റൗളാ സിയാറത്ത്-വഹാബിയുടെ പുണ്യമെവിടെ!

🌑🌑🌑🌑🔘🔘🔘🔘
കേരള വഹാബിക്ക്
നബി(സ)യെ സിയാറത്ത്
ചെയ്യുന്നതിലല്ല പുണ്യം.🙁
➖➖➖➖➖➖➖➖
ആത്മീയ മാർഗങ്ങൾ
അടച്ചുകളയുക പുത്തൻ വാദികളുടെ പ്രധാന അജണ്ടകളിലൊന്നാണ്.
വിശ്വാസികൾ ആത്മീയ വളർച്ചക്ക് ഇടം കണ്ടെത്തുന്ന
സിയാറത്ത്, ഖിറാഅത്ത്, ദിക്റ്, സ്വലാത്ത്, മഹത്തുക്കളോടുള്ള സഹവാസം തുടങ്ങിയവയെ എതിർക്കുകയും നിരുത്സാഹപ്പെടുത്തുകയുമാണ് മൗലവിമാർ ഇക്കാലയളവിൽ
ചെയ്ത് വെച്ചത്.

മഹാന്മാരെ സിയാറത്ത് ചെയ്താലുള്ള ആത്മീയാനുഭൂതി
ഒന്ന് വേറെത്തന്നെയാണ്.
പ്രമാണങ്ങൾ കൊണ്ട് സ്ഥിരപ്പെട്ട മഹത്തുക്കളുടെ ഖബർ സിയാറത്തിനെ മൗലവിമാർ നിരുത്സാഹപ്പെടുത്തുന്നത് നോക്കൂ.

നബി(സ)യെ സിയാറത്ത് ചെയ്യുന്നതിനേക്കാൾ  വഹാബി മൗലവിമാർ പുണ്യം കാണുന്നത്
സാധാരണക്കാരുടെ ഖബർ സിയാറത്താണത്രെ.

കെ.ഉമർ മൗലവി എഴുതുന്നു:

" സിയാറത്തിന്റെ പുണ്യം ആഗ്രഹിക്കുന്നവർ സാധാരണക്കാരുടെ ഖബർ സിയാറത്ത് ചെയ്യുകയാണ് വേണ്ടത്. നബി(സ)യുടെ ഖബർ സിയാറത്ത് ചെയ്യുന്ന തിനു പ്രത്യേക പുണ്യം പറഞ്ഞു കൊണ്ടുള്ള ഹദീസുകളിൽ സഹീഹായ ഒരെണ്ണം പോലും ഇല്ല. മിക്കവയും കളവും ചിലത് ളഈഫുമാണ്. കർബലയിലേക്കും, നജ്ഫിലേക്കും, അജ്മീറിലേക്കും, നാഗൂരിലേക്കും പോകുന്നവരും ഗുരുവായൂരിലേക്കും, ശബരിമലയിലേക്കും പോകുന്നവരും തമ്മിൽ എന്താണ് വ്യത്യാസം?  "

      സൽസബീൽ
      1994 ആഗസ്:
      പേജ്: 36

മൗലവീ... മടിക്കണ്ട... അതും കൂടി വ്യക്തമായിട്ട് തന്നെ ചോദിച്ച് ,സംഗതി പൂർണ്ണമാക്ക് ... നജഫും കർബലയും താണ്ടി മദീനയിലെത്തട്ടെ....'''ഗുരുവായൂരിലേക്കും ശബരിമലയിലേക്കും പോകുന്നതും മദീനയിലേക്ക് പോകുന്നതും തമ്മിൽ എന്താണ് വ്യത്യാസം...!....'''

അവസാനം ,1994 ൽ പകുതി വിഴുങ്ങിയതും,ഖബർ സിയാറത്ത് മരണത്തെ ഓർക്കാനും മരണപ്പെട്ടവർക്ക് വേണ്ടി ദുആ ചെയ്യാനുമാണെന്നും അതിനാൽ മമ്പുറത്തേക്കും മടവൂരിലേക്കുമല്ല പോകേണ്ടതെന്നും ആക്രോശിച്ചിരുന്ന വഹാബികൾ ഹജ്ജിനൊപ്പം മദീനയിലേക്ക് സിയാറത്ത് സംഘടിപ്പിക്കുന്നതിൽ വരെ കാര്യങ്ങളെത്തി! മദീനാ സന്ദർശനമെന്നേയുള്ളൂ എന്ന് പറഞ്ഞ് തടിയൂരാൻ ശ്രമിച്ച മൗലവിയോട് - സിയാറത്ത് എന്ന് പറഞ്ഞാൽ സന്ദർശനം എന്നല്ലേ എന്ന ചോദ്യം വന്നപ്പോൾ ബബബ!!! 

മദീനത്തെന്തിനാണ് പോണത്?

നബിയെ സന്ദർശിക്കുമോ?

നബിക്ക് സലാം പറയുമോ?

നബി സലാം കേൾക്കുമോ?

നബി സലാം മടക്കുമോ?.....തുടങ്ങി നൂറു കൂട്ടം ചോദ്യങ്ങൾ ! മറുപടി ഇല്ലാത്ത മൗലവിമാർ ഫോൺ കട്ട് ചെയ്യുന്നത് മാത്രം മിച്ചം!!!മൂന്ന് പള്ളികളിലേക്കല്ലാതെ യാത്ര പോകരുതെന്ന ഹദീസിന്റെ- ഇത്രയും നാളത്തെ വഹാബിയൻ നിർവചനം തൊള്ളയിൽ കുടുങ്ങി, അകത്തേക്കുമില്ലാ - പുറത്തേക്കുമില്ലാ അവസ്ഥയിലാണ് പാവം മൗലവിമാർ!!! സോഷ്യൽ മീഡിയകളിലൊട്ടിച്ച പോസ്റ്ററെങ്ങിനെ കീറുമെന്ന ഗവേഷണത്തിലാണ് സാധുക്കളിപ്പോൾ! അതുമിനി - മറ്റു വിഷയങ്ങളെപ്പോലെ വല്ല പ്രവർത്തകരുടേയും തലയിൽ വച്ച് തടി എടുക്കുമോ എന്ന് കണ്ടറിയാം!