തറാവീഹിനിടയിലെ സ്വലാത്ത് ചൊല്ലൽ

ഫതാവൽ കുബ്റയിൽ ഇബ്നു ഹജർ[റ]നോട് വന്ന ചോദ്യത്തിന് അവിടുന്ന് നൽകിയ മറുപടി:തറാവീഹിനിടയിൽ എന്ന സ്ഥലവിശേഷണത്തോടെ ഒരു സ്വലാത്തുണ്ടെന്ന് കരുതി വല്ലവനും സ്വലാത്ത് ചൊല്ലുന്നുണ്ടെങ്കിൽ അവനെ തടയണം. തറവീഹിനിടയിൽ എന്ന വിശേഷണമില്ലാതെ- സ്വലാത്ത് എപ്പോഴും സുന്നത്തല്ലേ എന്ന് കരുതി തറാവീഹിനിടയിൽ കൊണ്ടുവരുന്നവനെ തടയരുത്.[ഫതാവൽ കുബ്റാ 1-266]
ഇന്ന് എല്ലാ മുസ്ലിം പള്ളികളിലും തറാവീഹിനിടയിൽ സ്വലാത്ത് നടന്നു വരുന്നു.തറാവീഹിന്റെ സ്വലാത്ത് എന്നതിനെ ,അത്തഹിയ്യാത്തിലെ സ്വലാത്ത് എന്ന പോലെ ഒരു സ്ഥല നിർണയ സ്പെഷ്യൽ സ്വലാത്ത് ആയി കരുതിക്കൊണ്ടല്ല, മറിച്ച്-നിങ്ങൾ സ്വലാത്ത് ചൊല്ലുക എന്ന കല്പപനക്ക് പരമാവധി വഴങ്ങാൻ ശ്രമിക്കുക എന്ന നിലക്കാണ്.ഈ വഴങ്ങൽ മറ്റു സമയത്തുമുണ്ട്.യോഗം പിരിയുമ്പോൾ ,ആശീർവദിക്കുമ്പോൾ........ഇതൊന്നും ഒരു സ്ഥല സമയ നിർണിത സ്വലാത്തല്ല. വക്രബുദ്ധിക്ക് ഇഷ്ടപ്പെടാത്തതൊക്കെ നരകത്തിലാക്കുന്ന ബിദഈ ശൈലിക്ക് ഇസ്ലാമുമായി യാതൊരു ബന്ധവുമില്ലെന്ന് ചുരുക്കം!