭാ തെരഞ്ഞെടുപ്പുകാലത്തും ഹറാം അതിന്റെ പാരമ്യത്തിലെത്തി. ബാഫഖി തങ്ങളും CH മുഹമ്മദ് കോയയുംഅന്നത്തെ ലീഗ് നേതാക്കളും
കമ്യൂണിസത്തെക്കുറിച്ചു ഭീതിജനകവും സ്തോഭജന
കവുമായ കഥകൾ പറഞ്ഞു മുസ്ലിം സമുദായത്തെ പേടിപ്പിച്ചു. EMSന്റെ കമ്യൂണിസ്റ്റ് ഭരണം തുടർന്നാൽ കേരളം സോവിയറ്റ് റഷ്യയും ചൈനയും ക്യൂബയും പോലെ ആകുമെന്നു പറഞ്ഞു സമുദായത്തെ ബേജാറാക്കി. ഈ രാജ്യങ്ങളിൽ മസ്ജിദുകളും മദ്റസകളും പിടിച്ചെടുത്തു തകർത്തുവെന്നും ശേഷിക്കുന്നവ സിനിമാശാലകളും നൈറ്റ്ക്ലബ്ബുകളും ആക്കിയെന്നും മുസ്ലിം പേരുകൾ മാറ്റിയെന്നും CH സർഗാത്മകമായി പ്രസംഗിച്ചപ്പോൾ കാക്കമാർ  അമ്പരന്നന്തം വിട്ടു കുന്തക്കാലിൽനിന്നു പോയി! കമ്യൂണിസ്റ്റ് ഭരണം തുടർന്നാൽ  ഇസ്ലാമീങ്ങളായ സർവരുടെയും പേരു മാറ്റുമെന്നും കുഞ്ഞിപ്പോക്കറും കുഞ്ഞാമിനയും നല്ല പേരുകൾ ഇപ്പഴേ കണ്ടെത്തിക്കൊള്ളണമെന്നും ആഹ്വാനമുണ്ടായി. അങ്ങനെ, പള്ളികളെയും പടച്ചോനെയും രക്ഷപ്പെടുത്താൻ വേണ്ടി EMSൻ്റെ ഹറാമി മന്ത്രിസഭയെ കേന്ദ്രം കുന്നിക്കുപിടിച്ചു പുറത്താക്കി.

1960ലെ തെരഞ്ഞെടുപ്പു കാലത്ത്
കമ്യൂണിസ്റ്റുകാർക്കു വോട്ടു ചെയ്യുന്നത് ഹറാമാണെന്നു ലീഗ് നേതാക്കൾ ഫത്‌വയിറക്കി. രാഷ്ട്രീയ ഫത്‌വക്കു ബലം പോരെന്നു തോന്നിയതിനാൽ സമസ്തയിൽ നിന്നു ഒറിജിനൽ ഫത്‌വ വാങ്ങാൻ ബാഫഖി തങ്ങൾ ശ്രമിച്ചു. ശയ്ഖുനാ കെ.കെ സദഖത്തുല്ല മുസ്ലിയാർക്കായിരുന്നു സമസ്തയിൽ അന്ന് ഫത്‌വയുടെ ചുമതല. തങ്ങളും നാലു പണ്ഡിതന്മാരും ഫത് വ വാങ്ങാൻ വണ്ടൂരിലേക്കു വണ്ടി വിട്ടു. ശയ്ഖുനാ രണ്ടു കാര്യങ്ങളിൽ വ്യക്തത ചോദിച്ചു:
1- ലീഗിന് എല്ലാ കാലത്തും ഈ കമ്യൂണിസ്റ്റ് വിരോധം ഉണ്ടാകുമോ? അഥവാ, രാഷ്ട്രീയ സാഹചര്യം മാറിയാൽ ഹറാം ഹലാലാകുമോ?
2- ഇസ്ലാമിന്റെ എല്ലാ നിയമങ്ങളും പാലിച്ചുകൊണ്ട് മാർക്സിസ്റ്റ് പാർട്ടിയിൽ പ്രവർത്തിക്കുന്ന ഒരു മുസ്ലിമിനെക്കുറിച്ചു എന്തു മതവിധി പറയണം?
തങ്ങൾക്കു മറുപടിയില്ലായിരുന്നു. ഫത് വ കിട്ടാതെ സംഘം മടങ്ങി. കമ്യുണിസ്റ്റ് വിപത്തിന്റെ സ്തോഭജനകമായ കഥകൾ പറഞ്ഞു വിരട്ടി ഏതോ പാവം മുസ്ലിയാരുടെ കയ്യിൽ നിന്നു അറബി മലയാളത്തിൽ ഒരു ഫത് വ ഒപ്പിച്ചുവത്രെ. അതുവച്ചു ലീഗ് നേതാക്കൾ സംസ്ഥാന വ്യാപകമായി കമ്യൂണിസ്റ്റ് വിരുദ്ധ പ്രചാരണം  കസറി.

തൊട്ടാൽ കഴുകണം, കണ്ടാൽ കുളിക്കണം,
പെട്ടാൽ ശഹാദത്ത് ചൊല്ലണം..! CHന്റെ പ്രസംഗം തട്ടുപൊളിച്ച! നികാഹിനു വേണ്ടി പടത്തിലിരുന്ന കല്യാണച്ചെറുക്കനെ രാഷ്ട്രീയം മൂത്ത് ശഹാദത്ത് ചൊല്ലിച്ചത്രെ!

തെരഞ്ഞെടുപ്പ് കഴിഞ്ഞു. ഇസ്ലാമിനെ രക്ഷിക്കാൻ, കേരളം സോവ്യറ്റ് റഷ്യ ആകാതിരിക്കാൻ സമുദായം ലീഗ് മുന്നണിക്ക് വാരിക്കോരി വോട്ടു നൽകി. കോൺഗ്രസ് -ലീഗ് - പി എസ് പി മുക്കൂട്ട് മുന്നണി അധികാരത്തിൽ വന്നു. പക്ഷെ ഭരണം കിട്ടയപ്പോൾ  ലീഗിനെ കോൺഗ്രസ് പുറംകാലുവച്ചു തൊഴിച്ചു! മാന്യമായി വോട്ടും സീറ്റും വാങ്ങിവന്ന ലീഗിനെ മന്ത്രിസഭയൽ കയറ്റിയില്ലെന്നു മാത്രമല്ല; ലീഗ് ചത്ത കുതിരയാണെന്നു നെഹ്റു വിൻ്റെ വക ചാപ്പ കുത്തുകയും ചെയ്തു. കൊടുത്ത സ്പീക്കർ സ്ഥാനത്തിനു തന്നെ CHൻ്റെ തൊപ്പിയൂരി വാങ്ങി കെപിസിസി ഓഫീസിലെ ചവറ്റുകൊട്ടയിലിട്ടു!
പിണങ്ങിച്ചിണുങ്ങി മുടന്തി നീങ്ങിയ മുക്കൂട്ടുമുന്നണി
1964ൽ  പൊളിഞ്ഞു. 1965ൽ തെരഞ്ഞെടുപ്പു വന്നു. ഈ തെരഞ്ഞെടുപ്പിൽ ലീഗിന്റെ കമ്യുണിസ്റ്റ് വിരോധം അലിഞ്ഞു. ലീഗ് - CPM രഹസ്യബാന്ധവം അന്നത്തെ അരമന രഹസ്യം. പക്ഷെ വന്നതു തൂക്കുസഭ.

1967ൽ ഇടക്കാല തെരഞ്ഞെടുപ്പ്. അപ്പോൾ
 അതാ വരുന്നു പച്ചച്ചെങ്കൊടി!!

EMSന്റെ നേതൃത്തിലുള്ള സപ്തകക്ഷി മുന്നണിയിൽ സാക്ഷാൽ മുസ്ലിം ലീഗ്! അന്നുവരെയുള്ള സകല ഹറാമുകളും ഹലാലായി. മുഖത്ത് വാർദ്ധക്യ സഹജമായ ചുളിവു പോലുമില്ലാതെ ലീഗ് കമ്യൂണിസത്തെ ന്യായീകരിച്ചു, മഹത്വവത്കരിച്ചു. കടുവയുടെ വായിൽനിന്നു രക്ഷപ്പെടാൻ പുഴയിൽ ചാടിയപ്പോൾ മുങ്ങിമരിക്കാതിരിക്കാൻ മുതലയുടെ പുറത്ത് കയറിയതാണെന്നു പാർട്ടി ക്ലാസിൽ വിശദീകരിച്ചു. ഏതായാലും അതോടെ സോവ്യറ്റ് റഷ്യയിലെയും ചൈനയിലേയും മസ്ജിദുകളും മദ്റസകളും  തിരിച്ചുകിട്ടി;ലീഗിനു മന്ത്രിസ്ഥാനവും കിട്ടി! മാത്രമല്ല; ആദ്യത്തെ പച്ചച്ചെങ്കൊടി ഭരണനേട്ടമായി സമുദായത്തിന് കോടികളുടെ വഖ്ഫ് സ്വത്തുക്കൾ പോയിക്കിട്ടുകയും ചെയ്തു. ലീഗിനു വേണ്ടി കമ്യൂണിസ്റ്റ് വിരോധം പ്രസംഗിച്ചു നടന്ന ചില മുസ്ലിയാന്മാർ നാണംകെട്ടു. അപ്പോഴും ഒരാൾ തലയുയർത്തി നടന്നു -സദഖത്തുല്ല മുസ്ലിയാർ

1969ൽ ലീഗുൾപ്പെട്ട EMS മന്ത്രിസഭ ഹലാക്കിലായി. ഇന്നത്തെ UDF സംവിധാനം ഉണ്ടാക്കാൻ കലർപ്പില്ലാത്ത നൂററുക്ക്നൂറ് കമ്യൂണിസ്റ്റുകാരൻ  സി.അച്യുതമേനോനെ അന്നു ഡൽഹിയിൽ നിന്നു പൊക്കിയെടുത്തു കൊണ്ടുവന്നത് സാക്ഷാൽ ബാഫഖി തങ്ങൾ! ഒന്നുകിൽ CPM അല്ലെങ്കിൽ CPI... പിന്നെ ലീഗ് കമ്യൂണിസത്തെ കൈവിട്ടിട്ടില്ല.  CMP എന്ന പേരിൽ കമ്യൂണിസത്തിൻ്റെ ഒരു തുണ്ട് ബറകത്തിനു വേണ്ടി ഇപ്പോഴും ലീഗ് കോന്തലയ്ക്കൽ കെട്ടി നടക്കുന്നുണ്ട്. 1960ൽ കോൺഗ്രസ് ഒറ്റ മന്ത്രി പദം കൊടുത്തിരുന്നുവെങ്കിൽ കമ്യൂണിസം ഇപ്പോഴും ലീഗിനു ഹറാമിയായി തുടർന്നേനെ! രാഷ്ട്രീയത്തിലെ ഹറാമിനും ഹലാലിനും ഇത്രയൊക്കെയെ അർത്ഥമുള്ളൂ.

സുന്നികൾക്കു നേരെ അരിവാൾ പ്രയോഗം നടത്തുന്നവർക്കും കമ്യൂണിസം ആരോപിക്കുന്നവർക്കും ചരിത്രത്തെക്കുറിച്ചു നല്ല ഓർമകൾ ഉണ്ടായിരിക്കണം. ഉവ്വ്, കഴിഞ്ഞ മുപ്പതു വർഷമായി കാര്യങ്ങൾ നിങ്ങൾ പറയുന്നതുപോലെ തന്നെയാണ്. എന്നാൽ മുപ്പതു വർഷത്തിനിടയ്ക്ക് കമ്യൂണിസ്റ്റായിപ്പോയ പത്ത് സജീവ സുന്നി പ്രവർത്തകരുടെ പേരെണ്ണിപ്പറയാൻ തയാറുണ്ടോ? മതനിരാസത്തിലേക്ക് വഴുതിപ്പോകുമായിരുന്ന നൂറുകണക്കിന് വിശ്വാസികളെ നല്ലവഴിക്കു കൊണ്ടുവരാൻ കഴിഞ്ഞതിൻ്റെ കഥകൾ സാമൂഹിക മാധ്യമങ്ങൾ ഇപ്പോൾ നിരത്തുന്നുണ്ട്. അണികളെ ഉണ്ടാക്കാൻ അറിയുമെങ്കിൽ അവരെ നേർവഴിക്കു നടത്താനും ഈ പ്രസ്ഥാനത്തിനു കെൽപ്പുണ്ട്. കമ്യുണിസം എന്ന മതനിരാസത്തിനെതിരെ ഈടുറ്റ രണ്ട് കൃതികൾ പ്രസിദ്ധീകരിച്ചത് ഈ പ്രസ്ഥാനമാണെന്ന കാര്യവും ആരും മറക്കേണ്ട.

വാൽക്കുറ്റി:
മലപ്പുറം ജില്ലയിൽ യൂത്ത് ലീഗിൽ ഉള്ളതിലേറെ മുസ്ലിം ചെറുപ്പക്കാർ ഡിവൈഎഫ്ഐയിൽ ഉണ്ടന്ന് പെരിന്തൽമണ്ണയിൽ വച്ച് ഒരു വെല്ലുവിളി പോലെ സ: EMS പ്രസംഗിക്കുന്നത് 1993ലാണ് ഞാൻ കേട്ടത്. അന്ന് അതിനാരും മറുപടി പറഞ്ഞത് കേട്ടിട്ടില്ല; ഇന്നോ?
     OM Tharuvana fb Post-31/5/2020.

പെരുന്നാൾ നിസ്കാരത്തിലെ ദിക്ർ-വഹാബികൾ തമ്മിലടിച്ച് നരകത്തിലേക്ക് !

👇👇👇👁👁👁👇👇👇
https://youtu.be/gX64ootOfPc

കുമ്പസാര വിവര വിവാദങ്ങളും വനിതാ കമ്മീഷനും !

#കുമ്പസാരവും_പാപമോചനച്ചീട്ടും

#പൗരോഹിത്യത്തിന്റെ_ബലതന്ത്രങ്ങൾ

കുമ്പസാരം നിർത്തലാക്കണമെന്നു ദേശീയ വനിതാ കമ്മീഷൻ ആവശ്യപ്പെട്ടിരിക്കുന്നു. ഒരു സ്ത്രീയുടെ കുമ്പസാരം കേട്ട അച്ചൻ രഹസ്യം പുറത്തുവിടുമെന്നു ഭീഷണിപ്പെടുത്തി ലൈംഗികമായി ചൂഷണം ചെയ്യുകയും മാരകമായ ആ "കുമ്പസാരരഹസ്യം"  മറ്റൊരച്ചന്, ആ അച്ചൻ മറ്റൊരച്ചന്, അവിടുന്നു മറ്റൊരച്ചന് എന്നിങ്ങനെ അഞ്ചോളം പേരിലേക്ക് കൈമാറുകയും, ഫലം അച്ചന്മാർ പങ്കിട്ടെടുക്കുകയും ചെയ്തത്രേ. എല്ലാം കഴിഞ്ഞാണ് സംഭവം ഭർത്താവിന്റെ ശ്രദ്ധയിൽ പെട്ടതും രഹസ്യങ്ങളെല്ലാം പരസ്യങ്ങളായതും.

പരസ്യമായ ഈ സംഭവത്തേക്കാൾ മോശമായ എത്രയോ സംഭവങ്ങൾ പല കുമ്പസാരക്കൂടുകളിൽ നിന്നും പകർന്നു, നാട്ടിൽ അടക്കം പറച്ചിലുകളിലൂടെ പടർന്നുകൊണ്ടേയിരിക്കുന്നു!! മേലിൽ ഈ ദുർന്നടപ്പ് ആവർത്തിക്കാതിരിക്കണമെങ്കിൽ അച്ചടക്കനടപടികൾ ഉണ്ടായാൽ പോരാ, നിരോധിക്കുക തന്നെ വേണമെന്നു കട്ടായം ബോധ്യപ്പെട്ടതിന്റെ അടിസ്ഥാനത്തിലാണ് ദേശീയ വനിതാ കമ്മീഷന്റെ ശുപാർശ.

#എന്താണ്_കുമ്പസാരം?

കത്തോലിക്കരും ഓർത്തഡോക്സുകാരുമാണ് കുമ്പസാരം പാപമോചനമാർഗ്ഗമായി കരുതി അനുഷ്ഠിച്ചു പോരുന്നത്. ക്രൈസ്തവ സഭയുടെ ആദ്യത്തെ 12 നൂറ്റാണ്ടുകളിൽ ഇങ്ങനെയൊരു ആചാരം ഉണ്ടായിരുന്നില്ല. 1251 നവംബർ 11 നു ഇന്നസെന്‍റ് മൂന്നാമന്‍ മാര്‍പാപ്പ റോമില്‍ വിളിച്ചു കൂട്ടിയ നാലാമത്തെ ലാറ്റെറന്‍ കൗണ്‍സില്‍ (The Fourth Council of the Lateran) ആണ് കുമ്പസാരക്കൂദാശ പ്രഖ്യാപിച്ചത്. 71 പാത്രിയാർക്കുമാരും 412 ബിഷപ്പുമാരും 900 വൈദികരും ഒരുമിച്ച് ചേർന്ന ഈ സുന്നഹദോസിലെ ഇരുപത്തൊന്നാമത്തെ കാനോനാണ് കുമ്പസാരം അനുശാസിക്കുന്നത്. "Every Christian who has reached the years of discretion to confess all his, or her, sins at least once a year to his, or her, own priest - ഗുണദോഷ വിവേചന പ്രായം എത്തിയ എല്ലാ ക്രിസ്ത്യാനികളും ആണ്ടില്‍ ഒരിക്കല്‍ പാപങ്ങള്‍ പുരോഹിതനോട് ഏറ്റുപറഞ്ഞ് കുമ്പസാരിക്കണം.''

ഭൂമിയിൽ പാപമോചനം നൽകാനുള്ള അധികാരം പുരോഹിതന്മാർക്ക് ദൈവം നൽകിയിട്ടുണ്ടെന്നാണ് ഈ സഭകൾ കുഞ്ഞാടുകളെ പറഞ്ഞു വിശ്വസിപ്പിക്കുന്നത്. മാമോദീസ സ്വീകരിച്ചതിനുശേഷം വിശ്വാസികൾ - ആണായാലും പെണ്ണായാലും- ചെയ്ത പാപങ്ങൾ പുരോഹിതനോടു  ഏറ്റുപറയുമ്പോൾ അദ്ദേഹം അവർക്ക് പാപമോചനം നൽകുമത്രെ. പാപം പൊറുക്കുവാനുള്ള അധികാരം ദൈവത്തിനു മാത്രമാണ് എന്ന യേശുവിന്റെ അധ്യാപനത്തിന് വിരുദ്ധമാണ് ഈ ആചാരം. വ്യഭിചാരത്തില്‍ പിടിക്കപ്പെട്ട സ്ത്രീയെ യഹൂദര്‍ യേശുവിന്റെ അടുക്കല്‍ കൊണ്ടുവന്നപ്പോള്‍ മുട്ട് കുത്തി നിന്റെ പാപങ്ങള്‍ ഏറ്റു പറയുക, ഞാന്‍ നിന്നെ കുമ്പസാരിപ്പിച്ച് പാപ മോക്ഷം തരാം എന്നല്ല യേശു പറയുന്നത്, "ഞാനും നിന്നെ വിധിക്കുന്നില്ല; പൊയ്‌ക്കൊള്ളുക, ഇനിമേല്‍ പാപം ചെയ്യരുത്" എന്ന് മാത്രമാണ് [ യോഹന്നാന്‍ 8:1-11].

വിശ്വാസികൾ ഉന്നയിക്കാറുള്ള ന്യായമായ ചില സംശയങ്ങൾ:-

1. കത്തോലിക്കാ സഭയില്‍ ആദ്യ 12 നൂറ്റാണ്ടുകളില്‍ വികാരിമാരോട് കുമ്പസാരിക്കാതെ മരിച്ചവര്‍ നരകത്തിലാണോ പോയത് ?

2. എന്ത് കൊണ്ട് അത്രയും കാലം ഇങ്ങനെ ഒരു കുദാശ സഭയില്‍ ഉണ്ടായില്ല?

3. അപ്പോള്‍ കുമ്പസാരമെന്ന കൂദാശ സ്വീകരിക്കാതെ സഭ എങ്ങനെ വിശുദ്ധരെ നാമകരണം ചെയ്തു? 

4. സഭയുടെ ദീർഘമായ 1251 വര്‍ഷക്കാലം - കുഞ്ഞാടുകള്‍ ദൈവത്തോട് നേരിട്ട് പറഞ്ഞിരുന്ന കാലം കുഞ്ഞാടുകളുടെ പാപങ്ങള്‍ ദൈവം പൊറുത്തിരുന്നില്ലേ!?

5. പാപിയായ കുഞ്ഞാടിന്റെ പാപങ്ങള്‍ പൊറുക്കാന്‍ പാപം ചെയ്യുന്ന പാതിരിക്കും ദൈവം അധികാരം നൽകിയതെന്താണ്?

വിശ്വാസികളുടെ മന:സാക്ഷിയുടെമേൽ പിടിമുറുക്കാനുള്ള പൗരോഹിത്യത്തിന്റെ തന്ത്രമാണ് കുമ്പസാരം എന്നു റോമാസാമ്രാജ്യത്തിന്റെ ക്ഷതി-പതനങ്ങളുടെ ചരിത്രമെഴുതിയ എഡ്‌വേർഡ് ഗിബ്ബണെപ്പോലുള്ളവർ  നിശിതമായി വിമർശിച്ചിട്ടുണ്ട്. "കാമാർത്തരായ പുരോഹിതബ്രഹ്മചാരികൾ കുമ്പസാരക്കൂട്ടിൽ ഭാര്യമാരുടേയും പെണ്മക്കളുടേയും മാനം കവർന്നേക്കുമെന്ന ഭീതി മദ്ധ്യയുഗം മുതൽ കത്തോലിക്കാ പുരുഷന്മാരെ അലട്ടിയിരുന്നതായി" ഡയർമെയ്ഡ് മക്കല്ലക് A History of Christianity: The First Three Thousand Years, Page-846 ൽ രേഖപ്പെടുത്തുന്നു. അതു കൊണ്ടായിരിക്കാം, പുരോഹിതർക്ക് വിവാഹം അനുവദിക്കപ്പെട്ടിട്ടുള്ള ചില പൗരസ്ത്യസഭകളിൽ, സ്ത്രീകൾ വിവാഹിതരായ പുരോഹിതന്മാരുടെ അടുത്തു മാത്രമേ കുമ്പസാരിക്കാവൂ എന്ന നിഷ്കർഷയുണ്ടെന്ന് ഡി. ബാബു പോൾ പറയുന്നത് (വിശ്വാസപ്രമാണങ്ങൾ എന്ന കൃതിയിലെ "പണിയല്ല, വിളിയാണ്" എന്ന ലേഖനം -പുറം 106). വിശ്വാസികളുടെ അഭിമാനബോധത്തെ ഹനിക്കുകയാണ് സത്യത്തിൽ കുമ്പസാരക്കൂദാശയിലൂടെ നടത്തുന്നത് എന്ന വിമർശനത്തെ ആരോഗ്യകരമായി സമീപിക്കാൻ സഭക്കും കുഞ്ഞാടുകൾക്കും സാധിക്കണം. കോടതിയിടപ്പെട്ടു നിരോധിക്കുന്നതിനു പകരം സഭ തന്നെ തിരുത്തട്ടെ! അതിനെ മാന്യതയുള്ളവർ സല്യൂട്ട് ചെയ്യും, തീർച്ച.

#പാപമോചനച്ചീട്ട്

കുമ്പസാരക്കൂദാശ വിജയിച്ച് അധികം താമസിയാതെ 

സഭ പാപമോചനച്ചീട്ട് എന്ന പുതിയ സിസ്റ്റം രംഗത്തിറക്കി. ഞാനതേ കുറിച്ച് വളരെ ചെറിയൊരു കുറിപ്പ് മുമ്പൊരിക്കൽ എഴുതിയിട്ടുണ്ട് (https://goo.gl/ZHkRuS). പതിനാറാം നൂറ്റാണ്ട് യൂറോപ്പു മുഴുവന്‍ അടക്കി വാഴുന്ന മാര്‍പ്പാപ്പാമാരുടെ ഭരണകാലമായിരുന്നു. രാജ്യങ്ങളെയും ഭരണാധികാരികളെയും നിയന്ത്രിച്ചത് സഭാ നേതൃത്വമായിരുന്നു. ഇക്കാലത്ത് ലിയോ പത്താമന്‍ മാര്‍പ്പാപ്പയും ജര്‍മ്മനിയിലെ കര്‍ദ്ദിനാളായ ആല്‍ബര്‍ട്ടനും ജോണ്‍ ടെറ്റ്‌സണ്‍ എന്ന വൈദികനും ചേര്‍ന്നാണ് പാപമോചന ചീട്ട് വില്‍പ്പന നടത്തി പണം സമ്പാദിച്ചത്. 

വത്തിക്കാനിലെ സെന്റ് പീറ്റേഴ്സ് ബസിലിക്ക ചർച്ചിന്റെ നിർമാണം ആര്‍ഭാടപൂര്‍ണ്ണമായി നടത്തുന്നതിന് പണം കണ്ടെത്തുവാനുള്ള കുറുക്കുവഴിയായിരുന്നു പാപമോചന ചീട്ട് വില്‍പ്പന.  പണം നല്‍കി  ചീട്ട് വാങ്ങുന്നവര്‍ക്ക് നരകയാതനയില്‍ നിന്നും പാപത്തില്‍ നിന്നും പാപ്പ മോചനം പ്രഖ്യാപിച്ചു! ബൈബിൾ വായിക്കാന്‍ പോലും അനുവാദമില്ലാത്ത യൂറോപ്പിലെ സാധാരണ ജനങ്ങളെ കബളിപ്പിക്കുന്നതിനു മിടുക്കരായ പ്രസംഗകരെയും ടിക്കറ്റു വില്പന ഏജൻറുമാരെയും നിയോഗിച്ചു!! പാപത്തിന്റെ ഗൗരവത്തിനനുസരിച്ച് പിഴ നിശ്ചയിച്ചിരുന്നു. ഉദാ: അല്മേനിയക്കാരനെ കൊന്നാൽ 5 രൂപ പിഴ, കന്യകയെ മര്യാദലംഘനം ചെയ്താൽ 7 രൂപ പിഴ, പുരോഹിതൻ കന്യാസ്ത്രീയെ ഗർഭിണിയാക്കിയാൽ 42 രൂപ പിഴ, പുരോഹിതൻ വെപ്പാട്ടിയെ വച്ചാൽ 8 രൂപ പിഴ എന്നിങ്ങനെ. പിഴയ്ക്കു വേണ്ടി ചീട്ടുകൾ നേരത്തെ അച്ചടിച്ചു വച്ചിരുന്നു, സിനിമ ടിക്കറ്റു പോലെ. തുക കൊടുത്ത് ചീട്ടു വാങ്ങിക്കുന്നതോടെ പാപപരിഹാരമാവും!! 

ജര്‍മ്മനിയില്‍ പാപമോചന ചീട്ട് വില്‍പ്പനയുടെ ഹോൾസെയിൽ ഏജൻസി കര്‍ദ്ദിനാള്‍ ആല്‍ബര്‍ട്ടിനാണ് നല്‍കിയത്. 24-ാം വയസ്സില്‍ കര്‍ദ്ദിനാളായ ആല്‍ബര്‍ട്ടിന് ആ പദവിക്ക് വേണ്ടി പോപ്പിന് കൈക്കൂലിയായി ഭീമമായ തുക നല്‍കേണ്ടി വന്നിരുന്നു. ഈ പണം ജര്‍മ്മനിയിലെ ഒരു വട്ടിപ്പലിശക്കാരനിൽ നിന്ന് കൊള്ളപ്പലിശക്കെടുത്താണ് നല്‍കിയത്. പാപമോചനച്ചീട്ട് വിറ്റ് ലഭിക്കുന്ന വരുമാനത്തിന്റെ അമ്പതു ശതമാനം കര്‍ദ്ദിനാള്‍ ആല്‍ബര്‍ട്ടിന് എടുക്കാമെന്നാണ് പോപ്പുമായി ഉണ്ടാക്കിയ ധാരണ!! 

ഏതു വിധേനയും പണം സമ്പാദിക്കാനുള്ള തീവ്ര ശ്രമമാണ് പീന്നീട് ആല്‍ബര്‍ട്ട് നടത്തിയതെന്നു പറയേണ്ടതില്ലല്ലൊ. ഡൊമിനിക്കന്‍ സന്യാസിയായ വൈദികന്‍ ജോണ്‍ ടെറ്റ്‌സണെയാണ് ചീട്ടുവില്‍പ്പനയുടെ ചുമതല ഏല്‍പ്പിച്ചത്. പാപമോചനച്ചീട്ടിന്റെ ഫലസിദ്ധിയെക്കുറിച്ച് ജോണ്‍ ടെറ്റ്‌സണ്‍ വാചാലമായി പ്രസംഗിച്ചു. ചെയ്തു കഴിഞ്ഞ പാപങ്ങള്‍ മാത്രമല്ല, ചെയ്യാന്‍ പോകുന്ന പാപങ്ങള്‍ക്കും മോചനം ലഭിക്കുമെന്ന് അയാള്‍ പറഞ്ഞു!! ജര്‍മ്മനിയിലെങ്ങും ഓടി നടന്ന് എല്ലാ തന്ത്രങ്ങളും ഉപയോഗിച്ച് ചീട്ടുവില്‍പ്പന പൊടിപൊടിച്ചു. ജനങ്ങളുടെ അജ്ഞതയെ മുതലെടുത്ത് പണം പിരിക്കുന്ന പദ്ധതി വിജയിക്കുന്നത് ടെറ്റ്‌സണെ കൂടുതൽ കൂടുതല്‍ ആവേശഭരിതനാക്കി. 

ഒടുവില്‍ വിറ്റന്‍ബര്‍ഗ് പട്ടണത്തിൽ പാപമോചനച്ചീട്ട് വില്‍പ്പനക്കായി എത്തിയപ്പോൾ മാര്‍ട്ടിന്‍ ലൂഥര്‍ അതിനെതിരെ ആഞ്ഞടിച്ചുകൊണ്ട് രംഗത്തെത്തി. സഭക്കും മാർപ്പാപ്പക്കുമെതിരായി 95 കുറ്റകൃത്യങ്ങൾ എഴുതിത്തയ്യാറാക്കി വിറ്റന്‍ബര്‍ഗ് കത്തീഡ്രല്‍ ദേവാലയത്തിന്റെ വാതില്‍ക്കല്‍ ആണിയടിച്ച് ഉറപ്പിച്ചു. പോപ്പിന്റെ അധികാര കേന്ദ്രങ്ങള്‍ക്കെതിരെയുള്ള പരസ്യമായ വെല്ലുവിളിയും നവീകരണത്തിനുള്ള ആഹ്വാനവുമായിരുന്നു ആ കുറിപ്പ്. അതോടെ ക്രൈസ്തവലോകത്തിന്റെ ഗതി തന്നെ മാറ്റി മറിക്കപ്പെട്ടു. വരുന്ന ഒക്‌ടോബര്‍ 31ന് മാര്‍ട്ടിന്‍ ലൂഥറിന്റെ ധീരമായ ആ ചുവടുവയ്പ്പിനു 501വർഷം തികയുകയാണ്. 

ഇനിയും ലൂഥർമാർ പിറന്നെങ്കിൽ എന്നു പല ക്രൈസ്തവ സുഹൃത്തുക്കളും അലമുറയിട്ടുകൊണ്ടേയിരിക്കുന്നു. 

സത്യസന്ധമായ ആത്മാഭിമാനത്തെ ഹനിക്കുന്ന ഏതുതരം നിലപാടുകളോടും പ്രതികരിക്കാനുള്ള അഭിവാഞ്'ചയാണ് ഇസ്'ലാം എന്നും വിശ്വാസികൾക്കു നൽകുന്ന കരുത്ത്. അതിനു വേണ്ടി ഇത:പര്യന്തം മതത്തേയോ മതചിഹ്നങ്ങളെയോ കുരുതി കൊടുക്കേണ്ടി വന്നിട്ടില്ല. ഈ ദർശനത്തെ വായിക്കാനുള്ള അവസരങ്ങൾ ഉപയോഗപ്പെടുത്തുക.

✍Muhammad Sajeer Bukhari

   #ISRA_Aralam

കുമ്പസാരം [ഭാവന]

പോപ്പ് ഇന്നസെന്റ് 3

കുമ്പസാരക്കൂട്

മാർട്ടിൻ ലൂഥർ

പെരുന്നാൾ ആശംസ ജൂത സൃഷ്ടിയോ ?

'#ഈദു_മുബാറക് ' എന്നാശംസിക്കുന്നത് ജൂതൻമാർ കടത്തിക്കൂട്ടിയതാണോ?
ചോദ്യം:

ഈദ് മുബാറക് ആശംസിക്കുന്നത് ജൂതൻമാർ വഴി മതത്തിൽ കടന്നു കൂടിയ ആശയമാണെന്ന് പ്രചരിപ്പിക്കുന്നത് തീർത്തും അപകടകരമായ അപവാദമാണ്. പെരുന്നാൾ ആശംസിക്കുന്നത് തത്വത്തിൽ ഇസ് ലാം അനുവദിച്ചിട്ടുള്ളതാണ്. സ്വഹാബത് പെരുന്നാൾ നിസ്കാരാനന്തരം അങ്ങനെ ചെയ്തിരുന്നതായി ഹദീസുകളിൽ വന്നിട്ടുണ്ട്.   "തഖബ്ബലള്ളാഹു മിന്നാ വമിൻകും" എന്ന വാചകമാണ് അവർ പരസ്പരം ആശംസിച്ചിരുന്നത്.

وفي سنن البيهقي: عَنْ خَالِدِ بْنِ مَعْدَانَ قَالَ: لَقِيتُ وَاثِلَةَ بْنَ الأَسْقَعِ فِي يَوْمِ عِيدٍ فَقُلْتُ: تَقَبَّلَ اللَّهُ مِنَّا وَمِنْكَ، فَقَالَ: نَعَمْ تَقَبَّلَ اللَّهُ مِنَّا وَمِنْكَ، قَالَ وَاثِلَةُ: لَقِيتُ رَسُولَ اللَّهِ صلى الله عليه وسلم يَوْمَ عِيدٍ فَقُلْتُ: تَقَبَّلَ اللَّهُ مِنَّا وَمِنْكَ، فَقَالَ: نَعَمْ تَقَبَّلَ اللَّهُ مِنَّا وَمِنْكَ.
ഖാലിദ് ബ്നു മഹ്ദാൻ പറയുന്നു: ഞാൻ വാ സിലതു ബ്നുൽ അസ്ഖഇനെ ഒരു പെരുന്നാൾ ദിവസം കണ്ടപ്പോൾ 'തഖബ്ബലള്ളാഹു മിന്നാ വമിൻക' എന്നു ആശംസിച്ചു. അപ്പോൾ അദ്ദേഹവും പറഞ്ഞു: ''അതെ! 'തഖബ്ബലള്ളാഹു മിന്നാ വമിൻക!!"
(ബൈഹഖി).

 "ഈദ് മുബാറക്" എന്ന വാക്ക് നിവേദനത്തിൽ വന്നിട്ടില്ലെങ്കിലും പറയൽ അനുവദനീയമാണെന്നാണ് എല്ലാ മദ്ഹബുകളുടെയും വീക്ഷണം. ശാഫിഈ മദ്ഹബിന്റെ വീക്ഷണം ചേർക്കാം.

ഇമാം റംലി(റ) ഉദ്ധരിച്ചിട്ടുള്ള ഒരു അഭിപ്രായത്തിൽ ഇമാം ഖമൂലി(റ) പറയുന്നു: "സാധാരണക്കാർ ചെയ്യാറുള്ളതു പോലെ മാസങ്ങൾ, ആണ്ടുകൾ, പെരുന്നാളുകൾ തുടങ്ങിയ സന്ദർഭങ്ങളിൽ ആശംസയർപ്പിക്കുന്നത് സംബന്ധമായി നമ്മുടെ അസ്ഹാബിന്* എന്തെങ്കിലും വിശേഷാഭിപ്രായം ഉളളതായി ഞാൻ കണ്ടിട്ടില്ല.  എന്നാൽ, ഇതു സംബന്ധമായി ഹാഫിള് മഖ്ദസി (റ) മറുപടി പറഞ്ഞത് ഹാഫിളുൽ മുൻദിരി ഉദ്ധരിച്ചിട്ടുണ്ട്: "പണ്ഡിതൻമാർ ഇതു സംബന്ധമായി വ്യത്യസ്ത നിലപാടാണ് സ്വീകരിച്ചു പോന്നിട്ടുള്ളത്. ഞാൻ മനസ്സിലാക്കുന്നത് ഈ ആശംസ അനുവദനീയമാണെന്നാണ്; അതു സുന്നത്തോ ബിദ്അതോ അല്ല ".
قد نقل الرملي عن القمولي قوله: لم أر لأصحابنا كلاما في التهنئة بالعيد والأعوام والأشهر كما يفعله الناس ، لكن نقل الحافظ المنذري عن الحافظ المقدسي أنه أجاب عن ذلك بأن الناس لم يزالوا مختلفين فيه ، والذى أراه أنه مباح لا سنة فيه ولا بدعة.

തുടർന്ന് "ആശംസയർപ്പിക്കുന്നത് മതനിയമ വിധേയം തന്നെ" എന്ന് ഇബ്നു ഹജർ(റ) പറഞ്ഞതായി ഇമാം റംലി ഉദ്ധരിക്കുന്നുണ്ട്. ഇമാം ബൈഹഖി(റ) തന്റെ ഹദീസു സമാഹാരത്തിൽ "പെരുന്നാൾ ദിനത്തിൽ സ്വഹാബികളിൽ ചിലർ 'തഖബ്ബലള്ളാഹു മിന്നാ വമിൻക' എന്നു ആശംസിച്ചതിനെപ്പറ്റി" ഒരു അധ്യായം
 باب ما روي في قول الناس بعضهم لبعض في يوم العيد : تقبل الله منا ومنك
 എന്നു തന്നെ ചേർത്തിട്ടുണ്ട് എന്നതാണ് ഇബ്നു ഹജർ(റ) തെളിവാക്കി കാണിച്ചിട്ടുള്ളത്. തുടർന്ന് അനേകം ഹദീസുകളും സ്വഹാബികളുടെ അഭിപ്രായങ്ങളും അദ്ദേഹം ഉദ്ധരിച്ചിട്ടുണ്ട്. അവ ദുർബലമായ നിവേദക പരമ്പരയിലൂടെ വന്നിട്ടുള്ളവയാണെങ്കിലും മൊത്തത്തിൽ ഇതുപോലെയുള്ള വിഷയങ്ങൾക്ക് അവലംബിക്കാവുന്നതാണ് എന്ന് ഇമാം റംലി (റ). നിരീക്ഷിക്കുന്നു. തുടർന്ന് അദ്ദേഹം രേഖപ്പെടുത്തുന്നത് ഇങ്ങനെ: എന്തെങ്കിലും അനുഗ്രഹം ലഭിച്ചാലോ ദുരന്തങ്ങൾ നീങ്ങിയാലോ നന്ദിയുടെ സൂജൂദ് ചെയ്യുന്നതിനും ആശ്വാസവചനങ്ങൾ കൊണ്ട് അഭിവാദനം ചെയ്യുന്നതിനും തബൂകിൽ പങ്കെടുക്കാതിരുന്ന കാരണം പശ്ചാത്തപിക്കാനിടയായ കഅബു ബ്നു മാലിക് (റ)വിന്റെ ചരിത്രം തെളിവായി സ്വീകരിക്കാവുന്നതാണ്.

തന്റെ പശ്ചാത്താപം അല്ലാഹു സ്വീകരിച്ചു എന്ന സന്തോഷ വൃത്താന്തം അറിഞ്ഞപ്പോൾ നബി സ്വ. അദ്ദേഹത്തെ കാണാനായി ചെന്നു! ത്വൽഹതു ബ്നു ഉബൈദില്ല(റ) അദ്ദേഹത്തെ അഭിനന്ദിക്കുകയും ചെയ്തു.

ഇബ്നു ഹജർ (റ) പറഞ്ഞതായി ഖൽയൂബി രേഖപ്പെടുത്തി. "മാസങ്ങൾ, ആണ്ടുകൾ, ഈദുകൾ മുതലായ വേളകളിൽ ആശംസയർപ്പിക്കുന്നത് സുന്നത്താണ്." ബയ്ജൂരി (റ) പറയുന്നു: "ഇതു തന്നെയാണ് പ്രബല വീക്ഷണം".

അധിക വായനക്ക്:
نهاية المحتاج 2/391
مغني المحتاج 1/360
أسنى المطالب 1/283
قليوبي وعميرة 1/310
حاشية البيجوري 1/233

*ഇമാം ശാഫിഈ(റ)വിന്റെ ശിഷ്യൻമാർ.

സകാത്തിലെ വഹാബീ അട്ടിമറി മസാലകൾ !

 • 1 സകാത്തിന്റെ അവകാശികളിൽ കേരള നദ്വ വത്തുൽ മുജാഹിദീൻ , സൽസബീൽ മാസിക , അവിശ്വാസികൾ എന്നിവ ഉൾപ്പെടും . ( അൽമനാർ 1953 മെയ് , സൽസബീൽ 1973 ആഗസ്റ്റ് , കർമശാസ്ത്രം 26 )

2• അടയ്ക്ക , കുരുമുളക് , നാളികേരം , ഓറഞ്ച് , ആപ്പിൾ തുടങ്ങി ധനമെന്ന് പറയുന്ന എല്ലാത്തിനും ( കരിങ്കൽ കോറിക്കടക്കം ) സകാ ത്തുണ്ട് . ( കർമശാസ്ത്രം നാലാം ക്ലാസ് 1994 , സൽസബീൽ 1974 ഡിസംബർ ) •

 ആഭരണത്തിന് സകാത്തില്ല . ( കിത്താബുൽ അവ്വൽ 1923 )

ആഭരണത്തിന്
• സകാത്തുണ്ട് . ( സകാത്തും ആധുനിക പ്രഷണങ്ങളും 1987 )

 സകാത്തുപണം ബാങ്കിലിട്ട് പലിശ വാങ്ങി . ( കെ . എൻ . എം . കാരപറമ്പ് സകാത്ത് സെൽ )


• ഇസ്ലാമിന്റെ നിലനിൽപ്പിനാവശ്യമായ പൊതുസംരഭങ്ങൾ എന്നി വക്കും ( സുന്നികളെ മുശ്രിക്കാക്കാൻ വേണ്ടിയും മഹാന്മാരെ ആക്ഷേപിക്കാൻ വേണ്ടിയും വഹാബികൾ നടത്തുന്ന കവല പ്രസം ഗങ്ങളടക്കം ) സകാത്ത് നൽകാം . ( കർമ്മശാസ്ത്രം 1994 , 4 -ാം ക്ലാസ് 2 -ാം ഭാഗം കെ . എൻ . എം . )


ഇസ്ലാമിക ടി . വി . ചാനൽ സ്ഥാപിച്ചാൽ അതിന് സകാത്ത് ഉപയോഗിക്കാം . അത്ഫീ സബീലിൽപെടും . ( ഇസ്ലാം വാള്യം പ്രസിദ്ധീകരണം യുവത )

• ഇസ്ലാമിക ഭരണം നടപ്പില്ലാത്തതുകൊണ്ട് സകാത്ത് കമ്മിറ്റി ഉദ്യോ ഗസ്ഥന്മാർ നമ്മുടെ നാട്ടിൽ ഇല്ല . അവർക്ക് നമ്മുടെ നാട്ടിൽ സകാത്ത് കൊടുക്കേണ്ടതില്ല . ( അൽമുർശിദ് പു : 2 പേ : 212 )

 * ഇസ്ലാമിക ഭരണമില്ലെങ്കിലും സകാത്ത് കമ്മിറ്റിയുണ്ടാക്കണം . ( കർമ്മശാസ്ത്രം 4 -ാം തരം കെ . എൻ . എം . 1987 )


 *സകാത്ത് ഫണ്ട് മൗലവിമാർക്ക് തട്ടാനുള്ള കുറുക്കുവഴി*

 . * പെരുന്നാളിന്റെ ചെലവ് , കടം , വസ്ത്രം , വീട് കഴിച്ച് ബാക്കി യുള്ളവർക്ക് ഫിത്റ് സകാത്ത് നൽകൽ നിർബന്ധം . ( അൽ മുർശിദ് പു 1 )


 പെരുന്നാളിന്റെ ചെലവ് കഴിച്ച് ധനം ബാക്കിയുള്ളവർക്ക് ഫിത് സകാത്ത് നൽകണം എന്നതിന് തെളിവില്ല . ( സകാത്തും ആധുനിക പ്രശ്നങ്ങളും )


• ഫിത്റ് സകാത്ത് ഒരാൾക്ക് ഒരു സ്വാഅ് വീതം നൽകണം . ( അൽ മുർശിദ് പു : 1 )

 ധാന്യത്തിന് കൂടുതൽ വില വർദ്ധിക്കുമ്പോൾ ഒരാൾക്ക് അര സ്വാത്ത് നൽകണം . ( സകാത്തും ആധുനിക പ്രശ്നങ്ങളും 1987 )


  സാധാരണ ആഹാര സാധനങ്ങൾ ഫിത്റ് സകാത്തായി നൽകേ ണ്ടതാണ് . ( അൽ മുർശിദ് പു : 1 )

, ഭക്ഷണത്തിന്റെ വിലക്ക് നാണയം നൽകാം , ( സകാത്തും ആധു നിക പ്രശ്നങ്ങളും 1987 )


 രണ്ടാൾക്ക് ഒരു സ്വാആയി നൽകണം . ( പ്രവാചക ചര്യകൾ - പി . കെ , മൂസമൗലവി 1988 )

 • പാറക്കല്ല് , ചെങ്കല്ല് , അടയ്ക്കാ , തെങ്ങ് , പാള തുടങ്ങിയവക്ക് വില പിടിപ്പുള്ളതായാൽ സകാത്ത് നിർബന്ധം . ( സൽസബീൽ പു : 6 ലക്കം ; 10 )


*ബാർബർ ഷോപ്പിൽ ഉപേക്ഷിക്കുന്ന മുടി വിലയുള്ളതായാൽ അതിനും വഹാബികൾ സകാത്ത് നൽകുമോ* ?


ഇസ്ലാമിക വിദ്യാഭ്യാസ സ്ഥാപനങ്ങൾക്ക് സകാത്ത് നൽകാം . അത് ഫീ സബീലിൽ ഉൾപ്പെടുന്നതാണ് . ( കർമ്മശാസ്ത്രം 1994 , 4 -ാം ക്ലാസ് പേ : 26 )

മാസമുറപ്പിക്കൽ- ഇബ്നുതൈമിയ്യയെ പാതാളത്തിലേക്ക് ചവിട്ടിത്താഴ്ത്തി വഹാബികൾ !

*ഖുർആൻ വിഷലിപ്തമാണെന്ന് പറയുന്നതിന് തുല്ല്യമാണ് ഇബ്നു തൈമിയ്യയുടെ വാക്കുകൾ വിഷലിപ്തമെന്ന് പറയുന്നത്*- എന്ന് 2005 ഫെബ്രുവരി 25 ലെ വിചിന്തനത്തിൽ മുജാഹിദുകൾ പഠിപ്പിച്ച-
ഇബ്‌നു തൈമിയ്യ തന്റെ ഫതാവയില്‍ പറയുന്നു.




والمعتمد على الحساب في الهلال ، كما أنه ضال في الشريعة ، مبتدع في الدين ، فهو مخطىء في العقل وعلم الحساب ، فإن العلماء بالهيئة يعرفون أن الرؤية لاتنضبط بأمر حسابي ، وإنما غاية الحساب منهم إذا عدل أن يعرف كم بين الهلال والشمس من درجة وقت الغروب مثلا ، لكن الرؤية ليست مضبوطة بدرجات محدودة ، فإنها تختلف باختلاف حدة النظر وكلاله ، وارتفاع المكان الذي يتراءى فيه الهلال وانخفاضه ...... "

( مجموع الفتاوى ( 25/ 20

‘ചന്ദ്രപ്പിറവിയില്‍ കണക്കവലം‌ബമാക്കുന്നവന്‍ ശരീഅത്തില്‍ വഴിതെറ്റിയവനായത് പോലെ ദീനില്‍ പുത്തനാശയക്കാരനും കൂടിയാണ്. ഗോളശാസ്ത്ര പണ്ഡിതന്മാര്‍ തന്നെ കണക്ക് ആ‍സ്പദമാക്കി മാസപ്പിറവി ദര്‍ശനം കൃത്യമാകില്ലെന്ന് മനസ്സിലാക്കിയവരാണ്. അവരുടെ കണക്കിന്റെ പരമാവധി അത് ശരിയായാല്‍ തന്നെ അസ്‌തമന സമയത്ത് സൂര്യന്റെയും ചന്ദ്രന്റെയും ഇടയില്‍ എത്ര ഡിഗ്രി അകല്‍ച്ചയുണ്ടെന്ന് ഗ്രഹിക്കലാണ്. പക്ഷെ ഇത് കൊണ്ടാകട്ടെ ദര്‍ശനത്തിന്റെ കാര്യം കൃത്യമാക്കാനാകില്ല. കാരണം നോക്കുന്നവന്റെ കാഴ്ചയും അവന്‍ നില്‍ക്കുന്ന സ്ഥലത്തിന്റെ വ്യത്യാസവും അനുസരിച്ച് ദര്‍ശനം വ്യത്യാസമാകാന്‍ ന്യായമുണ്ട്. (ഫതാവാ ഇബ്‌നു തൈമിയ്യ 25-207)

" കണക്ക് നോക്കി മാസം ഉറപ്പിക്കൽ ജൂതന്മാർ ,കൃസ്ത്യാനികൾ , ശിയാക്കളും തുടർന്ന് വരുന്ന മാർഗ്ഗമാണ്. "

( ഫതാവ ഇബ്നു തൈമിയ്യ: 25/99 , 27 /85)

ഇബ്നു തീമിയ്യ തന്നെ തറപ്പിച്ചു പറയുന്നു.

" കണക്ക് നോക്കി മാസമുറപ്പിക്കുന്നതിന് 

അനുകൂലമായി  

ഒരഭിപ്രായവും അറിയപ്പെട്ടിട്ടില്ല.

(ഫതാവ ഇബ്നു തൈമിയ്യ 28/85)

ഇബ്നു തൈമിയ്യ എഴുതുന്നു:

"കണക്ക് നോക്കി മാസം ഉറപ്പിക്കുന്നവൻ 

  ബുദ്ധിയും ദീനും #ചീത്തയായവനാകുന്നു"

  ( ഫതാവ ഇബ്നു തൈമിയ്യ: 6/303 )

ഇബ്നുതൈമിയ്യയെ പാതാളത്തിലേക്ക് ചവിട്ടിത്താഴ്ത്തിക്കൊണ്ട് ,വഹാബികളുടെ ഹിലാൽ കമ്മിറ്റിയും ശാന്തപുരം കോളേജദ്ധ്യാപകന്റെ ഹിജ്റാ കമ്മറ്റിയും മത്സരിച്ച് ശെനിയും ഞായറും പെരുന്നാളാക്കിയതിന്റെ തെളിവുകളാണ് താഴെ... !

ഇരുപത്തേഴാം രാവിലെ റമളാൻ സ്പെഷ്യൽ നരകവുമായി വഹാബികൾ...!

 😀😀😀

മലപ്പുറം മഅദിനിലെ സ്വലാത്ത് എന്ന് കേട്ടാലേ വഹാബികൾക്ക് ഹാലികളും...

റമളാൻ 27ാം രാവ് മലപ്പുറം മഅ്ദനിൽ സുന്നികൾ നടത്തുന്ന  സ്വലാത്ത്, ദിക്റ്, നിസ്കാര, ഇഅ്തികാഫ് മജ്ലിസിനെ  പരിഹസിച്ചവർ തന്നെ  ഇപ്പോൾ ഇതാ- നബിയും സ്വഹാബത്തും നടത്തി മാതൃക കാണിച്ച ,''ഓൺലൈൻ ഇരുപത്തേഴാം രാവ് സമ്മേളനം''തന്നെ നടത്തുന്നു...

വെണ്ടക്കാ അക്ഷരത്തിൽ ഓൺലൈൻ പിരിവും... ഇരുപത്തി ഏഴാം രാവിലെ വഹാബീ പോരിഷകൾ പിരിവു മാമാങ്കത്തിൽ തല കുത്തി മറിയുന്ന സുന്ദര നിമിഷങ്ങൾ... അതേ സാർ...വഹാബീ നവോത്ഥാനം കലിതുള്ളി ഉരുളുകയാണ്...

              #ഫാതിമാ_റഷീദ്...

ഫിത്വ്‌ര്‍ സകാത്ത് പണമായി നല്‍കാന്‍ പാടില്ല-ഗള്‍ഫ് സലഫികള്‍ !

----------------------------------------------------
ഫിത്വ്‌ര്‍ സകാത്ത് നല്‍കേണ്ടത് ഭക്ഷണം തന്നെയാണെന്നാണ് കര്‍മ്മശാസ്ത്ര സരണികളായ നാലുമദ് ഹബില്‍ മൂന്ന് മദ്ഹബും പഠിപ്പിക്കുന്നത്, മഹാനായ ഇമാമുല്‍ അഅളം അബൂഹനീഫ(റ)വിന്റെ മദ്ഹബിലും ഭക്ഷണം തന്നെയാണു നല്‍കേണ്ടത് എന്നാലും  ജനങ്ങള്‍ക്ക് ഉപകാരപ്രദമായതു കൊണ്ട് വിലയും നല്‍കാമെന്നു പറഞ്ഞിട്ടുണ്ട്.
പക്ഷെ നാലു മദ്ഹബും പിഴച്ചതാണെന്നും ഖുര്‍ആനും ഹദീസുമാണ് ഇസ്‌ലാമില്‍ പ്രമാണമെന്നും വാതോരാതെ പ്രസംഗിച്ചു നടന്നിരുന്ന ഒഹാബീ-ജമാഅത്തുകാര്‍ ഏതടിസ്ഥാനത്തിലാണ് ജനങ്ങളില്‍ നിന്നും
ഫിത്വ്‌ര്‍ സകാത്തിന്റെ പേരില്‍ പൈസ പിരിച്ചെടുക്കുന്ന തെന്ന് വ്യക്തമാക്കേണ്ടതുണ്ട്, ഹനഫീ മദ്ഹബില്‍ അങ്ങിനെ പറ്റും എന്ന ന്യായം ഒഹാബിക്ക് തെളിവാക്കാന്‍ പറ്റില്ല കാരണം മദ്ഹബുകള്‍ പിന്‍തുടരുന്നതില്‍ നിന്നും ജനങ്ങളെ ഖുര്‍ആനിലേക്കും ഹദീസിലേക്കും ക്ഷണിക്കാനാണു മുജാഹിദ് പ്രസ്ഥാനം പ്രവര്‍ത്തിക്കുന്നതെന്ന്
"ഇസ്ലാഹീപ്രസ്ഥാന ചരി ത്രത്തിനൊരാമുഖം" എന്ന പുസ്തകത്തിലും മുജാഹിദുകളുടെ ഔദ്യോഗിക മുഖപത്രമായ "അല്‍മനാറി" ലും മറ്റും അവര്‍ ജനങ്ങളെ പഠിപ്പിച്ചതാണ്, അതുകൊണ്ട് തന്നെ മദ്ഹബുകളിലെ വൈവിദ്യങ്ങള്‍ തെളിവാക്കാന്‍ ഒഹാബിക്ക് ഒരിക്കലും സാധ്യമല്ല. അവര്‍ തെളിവു പറയേണ്ടത് ഖുര്‍ആനില്‍ നിന്നും സുന്നത്തില്‍ നിന്നുമാണ്.
എന്നാല്‍ ഫിത്വ്‌ര്‍ സകാത്ത് പണമായി നല്‍കാന്‍ നബിചര്യയില്‍ തെളിവില്ലെന്നാണ് വഹാബികളുടെ ഗള്‍ഫിലെ നേതാക്കള്‍ പഠിപ്പിക്കുന്നത് അതൊന്ന് നമുക്ക് പരിശോധിക്കാം.
സൗദീ ഗ്രാഡ് മുഫ്തി ആലു ശൈഖുമായും, സലഫീ പണ്ഡിതനായ സ്വാലിഹുല്‍ ഫൗസാനുമായും "അല്‍മദീനാ" പത്രത്തിന്റെ പ്രതിനിധി "മുഹമ്മദുല്‍ബൈളാനി" എന്ന വ്യക്തി നടത്തിയ അഭിമുഖത്തില്‍ പറയുന്നത് കാണുക:-

كبار العلماء: زكاة الفطر لا تدفع نقدا:-
....أمّا النّقود فالنبيّ صلى الله عليه وسلم لم يأمر بها مع أنّها كانت موجودة في وقته، كانت النّقود موجودة في عهد الرسول صلى الله عليه وسلم لـماذا عدل عنها وأمر بصاع من الطعام فنحن نتقيّد بما جاء في الحديث من جانبه أوضح الشيخ الدكتور عليّ الحكمي أنّ زكاة الفطر تدفع طعاما وذلك اتّباعا للسّنّة وهذا هو الأصحّ. (الـمدينة:9-9-2010)(الخميس:30 رمضان :1431هــ).

ഫിത്വ്‌ര്‍ സകാത്ത് നാണയമായി നല്‍കപ്പെടുകയില്ല, എന്ന തലക്കെട്ടില്‍ ആലുശ്ശൈഖും ഫൗസാനും പറയുന്നു: നബി(സ്വ)യുടെ കാലത്ത് നാണയമുണ്ടായിരുന്നു എന്നിട്ടും നബി(സ്വ) നാണയം നല്‍കാന്‍ കല്പിക്കാതെ ഭക്ഷണത്തില്‍ നിന്ന് ഒരു “സ്വാഅ്” നല്‍കാനാണു കല്പിച്ചത്, അതു കൊണ്ട് തന്നെ നാം നബി(സ്വ)യുടെ ഹദീസില്‍ കല്പിച്ചതനുസരിച്ച് അനുഷ്ടിച്ചു വരുന്നു, ഡോക്ടര്‍ ശൈഖ് അലിഅല്‍ ഹിക മി വ്യക്തമാക്കുന്നു: നിശ്ചയം ഫിത്വ്,ര്‍ സക്കാത്ത് ഭക്ഷണമായിട്ടാണു നല്‍കേണ്ടത്, അത്  നബി(സ്വ)യു ടെ സുന്നത്തിനോട് പിന്‍പറ്റിയതിനു വേണ്ടിയാണ്, അങ്ങിനെ ഭക്ഷണമായി ഫിത്വ്‌ര്‍ സകാത്ത് കൊടു ക്കലാണ് ഏറ്റവും സ്വഹീഹായിട്ടുള്ളതും. (അല്‍മദീന പത്രം: 9-9-2010)(1431-റമളാന്‍:30- വ്യാഴം).

ഫിത്വ്‌ര്‍ സകാത്ത് പിരിച്ചെടുക്കുന്നവരെ നിങ്ങള്‍ സൂക്ഷിക്കുക എന്ന തലക്കെട്ടില്‍ സൗദീ ഗ്രാഡ് മുഫ്ത്തി
"അല്‍മദീനാ പത്രത്തി"ലൂടെ
വീണ്ടും പറയുന്നു:

المفتي: إحذروا من جامعي صدقات الفطر فهم لا يؤدونها في وقتها:-
..... ولا يجوز إخراج قيمتها نقدا بل تخرج كما فعل به النبيّ وأصحابه فمن أخرجها غير ما فعله صلى الله عليه وسلم فقد خالف هديه صلى الله عليه وسلم.
(المدينة:3-8-2013)

"ഫിത്വ്‌ര്‍ സകാത്ത്” ശേഖരിക്കുന്ന ആളുകളെ നിങ്ങള്‍ പേടിക്കുക, അവര്‍ സകാത്ത് കൊടുക്കേണ്ട സമയത്ത് കൊടുക്കുകയില്ല" എന്ന തലക്കെട്ടില്‍ വീണ്ടും ആലുശ്ശൈഖ് പറയുന്നു: "നാണയമായി ഫിത്വ്‌ര്‍ സകാത്തിന്റെ വില നല്‍കല്‍ അനുവദനീയമല്ല, മറിച്ച് നബി(സ്വ)യും സ്വഹാബത്തും നല്‍കിയ തു പോലെ ഭക്ഷണമാണു നല്‍കേണ്ടത്, നബി(സ്വ) ചെയ്യാത്ത രീതിയില്‍ ആരെങ്കിലും സക്കാത്ത് നല്‍കിയാല്‍ അവര്‍ നിശ്ചയം നബി(സ്വ)യുടെ ചര്യക്ക് എതിര്‍ പ്രവര്‍ത്തിച്ചു" .
(അല്‍മദീന പത്രം:3-8-2013)ല്‍ പറയുന്നതായി കാണാം.

അതേ പോലെ സൗദിയിലെ മറ്റൊരു സലഫീ പണ്ഡിതനായ ഇബ്നുഉസൈമീന്‍ പറയുന്നതു കൂടി കാണുക:

ولا تجزئ إخراج قيمة الطعام لأنّ ذلك خلاف ما أمر به رسول الله صلى الله عليه وسلم وقد ثبت عنه صلى الله عليه وسلم أنّه قال: من أحدث في أمرنا هذا ما ليس منه فهو ردّ-رواه مسلم-ولإنّ إخراج القيمة مخالف لعمل الصحابة رضي الله عنهم حيث كانوا يخرجونها صاعا من طعام وقد قال صلى الله عليه وسلم: عليكم بسنّتي وسنّة الخلفاء الراشدين المهديّين من بعدي – ولأنّ زكاة الفطر عبادة مفروضة من جنس معيّن فلا تجزئ إخراجها من غير الجنس المعيّن كما لا يجزئ إخراجها في غير الوقت المعيّن.
 (مجالس رمضان:ص/210) لابن العثيمين

ഇബ്നുഉസൈമീന്‍ പറയുന്നു:
"ഫിത്വ്‌ര്‍ സകാത്ത് ഭക്ഷണത്തിന്റെ വില നല്‍കിയാല്‍ മതിയാകില്ല, നിശ്ചയം അങ്ങിനെ നല്‍കല്‍ നബി(സ്വ)യുടെ കല്പനക്ക് വിരുദ്ധമാണ്, നിശ്ചയം നബി(സ്വ)പറഞ്ഞതായി സ്ഥിരപ്പെ ട്ടിരിക്കുന്നു: "ആരെങ്കിലും നമ്മുടെ ദീനില്‍പെടാത്ത കാര്യങ്ങള്‍ പുതുതായി ഉണ്ടാക്കിയാല്‍ അത് തള്ള പ്പെടേണ്ടതാണ്". നിശ്ചയം ഫിത്വ്,ര്‍ സക്കാത്ത് വില കൊടുക്കല്‍ സ്വഹാബാക്കളുടെ ചര്യക്കും എതിരാ ണ്, അവര്‍ ഭക്ഷണത്തില്‍ നിന്നും ഒരു “സ്വാഅ്” ആയിരുന്നു കൊടുത്തിരുന്നത്, നിശ്ചയം നബി(സ്വ) പറയുന്നു: "എന്റെ സുന്നത്തും എന്റെ ശേഷം എന്റെ ഖുലഫാഉര്‍,റാശിദുകളുടെ സുന്നത്തും നിങ്ങള്‍ മുറുകെ പിടിക്കണം" നിശ്ചയം ഫിത്വ്,ര്‍ സക്കാത്ത് ഒരു നിശ്ചിത ഇനത്തില്‍ നിന്നും ഫര്‍ളാക്കപ്പെട്ട ഇബാദത്താണ്, അതു കൊണ്ട് തന്നെ നിശ്ചിത ഇനമല്ലാത്തതില്‍ നിന്നും നല്‍കല്‍ മതിയാവുകയില്ല,
ഫിത്വ്‌ര്‍ സകാത്ത് നല്‍കാന്‍ നിശ്ചയിക്കപ്പെട്ട സമയത്തല്ലാതെ നല്‍കിയാല്‍ മതിയാകാത്തതു പോലെ തന്നെ". ഉസൈമീനിന്റെ
(മജാലിസു റമളാന്‍:പേജ്/210)ല്‍ കാണാവുന്നതാണ്.
അതേ പോലെ സൗദീ ഗ്രാഡ് മുഫ്ത്തിയായിരുന്ന ഒഹാബികളുടെ സ്വീകാര്യനായ പണ്ഡിതന്‍ "ഇബ്നു ബാസ്" "ഫിത്വ്,ര്‍ സക്കാത്ത് വില നല്‍കുന്നതിന്റെ വിധി" എന്ന തലക്കെട്ടോടെ മൂന്ന് പേജില്‍ സക്കാ ത്തിനെ കുറിച്ച് വിശദീകരിച്ച് അവസാനം പറയുന്നു:
... ومما ذكرنا يتّضح لصاحب الحقّ أنّ إخراج النّقود في زكاة الفطر لا يجوز ولا يجزئ عمّن أخرجه؛ لكونه مخالفا لما ذكر من الأدلّة الشرعية.
(مجموعة فتاوى ومقالات متنوعة:14/208 – 211)لابن باز.
ഇബ്നു ബാസ് പറയുന്നു: "നമ്മള്‍ വിവരിച്ചതില്‍ നിന്നും സത്യത്തിന്റെ വാക്താക്കള്‍ക്ക് ബോധ്യമാ വും, നിശ്ചയം
ഫിത്വ്‌ര്‍ സകാത്ത് കാഷ് നല്‍കല്‍ അനുവദനീയമല്ലെന്നും അങ്ങിനെ നല്‍കിയവന്റെ സകാത്ത് വീടുകയില്ലെന്നും, കാരണം അങ്ങിനെ വില നല്‍കുന്നത് ശറഇയ്യായ പറയപ്പെട്ട പ്രമാണ ങ്ങള്‍ക്ക് വിരുദ്ധമാണ്". ഇബ്നുബാസിന്റെ (മജ്മൂഅത്തു ഫത്താവാ വമഖാലാത്തു മുത്തനവ്വിഅ: 14/208-211)ല്‍ വിശദീകരിച്ചതായി കാണാം.

സലഫീ പണ്ഡിതനായ “അബ്ദുല്ലാഹില്‍ അന്‍ഖറി” യോട് ചോദിച്ച ചോദ്യത്തിനു അയാള്‍ കൊടുത്ത മറു പടി:
سئل الشيخ عبد الله بن عبد العزيز العنقري، هل يجزئ إخراج زكاة الفطر من النقدين؟ - فأجاب: إخراج زكاة الفطر من النقدين لا يجزئ، ولو تعذّرت أجناس الطعام. (الدرر السنيّة في الأجوبة النجدية:5/224) جمعه عبد الرحمن النجدي-1392هـ

സലഫീ പണ്ഡിതനായ "അബ്ദുല്ലാ അല്‍അന്‍,ഖറി" യോട് ചോദിക്കപ്പെട്ടു:
ഫിത്വ്‌ര്‍ സകാത്ത് നാണയങ്ങ ളായി നല്‍കാന്‍ പറ്റുമോ?. മറുപടി: ഭക്ഷണ സാധനത്തിന്റെ ഇനങ്ങള്‍ ലഭിക്കല്‍ പ്രയാസമാണെങ്കിലും ശരി നാണയങ്ങള്‍ ഫിത്വ്,ര്‍ സക്കാത്തായി നല്‍കിയാല്‍ മതിയാവുകയില്ല.
(അദ്ദുറ,റുസ്സനിയ്യ ഫില്‍ അജ് വിബത്തിന്നജ്ദിയ്യ:5/224)യില്‍ കാണാവുന്നതാണ്.
ഈ ഗ്രന്ഥം ഹിജ്റ:1392.ല്‍ മരണപ്പെട്ട അബ്ദുല്‍ റഹ്,മാന്‍ അന്നജ്ദി എന്ന സലഫീ പണ്ഡിതന്‍ ഇബ്നുഅബ്ദില്‍ വഹാബ് മുതല്‍ അദ്ധേഹത്തിന്റെ കാലം വരെയുള്ള സലഫീ പണ്ഡിതന്മാരുടെ ഫത്,വകളും മസാഇലുകളും ക്രോഡീകരിച്ചു പ്രസിദ്ധീക രിച്ച ഗ്രന്ഥമാണ്.
ചുരുക്കത്തില്‍ ഗള്‍ഫ് സലഫികളൊക്കെ
ഫിത്വ്‌ര്‍ സകാത്ത് പണമായി നല്‍കിയാല്‍ മതിയാവുകയില്ലെ ന്നാണു പഠിപ്പിക്കുന്നത്. എന്ന സത്യം മൂടി വെച്ച് കേരളത്തിലെ ഒഹാബികള്‍ ഫിത്വ്,ര്‍ സക്കാത്ത് പണ മായി പിരിച്ചെടുത്ത് നഷ്ടപ്പെടുത്തുന്നു. 
<<<<<<<<<<<<>>>>>>>>>>>>>>>>>>>>
അബൂ യാസീന്‍ അഹ്സനി-ചെറുശോല
ahsani313@gmail.com
Posted: 17-05-2020 (Sunday)

സകാത്ത്- പ്രമാണങ്ങൾ ദുർവ്യാഖ്യാനിക്കുന്ന ജമാഅത്ത് ഇസ്ലാമി മൗലവി !

*ഇൽയാസ് മൗലവിയുടെ  'കമ്മിറ്റിസകാത്ത്' ശാഫിഈ മദ്ഹബിന്റെ പേരിൽ ചെലവാക്കേണ്ട*
⏭⏭⏭⏭⏭⏭⏭⏭⏭⏭

എന്തിനും ഏതിനും നബി (സ) ചെയ്‌തോ, അക്കാലത്തുണ്ടായിരുന്നോ എന്നൊക്കെ ചോദിച്ചു പലതും തള്ളിപ്പറയുകയും മുസ്‌ലിംകളെ പിഴച്ചവരാക്കുകയും ചെയ്യുന്ന ഏർപ്പാടുകാരാണല്ലോ വഹ്ഹാബീ - മൗദൂദീ മൗലവിമാർ. അനർഹരായ ഈ മൗലവീസ് ഖുർആൻ ഹദീസിന്റെ *സ്വതന്ത്ര ഗവേഷകരായി* രംഗത്തുവരും. *സഹാബിമാരുടെ വാക്കും പ്രവൃത്തിയും ദീനിൽ തെളിവല്ലെന്ന് പറയുന്ന* ഇവർ ചിലപ്പോൾ ചോദിക്കും: *അതേ സഹാബികൾ ഇതു ചെയ്തിട്ടുണ്ടോ* എന്ന്. ബഹു. ഫുഖഹാക്കൾ രേഖപ്പെടുത്തിയ കാര്യങ്ങൾ ഉദ്ധരിച്ചാൽ ചോദിക്കും : *അതൊക്കെ മുതഅഖിരീങ്ങൾ (പിൽക്കാലക്കാർ) അല്ലേയെന്ന്.* മുതഖദ്ദിമീങ്ങളുടെ (മുൻകാലക്കാർ) രേഖ കാണിച്ചാൽ ചോദിക്കും : *മുജ്‌തഹിദുകൾ പറഞ്ഞിട്ടുണ്ടോ എന്ന്.* അവരുടെ രേഖ കാണിച്ചാൽ ചോദിക്കും : *സഹാബികളോ  താബിഉകളോ  ചെയ്തിട്ടുണ്ടോ എന്ന്.* അതു കാണിച്ചാൽ പറയും: *നബി ചെയ്തിട്ടുണ്ടോ എന്ന്.* പിന്നെ *ഖുർആനിൽ ഉണ്ടോന്ന്.* എല്ലാം കൊടുത്താൽ അപ്പോൾ പറയും, *മൗലവിയോടൊന്ന്   ചോദിക്കട്ടെ, പഠിക്കട്ടെ എന്ന്!*
❓❓❓❓❓❓❓❓❓❓❓

 *'കമ്മിറ്റിസകാത്തു'* വാദിയായ ജമാഅത്തെ ഇസ്‌ലാമി അനുയായിയോ അനുഭാവിയോ ആയ *ഇൽയാസ് മൗലവി* ഹെഡിങ്ങിലെ  സമ്പ്രദായത്തിന് അഥവാ  *(കമ്മിറ്റി സകാത്തിന്)* ഒരൊറ്റ ആയത്തോ ഹദീസോ അദ്ദേഹത്തിന്റെ ഫേസ്ബുക് കുറിപ്പിൽ  ഉദ്ധരിച്ചോ? ഇല്ല. *സകാത്ത് എന്ന 'ഇബാദത്തി'ൽ ഈ സമ്പ്രദായത്തിനു  ആയത്തും ഹദീസും വേണ്ടെന്നായോ?*
🌲🌲🌲🌲🌲🌲🌲🌲🌲🌲🌲

 സുന്നികളെ പിഴച്ചവരാക്കാൻ മാത്രമാണോ അല്ലാഹു ചിലരിലേക്ക് ആയത്തിനെ ഇറക്കിയതും റസൂലിനെ അവതരിപ്പിച്ചതും എന്ന് തോന്നിപ്പോകുകയാണ്. സ്വന്തം പാർട്ടിയുടെ ആദർശങ്ങളും കാര്യങ്ങളുമെത്തുമ്പോൾ എന്തേ ആയത്തും ഹദീസും ഒന്നും വേണ്ടേ?  അപ്പോൾ കേവലം വഹബത്തുസുഹൈലി എന്ന ആധുനിക പണ്ഡിതൻ എഴുതിയതാണോ തെളിവ്?
❓❓❓❓❓❓❓❓❓❓❓

ഇപ്പോൾ ഇതേവഴിയിലാണ് നമ്മുടെ ഇൽയാസ്  മൗലവി ശാഫിഈ മദ്ഹബ് മുഖേന 'കമ്മിറ്റിസകാത്ത്' ഹലാലാക്കിക്കളയാം എന്ന് വ്യാമോഹിച്ചത്.
❌❌❌❌❌❌❌❌❌❌❌

 *നമുക്ക് അദ്ദേഹത്തിന്റെ കുറിപ്പൊന്നു ചെക്ക് ചെയ്തുനോക്കാം:-*

👇👇👇👇👇👇👇👇👇👇👇

സകാത്തു കമ്മറ്റിക്ക് രണ്ടു വൈരുദ്ധ്യ നിർവ്വചനങ്ങൾ മൗലവി തട്ടികൂട്ടിയിട്ടുണ്ട്. ഒന്ന്:-
 *സമ്പന്നരായ വ്യക്തികൾ* തങ്ങളുടെ സകാത്ത് അർഹരായവർക്ക് ഏറ്റവും ഗുണകരമായ വിധത്തിൽ എത്തിക്കാനായി *ഏൽപ്പിക്കുന്ന വക്കീലാണ് സകാത്തു കമ്മറ്റികൾ.*

രണ്ട്:-
 *രാജ്യത്തെ നിയമപ്രകാരം രജിസ്റ്റർ ചെയ്ത,* കൃത്യമായ *വരവു ചെലവുകൾ* കാണിക്കുകയും, ഓഡിറ്റ് ചെയ്യുകയും ചെയ്യുന്ന, *ബാങ്ക് അക്കൗണ്ടുള്ള,* ഭാരവാഹികളും മെമ്പർമാരും ആരൊക്കെയാണ് എന്ന് രേഖയുള്ള, *കൃത്യമായ ചിട്ടയും വ്യവസ്ഥയുമുള്ള ഒരു നിയമാനുസൃത സംവിധാനമാണ് സകാത്തു കമ്മറ്റികൾ.*
👆👆👆👆👆👆👆👆👆👆👆

 *ഈ രണ്ടു നിർവ്വചനങ്ങൾ തമ്മിലുള്ള വൈരുധ്യം വ്യക്തമാണ്.*
 കാരണം *സകാത്തു ബാധ്യതപെട്ടവരുടെ* (സമ്പന്നരുടെ എന്ന മൗലവിയുടെ പ്രയോഗം ഒഴിവാക്കുന്നു) *വക്കീലാണ് സകാത്തു കമ്മറ്റി* എന്നാണ് ഒന്നാം നിർവ്വചനം. *അതുപ്രകാരം ആ കമ്മിറ്റി ഒരു സ്വതന്ത്ര ടീം അല്ല.* "വകീൽ" എന്നാൽ വക്കാലത്തു  കൊടുക്കുന്നവന്റെ (موكل) താല്പര്യം നടപ്പിലാക്കുന്നവനാണ്. *മുവക്കിലിന്റെ ഒരു സ്റ്റെപ്പിനി മാത്രം.* അവൻ സ്വതന്ത്രനല്ല. *അവനെ നിയമിക്കുന്നതും പിരിച്ചുവിടുന്നതും മുവക്കിലാണ്, ബാഹ്യ കേന്ദ്രങ്ങളല്ല*
وينعزل الوكيل بعزل أحدهما أي بأن ينعزل الوكيل أو يعزله الموكل...وإن لم يعلم المعزول (فتح المعين)
സ്വയം അവരോധിതനോ മറ്റൊരു ബോഡി തെരെഞ്ഞെടുക്കുന്നവനോ അല്ല വക്കീൽ. വക്കീലിന്റെ പ്രവൃത്തി മുവക്കിലിലേക്കു തന്നെ ചേർക്കപ്പെടും. *മുവക്കിൽ നേരിട്ടോ വക്കീൽ മുഖാന്തിരമോ (بنفسه أو بوكيله) എന്നാണ് കർമ്മശാസ്ത്ര പ്രയോഗം.*
ഏൽപ്പിച്ച സകാത്തിൽ വക്കീലിന്റെ കൃത്യവിലോപങ്ങൾ  മുവക്കിലിന്റെ ബാധ്യതയെയാണ് ബാധിക്കുക.
✒✒✒✒✒✒✒✒✒✒✒

 കോടതികളിൽ കേസ് വാദിക്കാൻ കക്ഷി ഏൽപ്പിക്കുന്ന വക്കീൽ പോലെയാണിതും. *അയാൾ കക്ഷിയുടെ അഭീഷ്ടം നടത്തുന്നയാൾ മാത്രമാണ്. കക്ഷി തന്നെ നിയമിച്ച അയാളെ എപ്പോഴും കക്ഷിക്ക് പിരിച്ചുവിടാം.* അയാൾ സ്വയം അവരോധിതനോ സ്വതന്ത്രനോ അല്ല. *കോടതിയിൽ വാദിക്കാൻ ഒരു റെജിസ്റ്റേഡ് കമ്മിറ്റിയെയാണോ വക്കീലാക്കാറുള്ളത്? അല്ലല്ലോ.*
കാരണം വക്കാലത്തും കമ്മിറ്റിയും നിയമപരമായി സംയോജിക്കുന്നതല്ല.

 *ഗൾഫിലുള്ള പിതാവ് മകളെ വിവാഹം ചെയ്തുകൊടുക്കാൻ, അല്ലെങ്കിൽ ചടങ്ങിൽ  എത്താൻ അസൗകര്യപ്പെട്ട വരൻ നികാഹ് ഖബൂൽചെയ്യാൻ നാട്ടിലുള്ള മഹല്ലുകമ്മിറ്റിയെയോ പാർട്ടികമ്മറ്റിയെയോ വക്കീലാക്കാറുണ്ടോ?* ഉചിതമായ ഭാര്യാ - ഭർത്താക്കന്മാരെ കണ്ടെത്തി ഏറ്റവും ഗുണകരമായ വിധത്തിൽ വിവാഹം ചെയ്തുകൊടുക്കുന്ന റെജിസ്റ്റേർഡായ,  സ്വന്തമായി ഭാരവാഹികളും അംഗങ്ങളുമുള്ള, ബാങ്ക് അംഗത്വമുള്ള, ഓഡിറ്റിങ്ങുള്ള.....  *"വിവാഹ വക്കീൽകമ്മിറ്റിയുടെ  നികാഹ് പറ്റുമോ, ഇൽയാസ് മൗലവീ"?!*
♾️♾️♾️♾️♾️♾️♾️♾️♾️♾️♾️

രണ്ടാം നിർവചനമനുസരിച്ചു സകാത്തു കമ്മറ്റി ഒരു സ്വതന്ത്രവും, വരവുചെലവും മറ്റു സംവിധാനങ്ങളുമുള്ള *സ്വയംരൂപീകൃത റെജിസ്റ്റേഡ് സമിതിയാണ്.* *സകാത്തുബാധ്യസ്ഥർ അധികാരപ്പെടുത്തിയതല്ല.* അതിനെ പിരിച്ചുവിടാനുള്ള അധികാരവും  അവർക്കില്ല. മറിച്ചു സ്വന്തമോ ജനറൽ ബോഡി പോലുള്ള മറ്റൊരു ബോഡിയോ ആണ് അതിന്റെ അധികാരികൾ. *അങ്ങനെയുള്ള ഒരു സമിതിയ്ക്ക് 'വക്കീൽ പട്ടം' ചുമത്തുന്നത് ആരെ പറ്റിക്കാനാണ്?* ഉറുമ്പിനെ പറ്റിക്കാൻ പഞ്ചസാരച്ചാക്കിൽ കുരുമുളക് എന്നെഴുതി വയ്ക്കുംപോലെയല്ലേ അത്?
❓❓❓❓❓❓❓❓❓❓❓

*'സകാത്തു കമ്മറ്റിയുടെ പ്രവർത്തനങ്ങൾ' എന്ന പേരിൽ മൗലവി അവകാശപ്പെട്ടതും ശാഫിഈ മദ്ഹബാണോ?:-*

 *വക്കീൽ എന്നാൽ മുവക്കിലിന് എന്താണോ ചെയ്യാൻ അവകാശപ്പെട്ടത് അതു മാത്രം ചെയ്തുകൊടുക്കുവാൻ മാത്രം അധികാരം കിട്ടിയ ആളാണ്.* അതിനപ്പുറം വക്കീലിന് ഒരു സ്വാതന്ത്ര്യവുമില്ല. അതേസമയം إمام/ سلطان അഥവാ ഭരണാധികാരി അങ്ങനെയല്ല. *'ഇമാം' അവകാശികളുടെ പ്രതിനിധി (نائب المستحقين) എന്ന സ്ഥാനവും അധികാരവുമുള്ളയാളാണ്*.
لأنه نائب المستحقين فالدفع إليه كالدفع إليهم ولهذا أجزأت وإن تلفت عنده بخلاف الوكيل (تحفة المحتاج 3 - 350)
 *ഭരണാധികാരി സകാത്തിന്റെ ബാധ്യസ്ഥരിൽ നിന്ന് സകാത്തു പിരിച്ചെടുത്തു ഉപകരണങ്ങൾ, പറമ്പ് എന്നിങ്ങനെ സകാത്തിനെ   പകരപ്പെടുത്തി (إبدال الزكاة) വിതരണം ചെയ്യുന്ന രീതി ഉടമസ്ഥനോ അയാളുടെ വക്കീലിനോ പാടില്ല.*
ويعطيه الإمام لا المالك لامتناع الإبدال في الزكاة عليه (تحفة المحتاج 7 - 167)

 *ഉടമസ്ഥന്റെ നിശ്ചിത മുതലിന്റെ നിശ്ചിത വിഹിതം അവകാശിയുടെ അവകാശമാണ്.* അഥവാ സകാത്ത് നിർബന്ധമാവലോടെ വിഹിതം അവന്റെതായി മാറി.
الأظهر أن الزكاة تتعلق بالمال تعلق شركة وفي قول قديم اختاره الريمي أنها تتعلق بالذمة لا بالعين فعلى الأول أنزالمستحق للزكاةشريك بقدر الواجب (فتح المعين)
അതിനാൽ ആ വിഹിതം അവന്റെ കൈവശം നൽകുക എന്ന സാങ്കേതിക പ്രക്രിയ മാത്രമാണ് ഉടമസ്ഥനും അയാളുടെ വക്കീലും ചെയ്യുന്നുള്ളൂ. അഥവാ അപരന്റെ ധനം തന്റെ കൈവശത്തിൽ നിന്നു വിട്ടുകൊടുക്കൽ മാത്രം. *അവകാശിയുടെ വിഹിതം അവനു കൈവശപ്പെടുത്തിക്കൊടുക്കുക എന്നതല്ലാതെ ബാധ്യസ്ഥർ അതിനു പകരമായി അവകാശിക്ക് വീടോ, ഭൂമിയോ പോലുള്ള വേറെന്തെങ്കിലും നൽകിയാൽ അതു സകാത്താവില്ല.* എന്നാൽ അവകാശിക്കു തന്റെ വിഹിതം എന്തു ചെയ്യണം എന്ന് തീരുമാനിക്കാം. *ആ നിലയ്ക്ക് അവകാശികളുടെ പ്രതിനിധിയായ ഭരണാധികാരിക്കും അത്തരത്തിൽ ചില വിവേചനങ്ങൾ ഉണ്ട്.* അതു നമ്മുടെ മദ്ഹബു ഗ്രന്ഥങ്ങൾ വിവരിച്ചിട്ടുമുണ്ട്.
أن للإمام دون المالك شراؤه له نظير ما يأتي في الغازي وله أن يلزمه وعدم إخراجه عن ملكه لما في ذلك من المصلحة العامةفلم ينظر لما فيه من جبر الرشيد وحينئذ ليس له إخراجه فلا يحل ولا يصح فيما يظهر
(تحفة المحتاج 7 - 165)
✅✅✅✅✅✅✅✅✅✅✅

നിങ്ങൾ നോക്കൂ. *സകാത്തുകമ്മിറ്റി നാടിന്റെ ഭരണാധികാരിയാണോ?*
 അങ്ങനെയാണോ മൗലവി പറഞ്ഞതുപ്രകാരം ഇന്ത്യൻ നിയമമനുസരിച്ചു സകാത്ത് കമ്മിറ്റിയെ രജിസ്റ്റർ ചെയ്തിട്ടുള്ളത്? അതും പറഞ്ഞങ്ങ് റജിസ്റ്ററിനു ചെന്നാൽ നേരെ ജയിലിൽ പോകാം.

 *ഭവനനിർമ്മാണം, വീടുനന്നാക്കൽ, തൊഴിലുപകരണം, ചികിത്സ, വിദ്യാഭ്യാസം, വാഹനം, പശു ദാനം, കടം വീട്ടൽ  എന്നിങ്ങനെയൊക്കെ യാണത്രെ സകാത്തു കമ്മറ്റി 'സകാത്തിന്റെ വിതരണം' ചെയ്യുന്നത്!* അഥവാ ഇമാം എന്ന സ്റ്റാറ്റസിലാണ് സകാത്തു കമ്മിറ്റിയെന്നാണ് മൗലവിയുടെ ഭാവം. *അതായത്, കമ്മിറ്റി ബാധ്യസ്ഥരുടെ വകീലല്ല, മറിച്ച്, അവകാശികളുടെ പ്രതിനിധിയായ 'ഇമാമി'ന്റെ സ്ഥാനത്താ ണെന്നാണ് ഈ സകാത്തു കമ്മിറ്റിക്കാരുടെ പ്രവർത്തനത്തിന്റെ  മനോനില.* *അവകാശിയുടെ വിഹിതം അവനെ ഏൽപ്പിക്കാതെ സ്വയം 'കൈകാര്യം' ചെയ്യുവാൻ ശർഓ ഇന്ത്യൻ നിയമമോ കമ്മിറ്റിക്കു എന്തെങ്കിലും അധികാരം നൽകിയിട്ടുണ്ടോ?*

യഥാർത്ഥത്തിൽ ഇത്തരം മഹാപരാധം ചെയ്തിട്ട് 'വമ്പിച്ച' ക്രെഡിറ്റ്‌ വാരിക്കൂട്ടുകയാണ് സകാത്തു കമ്മറ്റിക്കാർ ചെയ്യുന്നത്.
🤔🤔🤔🤔🤔🤔🤔🤔🤔🤔🤔

ഓർക്കുക, *സകാത്തെന്നത്,  അതു കൊടുക്കൽ فرض عين എന്ന വ്യക്തിബാധ്യതയും, വാങ്ങൽ فرض كفاية എന്ന സാമൂഹികബാധ്യതയുമാണ്. കൊടുക്കുന്നവർക്കും വാങ്ങുന്നവർക്കും പ്രതിഫലം ലഭിക്കുന്ന 'ഇബാദത്താ'ണത്.*
وعبارة ش ق ولو امتنع المستحقون من أخذها قاتلهم الإمام لأن قبولها فرض كفاية فيقاتلون على ذلك لتعطيلهم هذا الشعار العظيم كتعطيل الجماعة بناء على أنها فرض كفاية بل أولى أفاده الرملي اه
(ഇആനത്തുത്താലിബീൻ 2 - 169)

 സകാത്തെന്നത് കേവലമൊരു റിലീഫ് പ്രവർത്തനമല്ല. അതു 'ഇബാദത്താ'ണ്. അതിനു കുറെ ശർത്തുകൾ പാലിക്കേണ്ടതുണ്ട്. *സകാത്തിന്റെ പ്രഥമപ്രധാന ലക്ഷ്യം ബാധ്യസ്ഥരുടെ ശരീര-ധന ശുദ്ധീകരണമാണ്.* ഇതു ഖുർആനും മറ്റു ഗ്രന്ഥങ്ങളും എടുത്തു പറഞ്ഞതാണ്.
(خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ بِهَا وَصَلِّ عَلَيْهِمْ ۖ إِنَّ صَلَاتَكَ سَكَنٌ لَهُمْ ۗ وَاللَّهُ سَمِيعٌ عَلِيمٌ) [Surat At-Tawbah 103]
 قال صلى الله عليه وسلم إن هذه الصدقات إنما هي أوساخ الناس (صحيح مسلم)
ومعنى أوساخ الناس أنها تظهسر لأموالهم ونفوسهم كما قال تعالى خذ من أموالهم صدقة تطهرهم وتزكيهم بها فهي كغسالة الأوساخ (شرح مسلم 4 - 36)

 *അതിനാൽ ബാധ്യസ്ഥർ സകാത്തു ദാനത്തിന്റെ ശർത്തുകൾ തികച്ചും പാലിക്കേണ്ടതാണ്.*
🌲🌲🌲🌲🌲🌲🌲🌲🌲🌲🌲

 *'സകാത്തു കമ്മറ്റി'* എന്ന ആശയത്തിന് മൗലവി ഒരൊറ്റ തെളിവും ഉദ്ധരിച്ചില്ല. യുക്തി മാത്രമാണ് അദ്ദേഹത്തിന്റെ തെളിവ്. കഷ്ടമല്ലേ അത്! അല്ല, *'തെളിവ്' സുന്നികളെ പിഴച്ചവരാക്കാൻ മാത്രം മതിയല്ലോ.*

കമ്മറ്റി വക്കീലാവാൻ നിവൃത്തിയില്ല എന്ന് ബോധ്യപ്പെട്ട സ്ഥിതിക്ക്, "സകാത്ത് വിതരണത്തിന് വകീലിനെ ഏൽപ്പിക്കുക, വകീൽ നിയ്യത്ത് വയ്ക്കുക, വകീൽ കാഫിറായാലും മതിയാകുക" തുടങ്ങിയ വക്കാലത്തിന്റെ വിധികളൊന്നും തന്നെ കമ്മറ്റിക്ക് കൊടുക്കാൻ പറ്റില്ലെന്ന് ബോധ്യമായല്ലോ. കാരണം കമ്മിറ്റി എന്നത് വക്കാലത്തിലൂടെ നിലവിൽ വന്ന സംവിധാനമല്ല.
 *വക്കാലത്ത് എന്ന 'ഏൽപ്പന'യിലൂടെ മാത്രമേ ഒരാൾ വക്കീലാകുകയുള്ളു. പിന്നെങ്ങനെ കമ്മിറ്റി എന്ന, സ്വന്തമായി രൂപംകൊള്ളുകയും  പിരിഞ്ഞുപോവുകയും ചെയ്യുന്ന സംവിധാനം സ്വത്തുടമസ്ഥന്റെ കേവലം കീഴാളനായ വക്കീലാകുക?* താങ്കൾ കാര്യമായി ചിന്തിക്കൂ ബഹു. മൗലവീ?

 *ഒരാളാവട്ടെ ഒന്നിലധികമാകട്ടെ,  നിർണ്ണിതനാവണം വക്കീൽ എന്നത് നിയമമാണ്.* അഥവാ മുവക്കിൽ അവനെ വക്കാലത്തിൽ   നിർണ്ണയിക്കണം. *അതിനർത്ഥം വകീൽ ആരെന്ന് വക്കാലത്തേൽപ്പിക്കുമ്പോൾ അവ്യക്തമാകരുത്.*
وشرط فيه تعيينه فلو قال لاثنين وكلت أحدكما في كذا لم يصح (شرح المنهج)
 കമ്മിറ്റി അങ്ങനെയാണോ? അത് കേവലം, മുവക്കിൽ നിജപ്പെടുത്തിയ  ഒന്നോ ഒന്നിലധികമോ ആളുകളാണോ? മൗലവിയുടെ തന്നെ നിർവ്വചനാനുസാരം അതൊരു 'സ്വതന്ത്ര റജിസ്റ്റേർഡ്' അല്ലയോ?

സകാതാകുന്ന 'ഇബാദത്തി'ലെ വക്കാലത്തിന്റെ നിയമം നാം പറയുമ്പോൾ, മൗലവി എതിർക്കാൻ കൊണ്ടുവരുന്നത് *കച്ചവടം, വാടക, കടം, പണയം* തുടങ്ങിയ സാമ്പത്തിക ഇടപാടുകളിലെ നിയമങ്ങളുമായിട്ടാണ്.
 *സാമ്പത്തിക ഇടപാടുകളിലെ ശരിതെറ്റുകൾ ചൂണ്ടിക്കാണിച്ചാണോ ഇബാദത്തുകളിലെ ശരിയും തെറ്റും തീരുമാനിക്കുക?*  അങ്ങനെയെങ്കിൽ ആളുകളുടെ സകാത്തും നികാഹുമൊക്കെ ജമാഅത്തെ ഇസ്‌ലാമീ സംസ്ഥാന, ദേശീയ,  പ്രാദേശിക കമ്മറ്റികളെയോ മറ്റിതര കമ്പനികളെയോ ഏൽപ്പിച്ചാൽ മതിയാകുമോ? എന്തിനാണ്  'സകാത്ത്കമ്മിറ്റി' എന്ന പേരിൽ ഒരു സ്പെഷ്യൽ റജിസ്ട്രേഷൻ? എന്താണീ താരതമ്യത്തിലൂടെ മൗലവി  ഉദ്ദേശിച്ചത്? *ഫർളു ഐനായ 'ഇബാദത്തു'കളെയും മുബാഹായ 'ആദത്തു'കളേയും കൂട്ടിക്കുഴക്കുകയാണോ?* കമ്പനികൾ നിശ്ചിത വ്യക്തികളുടെ കൂട്ടായ്മയാണ്. *സ്ഥാപനങ്ങൾ, സംഘടനകൾ എന്നിവയുടെ ഇടപാടുകൾ അവയുടെ അധികാരികളാണ് നടത്തുന്നത്. അവർ വ്യക്തികളാണ്.* അഥവാ പൊതുമേഖല (جهة عامة) യ്ക്കു വേണ്ടി ഒരാൾ/ ഒന്നിലധികം ആളുകൾ അധികാരിയാകുന്നു. അതുപോലെയാണോ സകാത്തും കമ്മിറ്റിയും? *നിശ്ചിതനായ സ്വകാര്യ വ്യക്തി / വ്യക്തികൾക്ക് അനിശ്ചിതമായ ബാഹ്യ കമ്മിറ്റി എങ്ങനെ വക്കീലാകും?* ഉടമസ്ഥർ തന്നെ കൂട്ടം ചേർന്ന് ഒരാളെ അധികാരപ്പെടുത്തുന്ന പോലെയുമാണോ അത്?
🤔🤔🤔🤔🤔🤔🤔🤔🤔🤔🤔

വക്കാലത്തിനു صيغة (ഏൽപ്പനാവാക്യം) വേണം. ഒരഭിപ്രായപ്രകാരം,  ഏൽക്കുന്നതിന്  قبول വാക്യവും. അതിലാണ് വക്കീൽ നിർണ്ണിതമാവേണ്ടത്. കമ്മിറ്റി എന്നത് നേരത്തെയുള്ള സമിതിയാണ്. "കമ്മറ്റിയെ ഏൽപ്പിച്ചു" എന്ന് പറഞ്ഞാൽ ആ കമ്മിറ്റിയിലെ ഏതെങ്കിലും അംഗങ്ങൾ  'സ്വയം' നാളെയോ മറ്റന്നാളോ മാറിയാലും കമ്മിറ്റിയുടെ പ്രവർത്തനം തുടരുന്നു. സകാത്തു വിതരണവും അഭംഗുരം തുടരുന്നു. *ഇതാണോ ശാഫിഈ മദ്ഹബിലെ വക്കാലത്ത്, മൗലവീ സാഹിബേ?*
❓❓❓❓❓❓❓❓❓❓❓

ജമാഅത്തുകാരുടെ 'സകാത്തുകമ്മറ്റി' എന്നത് *അവരുടെ കേന്ദ്ര കമ്മറ്റിയുടെ 'ബൈത്തുൽമാലി'ൽ* അംഗങ്ങളുടെ വിഹിതം  അടക്കാനുള്ളതും കൂടിയാണ്, അഥവാ സംഘടനക്ക് പണം ഉണ്ടാക്കാനാണ് എന്നത് പരസ്യമായ കാര്യമാണ്. അതുകൊണ്ട് സകാത്തു കമ്മറ്റിയെ കുറിച്ച് വലിയ സത്യസന്ധതയൊന്നും മൗലവി അവകാശപ്പെടേണ്ട.

പിന്നെ, കമ്മറ്റിക്ക് മജ്ജയില്ലെങ്കിലും അതിലുള്ള വ്യക്തികൾക്ക് മജ്ജയുണ്ട്, മാംസമുണ്ട്. അവർ മലക്കുകളല്ല, ജിന്നുകളല്ല എന്നൊക്കെയാണ് മൗലവി ന്യായം പറഞ്ഞത്.  *എന്നാൽ പിന്നെന്തിനാ മൗലവീ നിങ്ങൾ കമ്മിറ്റിയെത്തന്നെ   'വക്കീൽ' എന്ന് നിർവ്വചിച്ചത്?* മറിച്ചു,  കമ്മറ്റിയല്ല, വ്യക്തിയാണ് വക്കീൽ എന്നല്ലേ പറയേണ്ടിയിരുന്നത്?

 *കമ്മിറ്റിയിലെ ഒന്നോ അതിലധികമോ വ്യക്തികളെ നിർണ്ണയിച്ചു വക്കാലാത്താക്കിയാൽ ആ വ്യക്തികൾ, 'വ്യക്തി'യെന്ന നിലയിലാണ് വക്കീലാകുന്നത്. അല്ലാതെ 'കമ്മിറ്റി, കമ്മറ്റിക്കാരൻ' എന്ന നിലയ്ക്കല്ല എന്നതു  പ്രാഥമിക വിവരമല്ലേ?*
💧💧💧💧💧💧💧💧💧💧💧

 *വ്യക്തിയെ صيغة യിൽ നിജമാക്കിയാൽ അയാളാണ് ചുമതല നിർവ്വഹിക്കേണ്ടത്.* അയാൾക്ക് സാധ്യമായതോ അസാധ്യമായതോ ആയ വിഷയത്തിൽ തന്റെ മുവക്കിലിന്റെ അനുമതിയോടെയോ  സമ്മതമില്ലാതെയോ അയാൾക്ക് മറ്റുള്ളവരെ ഏൽപ്പിക്കാമോ എന്നത് വേറെ വിഷയം. എന്നാൽ ശാഫിഈ മദ്ഹബിന്റെ പേരിൽ മൗലവി പറഞ്ഞത്:
 *''ഒരാളെ വക്കീലാക്കിയാൽ അവന്റെ കൂടെ ഏതു മുസ്ലിമിനും കൂടാം എന്ന് ശാഫിഈ മദ്ഹബിലുണ്ട്'' എന്നാണുപോലും!* വക്കാലത്തിന്റെ വാക്യത്തിൽ (صيغة), *നിന്നെ* എന്ന് ഒരു വ്യക്തിയെ നിർണ്ണയിച്ചു പറഞ്ഞശേഷം, *'എല്ലാ മുസ്‌ലിംകളെയും* വക്കാലത്താക്കി' എന്നുകൂടി കൂട്ടിയാൽ ( *عطف ചെയ്താൽ* ) പ്രസ്തുത വക്കാലത്ത്  സാധുവാകും എന്ന,  *മദ്ഹബിൽ ഭിന്നതയുള്ള* മസ്അലയാണത്രെ മൗലവിയുടെ തെളിവ്! *ഇബ്നു ഹജർ(റ) എതിർത്ത ആ അഭിപ്രായം അദ്ദേഹത്തിന്റെ വീക്ഷണമായി മൗലവി കളവും പറഞ്ഞിരിക്കുന്നു. (തുഹ്ഫ 5 / 298 കാണുക)*
 കഷ്ടം!!

نعم إن وقع غير المعين تبعا للمعين كوكلتك في بيع كذا وكل مسلم صح على ما بحثه شيخنا وقال إن عليه العمل فيه نظر
എന്നാണ് തുഹ്ഫയിലുള്ളത് (5 - 298)  ഇതിൽ നിന്ന് فيه نظر എന്ന വിമർശന ഭാഗം ഒഴിവാക്കാൻ മൗലവി 'മിടുക്ക്' കാണിച്ചു.

വാസ്തവത്തിൽ എന്താണു അപ്പറഞ്ഞത്? നിർണ്ണിതനായ വ്യക്തിക്കു അനുബന്ധമായി 'പ്രസ്തുത വാക്യ'ത്തിന്റെ അടിസ്ഥാനത്തിൽ  ബാക്കിയുള്ളവരും സ്വതന്ത്ര വകീലുമാരാകുക എന്നാണ്. *അല്ലാതെ ഒരാളെ വക്കീലാക്കിയിട്ട് കമ്മിറ്റി മൊത്തം സഹായികളാകുക എന്നല്ല.* മൗലവി വ്യാഖ്യാനിച്ചതോ, ''ഒന്നോ അതിലധികമോ കമ്മിറ്റി അംഗങ്ങളെ വക്കാലത്താക്കിയാൽ അദ്ദേഹത്തോടൊപ്പം ഏതു മുസ്‌ലിം കൂടെ കൂടിയാലും വക്കാലത്തിനെ അത് ബാധിക്കുകയില്ല" എന്നും. *എങ്ങനെയുണ്ട് മറിമായം?* 
🌳🌳🌳🌳🌳🌳🌳🌳🌳🌳🌳

പിന്നെ, മൗലവി പറയുന്നത് സകാത്തു കമ്മറ്റിക്ക് *ലീഗൽ പേഴ്സണാലിറ്റി* ഉണ്ടെന്നാണ്. എന്നാൽ അതിന്റെ നിയമരേഖ മൗലവി തന്നെ ഹാജരാക്കണം. ഇനി രേഖയുണ്ടെങ്കിൽതന്നെ അതിന്റെ  ശർഈ നിലയെന്തെന്ന് തെളിയിക്കണം. അല്ലാതെ ആധുനികരുടെ എന്തെങ്കിലും ബുക്കുകൾ അല്ല ഉദ്ധരിക്കേണ്ടത്. വഹ്ബത്ത് സുഹൈലി ഉദ്ധരിച്ച ദലീലുകളിൽ നിന്നുള്ള അദ്ദേഹത്തിന്റെ നിർദ്ധാരണം പ്രഥമ ദൃഷ്ട്യാ തന്നെ ബാലിശമാണ്. സുന്നികളെ പിഴച്ചവരാക്കാൻ വെമ്പുമ്പോൾ ഖുർആനും സുന്നത്തും മാത്രം ശരണം. അപ്പോൾ ഫുഖഹാഇന്റെ ഇജ്തിഹാദീ നിർദ്ധാരണമൊന്നും പറ്റില്ല. എന്നാൽ സ്വന്തം കാര്യമെത്തുമ്പോളോ  ഏതു ആധുനികരും തെളിവുമാണ്. *ഇതല്ലേ മൾട്ടിത്താപ്പ്?*
✅✅✅✅✅✅✅✅✅✅✅

ഇപ്പോൾ *legal guardian* (നിയമപരമായ രക്ഷിതാവ്) എന്നൊരു വകുപ്പുണ്ട്. ഇനി *അതെടുത്തു പെണ്മക്കളെ വിവാഹം ചെയ്തുകൊടുക്കാൻ യഥാർത്ഥ വലിയ്യ്‌ വേണ്ട,  'നിയമവലിയ്യ്‌' മതി എന്നും വാദിച്ചോളൂ.* അങ്ങനെ കുറെ അവിഹിതങ്ങളും നാട്ടിൽ നടക്കട്ടെ.

അല്ലാഹു കാക്കട്ടെ.
 By: *എംടി അബൂബക്ർ ദാരിമി*

കാന്തപുരം-ദി റിയൽ ഹീറോ

#ഉസ്താദ്_കാന്തപുരം , #കിരീടം_വക്കാത്ത_രാജാവ്...#ദി_റിയൽ_ഹീറോ...!

ആ ഫോട്ടോയുടെ നടുഭാഗത്ത്‌, ഓലപ്പുരയിൽ നിസ്കരിക്കുന്ന ഒരാളെക്കണ്ടോ നിങ്ങൾ..?... ഇന്ത്യൻ മുസ്ലിംകൾ എന്ന് കേൾക്കുമ്പോൾ വർത്തമാന വിദേശികളുടെ മനസിലേക്കോടി എത്തുന്ന  ഒരേ ഒരു നാമം അദ്ധേഹത്തിന്റെതാണ്. അതേ സാർ... അദ്ധേഹമാണ് മുസ്ലിം ഇന്ത്യയുടെ പ്രതാപത്തിന്റെ പ്രതീക്ഷ ഉസ്താദ് കാന്തപുരം... പുല്ലുമേഞ്ഞ പഴയ ശൈലിയിൽ നിന്ന്  ആധുനികതയുടെയും പ്രതാപത്തിന്റെയും മട്ടുപ്പാവിലേക്ക് മുസ്ലിം ഉമ്മത്തിനെ കൈ പിടിച്ചത് അദ്ധേഹമായിരുന്നു. ഗുജറാത്ത് കേരളത്തിലാവർത്തിച്ചാലെന്തു ചെയ്യുമെന്ന് ചോദിച്ച് വടിവാൾ സംഘടനകൾ സമുദായത്തിനുള്ളിൽ മുളച്ച് പൊന്താൻ വെമ്പൽ കൊണ്ടപ്പോൾ അവരുടെ ശത്രു ഈ കാന്തപുരമായിരുന്നു. വെട്ടു കിട്ടുമ്പോൾ തടുക്കാനായിട്ട് തലേക്കെട്ടുകാർ ഞങ്ങളെ വിളിക്കരുതെന്നു പറഞ്ഞ് കുറച്ച് യുവാക്കളെക്കൂട്ടി മുഷ്ടി ചുരുട്ടി-മെഴുകുതിരി വെട്ടത്തിലേക്കവർ ഉൾവലിഞ്ഞപ്പോളും ഗുജറാത്തവർക്ക് പേടി സ്വപ്നം തന്നെയായിരുന്നു.

                  ഒന്നിരുട്ടി വെളുത്തപ്പോൾ അക്കൂട്ടർ കാണുന്നത് മറ്റൊരു ദൃശ്യമായിരുന്നു. ഗുജറാത്തിന്റെ രാജവീഥികളിൽ നിറപുഞ്ചിരിയുടെ നറുനിലാവായി ചങ്കുവിരിച്ച് നിൽക്കുന്ന ഉസ്താദ് കാന്തപുരത്തെ ... ഈ ദൃശ്യങ്ങൾ കണ്ടവർക്ക് ,മെഴുകുതിരിയും കത്തിച്ച് വടിവാളിന്റെ കഥ പറഞ്ഞ മെഗാ എപ്പിസോഡുകൾ നിർത്തിവച്ച്, തലപ്പാവിന്റെ പവർ തിരിച്ചറിയേണ്ടി വന്നു എന്നത് മറ്റൊരു ക്ളൈമാക്സ്...

               ഇല്ലായ്മയുടെയും വല്ലായ്മയുടെയും ഓരത്ത് നിന്ന സമുദായ സന്തതികളെ സമുദ്ധാരണത്തിന്റെ സുന്ദര യൗവ്വനങ്ങളിലേക്ക് കൈപിടിച്ചതീ ഉസ്താദായിരുന്നു.മുസ്ലിം സമുദായത്തിന്റെ രാഷ്ടീയ അരക്ഷിതാവസ്ഥ മുതലെടുത്ത് ,സമുദായ രാഷ്ടീയത്തെ കൂടെ നിർത്തി- വഹാബികൾ വളർച്ചയുടെ പടവുകൾ സ്വപ്നം കണ്ടപ്പോൾ പ്രതിരോധത്തിന്റെ ഉരുക്കു കോട്ടയുമായി എതിർത്ത് നിന്നതും ലക്ഷ്യം കണ്ടതും കാന്തപുരം മാത്രമായിരുന്നു.പിന്നെക്കണ്ടത് ആദർശ യുദ്ധമായിരുന്നു. ഖുർആനും ഹദീസും വളച്ചൊടിച്ച് സമുദായ ചിലവിൽ വളരാൻ ശ്രമിച്ച ബിദഇകളെ കൊട്ടപ്പുറത്തിന്റെ മണ്ണിൽ പിടിച്ച് കെട്ടി മലത്തിയടിച്ചതുമീ കാന്തപുരമായിരുന്നു. ആദർശ പരമായി സുന്നികളെ ഒരു ചുക്കും ചെയ്യാൻ കഴിയില്ലെന്ന് തിരിച്ചറിഞ്ഞ വഹാബി മൗദൂദാതി കൂട്ടങ്ങൾ -'പാരമ്പര്യ വാദി ,പഴഞ്ചൻ' തുടങ്ങിയ വിളിപ്പേരുമായി ന്യൂ ജനറേഷന്റെ മുന്നിൽ സുന്നികളെ ഇകഴ്ത്താനൊരു വിഭല ശ്രമം നടത്തി നോക്കി. വിവാഹമോ  പൊതു പരിപാടിയോ വന്നാൽ, മേൽ പറഞ്ഞ തമ്പുരാക്കൻമാർ കസേരയിട്ട് കാലിമേൽ കാലും കയറ്റി വച്ചിരിക്കും. പണ്ഡിതർ ഓഛാനിച്ച് പിറകിൽ നിൽക്കണമായിരുന്നു. ''വേദം ചുമക്കുന്ന കഴുതകളെന്ന് '' ശംസുൽ ഉലമയുൾപ്പെടെയുള്ളവരെ - സ്റ്റേജിലിരുത്തി, പ്രമുഖനായൊരു ലീഗ് ബിദഇ വിശേഷിപ്പിച്ചത് നാമാരും മറന്നിട്ടില്ല.

                  കാന്തപുരം കർമ്മ രംഗത്ത് കാലുറപ്പിച്ചതോടെ ഉസ്താദുമാർ സമൂഹത്തിന്റെ അഭിമാനികളായി മാറുകയായിരുന്നു.സുന്നത്ത് ജമാഅത്തിന്റെ പണ്ഡിതർ G M C യിലും മറ്റ് വില കൂടിയ അത്യാധുനിക വാഹനങ്ങളിലും തലങ്ങും വിലങ്ങും പാഞ്ഞപ്പോൾ പഴയ തമ്പുരാക്കൻമാർ ഓടിയ വഴി കണ്ടില്ല എന്നതാണ് സത്യം. കമ്മിറ്റിക്കാരുടെയും രാഷ്ട്രീയക്കാരുടെയും മുന്നിൽ ഓഛാനിച്ച് നിൽക്കുന്ന കീഴ്വഴക്കം തകർത്തെറിഞ്ഞ് അറബിക്കടലിൽ തള്ളിയത് കാന്തപുരമായിരുന്നു. ''കാൽ കാശിന് ഗതിയില്ലാത്തവർ ''എന്ന അഡ്രസിൽ നിന്ന് , മൂവായിരം കോടിയുടെ ഡ്രീം പ്രൊജക്ടായ നോളജ് സിറ്റി സമുദായത്തിന്റെ കൈ വെള്ളയിലേക്ക് വച്ചു കൊടുത്തതോടെ സംഗതിയാകെ തല കുത്തി മറിഞ്ഞു. 'ഞങ്ങക്കും പറ്റും. പക്ഷേ ലക്ഷ്യമതല്ലാത്തതു കൊണ്ട് ഞങ്ങളതിനില്ലെന്ന് ' ,നോളജ് സിറ്റിയെ പേരെടുത്ത്   , 'ബഹുമാനപ്പെട്ട' ഒരു നേതാവ് പറയുമ്പോൾ   ,വെറും നൂറു കോടി ഒപ്പിക്കാൻ - മരണ വാർത്തയുടെയും മയ്യിത്ത് നിസ്കാരത്തിന്റെയും മൊഗാ ഓഫറിന്റെ എപ്പിസോഡുമായി പിന്നാമ്പുറ ചിട്ട വട്ടങ്ങൾ കലങ്ങി മറിയുന്നതും ,ലക്ഷ്യവും മാർഗവും രണ്ടാണെന്ന എമണ്ടൻ ന്യായീകരണവുമായി കോമഡിയിറക്കുന്ന ഓൺലൈൻ പോരാളികളുടെ ദയനീയതയുമോർക്കാനാർക്കെവിടെ സമയം... പഴയത് പറയരുതാത്തതാണ്. പക്ഷേ ,ചില വിജയങ്ങൾ വരച്ചിടണമെങ്കിൽ അതിനായതിജയിച്ച വെല്ലുവിളികളുടെ ചില ചിത്രങ്ങളെങ്കിലും വർത്തമാനകാലത്തേക്ക് മറനീക്കേണ്ടി വരും. വിരൽ ചൂണ്ടപ്പെടുന്നവർക്ക് സങ്കടമാകുന്നുണ്ടെങ്കിൽ, മനപൂർവ്വമല്ല- ക്ഷമിക്കുമല്ലോ...!

               അസൂയാലുക്കൾ കളം നിറഞ്ഞാടുമ്പോളും അറബിക്കടലിനെയും തോല്പിച്ചീ കാന്തപുരം നിറഞ്ഞൊഴുകുകയാണ്.''പണ്ഡിതരിലെ പ്രഫഷണൽ'' എന്ന് പണ്ടൊരിക്കൽ മലയാള മനോരമ വിശേഷിപ്പിച്ചത് വെറുതെയല്ല. രാജ്യത്തിന്റെ ഭരണ സിരാകേന്ദ്രങ്ങളും നീതി പാലകരും നിയമ വൃത്തങ്ങളും പത്രക്കാരുമെന്ന് വേണ്ട സകല ജനങ്ങൾക്കും സുപരിചിതമായൊരു പണ്ഡിത നാമമീ കാന്തപുരത്തിന്റേതു മാത്രമാണ്. ധിഷണാപരമായി ഇന്ത്യൻ മുസ്ലിമിന് നേതൃത്വം കൊടുക്കാനുള്ള ആ കഴിവും നേതൃപാടവവും പാണ്ഡിത്യവും തിരിച്ചറിഞ്ഞതു കൊണ്ടാണ് സയ്യിദ് അലവി മാലിക്കി മക്കയെപ്പോലുള്ള ശൈഖ് സബാഹ് രിഫാഇയെപ്പോലുള്ള വിശ്രുത പണ്ഡിതർ ,''സുൽതാനുൽ ഉലമ ,ഖമറുൽ ഉലമ'' എന്നൊക്കെ അഭിമാനപൂർവ്വം നീട്ടി വിളിച്ചത്.

             എന്ത് ചെയ്യാൻ... പ്രസ്തുത വിളിപ്പേരുകൾ ഇടിത്തീ പോലെ ചിലരുടെ മേൽ പതിച്ചത് വിധിയാണ് സാർ... ആ പേരിൽ ഇനിയും കാന്തപുരത്തിന് നേരെ കുതിര കയറാതെ സ്വയം സമാധാനിക്കുക. അതേ വഴിയുള്ളു...

                 പക്ഷേ ,വിമർശന വീചികളിലെ ശത്രുസാന്നിധ്യമായി കുപ്പായമണിഞ്ഞ ജമാഅത്തുകാരന്റെ മാധ്യമം 1989 ൽ തന്നെ ചിലത് തുറന്ന് പറയാൻ നിർബന്ധിതരായി. വിഴുങ്ങിയും വിക്കിയും അവർ പറഞ്ഞൊപ്പിച്ചത് എതിർക്കാനായിരുന്നെങ്കിലും അതിലെ പല വരികളുമിന്ന് വെള്ളിമാടു കുന്നിലെ ചെരിഞ്ഞ ഇസ്ലാമിയുടെ ഹെഡ് ക്വാർട്ടേഴ്സിനിന്ന് ഉറക്കമില്ലാ രാവുകളാണ് സമ്മാനിക്കുന്നത്. കാര്യങ്ങളിന്ന് അവരുടെ പ്രതീക്ഷകളുടെയും അപ്പുറത്തേക്ക് പ്രകാശ വേഗതയേയും കവച്ചു വച്ചാണ് കുതിക്കുന്നത്.... ആ വരികളിങ്ങിനെ...

"തലപ്പാവും തൊപ്പിയും കണ്ടിട്ടോ മതപ്രസംഗത്തിലെ അസഹിഷ്ണുതാ പരമായ പരാമർശങ്ങൾ കേട്ടിട്ടോ എ. പി ഒരു #സാധാരണ_മുസ്ലിയാരാണെന്ന് കരുതിയെങ്കിൽ നിങ്ങൾക്ക് തെറ്റി. #കരുത്തുറ്റ ഒരു #സംഘാടകനാണദ്ദേഹം.#കാരന്തൂരിലെ_സുന്നി_മർക്കസ് എ പി യുടെ സംഘടനാ വൈഭവത്തിൻറ മികച്ച ഉദാഹരണമാണ്.ഒരു കാലത്ത് ആരാരുമറിയാതെ ഒരു പളളിയിൽ മതാധ്യാപകനായി ഒതുങ്ങി കൂടിയ എ പി. ഇന്ന് കേരളത്തിലെ ഒരു വിഭാഗം #മുസ്ലിം_ജന_സാമാന്യത്തിൻറ_കിരീടം_വെക്കാത്ത_രാജാവായതിൻറ പിന്നിൽ ഈ വൈഭവം മാത്രമാണുളളത്."....(മാധ്യമം: 20 -1-1989).

                     സമുദായത്തിലെ v i p കളെന്ന പലരുടെയും അഹങ്കാരത്തിന് കടിഞ്ഞാണിട്ട് കാന്തപുരം തൊണ്ണൂറിന്റെ ഓരത്തും കിതക്കാതെ കുതിക്കുകയാണ്.അതേ സാർ... 1989 ലങ്ങിനെയായിരുന്നെങ്കിലിന്ന് ,ലോകം 2020 ലെത്തി... കാന്തപുരമിന്ന് ഇന്ത്യയിലെ മുസ്ലിം ജനസാമാന്യത്തിന്റെ കിരീടം വക്കാത്ത രാജാവായി വിലസുകയാണ്. വിമർശനങ്ങളെ പൂച്ചെണ്ടുകളായി സ്വീകരിച്ച് ...ചില്ലുമേടയിലിരുന്ന് കല്ലെറിയുന്നവർക്ക് നേരെ പുഞ്ചിരിയുടെ പൂത്താലങ്ങളുമായി...

                       ഇതു വരെ അങ്ങയെ നേരിട്ട് കണ്ടിട്ടില്ല... എന്നാലും താങ്കൾ നില കൊള്ളുന്ന നാട്ടിൽ- ഒരു  കേരളക്കാരിയാകാൻ ഭാഗ്യം ലഭിച്ചതിൽ അഭിമാനം തോന്നുന്നു ഉസ്താദ്... ഒന്നുകൂടി... താങ്കളുടെ ഉയർച്ചയിലും വളർച്ചയിലും അസൂയയുണ്ടെനിക്ക്... അതിലുപരി ,ഒരു മലയാളി ആണല്ലോ എന്നതിന്റെ സ്വകാര്യ അഹങ്കാരവും... അട്ടയുടെ കണ്ണ് കണ്ട രാഷ്ടീയ ചാണക്യൻമാർ അങ്ങയുടെ മുന്നിൽ പഞ്ചപുഛമടക്കി നിൽക്കാൻ മത്സരിക്കുമ്പോൾ... എന്റെ കൂട്ടുകാരികളിൽ പലരും ചോദിച്ചിട്ടുണ്ട്- ''എന്താണീ മാജിക്കിന്റെ ലോജിക്കെന്ന്...?...''. അങ്ങ് ലോകത്തിനെന്നും വിസ്മയമാണ്... വിലയിരുത്തപ്പെടാൻ കഴിയാത്ത പ്രോജ്വലമായ വർണ്ണ വിപ്ളവ വിസ്മയം...!

                     ''കൈതപ്പൊയിലിൽ പണിയുന്ന സ്വപ്ന പദ്ധതിക്ക് കോഴിക്കോട് സ്വപ്ന നഗരിയിൽ തറക്കല്ലിട്ട ആ സ്വപ്ന വൈഭവം'' സ്വപ്നത്തിൽ പോലും തിരിച്ചറിയാൻ കഴിയാത്ത വികാര ജീവികൾ ഇന്നും തല തല്ലിക്കരയുകയാണ്. ആര് എന്തൊക്കെപ്പറഞ്ഞാലും, ഉസ്താദ് കാന്തപുരത്തിന് പകരം വക്കാനാളില്ലെന്ന് തുറന്ന് സമ്മതിച്ച- ശത്രു പക്ഷത്ത് സ്വയം അവരോധിതനായ  പ്രമുഖ നേതാവിനെ ഞാനോർത്തു പോകുന്നു.'' ഇന്ത്യയിലെ മുസ്ലിം ന്യൂനപക്ഷത്തിനൊരു ദേശീയ നേതാവ് വേണം. എടുക്കാനുണ്ടോ നിങ്ങളുടെ കരങ്ങളിൽ...?...'' - എന്ന ടൈറ്റിലിൽ ഞാനെഴുതിയ ലേഖനത്തിന് പരിഭവം പറയാനെത്തിയതായിരുന്നു കക്ഷി...!... കാന്തപുരത്തിന്റെ പടയോട്ടത്തിന്റെ പ്രോജ്വല പ്രഭകളായ സ്ഥാപന സമുഛയങ്ങൾ ചർച്ചയിലെത്തിയപ്പോൾ തുടക്കമിട്ടത് ഗുജറാത്തിൽ... മഹാത്മാ ഗാന്ധിജിയുടെ ജന്മ നാട്ടിലെ കാന്തപുര വിശേഷങ്ങളിലേക്ക് തിരിഞ്ഞപ്പോൾ , അവിടുന്ന് കാശ്മീരിലേക്ക് കടക്കാൻ പോലും സമ്മതിക്കാതെ ,അദ്ധേഹം ആയുധം വച്ച് കീഴടങ്ങി...

                      അതേ സാർ ,സ്വന്തം കിടപ്പാടവും മാതാപിതാക്കളും ചവിട്ടി നിന്ന മണ്ണുമുൾപ്പെടെ സകലതും ഒന്നിരുട്ടി വെളുത്തപ്പോൾ വെന്തു വെണ്ണീറായ കുഞ്ഞു കുരുന്നുകൾ- ഗാന്ധിജിയുടെ നാട്ടിൽ - ഗുജറാത്തിന്റെ മണ്ണിൽ,നാൽക്കവലകളിലിറങ്ങി നിന്ന് പാതി ജീവനുകളുമായി എട്ടുദിക്കും പൊട്ടുമാറുച്ചത്തിൽ സകലതും മറന്ന് നിലവിളിച്ചപ്പോളാ കണ്ണ് തുടക്കാൻ ധൈര്യസമേതം ഓടി എത്തിയത് കാന്തപുരമായിരുന്നു. സംശയമുണ്ടെങ്കിൽ നിങ്ങളവിടെ ചെന്നു നോക്കൂ... അത്യാധുനിക മെഡിക്കൽ കോളേജും അഗതി അനാഥ മന്ദിരങ്ങളും വൈജ്ഞാനിക സ്ഥാപന സമുശ്ചയങ്ങളുമുൾപ്പെടെ എണ്ണിയാലൊടുങ്ങാത്ത ആധുനിക ആതുര വൈജ്ഞാനിക സൗധങ്ങളുടെ നീണ്ട നിര നിങ്ങൾക്കവിടെ ദർശിക്കാം... ഇന്നവർ എല്ലാം മറന്ന് പിച്ച വക്കുകയാണ്... ജീവിതത്തിലേക്ക്... കരുത്തനായ കാന്തപുരത്തിന്റെ കൈ പിടിച്ച് ... പ്രതീക്ഷയുടെ പൊൻ കിരണങ്ങളുമായി ...

                 40 കോടി എവിടെ എന്ന് ചോദിച്ചവർക്ക് മൂവായിരം കോടിയുടെ ഡ്രീം പ്രൊജക്ടായ നോളജ് സിറ്റി കൈ വെള്ളയിലേക്ക് വച്ച് കൊടുത്തിട്ട് കാന്തപുരം വണ്ടി കയറിയത് ഭരണ സിരാ കേന്ദ്രമായ ഡെൽഹിയിലേക്ക്... ഇന്ത്യയുടെ ഇന്ദ്ര പ്രസ്ഥത്തിന്റെ ഇടനാഴികളിൽ ഈ ഉസ്താദ് എത്തുന്നത് ഇതാദ്യമല്ല. ജനങ്ങളാൽ തിരഞ്ഞെടുക്കപ്പെട്ട MLA യോ MP യോ ഒക്കെ ദിവസങ്ങളോളം കാത്ത് കെട്ടിക്കിടക്കണം ഒരു അപ്പോയ്മെന്റിന്... പക്ഷേ ,ഈ ഉസ്താദ് വരുന്നു ,കാണുന്നു , കാര്യങ്ങൾ അവതരിപ്പിക്കുന്നു ,നിറപുഞ്ചിരിയുടെ നക്ഷത്രത്തിളക്കവുമായി തിരിച്ചു പോകുന്നു... ഇതാണ് ഈ ഉസ്താദിന്റെ പവർ... മസിൽ പവറോ മണി പവറോ അല്ല- പടച്ചവൻ കൊടുത്ത ഇസ്സത്തിന്റെ പവറാണ്.കേരളവും ഇന്ത്യയും ആര് ഭരിച്ചാലും അധികാരത്തിന്റെ ഇടനാഴികളിൽ സമുദായ സങ്കടങ്ങളുമായി ഈ വന്ദ്യവയോധികൻ എപ്പോളുമുണ്ടാകും. ഉപചാരത്തിന്റെ ആചാര വെടി മുഴക്കി ഭരണ കർത്താക്കളും...!... പ്രധാന മന്ത്രിയെക്കാണാൻ ആഴ്ചകൾക്കു മുന്നേ അപ്പോയ്മെന്റെടുത്ത് തലേന്ന് മുതൽ കാത്തിരിക്കേ, അവിചാരിതമായി ഒരു തൂവെള്ള വസ്ത്രധാരി കടന്ന് വന്ന് മിന്നൽ സന്ദർശനം നടത്തി VIP പരിഗണനയോടെ തിരിച്ച് പോയത് കാന്തപുരമെന്ന നാലക്ഷരത്തിലൂടെ ,ഏതോ ഒരു MP മുൻപൊരിക്കലെവിടെയോ കുറിച്ചിട്ടത് ഓർമയിലേക്കോടി എത്തുന്നു. എന്തിനേറെ ,നാഗ്പൂരിൽ പോലും ഉസ്താദിനിന്ന് സ്ഥാപന സമുശ്ചയങ്ങളുണ്ട്. എന്റെ പ്രിയപ്പെട്ട ''ആസിഫ''ക്കുട്ടിയുടെ ഗോത്രക്കാർക്കായി അവരുടെ നാട്ടിൽ അവരുടെ ഉന്നമനത്തിനായി ഉത്തമമായൊരു സ്ഥാപന സമുഛയം പ്രവർത്തനമാരംഭിച്ചത് ഇന്നലെയായിരുന്നു. ''എണ്ണാമെങ്കിൽ എണ്ണിക്കോളൂ'' എന്ന് പറഞ്ഞ് ഒരറ്റത്ത് നിന്ന് എണ്ണിത്തുടങ്ങിയാൽ ഉടനെയെങ്ങും അവസാനിക്കില്ലെന്ന് ചുരുക്കം...ഇതൊന്നും കണ്ടിട്ട് ഉൾക്കൊള്ളാൻ കഴിയാത്തവർ ശത്രു റോളിൽ തിമിർത്താടുന്നതു കാണുമ്പോൾ സഹതാപം മാത്രം...

                   തന്റെ ഭരണകാലത്ത് സമുദായ സങ്കടങ്ങളുമായി ഡൽഹിയുടെ അധികാര ഇടനാഴികളിൽ തുടരെത്തുടരെ സന്ദർശനം നടത്തിയ ഒരേ ഒരു വ്യക്തി ,അത് ഉസ്താദ് കാന്തപുരമാണെന്ന് - മുൻ പ്രധാനമന്ത്രി ദേവഗൗഡ സാർ പറഞ്ഞത് ,അറിയാതെ ഈയുള്ളവളുടെ മനസിലേക്കോടി എത്തിയത് സ്വാഭാവികമാകാം...

                    

                      അതേ സാർ... കാന്തപുരം കാൽ  വക്കുന്നത് ധാർമ്മികതയുടെ ചവിട്ടുപടിയിലാണ്... കൈ വക്കുന്നത് സനാതന മൂല്യങ്ങളുടെ കർമ്മ മണ്ഡലത്തിലും... ഈ ക്രാന്ത ദർശനത്തിനൊരിക്കലും പിന്നിലേക്ക് തിരിഞ്ഞ് നോക്കേണ്ടി വന്നിട്ടില്ല. ഈ നാലക്ഷരത്തെ അറിയാത്തവരിന്ന് കേരളത്തിലുണ്ടോ... ഇന്ത്യയുടെ മുക്കു മൂലകളിൽ -ലോക മുസ്ലിം  നായകരുടെ കാൽകുലേഷനുകളിൽ ഈ നാമം സുപരിചിതമാണിന്ന്... അരിവാൾ സുന്നി യെന്നും താമര സുന്നിയെന്നും തുടങ്ങി - ഭരണ കർത്താക്കളുടെ മുഴുവൻ പേര് കൂട്ടി ശത്രുക്കൾ നീട്ടി വിളിച്ചാശ്വസിക്കുമ്പോളും ഇന്ത്യൻ മുസൽമാന്റെ ആധികാരിക ശബ്ദമായി ''ശൈഖ് അബൂബക്കർ അഹമദ് എന്ന  കാന്തപുരം'' നിറഞ്ഞോടുകയാണ് ... തൊണ്ണൂറുകളുടെ ഓരത്തും കിതപ്പില്ലാത്ത കുതിപ്പുമായി... മലകളെപ്പോലും മറിച്ചിടുന്ന മനക്കരുത്തുമായി...

                      ഒരു രൂപയുടെ പേന വാങ്ങാൻ ചെന്നാൽ, മോല്യാരുടെ മുഖത്തേക്ക് ''ഒരു രൂപയാട്ടോ '' എന്ന അർത്ഥത്തിൽ പീടികക്കാരൻ നോക്കുന്നൊരു കാലത്ത് ,ഒരു കോടിയുടെ ഡ്രീം പ്രൊജക്ടുമായി കാരന്തൂർ മർകസിനെ ലോഞ്ചിംഗ് പൊസിഷനിൽ ഫോക്കസ് ചെയ്യിച്ചപ്പോൾ  കാന്തപുരത്തെ കളിയാക്കിയവർ, ''കാന്തപുരമല്ലേ ,ഒരു കോടിയല്ലേ അയാൾക്കതീസി'' എന്ന് പറഞ്ഞ് പിന്നീട് തടിയൂരിയത്രെ... 40 കോടിയുടെ പ്രൊജക്ട് വന്നപ്പോളും പഴയ സ്വഭാവം കാണിച്ച അതേ കൂട്ടർക്ക് മൂവായിരം കോടിയുടെ വെടിക്കെട്ട് ഇന്നിംഗ്സാണ് കാന്തപുരം കാഴ്ചവച്ചത്... വഴി മുടക്കാൻ കാത്തു നിന്ന മുക്കൂട്ട് മുന്നണികൾ ഇളിഭ്യരായി ഓടയിലൊളിച്ചത് അവരുടെ സ്വന്തം അണികളിൽ പോലും വല്ലാത്ത അസ്വസ്തതയാണ് സൃഷ്ടിച്ചത്... ''ഇനിയെങ്കിലും കാന്തപുരത്തിന്റെ പിറകേ കൂടി ചെരിപ്പും തേഞ്ഞ് ആയുസും പാഴാകുന്ന ഈ ഏർപ്പാട് നിർത്തിക്കൂടേ''- എന്ന അണികളുടെ ചോദ്യം കേൾക്കാനപ്പുറത്ത് നേതാക്കളില്ല. അവരെല്ലാം എപ്പോളേ തലയിൽ മുണ്ടിട്ട് മുങ്ങിയിരുന്നു... അതേ സാർ... നോളജ് സിറ്റിയും ശില്പി കാന്തപുരവും മുസ്ലിം ഇന്ത്യയുടെ ഹൃദയ ഭിത്തികളിൽ തങ്കലിപികളാൽ ആലേഘനം ചെയ്യപ്പെട്ടു കഴിഞ്ഞു... അതിനെ മറി കടക്കാനൊരു കുട്ടിയും ഇന്ത്യയിൽ നിലവിലില്ല. ''ഉണ്ടെങ്കിൽ കാണിച്ചു തരൂ'' എന്ന് പറഞ്ഞാൽ മറുപക്ഷത്താളില്ലാത്ത വിധം ശൂന്യമാണ് എതിരാളികളുടെ തട്ടകങ്ങൾ.പല്ലും നഖവുമുപയോഗിച്ച് മാക്സിമം എതിർക്കാൻ ശ്രമിക്കുമ്പോളും - ഇന്ത്യൻ മുസൽമാന്റെ പകരക്കാരനില്ലാത്ത അമരക്കാരനാണീ കാന്തപുരമെന്ന സത്യം മനസാ അവരും അംഗീകരിക്കുന്നുണ്ട്. ഇനി അവശേഷിക്കുന്നത് ഈഗോ മാത്രമാണ്... അതിന് ചെവി കൊടുക്കാതെ കാന്തപുരം തന്റെ ചരിത്ര ദൗത്യയാത്ര തുടരുകയാണ്... നെഞ്ചകം പൊട്ടി നിലവിളിക്കുന്ന ഇന്ത്യൻ മുസ്ലിമിന്റെ അഭിമാന അടയാളമായവിടുന്ന് പൂർവോപരി ശോഭിക്കുകയാണ്.

                      ''ഞങ്ങളുടെ അഭിവന്ദ്യ നേതൃത്വമാണ്. കാന്തപുരം എന്ന് നിങ്ങൾ അഭിസംബോധന ചെയ്യരുത് '' എന്ന പ്രതികരണം ഫാതിമ കേൾക്കാഞ്ഞിട്ടല്ല. എന്താണെന്നറിയില്ല... ആ നാലക്ഷരത്തിന് വല്ലാത്തൊരു ഭംഗിയാണ് .പതിനാലാം രാവിലെ പൂർണ ചന്ദ്രനെയും വെല്ലുന്ന മനോഹാരിത... ആ നാലക്ഷരം ഒഴിവാക്കി - ആ വശ്യ മനോഹാരിത നഷ്ടപ്പെടുത്താൻ എനിക്കെന്തോ കഴിയുന്നില്ല. മനസ് ഒട്ടും സമ്മതിക്കുന്നില്ല. വേണ്ടപ്പെട്ടവർ ക്ഷമിക്കുമെന്ന് കരുതുന്നു.ഇന്ത്യൻ മുസ്ലിമിന്റെ ആധുനിക ഉയർത്തെഴുന്നേൽപിന്റെ കഥ പറയാൻ തൂലിക എടുക്കുമ്പോൾ കാന്തപുരമെന്ന നാലക്ഷരത്തെ ഒഴിവാക്കാൻ ശ്രമിക്കാഞ്ഞിട്ടല്ല. പിന്നെയത് വട്ടപ്പൂജ്യമായിപ്പോകുമെന്ന യാഥാർത്ഥ്യത്തിന് മുന്നിൽ തല കുനിക്കുന്നു. ആരോപങ്ങളുടെ കൂരമ്പുകളെയ്ത് ശരശയ്യയിൽ കിടത്താമെന്ന ചിലരുടെ വ്യാമോഹങ്ങൾക്ക് കർമ്മത്തിലൂടെ കരുത്തുറ്റ മറുപടി നൽകിക്കൊണ്ടാ മഹാമനീഷി നടന്നു നീങ്ങുകയാണ് ,ഈ സമൂഹത്തിന് വേണ്ടി... പുതുചരിത്രത്തിന്റെ പിറവിക്ക് ചുക്കാൺ പിടിച്ച് ...

          

                     അതേ സാർ... ആദർശ ,വൈജ്ഞാനിക തേരോട്ട പോരാട്ട പടയോട്ടങ്ങളുമായി കാന്തപുരമെന്ന നാലക്ഷരമിന്ന് ഇന്ത്യയുടെ ഭൗമ മണ്ഡലത്തിൽ ഫിനിക്സ് പക്ഷിയെയും വെല്ലുന്ന രൂപത്തിൽ കുതിച്ചുയരുകയാണ്... ഒരാൾക്കുമെത്തിപ്പിടിക്കാനാകാത്ത മൈലേജിൽ ... കിതക്കാത്ത കുതിപ്പുമായി... സമുദായത്തിന്റെ പ്രതീക്ഷകൾ മുഴുവനിന്നദ്ധേഹത്തിലാണ്... ഒന്നുകിൽ, സമുദായ നൻമക്കായി ഒപ്പം ചേരുക. കഴിയില്ലെങ്കിൽ വഴി മുടക്കാതെ വഴി മാറുക. ഇനിയെങ്കിലും സ്വയം പരിഹാസ്യരാകാതെ...

                കാന്തപുരത്തെപ്പോലുള്ള ഒരേ ഒരു  നേതൃത്വം കൂടി ഉത്തരേന്ത്യയിലും മറ്റുമുണ്ടായിരുന്നെങ്കിൽ ഇന്ത്യൻ മുസ്ലിംകൾ ആർക്കും എത്തിപ്പിടിക്കാനാകാത്ത തലത്തിലെത്തിപ്പെടുമായിരുന്നു എന്ന- പ്രമുഖന്റെ വാക്കുകളറിയാതെ ഓർത്തു പോകുന്നു.  

                  അവസാനമായി ഒന്നുകൂടി...  ഏഷ്യയിലെ ഏറ്റവും വലിയ അത്യാധുനിക, ആത്മീയ  വൈജ്ഞാനിക ഗേഹവും ജനലക്ഷങ്ങളുടെ പ്രതീക്ഷയും ആശാ കേന്ദ്രവും, ഇനി ഒരു പരിചയപ്പെടുത്തൽ ആവശ്യമില്ലാത്ത വിധം ജനകോടികളുടെ മനസകങ്ങളിൽ സ്ഥിരപ്രതിഷ്ട നേടിയതുമായ #മർകസുസ്സഖാഫത്തി_സുന്നിയ്യയുടെ_നാല്പത്തി_മൂന്നാം_ഐതിഹാസിക_സമ്മേളനം ഈ വരുന്ന #ഏപ്രിൽ 9,10,11,12 തിയ്യതികളിൽ നടക്കുകയാണ്. വർത്തമാന കാല ലോകത്തിന്റെ ഹൈടെക് സിറ്റിയും അത്യാധുനിക ആത്മീയ ഭൗതിക അറിവിന്റെ അവസാന വാക്കുമായി കർമ്മ രംഗത്തേക്ക് കാലൂന്നുന്ന നോളജ് സിറ്റിയുടെ നറുമണം പരക്കുന്ന ഈ സമ്മേളനത്തിന് നിങ്ങളെയും കാത്ത് ഇന്ത്യയുടെ സ്വന്തം കാന്തപുരമുസ്താദ്... നിങ്ങളെ സ്വീകരിക്കുന്നതിന്റെ മുന്നോടിയായി ,സമ്മേളന സംവിധാനങ്ങളുടെ പ്രൗഡോജ്വലതയുടെ തുടക്കമെന്നോണം -ബ്രിട്ടനിലും അമേരിക്കയിലും യൂറോപ്യൻ കൺട്രീസിലും ദുബൈയിലും UAE യിലും ഖത്തറിലും ഇറാഖിലും കുവൈത്തിലും ഒമാനിലും ചൈനയിലും ദക്ഷിണാഫ്രിക്കൻ മേഖലകളിലുമെന്നു വേണ്ട- ലോകത്തിന്റെ ഒട്ടുമിക്ക രാജ്യങ്ങളിലുമായി പരന്നു കിടക്കുന്ന തന്റെ പതിനായിരത്തിലധികം ശിഷ്യഗണങ്ങളെ വിളിച്ചു ചേർത്തു കഴിഞ്ഞു- നോളജ് സിറ്റിയിൽ...

                     ഓടിക്കളിച്ചൊരക്ഷര മുറ്റത്ത് ,ഓർമ്മകളുടെ ഓളപ്പരപ്പുകളെ ഓർത്തെടുത്ത് ,ഓജസുറ്റ പ്രിയപ്പെട്ട ടീച്ചറുടെ കൈ പിടിച്ച് പുതിയ പ്രതീക്ഷകൾക്ക് ചിറകു മുളപ്പിച്ചു കൊണ്ടരത്ഭുത കൂട്ടായ്മ... എന്ത് രസമായിരിക്കുമത്... പങ്കെടുത്തവരെത്ര ഭാഗ്യവാൻമാർ...ഒരു പൂർവ്വ വിദ്യാർത്ഥിയെ സംബന്ധിച്ച് ഇതിലും മഹത്തായൊരു ഭാഗ്യമെന്താണ്... അത് പക്ഷേ... ഏഷ്യയിലെ ഏറ്റവും വലിയ അത്യാധുനിക, ആത്മീയ  വൈജ്ഞാനിക ഗേഹവും ജനലക്ഷങ്ങളുടെ പ്രതീക്ഷയും ആശാ കേന്ദ്രവുമായ മർകസുസ്സഖാഫത്തി സുന്നിയ്യയുടെ തിരുമുറ്റത്താകുമ്പോൾ... അല്ല , വർത്തമാന കാല ലോകത്തിന്റെ ഹൈടെക് സിറ്റിയും അത്യാധുനിക ആത്മീയ ഭൗതിക അറിവിന്റെ അവസാന വാക്കുമായി കർമ്മ രംഗത്തേക്ക് കാലൂന്നുന്ന നോളജ് സിറ്റിയുടെ നാലുകെട്ടിനുള്ളിലാകുമ്പോൾ... ഉസ്താദിന്റെയും ശിഷ്യരുടെയും കണ്ണുകൾ വർത്തമാന കാല സമസ്യകൾക്കു മീതേ പുതുയുഗത്തിന്റെ പുനർനിർമിതിക്കായി കാഹളം മുഴക്കുമ്പോൾ ,ലോകത്തിന്റെ ശ്രദ്ധ ,അറിയാതെ മർകസിലേക്ക് തിരിയുകയായി ...

               #സമ്മേളനത്തിന്റെ_തുടക്കം_മുതൽ_ഉണ്ടാകണം_നിങ്ങളവിടെ... ''മറ്റു തിരക്കുകൾ സ്വാഭാവികമാണ്. അത് നിങ്ങളേയും കൊണ്ടേ പോകൂ ''- എന്നത് മറക്കരുത്. ഈ ലോകത്തു നിന്ന് നാം മറയുന്നതിന് മുമ്പ് ഇത്തരം ചില ധന്യമായ നിമിഷങ്ങൾ നമ്മുടെ അക്കൗണ്ടിലുണ്ടാകണം. ഗൾഫിൽ നിന്ന് ചാര്ട്ട് ചെയ്ത പ്രത്യേക വിമാനങ്ങളിൽ പോലും  അടങ്ങാത്ത ആവേശത്തോടെ പറന്നെത്തിയ -പോയ കാല സമ്മേളന വിശേഷങ്ങൾ വായിച്ചെടുക്കുമ്പോൾ ,ഈ പാവം ഫാതിമയുടെ  കണ്ണുണുകളറിയാതെ നിറയുന്നു. അറിവിനോടും ഉസ്താദുമാരോടും സംഘടനാ സംവിധാനങ്ങളോടും നിങ്ങൾ കാട്ടുന്ന സ്നേഹം കാണുമ്പോൾ - ഒന്നുമാത്രം പറയുന്നു- എന്തുകൊണ്ടും നിങ്ങളോരോരുത്തരുടേയും ജീവിതം ധന്യമാണ്.നിങ്ങളുടെ മുൻ നിരയിലുള്ളതാകട്ടെ-തൊടുന്ന മേഖലകളിലെല്ലാം കനകം വിളയിക്കുന്ന - മലയാളികളുടെ സ്വന്തം കാന്തപുരം... അറബികളുടെ സ്വന്തം ശൈഖ് അബൂബക്കർ അഹമ്മദ്... ഒന്നുറപ്പ്-പ്രൗഡമാണ് നിങ്ങളുടെ നേതൃത്വം. അതിന് പിന്നിലണി നിരന്ന നിങ്ങളോരോരുത്തരും മഹാഭാഗ്യവാൻമാരാണ്. എന്തിനേറെ ,ഉസ്താതാദ് കാന്തപുരത്തിന് പിന്നിലണി നിരന്ന കൊച്ചുകുട്ടികൾ വരെ തികച്ചും ധന്യരാണിന്ന്.SSF കാരുടെ മുഖത്ത് നോക്കി-''നിങ്ങൾ അർഷിന്റെ തണലിലാണെന്ന് ലോകത്തോട് പ്രഖ്യാപിച്ച സൂഫീ വര്യനായ വടകര മമ്മദാജി തങ്ങളെ [ഖ:സി] ഇത്തരുണത്തിൽ പ്രത്യേകമോർത്തു പോകുന്നു...

                  കാശ്മീരിന്റെ  കുന്നിൻ ചെരുവുകളിൽ ഭീകര താണ്ഡവങ്ങളുടെ ക്രൂരതകൾക്കു മുന്നിൽ നെഞ്ചകം പൊട്ടുന്ന കുരുന്നു മക്കൾ പ്രതീക്ഷയുടെ പൊൻകിരണങ്ങൾക്കായി നോട്ടമിടുന്നതും നീട്ടി വിളിക്കുന്നതും ഇന്ത്യയുടെ സ്വന്തം 'അബൂബക്കർ സാബിനെ'യാണെന്നറിയുമ്പോൾ... ഇന്ത്യൻ  മുസ്ലിംകൾ അതിജീവനത്തിന്റെ  സ്വപ്നങ്ങളുമായി ബലമായി ചേർത്തു പിടിക്കുന്നതാ കരങ്ങളാണെന്നറിയുമ്പോൾ... ദീർഘായുസിന്റെ പ്രാർത്ഥനാ മന്ത്രങ്ങളുമായി കുരുന്നുകളുടെ കുറുമ്പുകൾക്കൊപ്പമീ പാവം ഫാതിമയും അണി ചേരുന്നു. ആഫിയത്തേകണേ അല്ലാഹ്... നിങ്ങളുടെ പ്രാർത്ഥനാ മനസുകളിൽ ഈ കുഞ്ഞനുജത്തിക്കുമൊരു സ്ഥാനമുണ്ടാകുമെന്ന പ്രതീക്ഷയോടെ...പ്രാർത്ഥനാ പൂർവ്വം... ഒത്തിരി സ്നേഹത്തോടെ... സ്വന്തം...

               ✍ #ഫാതിമാ_റഷീദ്...

മക്കാ മുശ്രിക്കിന്റെയും വഹാബികളുടെയും കൂട്ടുദൈവം !

#വഹാബികളുടെ_പടച്ചോൻ...!

#മക്കാ_മുശ്രിക്കിന്റെ_കൂട്ടുദൈവം_വഹാബികളുടെ_പടച്ചോൻ...!

#വഹാബികളുടെ #പടച്ചോനെ #കണ്ടോളൂ... #ഇനി #ആരും #കണ്ടില്ലെന്നു #പറയരുത്...

 മക്കാ മുശ്രിക്കുകളും വഹാബികളും വെടിക്കെട്ട് ബാറ്റിംഗിലാണ്... ക്രീസിൽ സിക്സറുകൾ തന്നെ പായിക്കുന്നു... #സലഫികൾ #വിശ്വസിക്കുന്നത് #മക്കാ / #മുശ്രിക്കുകൾ #വിശ്വസിച്ച #അല്ലാഹുവിലാണത്രെ...!... എന്നാൽ-സുന്നികൾ വിശ്വസിക്കുന്നത് മുത്ത് നബി വിശ്വസിച്ച അല്ലാഹുവിലാണ് മൗലവിമാരേ.... #ഇതാണ് #സുന്നികളും #വഹാബികളും #തമ്മിലുള്ള #മുഖ്യമായ #വ്യത്യാസങ്ങളിലൊന്ന്‌... വിഗ്രഹാരാധകരായ  മക്കാ മുശ്രിക്കിന് സർട്ടിഫിക്കറ്റ് കൊടുത്ത് വിശ്വാസികളാക്കി കൂടെ നിർത്തിയത് എന്തിനാണെന്ന്

ഇപ്പോഴാണ് മനസിലായത്...!

മലക്കുകൾ പെണ്മക്കൾ ആയിട്ടുള്ള, ജിന്നുകൾ ഭാര്യമാർ ആയിട്ടുള്ള, ലാത്ത ഉസ്സ മനാഥ തുടങ്ങിയ കുട്ടി ദൈവങ്ങൾ പങ്കാളികൾ ഉള്ള  പടച്ചോനെ ആരാധിക്കുന്ന മക്കാ മുശ്രിക്കും ,,,

'''അല്ലാഹുവിന്റെ ഇരു കൈകളും (ഇരുഭാഗവും ) വലതു ഭാഗമാണ്[അൽമനാർ 2004 ഡിസംബർ, പേജ് 36]അല്ലാഹുവിന്റെ ഇരു തിരുകരങ്ങൾ. വലതു കൈയിൽ ആകാശങ്ങൾ ഇടതു കൈയിൽ ഭൂമി[അത്തൗഹീദ് പേജ്‌:199] സിംഹാസനത്തിൽ അല്ലാഹു ഇരുന്നു[ഫാതിഹയുടെ തീരത്ത് പേ: 17 KNM]അല്ലാഹു അവന്റെ ഒരു കൈ കൊണ്ട് ഭൂമിയെ മുഴുവനായി ചുരുട്ടിപിടിക്കും.അവന്റെ മറ്റേ കൈ കൊണ്ട് ആകാശത്തെ ചുരുട്ടിപിടിക്കുകയും ചെയ്യും.അവന്റെ രണ്ട് കൈകളും വലതാണ്. അവയിൽ ഇടതില്ല[ അൽ മനാർ മാസിക2007 മെയ്,പേജ്:57]"അന്ത്യ ദിനത്തിൽ അല്ലാഹു ആകാശങ്ങളെ ചുരുട്ടിയെടുക്കും.പിന്നീട് തന്റെ വലതു കൈ കൊണ്ട് പിടിച്ച ശേഷം പറയും.ഞാനാണ് രാജാവ്.എവിടെ അഹങ്കാരികളും ധിക്കാരികളും.ശേഷം ഭൂമിയെ ഇടതു കൈകൊണ്ട് ചുരുട്ടിപിടിക്കും[അൽമനാർ മാസിക2009 ജനു:  പേജ്:24]'''

എന്നൊക്കെപ്പറഞ്ഞ് #അല്ലാഹുവിനെ #വികലാംഗനായും

വലത്തേ കയ്യിലിരിക്കുന്ന ആകാശത്തിലേക്ക് കയറുന്ന #കോമഡി #താരമായും #അവതരിപ്പിച്ച

#വഹാബികളും തമ്മിൽ നല്ല ചേർച്ചയാണ്...ഈനാമ്പേച്ചിക്ക് മരപ്പട്ടി കൂട്ടെന്ന പോലെ...!...ഇത്തരം കള്ളത്തരങ്ങൾ മറച്ചുവക്കാനാണ് സുന്നികൾക്കെതിരിൽ മക്കാ മുശ്രിക്കിനെ മറയാക്കിയതെന്നാരെങ്കിലും സംശയിച്ചാലവരെ കുറ്റപ്പെടുത്താനൊക്കുമോ...?....

🌷മക്കാ മുശ്രിക്കുകളുടെ ആരാധ്യ വസ്തു അല്ലാഹു അല്ല.അവരതിന് അല്ലാഹു എന്ന് പേര് വെച്ചിരുന്നെങ്കിലും ശെരി.കാരണമവർ അല്ലാഹുവിനെ ശെരിക്ക് മനസിലാക്കിയിട്ടില്ലെന്ന് ഇമാം നവവി[റ]

[ശറഹ് മുസ്ലിം1/331]

ഇമാം നവവി(റ)ന് തൗഹീദിൽ കറകളഞ്ഞ നിലപാടുകളായിരുന്നു എന്ന്  2018 ജൂൺ മാസത്തിലെ അൽ മനാറിൽ ...!

🌷അവർ കാഫിറുകളാണെന്നും നബി ആരാധിച്ചതിനെ അവരോ അവർ ആരാധിച്ചതിനെ നബിയോ ആരാധിക്കുന്നില്ലെന്നും സകല സംശയങ്ങളും തീർത്ത്- സൂറത്തുൽ കാഫിറൂനയിൽ അല്ലാഹു...

🌷അവർ അല്ലാഹുവിനെ ചീത്ത പറയുമെന്ന് ,ഖുർആനോതി-സഹാബികൾക്ക് മുന്നറിയിപ്പു കൊടുത്ത് തിരുനബി....

🌷മൗലവിമാർ അണികളെ പറ്റിക്കാൻ ഖുർആനിൽ നിന്ന് അടർത്തി എടുക്കുന്ന, തെളിവുകളെക്കുറിച്ച് സ്വന്തം ശൗകാനി പോലും പറയുന്നത്-

''അവർ സംശയത്തിൽ കളിക്കുന്നവരാകുന്നു. തൗഹീദിലും പുനർജന്മത്തിലും  തങ്ങളുടെയും  മറ്റു സൃഷ്ടികളുടെയും സൃഷ്ടാവ് അല്ലാഹുവാണെന്ന് അംഗീകരിക്കുന്നതിലും അവര്ക്ക് വിശ്വാസമില്ലെന്ന് മാത്രമല്ല അവരതിൽ സംശയാലുക്കളാണ്. കളിയുടെയും പരിഹാസത്തിന്റെയും ഭാഗമായാണ് അവരങ്ങനെ പറഞ്ഞിരുന്നത്'' എന്നാണ്.

تفسير فتح القدير:  ٤٢٣/٦

🌷മലക്കുകൾ പെണ്മക്കൾ ആയിട്ടുള്ള, ജിന്നുകൾ ഭാര്യമാർ ആയിട്ടുള്ള, ലാത്ത ഉസ്സ മനാഥ തുടങ്ങിയ കുട്ടി ദൈവങ്ങൾ പങ്കാളികൾ ഉള്ള   പടച്ചോനെയാണവർ ആരാധിച്ചിരുന്നതെന്ന് പരിഭാഷാ മൗലവിമാർ....

🌷മലക്കുകൾ പെണ്മക്കൾ ആയിട്ടുള്ള, ജിന്നുകൾ ഭാര്യമാർ ആയിട്ടുള്ള, ലാത്ത ഉസ്സ മനാഥ തുടങ്ങിയ കുട്ടി ദൈവങ്ങൾ പങ്കാളികൾ ഉള്ള  ഒരു പടച്ചോൻ ഇല്ലേ ഇല്ലെന്ന് മൗലവി...ഇല്ലാത്ത പടച്ചോനെ ആരാധിക്കുന്നവർ എങ്ങിനെ വിശ്വാസികളാകുമെന്ന് ചോദിച്ചപ്പോൾ മൗലവി കണ്ടം വഴി ഓടി...

🌷തിരു നബിക്കും അനുചരന്‍‌മാര്‍ക്കും സ്വന്തം നാടുവിട്ട് പുറത്തുപോകേണ്ടിവന്നത് അല്ലാഹു ആണ് “റബ്ബ്” എന്ന് പറഞ്ഞതിന്റെ പേരിലായിരുന്നുവെന്ന് അല്ലാഹു ഖുർആനിൽ...!.മക്കാ മുശ്രിക്ക് അല്ലാഹുവിനെ റബ്ബാണെന്നംഗീകരിച്ചവരെന്ന് വഹാബികൾ സ്വന്തം പുസ്തകത്തിൽ...!.വിശദീകരണം നൽകാനാവാതെ മൗലവി ക്ളീൻബൗൾഡ്...

🌷അവരെ വിശ്വാസികളാക്കിയില്ലെങ്കിൽ അല്ലാഹു ഒന്നിലധികം ഉണ്ടെന്നു പറയേണ്ടി വരുമെന്ന് മറ്റൊരു മൗലവി... പ്രമുഖ മതത്തിന്റെ ഗ്രന്ഥം അറബിയിലേക്ക് മാറ്റിയപ്പോൾ ,ജില്ലാ സമ്മേളനത്തിനുള്ള 'അല്ലാഹു'മാരെ കണ്ട മൗലവി പോയ വഴിക്ക് പുല്ലു പോലും മുളച്ചില്ല...!

🌷മക്കയിലെ മുശ്രിക്കുകൾ അല്ലാഹുവിനെ ചീത്ത പറയുമെന്ന് ഖുർആനിലുണ്ടെന്ന് മൗലവി... അതാണോ ഇവരെ കൂടെ നിർത്താൻ കാരണമെന്ന് ചോദിച്ചപ്പോൾ ബബബ...

🌷സുന്നികൾ മക്കാ മുശ്രിക്കുകളെപ്പോലെയാണെന്ന് മൗലവി...കലിമ ചൊല്ലിയ ഒരു മുശ്രിക്കിന്റെ പേര് ചോദിച്ചപ്പോൾ ,പറയാൻ സൗകര്യമില്ലെന്ന് മറുപടി ...!...

🌷പ്രവാചകന് മുമ്പുള്ളവർ അല്ലാഹുവിൽ വിശ്വസിച്ചിരുന്നില്ലേ എന്ന് മറ്റൊരു മൗലവി... ഇസ്ലാലാമിന്റെ സ്ഥാപകൻ മുഹമ്മദ് നബിയാണെന്ന് പറഞ്ഞ് പരത്തുന്ന പാശ്ചാത്യരിൽ നിന്ന് ദീൻ പഠിച്ചാൽ ഇതാണ് കുഴപ്പമെന്ന് കേട്ട മൂപ്പർക്ക് പെട്ടെന്ന് കാര്യം തിരിഞ്ഞു...

🌷അവരെ മുശ്രിക്ക് എന്നു പറയണമെങ്കിൽ യഥാർത്ഥ അല്ലാഹുവിൽ പങ്കുചേർക്കണ്ടേ എന്നൊരു മൗലവി...

അല്ലാഹുവിനെക്കുറിച്ച്  കേൾക്കുക പോലും ചെയ്യാത്ത,മലമുത്തിയെ ആരാധിക്കുന്ന ആദിവാസി-മുസ്ലിമാണോ മുശ്രിക്കാണോ കാഫിറാണോന്ന് ചോദിച്ചപ്പോൾ ,മൂപ്പരുടെ പോയ കിളി തിരിച്ചുവന്നു....!

🌷ഹുദൈബിയയിൽ നബി,ബിസ്മികല്ലാഹുമ്മ എന്നെഴുതിയത് മക്കാമുശ്രിക്കുകളുടെ വിശ്വാസം ശെരിയായതുകൊണ്ടെന്ന് മൗലവി...!...റഹ്മാനും റഹീമും വെട്ടിയത് നബിയുടെ വിശ്വാസം തെറ്റായതു കൊണ്ടാണോന്ന് ചോദിച്ചപ്പോൾ -മൗലവിക്ക് മിണ്ടാട്ടം മുട്ടി......!...

🌷അല്ലാഹു എന്ന വാക്ക് ,ഇംഗ്ളീഷിൽ god പോലെ അറബിയിൽ ദൈവം എന്നതിന് പകരം ഉപയോഗിക്കുന്ന വാക്കാണെന്ന് ഡിക്ഷനറി പരിശോധിച്ച മറ്റൊരു മൗലവി...എലിയെ ആരാധിക്കുന്നവരും പുലിയെ ആരാധിക്കുന്നവരും യേശുവിനെയും മാതാ അമൃതാനന്ദമയീ ദേവിയേയുമൊക്കെ ആരാധിക്കുന്നവരും  പ്രസ്തുത വാക്ക് അറബിയിലുപയോഗിക്കുമെന്ന് കണ്ടറിഞ്ഞ മൗലവി പെട്ടെന്ന് തന്നെ സ്ഥലം കാലിയാക്കി....

🌷ചുരുക്കത്തിൽ-അല്ലാഹുവിന് തൗഹീദും നബി തങ്ങൾക്ക് ശിർക്കും പഠിപ്പിച്ചു കൊടുത്ത്  സമാന്തര ഇസ്ലാമുമായി നിങ്ങൾ എത്ര നാൾ....?... വഹാബികളേ.... ചിന്തിക്കുന്നവർക്ക് ദൃഷ്ടാന്തമുണ്ടെന്ന് ഖുർആൻ....വഹാബിസത്തിൽ പെട്ടുപോയി എന്നു കരുതി ചിന്തിക്കില്ലെന്നു വാശി പിടിക്കരുത്...!...മലക്കുകൾ പെണ്മക്കൾ ആയിട്ടുള്ള, ജിന്നുകൾ ഭാര്യമാർ ആയിട്ടുള്ള, ലാത്ത ഉസ്സ മനാഥ തുടങ്ങിയ കുട്ടി ദൈവങ്ങൾ പങ്കാളികൾ ഉള്ള  മക്കാ മുശ്രിക്കിന്റെ സാങ്കല്പിക ദൈവത്തെ പേറുമ്പോൾ ,മരണവും ഖബറും മഹ്ഷഷറയും ഇടക്കിടക്കോർക്കുന്നത് നല്ലതാണ്...നിങ്ങളെന്ത് ചെയ്താലും ഞങ്ങളേറ്റെടുത്തോളാമെന്നു പറഞ്ഞ മൗലവിയെക്കണ്ട് ഒരാളും തലമറന്നെണ്ണ തേക്കില്ലെന്ന് തന്നെ ഫാതിമ കരുതട്ടെ...!... ബുദ്ധിയുള്ളവർക്ക് ചിന്തിക്കാനും വഹാബിസത്തെ അകറ്റി നിർത്താനുമുപകരിക്കുന്ന രൂപത്തിൽ ഇടക്കിടെ തനിനിറം പുറത്ത് കാട്ടുന്ന സകല മൗലവിമാർക്കും ഈ കുഞ്ഞനുജത്തിയുടെ ബിഗ് സല്യൂട്ട്...

                           #ഫാതിമാ_റഷീദ്...